أعدقاء..للابد

عااااااااااااااااااااااااااااااااااااا.....مش عارفة أقول اية؟؟..أحم أحم اية دة أحنا على الهواء

ثوانى أجيب حاجة تقيلة.....

مش فى دماغى حاجة ومفيش فكرة ولا اى حاجة ومستعجلة وووحاجات كتير

يووووووووووووووووووووووو

نسيت أقولكم المناسبة أصلا!!!

انهاردة عيد ميلااااااد بيكر

رغم أنك يابيكر صاحبى ا للدود

رغم أنناأعداء..بس دة مايمنعش أنى أقولك كل سنة وانت طيب يعنى

سامعة حد بيقول ودة بوست تهنئة ولا جر شكل

طب انا مش فى دماغى حاجة اكتبها دلوقتى أعمل اية؟..طب ينفع أسرق أغنية وأكتبها بأسمى وتعملو نفسكم مش واخدين بالكم..هااااااا..أسترو عليه الله يستركم دنيا واخره شكلى وحش أوى قدامه دلوقتى

ياااااااااااااااااااااااااااارب أوحلى بفكرة ...أحد أحد
*****************************

بيهل هلالك علينا كل فين وفين

وبيسطع ضيك علينا ينور ليالينا

مليت الدنيا علينا فرحه ملهاش نهايه

خليت قلوبنا ترقص من السعاده

وكل يوم يعدىبيزيد شوقنا لطيفك

أمانه عليك ماتغيب كتير

وأرجع أوام نور ليالينا

*****************

هيييييييييييييييييييييييييييييييييييييييييييييييييييه..عرفت أكتب حاجة اى نعم فساكونيا وتحس انك عايز تقول

وحوى ياوحوى..رمضااااااان جانا..بس انا أسف يابيكر دة الى جاه فى نفوخى وانت ستاهل اكتر بكتير

يلاااااااااااااااااا بقى شوف الهدايا بتاعتى...عشان بيكر على وش جواز عايزين نجهزوا

دى هدية عم حتاته

جيبلك جيتار عشان عارفه انك بتحبه ومع واحد هدية يعزف عليه!!

مش عارفه أية دة بس خدها وخلاص

على فكرة بيكر النهاردة هيتقدم لديكا صاحبتى عايزين كلنا ندعيله

ياااااااااااااااااااااااااااااااااااااااارب تنجح ياتتتتتتتتتتتتتتتتتتتتتتتتتح

كل الناس بتقول يااااااااااااااااااااااااااااااااااااااااااااارب

كل سنه وانت طيب عشرة مرات وبلون موف هاااااااااا

على فكرة عم حتاته ناوى يحجزلك فى مركز شباب المشابك للفرح ان شاء الله

**************************************

بيرى حبيبتى كل سنه وانتى طيبة عيد ميلادها برضه النهارده..والله ياحبيبتى لمة ارجع بس هظبطك بحاجه كويسه

***ملحوسه**

يوم الثلاثاء الجاى حفله توقيع الكتاب الثالت للمدونين ..حاجة فى دقى انا نسيت اسم المكان بس هو الى تخش على ايدك اليمين وانت جاى من وراء هااااااااا دى وصفة سهلة بعرف اوصف انا بس هو الميعاد اربعه ونص فييييييييييييييييييين ياترى؟؟؟ معرفش ماما مى تبقى تديكوا العنوان بقى

سلاااااااااام بقى عشان اروح أجيب الطرحة لا لا لا مش عشان أرقص

ااة منكم ومن دماغكم...عشان أنزل

يوم الثلاثاء 3-3 الساعه 4.30

المكان

المركز الثقافى الدولى

17 ش السد العالى ميدان فينى الدقى

الشارع المقابل لشيراتون الجزيرة

اقرب محطة مترو انفاق محطة الاوبرا

الزمان

يوم 3 مارس الساعه 4.30 عصرا

سلاااااااااااااااااااااااااام

جاءنا البيان التالى+تحديث

مصر تخترع أول ألة حاسبة مصرية وتسمى أحسبها واتكل على الله..وتتميز بخواص عديدة امكانية ضرب وجمع وطرح الارقام من 5:1 ويوجد بها خاصية نادرة الوجود هى خاصية أظهار الناتج وسوف تطرح قريب بالاسواق !1

**********

أصبحت مصر الدولة الاولة ..فى تصدير طوابير العيش للخارج

****************

أعلن وزير الشباب والرياضة..فوز مصر بالمدالية البلاستكية فى بكين فى لعب البلى متوفقة على منافستها التقلدية كومبو

*****************

أعلن وزير الاسكان..توافر الخيم لتسكين الشباب الجديد وهى على اعلى مستوى مزودة بزير حديث وجردل لزوم

w.c

وتطل الخيم على ترعة ولاد ابو أسماعيل وسوف تكون متوفرة بالالوان قريبا

*******************

أعلن وزير العدل...عند أصدار البطاقة الجديدة على كل مواطن ان يستخرج شهادة ميلاد الام والاب والجار والبقال..الخ الخ،وطلب دمغة من المنوفيه ثم امضاء اتينين موظفين من المنصورة ثم تروح تدى اكرامية لساعى قنا ثم تصدر البطاقة لك من بيروت..ولذلك لسهولة الاجراءت على المواطنين

**********************

أعلن وزير الصحة...... بفضل الدواء المصرى الذى يؤدى للصرع والشلل والذبحة الصدرية والتبول اللااردى.. دخول المصريين موسعة جينز للمميات الحيه

******************

أعلن وزير التعليم..ألغاء سنة ستة الى أثارت الجدل..ونزول سنة سابعة بدلا منها لسهولة التعليم المصرى

*************************

أعلن وزير الاعلام...تخفيض مسلسلات رمضان من2563 مسلسل الى 1258 مسلسل واشترط ان تكون الحلقات
مائة وعشرون حلقة فقط وايضا قرر خفض مدة الاعلانات من ساعتان الى ساعة ونصف..وذلك منعا للاسفاف الفنى

**********************

أعلن وزير المواصلات....على سائقى الموتسكلات ان يلبسوا الحزام ووضع طفاية خلف الموتسكيل ومثلث امامة..لضمان امانة المواطنين

*************************

و التوك تك يعلن احتجاجه بعد سماعة هذا الخبر

***********************

أعلن المعلم الكبيرررررررر.......لرقة احساسه ومشاعره النبيله مشاركة شعبه النحنوح فى الفلنتيح داى..جعلوه اجازة رسمية وصرف رغيفين عيش بماسمير ملونة بلون الاحمر ووضع دبدوب احمر بجانب النسر

**************************

شعبولة يصدر اغنية بهذه المناسبة

وأيييييييييييييييييييييييييييييييييييييييييية

*******************

تنويه أخير وعلى رقبتى السلاح..أعلن انا كيكى شلاطة ان البت المشمشية حلوة بس شقية جالها زهايمر حاد وفقدت الباص ورد بتاع مدونتها وعملت واحدة جديدة أسمها

http://o0mshmsh0o.blogspot.com/

ألى هنا أنتهى البيان وأترفع السلاح

وأيييييييييييييييييييييييييييييييييييه

أحلام...مبعثرة

**يقول البعض اذا أردت ان تعرف نفسك حقا فأبحث عن أحلامك**

ولكن كيف أبحث عن احلامى وهى مشتتة مبعثرة على ممر طرقات عمرى!!1...، فقد تركتنى أحلامى وحيدة ،تركتنى وهى تلعننى وتسبنى بأبشع الاشياء لا أذكر غير بضع كلمات"حقيرة،جبانة،لم تستطيعى يوما أن تواجهى الناس بى تخجلى منى دوما رغم انك من خلقتنى بداخلك يوما بعد يوما تزيدى اقفال على تريدى ان تمحينى بيأسك وضعفك لا لن أسمح لك ان تمحينى سأتركك ايتها البغيضة وأرحل فأنتى لا تستحقين ان اظل بجوارك ....فليلعن الله من هم مثلك من يمحون احلامهم بأيديهم بسبب خوفهم من عادتهم وتقاليدهم..ام انا سأذهب وسأحقق نفسى مع من أستحق..وتركتنى وكيف لى ان أكبح جماحها وقد أصبحت مثل طائر سجين أخذ حريته

تخلت عنى احلامى او أنا من تخليت عنها .......
حقا لاأعلم او أعلم واخشى الاجابة؟؟...لكن تظل كلماتها تردد مرار وتكرار فى أذنى

....فليلعن الله من هم مثلك

.....فليلعن الله من هم مثلك

....فليلعن الله من هم مثلك

أزاى تعرف أنك بتتفرج على فيلم عربى؟؟؟

عزيزى المشاهد اليك بعض الارشادات والنصائح العامة لكى تتعرف على نوعية الفيلم الذى تحبة ومن أهم الانواع التى نستعرضها الان هى الافلام العربية

***كيفية التعرف على الفيلم العربى**

لازم البطل يعرف البطلة ويحبها كمان فى اول عشر دقايق من الفيلم بكذا طريقة وأشهرهم على الاطلاق

ان يكونو الاتنين فى مكان واحد وهى متعرفوش ولاهو يعرفها مرة واحدة يبص فى عينها سبحان الله يطلع شعاع من عينة وهى مرة واحدة شعرها يطير وتلاقى المطرة مطرت رغم ان يكونو فى الصيف ويجريوا على بعض..ونسمع أغنية كنا فى أواخر الشتا لى أليسا!!!1

***********

لازم البطلة تكون أمها أتحرقت وأبوها فى السجن وأخواتها أيتام ..تضرا تشتغل عند واحد فى شركة ويضرا هو برضة انه يعكسها فترفض طبعا وتقول:لا يامجدى باشا مش عشان أحنا فقرا يبقى شرفنا رخيص وتنهار من العياط..وفى أخر الفيلم نلاقيها بتشتغل رقاصة بس بشرفها!!!
**************

لازم أم البطل تكون صاحبه مرض وتقول قبل ماتموت:يامحسن يابنى انا لازم أعترفلك بسر الراجل الى جوة دة مش ابوك ولاعم صفوت البقال ابوك ولاعلى جارنا ابوك ولاميمى ابوك..انا لقيتك قدام معبد يهودى وقلت اربيك وأكسب فيك ثواب روح يابنى دور على أهلك وماتنساش قبل ماتنزل تطفئ نور الصالة وتحاسب على الايجاروتجبيلى من أم محسن الى قصدنا فحلين بصل كانت واخدهم منى قبل أااة أأاااة قلبى قلبى ماتت!!1

*************

لازم البطل يقوم بدور الاب والاخ والخال والعم والجاروالصاحب وصاحب الصاحب والبواب والبقال والام والاخت والخالة والعمة والحبيبة الخ الخ الخ .....,أحيانا المشاهدين

!!!!

*********************

لو البطل أتصاب بطلق نارى لازم وضرورى جداااااااا انه يتصاب فى كتفه وعمرة مايموت ابدااااا والبطلة تجرى عليا وتقول:هتكلم امى امتى وتجئ تخطبنى يامنيل؟؟؟ رغم متفهمش اية علاقة الحوار دة بالمشهد الى عدى..سبحان الله بجد

******************

لمة تسمع جملة:أنا دايخ ونفسى غمة عليا..يبقى الرد:مبرووووك أنتى حامل ولمة يلاحظو ان البطل هو الى قايل الجملة يبقى الرد:مبروك أنت حامل!!!!1

*****************

لمة يكون مشهد وداع بين البطل والبطلة وهى بتكون بتودعة...يفضلوا كل شوية تندهولة وتجرى عليا وتقول أحمد وهو يقول منى رغم ان ممكن اسمايهم فى الفيلم متكنش كدة..!!!1

*****************

لمة البطلة تكلم البطل على الكورنيش ويكونوا قاعدين قاعدة ولامؤاخذة شوية وتقولة: معلش ياحبيبى أتاخرت عليك أصل سوائق مامى جورج الزفت أتأخرعليا..البطل يقول بكل حماس وتلاقى عينا احمرت: جورج مرة واحدة تلاقى وراء البطل والبطلة فى مركبة قسيس وشيخ بيحضنوا بعض

!!!!!!!!

******************

لو البطل رياضى ..لازم تسمع طول الفيلم أغنية:المصريين أهمه حيوية وعزم وقوة..حتى لو أتهزم البطل فى النهاية

!!!

****************

ـــ الى هنا عزيزى المشاهد كانت هذة أهم المقتطفات الهامة لمعرفة ماتشاهدة ونحذرك تحذير هاااام أذا وجدت مثل هذة المقتطفات الابتعاد فورا حتى لاتصاب بالعتة المصاحب بالشلل الرعاش والتخلف الذى يؤدى لمجرد رؤيتك لحمار فى الشارع تجرى وارءة وتقول أخويا أخويا وننصحك بالبدائل أقل ضرر وهى رؤية الافلام الهندية

the end

حلم غير تقليدى!!

لم تكن تحلم مثل باقى رفيقاتها بالحلم التقليدى ...الفارس المنتظر الذى سوف ينتشلهم من وادى الضياع الى بر الامان كما

يظنون!!1 بل كان حلمها أبسط من ذلك ابسط مما تتوقعونة أنتم الان؟.......................؟

ذات يوم استيقظت(....) من نومهاكالمعتاد على صوت أبيها يتشجار مع أمها على اى شئ لاتفة الاسباب هو يثور" فكان هو المنبه البشرى البغيض" الذى يذكرها بيوم أخر ستحيا نصف أدمية بلا مشاعر فقد حولها أباها الى تمثال متبلد المشاعر فلم يكن بينهم يوم اى حوار اواذا كان فهو لايتعد بضع دقائق يذكرها فى ان زفافه من امها غلطة حياتة وانها "المسخ الذى أتى لينغص عليه حياته اكثر فكان كثير الدعاء عليها من ورائها او امامها!!..هى لم تعد تتأثر بكلامه مثل الماضى فقد أصبحت أقاويلة مثل سيفونية قديمة كريهة المقاطع حفظتها عن ظهر قلب...فلا امل لديها ان يغير العازف مقطعوته فهو لان يمل ابدا مادامت تروق له حتى اذا مات المستمعين فهو مستمتع بعزفها حتى الرمق الاخير...

...عندما كانت تزور صديقتها المقربة لها ووسط حديثهم طرق باب الغرفة ودخل أبا صديقتهافهو كان مسافر من عدة اشهرفما كان من صديقتها الا انها جرت عليه واحتضنتة بشدةوهو قبلها وبكوا. نظرت اليهم بشرود وأستنكارفهى لم تفهم ماذا حدث..حدثت امها عن ما راته وتسألت:هل يوجد يا أمى أبا يحضن أبنتة؟مامعنى هذا الحضن وماذا يشعرون؟ فما ماكان من امها الا ان حضنتها وبكت

..هى لم تفهم ايضا لماذا بكت امها وتركتها تعزف مقطعوتها هى الاخرى من سوء الاختيار الى نهاية المقطوعة المعتادة

ذهبت الى غرفتها لتنام وما أن اوشك ان يداعب النوم عينها وجدت باب غرفتها يطرق استغربت بشدة فانها تعلم ان امها

الان فى سبات عميق وسط تفكيرها يدخل رجل اصلع قصير وملئ بنظارةو يرتدى ملابس تشبة ملابس الرجال وقت الثلاثينات كانة خارج من متحف الان يقترب من فراشها ويمسك يديهاويعطيها مريلة مدرستها القديمة ويشير اليها بالخروج فما كان منها الا ان لبستها ولم تفكر كيف سوف تخرج هكذا فى منتصف الليل مع رجل غريب وكيف ترتدى هذة المريلة وهى بالغة الان لم تفكر فى شئ قط فقط ارتدتها و فردت شعرها الى نصفين دائما كانت تحب هذة التسريحة لكن اباها كان يمنعها أستعجلها الرجل بالرحيل قبل ان تذهب له بحثت عن دميتها المفضلة التى خبئتها منذ زمن عن اباها حتى لا يمزقها امسك يديها واخترقوا الجدار وجدت نفسها فى طريق مدرستها القديمة التى احبتها دوما اوصلها الى باب المدرسة وقبل ان يدخلها اعطاها شيكولاتة فهى تهيم عشقا بها واحتضنها بشدة وهى ايضا احتضنتة بشدة وبكت اشار اليها بجرس الحصة الاولى نظرت الى المدرسة ثم أعاد ه النظر الية وجدته أختفى ثم اعادت النظر الى المدرسة وجدتها ايضا اختفت لكن صوت الجرس يزداد بشدة وقسوة جعلها تئن فى صمت فهى تعلم الان مامصدر صوت الجرس انة منبهها البشرى البغيض لا لم تعد تتحمل الالم بعد الان صرخت بقوة أتت الام الى غرفتها مسرعة تحاول أفاقتها بشتى الطرق لكن دون فائدة أحضرت الطبيب حاول أفاقتها لكنه ايضا لم يفلح أصبحت هكذا طريحة الفراش واصبح أمر أفاقتها ميؤوس منه .

هى تخشى أن تفتح عينها حتى لا تفقد ايضا أبا أحلامها فهى فى أنتظاره كل ليلة....

(لكنهم لا يفهمون)

أختار مما يأتى؟؟؟؟

برجاء حل الاسئلة التالية فى زمن قياسى لا يتعدى أربع ساعات ونص مع عدم أستخدام الالة الحاسبة وعدم ضرب المراقب ورجاء كتابة الاسم ورقم الجلوس..ورقم التليفون ياريت لو كنتى بنت !!!

أختار مما يأتى

******

س1.مامعنى كلمة زمالك؟

هلى هى كلمة ولا مؤاخذة

هل هى كلمة انجليزية

هل هى كلمة خيالية

س2.أين يقع مركز شباب الزمالك؟

وراء البنزينة

وراء ابو طارق بتاع الكشرى

وراء ام ابراهيم بتاعت البيبسى

س3.ماهى شروط الالتحاق به؟

هل ان تكون مختل عقليا

هربان من السجن

عايز تهرب من التار

س4.من اهم ابرز مشاجعين لمركز شباب الزمالك؟

على علكه

أشرف كخه

مرعى بتاع الكليمه

س5.ماذا تفعل أذا وجدت فى طريقك أحد مشاجعى الزمالك؟

تبوسه وتحطة جنب الحيط

تستغفر ربنا يهدى

تغزو بمطوه وتخش الجنه علطول

س6.عرف بوضوح الاعراض الجانبية الى تحدث لك عقب انتهاءك من مشاهدتهم للعب؟

هل تصاحبك اعراض دوخة وقئ

اسهال دائما

تبول لا اردى

س7.كام مرة اتهزم الزمالك؟

252552مرة

22254مرة

545545مرة

س8.من الحق بالزمالك بالهزيمة الاخيرة؟

نبيلة عبيد

عاطف عبيد

مركز شباب بنى عبيد

س.9من هو عدو الزمالك اللدود؟

أم احمد

أهل ام احمد

ولا جوز أم احمد

س10.ما سبب مايحصل للزمالك؟

معمول له عمل

حد ما تكلم عليه

مش بيكشف على مكسب

س.11بماذا تنصح الزمالك؟

وضع خرزة زرقاء

عمل حجاب عند شيخ مضمون

لبس طرح

س12.هل تذكر مرة كسب فيها الزمالك؟

لا والله محصلش

انا كنت فى الحمام ساعتها

كنت نايم جنب امى

س13.ماذا تهدى أغنية للزمالك؟

روح منك لله

ايها الراقدون

أطبطب وأدلع

س.14ماذا تحلم للزمالك؟

نفسك تشوفة بيكسب

نفسك تولع فى

نفسك تؤدى ترب الغفير

س15.كلمة اخيرة نفسك تقولها للزمالك؟

هتقول كلمة أبيحة

ولا

كلمة أبيحة

ولا

كلمة أبيحة

**مع أطيب تمنياتى بألفشل التام**

وأن لله وان اليه رجعون

كلمة اخيرة أرفع راسك فأنت اهلوى!!!1

الترنيمة الاخيرة

: سأعزف لآخــــر مرة

على اوتار الحياة

سأعزف كما لم أعزف من قبل

سأشدو بأجمل اناشيدى

وأجمل الألحان

سأشدو بأنشودة الحرية

وأجعل صدى صوتى يعلو

ليصل الآفاق

سأجعل الحياة تهيب خوفا ً من ترنيمى

سأجعلها تندم على تمزيق اوتارى على نسيان أحلامى

على فقدان آمالى

سأجعلها رغم انفها تشدو معى انشودة السلام

سأجعلها تنسى الخوف والحرب والفقدان

سأعيد ترتيب أولويات الحياة

وفقا ً لآمالى وأحلامى

وفقــا ً لقوانينى وقواعدى

ومن نبض قلبى ستكون

شرارات البداية

فبالقلوب فقط تنبض الحياة

وبالأحاسيس فقط

تشرق الشموس

وعلى الظلم سأشن حروبى

ومن بين أطراف أصابعى

ستكون البدايات المتأ ججه

سأكون أنا نقطة البداية والملتقى

والنهاية

ويرتفع صوت ترنيمى

ليخترق الآاافاق

ويعلو ليزعج الطغاة

وإن يوما ً قتلونى

ستظل أناشيدى

رغماً عنى

وستبقى رغم رحيلى

الترنيمة الاخيرة

شاهدا ً على ثورتى

وعلى الحق

والإيمان

.......
بقلم
كيكى ودعاء مواجهات