Sunday, May 4, 2008

من يوميات برعى وتفيدة

Sunday, May 4, 2008
تفيدة:برعى انا عايزة اقولك حاجة
برعى:اية يا تفيدة
تفيدة:عايزة اتفسح فى الكورنيش زى الى بشوفهم فى الافلام فى التليفوزيون الى عند لاواحظ
برعى:لاواحظ انا مش قولتلك متروحيش عندها طب انا هاوريكى
تفيدة:معلش بق انا عايزة اروح
برعى:والله وبقتى تعرفى تكلمى وتردى ياتفيدة ماشى ياتفيدة
ورحوا هم الاثنين على الكورنيش وقد اية تفيدة كانت مبسوطة وكان نفسهااوى تركب مركبة زى الافلام
تفيدة:ونبى يابرعى عايزة اركب مركبة
برعى:يبقى كدة مفيش عدس الشهر ده
تفيدة:خلاص يا اخويا المش مش وحش
ملقوش قدامهم غير مركبة صغيرة ومكسرة وشبة غرقانة اصلا شكلها كانت من سلالة نورماندى2
على قد فلوسهم .وركبوا وكان عليها عيالين صغيرين فرحوا اوى لمه برعى وتفيدة ركبوا معاهم وفى نص الطريق
برعى:تفيدة انا حاسس بمية فى رجلى
تفيدة: ايوة ما احنا فى النيل
برعى:لا ياغبية مية فى المركبة
تفيدة يعنى اية
برعى: المركب بتغرق ياتفيدة
تفيدة:يالهوووووووووووووووووووووووووووووووى
وعلى طول العيالين الصغيرين غمزو لبعض وواحد قال للتانى:يلا يلا المركب بتغرق تانى يلا نط
برعى: الله يخرب بيتك ياتفيدة انا مش بعرف اعوم
والمركب على طول غرقت وتفيدة وبرعى بعده عن بعض وتفيدة لقيت عوامة مسكت فيها وطلعت على الشاطئ وقاعدت تصوت على برعى الى مابيعرقش يعوم
راح جالها عسكرى
"
العسكرى:اية ياولية الدوشة دى فى مسئول كبير هيعدى دلوقتى مش عايزين دوشة يلا امشى من هنا
تفيدة:جوزى يا اخويا بيغرق جوه
العسكرى:وهو مصرى ولا اجنبى
تفيدة: يعنى اية
العسكرى: يعنى لو مصرى هنحتاج البطاقة الشخصية ولو مش موجوده هنحتاج تروحى السجل المدنى تطلعى شهادة ميلاد و اثبات شخصيه من جديد ويمضوا عليها 10 موظفين مايقلش دخلهم عن100 وصورة للمتوفى اقصد الغريق و10 كمان من اهالى المنطقة يشهدوا بحسن سيره وسلوكه وبعد كده ماتنيش 30 قرش للدمغه وبعد كده نتصل باللنش يجبوا وبعد كده.........و
تفيدة: بعد كده اية يا اخويا ده يكون الراجل فيص من زمان.................هواجنبى
العسكرى: اذا كان كده هتصل ب0900 واللنش هيجى علطول
وبعد انقاذ برعى اتضح انه مصرى100% وتم اتهامهم بانهم يريدون اغتيال المسئول المهم وسجنوا.............وبعد3سنين مات المسئول الكبير موتت ربنا واكتشفوا انهم مظلومين وعلشان الشوشرة وكمان حق 3سنين قراروا ارجاع برعى الى وسط النيل وترك تفيدة على الشاطئ ويادار ما دخلك شر
والى القاء فى حين انقاذ برعى

11 comments:

Miss. Sosa said...

هههههههه
لا حمد لله على سلامة برعي

تحيا جمهورية مصر العربية :D

حمادة زيدان said...

هههههههههههههههههههههه
على فكرة الولية اللي اسمها تفسيدة بتعرف تفكر يعني لو كانت قالت برعي مصري كان زمان برعي تحول لطعام للاسماك ... كمان العسكري غبي اوى ازاى برعي وأجنبي!!!!!!
بوست دمه عسل
وكمان مبروووووووووك عالمدونة

ola_barakat said...

اولا مبروك المدونه
ثانيا قولي لبرعي معلش يادوب عليه لما يفكر يتفسح انه يغرق اصله مصري فقري مش من الناس الهاي
وتفيده يعني حبكت معاها الليله دي؟
عموما الله يرحمه ويتولاها
بس هي غلطانه ماله الدره ع الكورنيش
ايه لازمه الفشخره وركوب الامواج
ادي اخره اللي بيركب الموجه
تحياتي
علا بركات

كيكى عوووووو said...

اولا شكرا على تعليقتكم ثانيا لازم احتفل بيكوا ونسمع احلى سلام صعيدى شحط محط على روح برعى وكمان علشان نفرفش تفيدة.....طخ..طخ..طخ..لية سوسو وحمادةوعلا....بوم..طخ...اية دة السلام بيجى علينا ..انة يقترب ..يقترب اجرووووووووووووووا.......طخ

المـــفـــــــقــــــــوعـــــة مــرارتـهــا said...

لو لم أكن مصريا لوددت ان أكون أجنبياً
عشان ماأغرقش في الترعة

كيكى عوووووو said...

احلى سلام لية مفقوعة مرارتى من حماتى سلام صعيدى شحط محط...طخ طخطخ....ايةدة السلام بيرجع تانى هى كل السلامات مضروبة ولا ايييييييييييية....بوم

Miss. Sosa said...

فين الباقي
كمليلنا بسرعة

Unknown said...

كيكى
اولا اهلا بكى فى مدونتى
انت فشيتى غلك صح

كيكى هانم
انا فى البدايه كنت مبسوط فيهم لانهم اتجوزوا من غير ما يعزمونا

لكن بعد موقف العسكرى اللى بجد اشكرك عليه لانك وصفتى الوضع صح

حسيت انى مشفق علينا كلنا

كيكى عوووووو said...

شكرا سوسو على اهتمامك......وشكرا ياعم انا ..بس خايفة اديكوا سلام صعايدى شحط محط لاحسن يضرب فين

ياسر said...

السلام عليكم ورحمة الله وبركاته
ههههههههههههههههههه
مدونة فظيعة صراحة الا عندة هم الدنيا
ينساة من كتر الضحك ممتازة الله يفرحك
زي ما فرحتيني هيا بدل شوية في الاخر
علي الروتين وطول ما انت في بلدي البيت بيتك
وفعلاا المصري غريب في بلدة ودي لحظتها كتير
في المطار اطلع جواز السفر المصر يطلعوا عيني
تفتيش وانتظار وموال ما يخلصش اطلع الجواز
بتاع البلد المقيم فيها يترحب بيا وممكن شنطتي
ما تتفتحش
تحياتي

كيكى عوووووو said...

ياسر...
مش عارفة اقول اييييية غير شكرا

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket