Friday, May 30, 2008

ملعون ابوكى غربة

Friday, May 30, 2008

ملعون ابوكى غربة بتغربى الجدعان وترملى الستات وتشحططى العيال وتفرقى الاحباب....وبتقفلى الابواب يجرى الجدع من دول على لقمة عيش ياكلها..ينط..يفط..يعوم..يطير....ميلاقيش فى النهاية غير تابوت يرجع فيه..
ملعون ابوكى بنت كلب.........

59 comments:

حمادة زيدان said...

كيكي

حمدالله ع السلامة من الاستفشلات


وملعون أبو أهل الغربة يا ستي بس متزعليش

سلاموز

Coca said...

بس اهدي شكل غربه دي تعباكي اوي
هي عملتلك حاجه

الغربه وحشه لما نكون بعيد عن المكان والناس اللي بنحبهم

في ناس تانيه الغربه عندهم احلي كتير

اسم غربه ده لوحده غلس

تحياتي

Anonymous said...

كيكى

السلام عليكم

مدونتك جميلة جدا فى البداية اكتر حاجة عجبتنى يوميات برعى وتفيدة


والغربة وحشة قوى

بس البلد بلدنا الظاهر علينا بتكرهنا
عرفة فاروق السيوطى

تحياتى

كيكى عوووووو said...

اييييييييييييييية...يا اخونا مالكم....هى ضايقتكم..اووووووووى كدة..ولا علشان متعودينى منى على استيل معين قلقتونى والله....بس لمة كتبتها..كنت محروقه اووووووووووووى..بجدفى واحدة عزيزة اوى عليه..سافرت مع جوزها فى الغربة.وهم هناك عايشين الحمد الله..بس هى كل ما تكلمنى..قد اية تكون مضايقة ومتقاطعة من جواها..بجد مهم كرهنا بلدنا مش هى السبب..الى فيها همة السبب...كفاية بقى علشان معيطش علشان افتكرتها..بجد..على عموم البوست الجاى..هيعجبكم اوووى..الاستيل الى انتوا بتحبوا...بسي اخر حاجة هو لمة اكتب عن برعى وتفيدة.... او عن مذكراتى لمة ما اكتبش...قلقتونى بجد

كيكى عوووووو said...

حمادة..منور ياباشا...والله انا مش زعلانة بس هى صعبة اوووووى
كوكا....منورة ياقمر والله...عرفتى لية هى تعبانى.....ابقى تعالى تانى ياعسل
عرفة فاروق....
منور اول حاجة....اخر بوست كان عن برعى وتفيدة...مجرد تغير مش اكتر..بس قصدك اييييييييية ..قصد الغربة نفسها وحشة ولا كلامى....هستنك البوست الجاى...تحياتى ليك...ومنور علطولللللللل

emy said...
This comment has been removed by the author.
emy said...

بخ انا جتلك اهو
كلامك عن الغربة حلو اوى يا كيكى
بس قوليلى اية خلاكى تكتبى عنها
اوعى تكونى سيبتى البيت ولا حاجة
سلاموز ياقمر

أبو خالد said...

أبنتى الغالية /كيكى
حمد لله على سلامتك
و يارب يتتم الجهود بالنجاح
و على فكرة أنتى أخترتى موضوع الغربة
و هو الموضوع الرئيسى للشعب المصرى
فنحن كمصريين نقع تحت و احدة من ثلاث
أما مغتربين بالخارج و علاجها سهل المراسلة الحديث بالتليفون الزيارة الثانوية .
و أما أهالى مغتربين يعانون الشوق و أفتقاد الأخبار خاصة لما يكون المغترب غير شرعى كما يقولون .
و الثالثة و هى الأهم و الأخطر أن تشعر بالغربة فى و سط أهلك و ناسك و فى بلدك ،و الثالثة هذة هى الجحيم بعينه و يعيشها معظم الشعب المصرى من الطبقة الوسطى التى أنقرضت و الطبقة الفقيرة ..
موضوعك جميل ،و تفيدة و برعى جميل
المهم الأبداع
دمتى مبدعة أما عن الشيكولاتة من العين دى و العين دى

المخبر العام said...

وعلى ايه الشتيمة يعني
هوا في حد بيجبر حد يتغرب

رحاله said...

بسم الله
السلام عليكم
كيكى
بجد مش قصدى حاجه والله
كنت بهزر معاكى
والله دة انا بحبك يابنتى اوى كمان
وهجيب ليكى القطه
بجد مش تزعلى
والله مكان قصدى حاجه
ومعلش انا مش اعرف اى رسايل موبايل مش معايا واحد ياكيكي
معلشششششششششششششششششششش
متزعليششششششششششششششششش
بحــــــــــــــــــــــــــــــك
جيلااااااااااااااان

Diyaa' said...

أنا فين ؟!
Exams !!
sorry :(
المهم..موضوعنا
الغربة أصعب أوي
لو كانت في بلدك
وده اللي بحس بيه
وأصعب أكتر ..لو كانت
وسط أهلك أو معارفك
ربنا يكفينا شر الغربة
وأنا شخصياً لو أغتربت بره مصر
هلعن ضعفي ممكن..هلعن غربتي في بلدي
لكن الغربة بره..بالعكس..مهما كان عيوبها فكفاية إني لقيت مكان يحتويني
في لحظة أنا ما كنتش لاقي فيها مكان أنجح أو مكان أعيش فيه وأكون راضي عنه

عموماً..ربنا يرجعلك صاحبتك بالسلامة
وعلي فكرة العربي بتاعك عايز تضبيط لما بتكتبي في التعليقات بتكتبي أي حروف تيجي تحت إيدك :))
تحياتي

rovy said...

بالهداوه با كيكى
الغربه ملعونه فعلا .. لما بتفرق الاحباب .. ولما بتضيع الاولاد .. ملعونه لما بتقتل جوانا احلى ما فينا
وبتمحى منا ملامحنا وبتمحى حتى الذكريات اكيد ملعونه .. بس الغربه الافظع غربتك فى بلدك .. غربتك بين اهلك شىء رهيب غربتنا واحنا وسط بلادنا واهلنا .
ملعونه الغربه فى كل وقت وبأى شكل بس ما تلعنيش الغربه اللى بتأخذ بأيدنا
لما اللى منا بيقفلوا فى وجوهتا 100 الف باب .. ملعونه الغربه وملعون كل اللى كان السبب فى غربه الاحباب .
دمت بخير حبيبتى وحمد الله على السلامه من الامتحانات .. يااارب بالنجاح .

تحياتى

rovy

Unknown said...

والله يا كيكى اثرتى فية الكلام صادق ومعبر احلى حاجة لما تقولى اللى انت عايزاه من غير تزويق ......... مش لازم تفضلى تكتبى عن برعى وتفيدة على طول اكتبى فى اللى انت عايزاه كله منك حلو وقوى..... ادعى لى بقى اخلص على خير الانتحارات

جيهان علي said...

السلام عليكم ورحمة الله وبركاته


الغربة صعبة وموحشة
لكن الأصعب من غربة البلد غرب النفس
أنك تكون غريب في بلدك وسط ناسك


تحياتي

Ehab said...

يا ساتر يا رب
ليه بس كده هي الدنيا كده مش لازم نسبلها ونلعنها كل اللي علينا نفهمها
زي اما تحب واحده ست لازم تتحمل جنانها
حبها كده زي ما هي
وعيشها على حلوه ومره
واتحمل معاها قسوتها
بكره هتدوق حلاوتها


ربنا يحفظك
كلماتك جميله قوي لكن جواها شعلة غضب عاليه قوي

سلااااااااااااااااااااام

Ehab said...

يا ساتر يا رب
ليه بس كده هي الدنيا كده مش لازم نسبلها ونلعنها كل اللي علينا نفهمها
زي اما تحب واحده ست لازم تتحمل جنانها
حبها كده زي ما هي
وعيشها على حلوه ومره
واتحمل معاها قسوتها
بكره هتدوق حلاوتها


ربنا يحفظك
كلماتك جميله قوي لكن جواها شعلة غضب عاليه قوي

سلااااااااااااااااااااام

.:.-=- ELGaZaLy-=-.:. said...

حسيتها بجد يا كيكى...

عارفة انا جربت الغربة برة الوطن والغربة جواة...صدقينى مفيهمش خيار...الاثنين امر

كيكى عوووووو said...

ايمو...
حبيبتى لسة مسبتش البيت اول ماهسيب البيت هقولك
بابا خالد...
شكرا...وام نشوف الشيكولاتة.هتيجى امتى..هاتها المرة الجاية
المخبر العام.....
اولا اهلا وسهلا بيك..انا مش بشتم الى بيسافروا...انا بشتم الغربه ذاتها..صدقنى دى ملعونة اوووووووى

كيكى عوووووو said...

diyaa....
انت فين ارفع ايدك...اوع تتكلم..خد طخ طخ...عندك حق بس هى فى ذاتها رخمة وباردة...العيب فينا مش فى بلدنا...الله يكرمهم بقى الى كانوا السبب...بخصوص الكتابة على التعليقات..والله الموضوع كلة انى بكتب بسرعة..علشان الكمبيوتر.بيقعد تحت ايدى..ساعة بالكتير...نورت
رحالة....
ماشى يارحالة..مش زعلانة
روفى.....
حبيبتى ازيك...طب عندىحق انها ملعونة..ربنا يخليكى لية على اهتمامك..وسوالك يارب...ربنا ينجح بناتك ان شاء الله

كيكى عوووووو said...

انجى...منورة...هتخلصى امتى امتحانات بقى....ربنا معاكى يارب...والله يابنتى رافعة معنوياتى علطولللللللل
جيهان.....
وعليكم السلام...عندك حق...وغربة الوطن كمان صعبة
شنكوتى....
يبقى الواد دة ايييييية شنكوتى...منور والله ياباشا...والله انت دماغ....شعلة الغضب من الغربة مش اكتر
...هستنك تانى...منورررررررررر

كيكى عوووووو said...

الغزالىىىىىىىىىىىىىىىى..الكبير...
منورررررررررررررررررررر....فرحت اوى لما شوفت تعليق...اخد نفسى..الحمد الله انها عجبتك....وانا بجد حاسها اوووى..مش مجرد كلمتان وخلاص...الغربة فى ذاتها صعبة...برة او جوة...هستنك فى البوست الجاى هيعجبك اوووى...تحياتى

ياسر said...

يا كيكي
الغربة ياستي الحاجة ميحسش بيها
الا الاعيشها ومجربها وكل الشباب بيحلموا
بيها بس والله ولاا يوم يتعوض مع الاهل والاحباب
من ايام الغربة هي صح بتديك فلوس بس الفلوس
مش كل حاجة يكفي اغلي فاتورة للغربة لما الواحد
بيتعب او يجري الله اي ظروف ويلقي نفسة وحيد
محدش بيسال علية صعب صعب
انا جربت نوم المستشفي هنا في بلاد
الغربة حدثة عربية والحمد لله ربنا مش كاتبلي الموت
في الغربة جبس ورقدة بين الحياة والموت لمدة شهرين
بس عارفة اول حاجة اخاف منها هي الموت في بلاد الغربة
ربنا يكفي كل مغترب الشر
وكمان لليها طويل ملوش اخر
ويكفي ان الانسان بعيد عن حبايبة
تحياتي

Mkjwe said...

الغربة دي شيء صعب جداً ميحسش بيها الي عايش فيها ... الله يكون في العون ... ويوفقنا جميعاً
تحياتي

دعاء مواجهات said...

تحيااتى ليكى موت
انا كمان مش بحب الغربة مكن بحب السفر اة انما الهجرة والعمل هنااك لاا والف لااااا

تحيااتى تااانى

مستنياكى تشرفينى

سلااامووز

رئيس جمهوريه نفسى said...

الغربه فينا برانه او جوانا فينا بتندها علينا تجاوبها ايامنا الحزينه
كلنا متغربين بطريقه او باخرى ورغم كلامك انا حتغرب ان شاء الله نار هناك ولا جنه هنا

Unknown said...

لغربه اسوأ احساس و خصوصآ لما تكون غربه جوا الوطن و بين الاهل بتبقي جحيم فعلآ

تحياتي و بوست جميل جدآ

عروسة ننوسة said...

ازيك يا قمر....والله معاكى حق فى كل كلمة
ميرسى على زيارتك الجميلة وان شاء الله لسه فى جديد....وتتوالا الاحداث

PrInCeSS BeRy said...

فعلا الغربة وحشة اوى بس الغربة مش بس بالسفر الغربة جوانا احنا لما بنحسها من اللى حوالينا دى اصعب غربة تسلم ايدك

كيكى عوووووو said...

ياسر....
عارفة انا مهمة قلت واتكلمت عن الغربة..مش هحسها زيك...بس على فكرة انا لما كتبتها كتبيها وقلبى واجعنى وبيتقطع..وانا محرووووووووووقة اووى...عايزة افهمك انى اهاليكم كمان بتحس بيكم...صدقنى واكتر..والله لسة حسة بمرارتها فى بقى...الف سلامة عليك...ويارب ترجع بلسلامة
lovle....
اولا منورررررررررررر...عندك حق الله يكون فى العون
دعاء مواجهات......منوررررة ياعسل تحياتى ليكى انتىىىىىىىىى...

المتحرش بها said...

الغربه مرة
بس احيانا بتكون واجبه

إخوانى حتى النخاع said...

هوا طبعاا يا كيكى الغربة وحشة جدااااا


بتبعدنا عن كل الناس
بتروحى لعالم تانى خااااااالص

أكنك روحتى المريخ

فيه صصفات وعادات وتقااليد تانية خاااالص

شكرااا ليكى يا كيكى

مدونة حلوة

أخوكى : إخوانى حتى النخاع

المـــفـــــــقــــــــوعـــــة مــرارتـهــا said...

للاسف لا اللي متغربين مرتاحين ولا اللي راضيين بعيشيتهم في بلدهم مبسوطين
هي باين علينا كلنا عايشين في غربة
ان ماكانتش غربة وطن يبقي غربة ناس ربنا يرجعنا كلنا من غربتنا

كيكى عوووووو said...

رئيس جمهورية نفسى....
هتسبنا لمين ياريس...غربة الذات او غربة الوطن الاتنين العن من بعض...اوع تسبنا
ايمى....العسولة...الجميلة...عندك حق ياقمرى...تحياتى
البرنسية....
برنسيسة مرة واحدة انا مقدرش على كدة...منورة والله...وانتى تسلمى

كيكى عوووووو said...

المتحرش بها....
منورة ...انا عارفة احيانا كتيررررررر بتبقى واجبا...مين بيروحلها بمزاجة....علشان كدة انا بلعنها...منورررة
حتى النخاع.....
يا اهلا وسهلا....فعلا عالم كئيب وبارد..تحياتى ليك...اختك حتى النخاع
فقوعة..مرارتى....
ازيك ياعسل واخبار فيفى اييييية...يارب كلنا نرجع بالسلامة...منورة والله...تحياتى

just me said...

اوحش شىء
هو الاحساس بالغربه

وخصوصا لو كان غربه جوه بلدك

او جوه بيتك

Anonymous said...

كيكى

السلام عليكم

قاصدى الغربة هى اللى وحشة مش كلامك اللى هو وحش

تحياتى

ملامح مصرية said...

كيكي ازيك يارب تكون سعيدة فى الاجازة وبخصوص البوست انت ديمن متميزة الغربه فعلا شئ قاصى بس احيانا واحد بيبقى محتاج يبعد شوية علشان يعرف قيمه بلده امال فين تفيدة وبرعى وحشونى ياترى وصلوة لاغيت فين بعد احداث المحله
تحياتى

رئـــــيسـة حزب الأحلام said...

كلامك فية حرقة كبيرة اوى من الغربة
بس باين عليها دى قدرنا زى حاجات كتير بقت قدرنا فى وقت جينا فية غلط
تحياتى لصدق مشاعرك

احساس لسه حى said...

عزيزتى

ممكن نشيل الغربة ونحط مكانها يا بلد

الغربة ساعات تكون امل وراحة لناس كتير وناس بتموت علشان توصلها

المهم احنا بنتغرب ليه ومقابل ايه وعلشان مين

وياما ناس بتتهان فى بلادها وتتكرم فى غربيتها

والغربة مش فى المكان وبس

وناس كتيرة فى غربة وهى جوه بلادها

تحياتى

ومودتى


سلااااااام

كيكى عوووووو said...

لست ادرى.......
منورة كالمعتاد.... عندك حق..الغربة فى ذاتها صعبة....تحياتى
عرفة فاروق....
وعليكم السلام...منور وفهمت قصدك...
ملامح مصرية.....
منورة اخبارك اية فى الامتحانات...والله دى اجازة فشنك...ام عن الغربة وكلامك..صح بس لما يكون الواحد رايح بمزاجوا....برعى وتفيدة فى المستشفى دلوقتى...متخافيش هيرجعوا علطول

كيكى عوووووو said...

رئيسة حزب الاحلام.....
ازيك ياقمر..عاملة اية...كتبت بحرقة..علشان بسمع عنها كتيرررررررر..وبلاوى...وكمان واخد منى ناس بحبها....تحياتى ليكى انتى ياقمرررر..والله
احساس لسه حى...
اهلا وسهلا بيك...منور...عندك حق..ظروفنا هى الى بتجبرنا على الغربة...علشان كدة هى ملعونة...اقتراحك الاولنى اكيد عندك حق...منور وتعالى تانى

emy said...

كدة ياكيكى تصبحى عليا وتمشى من غير متشربى حاجة
حتى شاى فى الخمسينة كدة على الماشى

بنت الاسلام said...

تررررررررررررربة زي

مابيقوووووولوووووا

بس محدش بيروح لها غير مضطررررررررررر

ربنا يكفينا متاعبها والامها

تحياتي

ابن رشد said...

طب اهدي شوية مش كدة كل دة على الغربة

كلام على بلاطة said...

صدقتى يا كيكى
غربة ملعونة
ولكن نعمل ايه فى اللى غربونا
من بيت ابونا

Empress appy said...

وجع الضرس ولا وجع الغريه يا كيكي ملعون ابوها ميت مره اذا كانت جوه بلدنا ولا براها

كيكى عوووووو said...

ايمو....ملقتش شاى بالنعناع
بنت الاسلام.....
منورة والله..يارب...ومنورة والله ياعسل
شمس الزناتى.....
منور والله..
واهلا وسهلا...
والله دى صعبة اوووووووووووى

كيكى عوووووو said...

كلام على بلاطه...
مور ياباشا....وعندك حق فى كلامك...تحياتى
ابى السكرة العسولة...
عندك حق...وملعونة ابوها100 مرة...والة منورانى..وشرفينى علطول

rovy said...

ايه الحكايه يا كوكى ايه الكسل ده مش انتى خلصتى امتحانات والحمد لله فين بقى الجديد ..

كيكى عوووووو said...

روفى حببتى.....
اخرى بكرة...بموت فيكى

أحمد بكر said...

كيكى صاحبتى انا جيت اهو حتى الدى اس ال بايظ امت دخلت بالتليفون
خلصتى امتحنات و فضيتى للخناقات مين البت غربه دى الى عماله تلعنى جدودها و بعدين انا مش قولتلك لما تتخانقى مع حد ابقى اندهيلى

!!! عارفة ... مش عارف ليه said...

الصديقة الجديدة والمتجددة

في أغنية للحجار كانت الاولى من نوعها أن حد مش يجي يتفلسف كده ويقول متسفروش والبلد دي احسن من غيرها ،دا الجنة ونعيمها هنا وسايبنا وراحين فين وسلامات سلامات وكلام الضحك على الدقون دا

الاغنية دي أول مرة أسمع حد بيعتب فيها على بلدنا عتاب الحبيب لحبيبته
وبيقول فيها

متغربيناش وتقولي قدر
متوهيناش في مواني سفر
متضيعناش في دموع وفراق
هتجيبي منين زينا عشاق
في قلوبنا حصاد في عينينا مطر

متغربيناش في الارض البوور واحنا الزراع
وايدينا سواقي فرح بتدور رغم الاوجاع
احنا الشارين فدادين النووور لو خاين بااااااع

متغربيناش في بلاد بتموت واحنا الخالدين
يا أول زرعة وأول قوت ويا أول دين
العمر بدونك ليل بيفوت مهزوم وحزين

متغربيناش في بلاد الريح واحنا الاحباب
احنا اللي رفضنا تكوني ضريح في زمن كداب
ضليلي بالحب على المجاريح وكفاية غياب

سلام

الربان said...

تحياتي

اصبح وطنا طارد...لكنه بالقلب دائما
و المغترب يشعر بحنين للوطن...و ينتظر عودت لوطنه في اجازة بفارغ الصبر..

الامر الذي هو امر من المر... هو ما دفعنا الي الاغتراب....و الامر هذا ممكن يكون المادة...ممكن يكون الاضطهاد...ممكن يكون الفشل. الهروب ..ممكن يكون حاجات كثيرة.............

ربنا يرد الجميع سالمين غانمين , يصلح
من شأننا أجمعين.

تحياتي و تقديري

Alkomi said...

كنتي كتبتي رباعية صلاح جاهين الخالدة اللي غناها منير

ايديا في جيوبي و قلبي طرب

بس برضه عندك حق

ملعون ابوكي غربة

Hosam Yahia حسام يحيى said...

ملعون ابوكى ياغربه

فعلا


بس فين الغربه دى

Hosam Yahia حسام يحيى said...

اااسف

انا اقصد الغربه احسن من القعده فى البل دى ولا ايه

دعاء مواجهات said...

انتى شكلك مجربااة ياكيى او حد بتحبية

لا الكلاام طاالع من جوااا

اوى
اوى

تحياتى ليكى ياقمر

وربنا مايكتبها ع حد الغربة دى

بيييس

كيكى عوووووو said...

تحياتى الاخر 7 تعليقاتى والله بفرح جدا لما بشوف اى تعليق والله هارد بس مش دلوقتى علشان بس الوقت

كيكى عوووووو said...

ربنا يخليك يابيكر
عارفة..مش عارف لية جميلة اووى كلمات الاغنية
الربان ..والله دايما منورنى
محمد الكومى..ربنا يخليك ياباشا
حسام يحى..منور بس صدقنى دى صعبة اوووى ربنا يبعدها عننا
دعاء مواجهات..
ازيك...عاملة اية ياقمر...دى واحدة غالية اوووى علية الى اخدتها منى الغربة

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket