Friday, January 14, 2011

لايافرج

Friday, January 14, 2011

الشعب التونسى: ايه

الشعب المصرى:ايه ...ايه

الشعب التونسى: انت اهبل ولا ايه أنا عملتها!!

الشعب المصرى بيبص للشعب التونسى بنظره شكه وريبه ويبعد خطوتان لورا:ويردد بطريقه بلهاء عملتها

!!!!!

الشعب التونسى: انت مش واخد بالك ولا ايه!!أنت مش ناوى تعملها ولا ايه

الشعب المصرى بكل ثقه وفخر: لا انا أطهرت من بدرى

الشعب التونسى:!!أنا بكلمك عن التحرير

الشعب المصر ى مقاطع الشعب التونسى: ااااااه ممكن تركب المترو او اى أتوبيس هيوديك على هناك على طول

الشعب التونسى: بس أحنا طريقنا مكنش فى مواصلات كنا أحنا المواصله

الشعب المصرى يسخر بداخله من الشعب التونسى:ان شاء الله هنركب أول توك تك وهنجيلكم

الشعب التونسى يقترب من الشعب المصرى ويحط أيده على كتفه

الشعب المصرى ينتفض بمجرد وضع يد الشعب التونسى عليه ويتذكر مشهد لفيلم الكرنك الشهير عند اغتصاب فرج لسعاد حسنى

الشعب التونسى مقترب هامسا

الشعب المصرى فى وضع استعداد ليصرخ ويقول بأعلى حس لا يافرج لايا فرج

الشعب التونسى: بس عمرك ماهتوصل مادام مستنى مواصله

وقبل ان يذهب الشعب التونسى رمق الشعب المصرى بنظره( لم تتحد هويتها الى الان) هل هى نظره أمل أم نظره ملئ بالخيبه

ومازال الشعب المصرى

مستعد ليصرخ ويقول: بأعلى حس لا يافرج لايا فرج


9 comments:

adel said...

فرج طلع تونسي

sony2000 said...

وربنا يستر بعد كدا:))))

عمرو يسرى said...

بعد سنين من عرض فيلم الكرنك اخيرا عرفنا جنسيه فرج
فرج طلع تونسى
ربنا يستر على سعاد

♥نبع الغرام♥♪≈ said...

ههههههههههه حبيبتى

اجمل التحايا لشعب التونس الجميل
وسلميلىعلى فرج
لولولولوووووووووووووووى

محمد ملوك said...

لا
الفرج آت لا محالة
تحيتي ومودتي

همزة said...

مبروك لتونس اللى فر منها فرج
عقبال كل الفراريج
وجزمتين قدام على دماغ زين الهاربين ومقص وسيشوار للست ليلى نتافو

!!! عارفة ... مش عارف ليه said...

إذا الشعب أراااااد يوماً الحياة

لابد أن يستجيب القدر

الموضوع كله أخره كلمة ونص

الإرااااااادة

بس لا اكتر ولا اقل

الإرادة حقيقية للتخلص من فرج

ليس فقيرا من يحب said...

ياا مسهل الحال يا كيكتى

أم بتول said...

كيكى عارفة ايه الفرق بين التونسى و المصرى
التونسى تقولى له ثور فيثور
لكن المصرى تقولى له ثور يقول لك أحلبوه !!!!!!!!!!! وعجبى

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket