الترنيمة الاخيرة

: سأعزف لآخــــر مرة

على اوتار الحياة

سأعزف كما لم أعزف من قبل

سأشدو بأجمل اناشيدى

وأجمل الألحان

سأشدو بأنشودة الحرية

وأجعل صدى صوتى يعلو

ليصل الآفاق

سأجعل الحياة تهيب خوفا ً من ترنيمى

سأجعلها تندم على تمزيق اوتارى على نسيان أحلامى

على فقدان آمالى

سأجعلها رغم انفها تشدو معى انشودة السلام

سأجعلها تنسى الخوف والحرب والفقدان

سأعيد ترتيب أولويات الحياة

وفقا ً لآمالى وأحلامى

وفقــا ً لقوانينى وقواعدى

ومن نبض قلبى ستكون

شرارات البداية

فبالقلوب فقط تنبض الحياة

وبالأحاسيس فقط

تشرق الشموس

وعلى الظلم سأشن حروبى

ومن بين أطراف أصابعى

ستكون البدايات المتأ ججه

سأكون أنا نقطة البداية والملتقى

والنهاية

ويرتفع صوت ترنيمى

ليخترق الآاافاق

ويعلو ليزعج الطغاة

وإن يوما ً قتلونى

ستظل أناشيدى

رغماً عنى

وستبقى رغم رحيلى

الترنيمة الاخيرة

شاهدا ً على ثورتى

وعلى الحق

والإيمان

.......
بقلم
كيكى ودعاء مواجهات

أعترافاااات ليليه

انا عيانه اوى اوى لدرجة انى بكتب بوست وبقول كدة انا بترعش واتنفض ومش قادرة افتح عينى من كتر السخونيه شكلى هسمعكم سلااام بودعك أأأة اخر وداع بودعك المهم انا قلت اخلص نفسى من ذنوبى واعترف حبة اعترافات واريح ضميرى واهو كلوا على الله

ماماااا

*******

فا كرة ياماما لمه كنت فى ثانوى واتحرقت بالمكوه فى ضهرى انا روحت قلت لستو الى انتى حرقتنى فى ضهرىوعذبتينى وألفت عليهم فيلم بتاع شادية وانى عايشة دور سيدة فى البيت ... انا عملت الفيلم دة علشان مردتيش تدينى فلوس زيادة أجيب بيهم سندوتش كبدة بالطحينة وانتى لحد دلوقتى مش عارفة همة لية ثارو اوى عليكى لمة روحتى هناك؟ ...طبعا كلكم عايزين تعرفوا ازاى المكوه وصلت لضهرى امممممممممم لازم تعرفوا يعنى*** لمة كنت فى ثانوى كنت بحب اوى انكش شعرى وانزل بى ولحد دلوقتى بحب اوى ابقى منكوشة كنت ابلوا بمية مبلوله وانفشوا وانزل كان قميص المدرسة يتبل اوى من وراء ضهرى المهم كنت كل شوية اقلعوا واكوى لحد ما تأخرت ندهت مصطفى وولعت المكوة على سته وووو؟

********************************

فاكرة برضة لمة ستو جبتلك جلباية غالية من السعودية وانتى كنتى فرحانة بيها اوى واختفت فى ظروف غامضة..انا كنت وقتها بأخد حصص بتاعت التدريب المنزلى والميس قالت الى عندوة جلباية قديمة ممكن يعملها روب منزلى ويبقى كدة استفدنا من الجلباية القديمة وعملنا شئ مفيد انا جبت المقص وانتى مش موجودة وقصتها من النص لكن مطلعش روب ولا حاجة!!!1 ولا طلعت جلباية من تانى ولا بنطلون برمودا حتى؟؟؟

فاكرة برضة... لمة كنا بنتفرج على الفيلم الاجنبى الرعب بتاع دراكولا وانا كنت بترجمهولك واقولك: ان دراكولا اتحول بقى كدة علشان امه كل شوية تقوله خس ..خس.. لحد ما جتلوة عقدة نفسية وبقى كدة وكانت اعراض التحول الاوله ان عينا بتحمر بليل وهكذا. وان اول حد قتلوة فى الفيلم هى امه نياهاهاااا.وانا بليل اقعد ت ادعك فى عينى جامد علشان تحمر ونمت جانبك علشان اخوفك علشان متقوليش خسىىىىىىىى تانى!!1

***************************

بابااااااااااا

***********

فاكر لمة.. كنت تدينى فلوس الدروس بتاعت ثانوى مرة واحدة كل شهر انا كنت بروح انا وامنية صاحبتى نصرفهم ونأكل كشرى فى كل محلاتك يامصر...وكنت اروح اقول للمدرسين انا أبوى لسة طالع من السجن ومورينا الويل وبيخلينى اخدم فى البيوت ومبهدلنى انا واخواتى ال 15 اهى اهى..دة انت كااااااااان بيدعى عليك دعى ياراجل انت*******************

فاكر لمة..خلتنى اشحنلك كارت ابو100 جنية وانا ساعتها فى نفس اللحظة حولت لنفسى50 جنية وقولتلك الست بتقول: رصيدكم الحالى هو 50جنية وانت اتجنينت وقلت ازاى؟؟؟؟ انا قلتلك: تلاقى واحنا بنشحن فى خمسين جنية وقعت جوة الموبيل واحنا مش واخدين بالنا وقلتلك خبط فى الموبيل يمكن تنزل..وياعينى لحد دلوقتى بيخبط فى

الموبيل!!1

فاكر لمة...كنت محجوز اخر مرة فى المستشفى وانا كنت بايته معاك ساعتها والدكتور قالك لو حسيت بهلاوس ولا حاجة او شوفت الدنيا خضرة ابقوا استدعونى علطول..لكن لو مشفتش دة يبقى عدينا مرحلة الخطر وانا ساعتها مليت من القاعدة لوحدى معاك وكنت عايزة فلوس وقالتك: بابا هات فلوس انزل اشترى زعتلون استرتش وسندوتش همبرجر ..روحت قلتلى: زعلتون اية يابنت ال...انتى مش شايفة الظروف الى انا فيها..روحت انا اتغظت اوى واستنتك لحد ماتنام ورحت جبت كشاف اخضر وولعته واقعد اقول عووووووووو وانت من الخضة اغمى عليك وندهت الدكتور واقعد يديلوة من بتاع الكهرباء دة لحد..ياعينى مابقى لمة يمشى من جنب اى لمبة تنور!!1

***********************************

مصطفى

******************

فاكر واحنا صغيرين لمة طلع المسدس ابو خرز دة موضة وانت كان معاك واحد منهم..ومرة كدة راحت خالتو فيفى خدتة منك وكسرتة واقعدت تزعق ليك عارف لية؟؟؟؟؟

اصل انا قبل كدة وانا قاعدة على السرير ليقت خرزة اقعدت العب بيها فى ودانى لحد مادخلت جوة ودانى وانا خوفت اقول لحد ساعتها..بعد كذا يوم فيفى كانت بتلبسنى الحلق راحت شافتها واتخديت وقالتى اية دة!1 قولتلها :دة مصطفى حطها فى ودانى وخالينى ابلع اتنين على غيار الريق!!1..يعنى كنت اعمل اية ساعتها اقولها انا الى حطيتهاو تقول على مجنونة ولا مجنونة

عااااااااارف كمان لمة ماما بتجبلنا مثلا عصايراو شيكولاته كادبورى بتكون انت لسة برة انا بقى بأكل حاجتى واستناك لمة تيجى واجبلك حاجتك واقولك ماما مجبتش غير عصير واحد وشيكولاتة واحدة وقالتلى خدويهم بس انا قلت: لاااااااا لازم تأكل معايا دة انت اخويا يعنى عشرة فوق العشر سنين ياجدع!!1

*************************************

أااااااااااااااة الى هنا اعزائى المشاهدين تنتهى الاعترافاااااااااات وبجد انا تعبانة بس بحاول اقوام المرض وادعولى انى متحرمنش من ولا مادة فى امتحاناتى فى الاكاديمية العالية للقطن

وياااااااارب يسامحونى دناااااااااااااااااااااغلبااااااااااااااااااااااااان

انا اسمى مكتوب؟؟؟؟؟؟؟؟؟؟؟؟؟؟؟؟؟

انتفاضة الخرفااااان

فى اجتماع سرى للغاية للخرفان فى مكان ما

خروف 1: احنا هنفضل لحد امتى ساكتين على الى بيحصل فين دة السافحين الى اسمهم البشر كل شوية يعملوا علينا غارة ويأخدو الى يأخدو فين يعذبوهم ويدبحوهم وياكلوهم فى الاخر

خروف2:دة احنا ياجدع لو كنا اسرائلين مكنوش عملوا فين كدة

خروف3:لا عارفين ناكل ولانشتغل ولانودى العيال مدارس خاصة نضيفة

خروف4: دول خربوها لدرجةان الواد ابنى تعب روحت للتأمين الصحى قالولى خلاص شطبنا و حولنا نشاطنا وبقينا صرف صحى

خروف5:ولا طوابير البرسيم الى ملهاش نهاية والله بقالى شهر باعت العيال وامهم على حزمة برسيم ولسة مرجعوش لحد دلوقتى

خروف 1:يبقى لازم نقف وقفة خروف واحد ونحط ايدينا فى ايد بعض ونعمل انتفاضة

الخرفان كلهم فى نفس واحد الله اكبر * الله اكبر * الله اكبر

يلبس الخروف رقم واحد نضارة شمس ويبدأفى وضع الخطة

أحنا هدفنا تدمير السلخانة الكبرى فى ايلات وخططنا هى هنركب مركبه من ترعة المنصورية الى ترعة دمياط وبعد كدة نغطس عند الكيلو 5200 بعمق نص ملى علشان العدو ميخدش بالوا منا وبعد كدة نحط المتفجرات ونفجر المنطقة بلى فيها

الخرفان: امتى العملية ياريس؟

خروف 1: ان شاء الله بعد مسلسل سبع ونصف علشان متابعه تركبوا توك تك من رمسيس للمنصورة نتقابل هناك على بليل وياريت تتنكرو علشان محدش يأخد بالوا منكم وفعلا الخرفان اتنكرو بطريقة غير ملفتة للنظر تمام

ووصلوا فى المكان المحدد وركبوا المركبة ووصول عند الكيلو 5200 وجت مرحلة الغطس ولبس كل خروف بدلة الغطس ولسة هيعومو الخروف4: انا خايف انا مبعرفش اعوم مبعرفش اعوم خايف

خروف1:مادام انت مش راجل مجبتش الكتافات بتاعتك لية؟ لية مقلتش من الاول كنا جبنا كريم ابن اختك كان هيبقى احسن منك وارجل منك هنعمل اية دلوقتى هنعمل اية

خروف6:انا هروح مكانه....خروف 1: انت اتجنينت انت مدربتش معانا فى الطشت ومتقدرتش تغطس معانا للعمق نص ملى دة مجهود كبير عليك وممكن يعرض العملية كلها للخطر....خروف 6:"قل لن يصبنا الا ماكتب الله لنا * خروف1: ونعمه بالله يلايا رجاله

وغطسوا الابطال فى المية وحطوا المتفجرات وفجروا المكان

خروف4:يارتنى كنت معاهم يارتنى كنت معاهم

وفى مرحلة العودة مقدرتش الخروف6 يكمل وتعب كان مربوط معاة الخروف1 القائد

الخروف1: لازم نغطس اكتر من كدة..كدة هيشوفنوا ويقبضوا علينا...خروف6: مش قادر مش قادر....وللاسف تم القبض على القائد وتم الحكم على بالاعدام شنقا وكانت اخر كلماته

freeeeeeeeeeeeeeeeeeedom

وظل يوم وفاته هو يوم للنضال الخرفانى

عاااااااااااااايزة ارغى+تحديث2

تحديث : 2 انا غيرت شكل المدونة تانى اهوا علشان الاولنى مكنش مظبط والصور كانت تحت ماما مى طبعا هى الى عملت الشكل دة احنا كنا حافظينوا ادعولها بقى ربنا يسعدها ويشفيها ويعدى الازمة الى هى فيها على خير وترجعلنا بسرعة
اولا: تحذير هام قبل ماتشوف البوست دة البوست دة هيبقى رغى على الفاضى وتضيع وقت للى هيقرا يعنى
لو وراكم غسيل وراكم خناقة هتشوفه مسلسل كدة يعنى روحوا احسن عموما انا حذرت وخلاص
من يومين كدة وانا عايزة ارغى واكلم عن نفسى مع انى مش بحب اكلم عن نفسى خالص مع حد بس طقت فى دماغى اكلم مع مدونتى وكمان شكلها الجديد يفتح النفس ان الواحد يرغى ويكلم كتير اوى هحل تاجات دى الطريقة الوحيدة الى الواحد يرغى من خلالها ويشوف شخصيتة برضة بس قبل ما احل هكلم عن النيو لوك شوية اية رايكم فى شكل المدونة الجديد؟ماما مى حبيبة الروح هى الى عملتوة ليه دة انا طلعت عينها والله قاعدنا يجى6 ساعات انا طبعا قاعدة هانم الى بعملوة بس اقول لا الشكل دة وحش لاالشكل دة بيبصلى من فوق لتحت الشكل دة مش مستريحلوة كانت رحلة بحث طويلة اوى علشان تليق مع شخصية كيكى الى فى مدونة لحد مالقينا الشكل الى انتوا شايفنوا دة بش مشكلة الشكل دة انى مينفعش احط الصور الى تحت دى فوق علشان الصفحة هتبقى بيضا خالص لحد ماتخلص من الصور وتشوف البوست يلا معلش...الاهم ياماما والله انا مش عارفة اقولك اية حد غيرك والله كان قتلنى وخسرنى فى موضوع المدونة دى وعلى الى عملتوة فيكى...اة صحيح بتسالوة لية بقولها ماما امممممممم اصل دة زر بينى وبينها بقى نسيت كمان اقولكم انى شوفتها وكان حتة يوم كنت عايزة اكتب عنة بس انا مكنتش هنا ماما اخر حاجة هقولك ليكى ست الحبايب يا حبيبة يا حنينة وكلك طيبة يارب يخليكى يا امى...خلينى بقى اخرج مع ابن الجيران عااااااااااا
************************************************

احل التاجات بقى

***************

اول سؤال من انت؟

مش عارفة لية اول ماشوفت السوال ضحكت وقولت انت عبيط يا اسطى عموما انا واحدة اسمها كيكى عادية جداا جدا بختصار شديد ساعات بكره وساعات احب وساعات استندل وساعات استجدع ساعات ببقى غبية وساعات ابقى زكية الخ الخ.. كمان مش بتحب حد يقولها ولا كوكى ولاكوكا ولا اى اسم دلع غير كيكى
تانى سؤال: بطاقتى الشخصية

الاسم :كيكى بنت ام كيكى

العمر: دايما بشوفة سوال ملهوش لازمة لان مهما البنى ادام الى قصادك كبير صغير مش بتفرق معايا الاهم ان يكون دماغ

الديانة: مسلمة الحمد الله

الحالة الاجتماعيه:مستنية الفرج هههههه حلوة دى

أذكر خمس أحلام على الاقل .. تخص ماضيك وتحلم فيها بتغيير اشياء .. ماذا ستعدل وماذا ستترك؟

كان نفسى اوى زمان ابقى صحفية واخش اعلام

نفسى اتعلم رسم ومازلت

عايزة اطير بس عارفين ازاى تطيروا وانتوا على الارض ارقصوا اة والله انا كان نفسى اتعلم الرقص الغجرى علشان اطير من خلاله

او عارفين ازاى كمان الى صوتوا حلو يقدر برضة يطير من خلال صوتوا..حد فاهمنى

هعدل اية بقى واغير اية.. مش هغير حاجة منهم بس ياريت لو اغير نفسى لانى محقتقش منهم اى حاجة ساعات احلامى بتصعب علية لانى معملتش ليها اى حاجة..انا اسفة

اذكر خمس أحلام على الأقل تخص مستقبلك ؟

اتخصص واروح ورش للكتابة يمكن اكون فى يوم من الايام بكتب ساخر حلو وابقى كاتبة كدة زى يوسف معاطى او لينين الرملى

الم نفسى شوية بقى فى حكاية رجيم المراجيح الى بعملوة دة واركز كدة علشان اخس خلاص يخرب بيتك قربتى تبقى مقطورة بشرية

انمى تفكيرى وارائى من خلال الكتب وحاجات علمية كتير

اروح الكورسات بتاعت ابراهيم الفقى لتنمية البشرية محتاجة حاجة زى كدة اوى

اتعلم لغات كتير بالذات الاول الانجليزى علشان بجد نسيتوة وفقد الذاكرة فى وقفت لحد هاى وباى

أذكر شخصين على الأقل متواجدين فى حياتك حاليا .. كنت تود وجودهم قبل الآن بزمن ..

مدونتى وانتوا

السؤال الرابع أذكر شخصين على الأقل غير متواجدين فى حياتك حاليا كنت تود وجودهم الان

مفيش

مين اقرب شخص ليك؟

سارة بنت خالتى وامنية صاحبتى وعلى فكرة فى ناس منكم بقت قريبة منى اوى من غير ذكراسامى

ايه معنى السعادة من وجهة نظرك وحاسس انك سعيد؟

السعادة هى سعاد الاخرين وليس فى اسعاد الذات

بصوا من ناحية حاسة انى سعيدة او لا فهو الموضوع نسبى ساعات يحصل موقف حلو افتكر كل الحاجات الحلوة الى فى حياتى واحس انى سعيدة وساعات العكس افتكر كل الحاجات الى وحشة فى حياتى واحس انى غير سعيدة اةةةةة عموما الحمد الله

امتى حسيت انك ظلمت انسان ومحتاج لحظة غفران؟

والله معرفش ظلمت حد او لا بس اكيد ظلمت مش عارفة عموما انا اسفة ومش هعمل كدة تانى

البنى ادم اكيد فى كل وقت محتاج لحظة غفران من كل الى حواليه

بتعمل ايه لما بتكون متضايق؟

بعمل حاجة غريبة اوى اجيب كل لبس الخروج واقعد البس واقلع فى واحط مكياج وارقص بستريح نفسينا لمة بعمل اوى كدة

او اعيط بحرقة

امتى حسيت انك اتظلمت وليه؟

ماعلينا

ايه اكتر احساس بيراودك تجاه نفسك والاخرين؟

انا دايما لوحدى ومع نفسى

تجاة الناس عموما كل الناس طيبين عارفة اكيد فى نماذج مش كويسة بس فى حاجة فى كل بنى ادام لو لمستها من جوه هتلاقى طيب اوى

امتى ممكن تتنازل عن حق من حقوقك و ليه؟

يعنى لو الى قصادى محتاج الحاجة دى اكتر منى مش شرط احبه او اكره

أذكر سته اشياء لايكتشفها فيك من يراك لاول مرة؟

احيانا بكون جادة جدااااااااااااا

انا مش اجتماعية خالص زى مانتوا فاكرين

انطوئية لحد ما

قليلة الكلام

هادية اوى اوى محدش مصدق دى انا عارفة

دمى تقيل وكوبة انا بت رخمة اساسا مش بهزر غير مع ناس القريبن منى اوى

لدغة فى سين فى اة بيكشتوفنى من اول كلمة وفى مش بيعرفوة الابعد سنين انا الى مضايقنى فى الموضوع دة انى محروم اغنى اغنية المفضلة بسبوسة بسبوسة

من لاخر كدة انا معاكم والله ببقى حد تااااااانى خالص بتعفرت معاكم

سبع حاجات دايما بقولهم

انا زهقت دايما بزهق كدة وملولة محدش يزعل منى بقى لو قلت كدة

ارد اقول اية

اية الى يضحك دلوقتى

بطل

كدابة

ان شاء الله لمة احب اخد الى قصادى على قد عقلوا اوسكتوا علشان زهقت

يارب ارحمنى

سبع حاجات نفسى اعملهم

اخد بطوبطى من ماما مى واقضى مع يوم يالهوى يا بطبوطى دة انا بحبك اوى

انط فى اى قطر واروح لانجى فى اسكندرية وامسك ايدها ونطير سوا ونعمل كل شئ اتفقنا علية

اخر حاجة بقى علشان انا زهقت وكرهت نفسى

نفسى اعمل حاجات كتير لناس كتير واحقق احلامهم واساعدهم

انا اسفة انى مش بنى ادمة مفيدة ومش عارفة اعملكم حاجة بجد اسفة

قسم يا عمدة قسم بس من غير صداع

فى مكان ما فى البيت(والى ميعرفش فين البيت الابيض بالتحديدهو وراء البنزينة"

ميشال مرات اوباما وهنسميها شوشو علشان التموية وهنسمى اوباما بوبو برضة علشان التموية

شوشو:قوم ياراجل يلا من صباحية ربنا وانت نايم كدة لا شغلة ولا مشغلة ولا كانك بقيت ريس على دولة دة انت لو كنت ريس وكالة البلح كنت بقيت انشط من كدة

بوبو:فى اية بس ياشوشو كنت سيبينى انام شوية دة الواحد بقالة زمن منمش على فرشة حلوة زى دى وكمان اقوم اعمل اية بس

شوشو:ياراجل هو السبرتو الى بتشربوا لحس دماغك ولا اية انت ناسى انك بقيت ريس اكبر دولة فى العالم ولازم تخطط وتقسم هنعمل اية شوف هنحارب مين..وهنخرب على مين...وهنسرق مين...وهنقول على مين عندة اسلحة دمار شامل المرة دى...ومين حبايبنا ومين اعدائنا ومين ومين

بوبو:يااااااااة تصدقى بالله وما ليكى عليه حلفان انى كنت ناسى الموضوع دة والفرشة الجديدة نسيتنى مانتى عارفة انا لمة بغير فرشتى بيحصل اية والله مش عارف من غيرك كنت عملت اية ياقمر انت يا قمر

شوشو:اية ياخويا كلنى بالكلام كلنى وانسى الى عملتوا فى انت وامك لمة كنا ساكنين فى المستودع والله دة انا لوحدة غيرى ماكنت استحملت الى استحملتوا ابداا وادينى استحملت معاك اهوا ونضفتك لحد ما خليتك اكبر ريس فيكى يا منطقة

بوبو:ياااااة دة انتى قلبك اسود بشكل يا ولية انتى

شوشو: يلا اهو كلوا بيعمل بأصلوا المهم..رئيسة الوزراء الاسرائلية اديتك مسد كول المعفنة مش هاين عليها تتصل اوتبعت ماسج كلمنى شكرا تلاقيها عايزة نبعتلها كام دبابة على كام طيارة على كام مطوى قرن غزال للسفاحين الفلسطينين الى مش مكفيهم انهم واكلين شرابين نايمين مدبحوين ومقتلوين فى ارض مش ارضهم مش عارفة انا يا خويا قلة الادب والذوق دى

بوبو:اة والله عندك حق ياشوشو انا لاعمرى هشوف قلة ادب زى دى ولاهشوف انا لازم اشوف حل معاهم كويس يردعهم عن اصحابنا الاسرائيلين

شوشو:لا وشوف بجاحة العالم مستخصرين فيهم السلاح النووى ومش شايفين ايران المفترية الى بتهدد امنهم وخليتهم يجلهم اكتئاب نفسى وعصبى لاااااااااايابوبو مينفعش كدة انت لازم تقف فى وشهم وتخليك سبع من اولها ونحاربهم ونخلص منهم ب

بوبو:بس هنحاربهم وهنقول قدام العالم اية؟

شوشو:انت بتسهبل يا راجل مش عارف تقول اية هم اساس ليهم عين يتكلموة مش كفاية عليهم هنخرج جيشنا من العراق بعد ما جبنا درفها احم احم اقصد بعد ما حررانها وهنودى جيشنا المسكين افغانستان يبقى قول هنحاربها علشان مفهاش اسلحة دمار شامل اصل جملة فيها اسلحة دمار شامل دى قدمت وبقيت موضة قديمة وكمان احنا لازم تكون سياستنا برضة مختلفة وليها نكهة خاصة

بوبو:اممممممممممممممممممممممم

شوشو: بتفكر فى اية؟....بوبو:فى موضوع الازمة المالية مش عارف هعمل فيها اية؟

شوشو: ودى حاجة برضة ياراجل ماحنا هنشيل ايدينا خالص من موضوع المعونات دة الى مش جايب همه ومجرد منظر قادام العالم ونخيلى العالم التالت والدول النامين الى فرحانين كلهم دلوقتى بنتخابك ومزقطيطين يالطموا ويولول خليهم بس يفرحلهم شوية اصلهم مش عارفين المستخبى لهم

بوبو:عندك حق يا شوشو كفاية بقى وجع دماغ بالعالم التالت والرابع وروحى جبيلى طبق كشرى اصتبح بى وكوباية شاى فى الخمسينا وولعيلى التليفوزيون علشان ميعاد مسلسل نور قرب!!1

لية يا صاحبى؟ اهداء الى بيكر+تحديث

لية يا صاحبى الحزن مليك

والالم جواك ومليك

لية عيونك دايما شاردة

وفيها حسرة وحيرة انا شايفة

ونبرة حزن انا سامعةوبأة غدر انا حاسة

خدعوك وبعوك انا عارفة

وبخنجر مسموم طعنوك

ولا فرق معاهم جرحك

ولا فرق معاهم دمعك

وخلوك بأيدك

تطفى شمعك

وتغرب شمسك

وتنيم قمرك

وتمشى فى دنيتك

تايه مجروح وبتنزف

وفهموك ان دى اخر محطة

لا ياصاحبى

اوعى تيأس

اوعى تقول دى نهايتى

دولة ولا يستهلوا دمعك

وخلى ايمانك بالله كبير

يلا امسح دمعك وانا هطيب جرحك

هاتايدك يلا فى ايدى

وبكرة اكيد احلى

.........................................

الله يخليك

الله يخليك

يا اعز صديق

الله يخليك

يااحلى رفيق

(لله يخلي)

البسمة ماتفارق وشك

والحزن يبعدة عنك

وينور قلبك

ويسعد ايامك

ويبارك فيك

الله يخليك يا اعز صديق

....................

معلش يا بيكر انا عارفة ان البوست مش قد كدة خالص

معلش حاجة بسيطة كدة...

تحديث كفايك بقى حزن بقيت شبه الراجل دة

ومش هنعرف نجوزك خليك فرش زى الراجل دة واعمل سبايكى ههههههههه فكك بقى قشطة

عيييييييييد ميلاد الليلة ميييييييييين؟

اهى الساعة اها دقت 12

يعنى يوم جديد

انا كييييييييييييييييييييييت

زى اليوم دة

الاثنين

13/10

سنة 1700

تامتى كااااااااام؟

رغم ان عيب تسالوا واحدة ع أنسة زى سؤال زى دة(أية الى جاب حرف العين دة امشى امشى امشى

بس بجد حاسة انى تاميت سسسسسسسسسنة والله بس حاسة الى انا البت الى فوق دى بجد ايوة هى اخرها سنة مش حاسة زى كل عيد ميلاد انى بكبر بالقرن بالصلاتو على النبى كدة لا حاسة بشقاوة غريبة جوايا و فرحة لذيذة وحالة كدة جوايا مش قادرة اوصفها

ياااااااااااااااااااااااااااااة

انتوا كنت فين كل السنين الى فاتت دى؟

وراء البنزينة طب ماشى خلاص سامح المرة دى

هههههههههههههههههههههههه

يلااااااااااااا بقى نحتفل بعيد الميلاد وبم ان دة عيد ميلاد كيكى يبقى لازم يبقى مختلف خالص طبعا كلكم راسمين على تورتة وكدة ها...لا لا لا لا طبعا..امال الكشرى هيروح فين؟

احم احم..معلش كلت معلقة من طبقكم اصلى مقدرش اقوام بصراحة..وطب والرجيم رجيم مين يا جدع بقول عيد ميلادى اقتلوة الراجل دة1!!!

وطبعا انتوا عارفين انا لولا ضغط اليومين دول جامد على محلات الكشرى ان كنت عزمتكم فى اكبر محل كشرى فيكى يا مصر....أةةةةةةةةةةة انا بصرف بالعشرين جنية ومابيهمنيش وبصيف عقبال املتكم فى ابو اتاتة..والله كنت عزمتكم نفرررررررر نفرررررررررررر...واخدين بالكم من نفر نفر دى؟

مش عايزة بقى ارخم عليكم وانتوا بتاكلوا أسيبكم بقى مع

اغانى العيد الميلاد الكلاسكية

انا مش انا لادى ملامحى ولا شكل شكلى ولادة انا مش عارفنى انا توهت منى انا مش انا انا

ابص لروحى فجاة لقتنى كبرت فجاة تعبت من المفاجاة ونزلت دمعتى اهى اهى قوليلى اية يامريتى

قوليلى اية حكايتى تكنش دى نهايتى واخرة قصتى اهى اهى انا

متفرحوش فى كدة حراااااااام عليكم

انا مستهلش منكم كدة حرااااااااام عليكم

اهى اهى

العجل هد المسطبة

شرب السبرتو والى جالوة جالة

شرب السبرتو والى جالة جالوة

سيد يا سيد

يلا هوبة معاياااااااااااا

زغرطى يا فتكات

لولىىىىىىىىىىىىىىىىىىىىى

لوىىىىىىىىىىىىىىىىىىىىىى

كنت معا حفلة عيد الميلاد على الهواء مباشرة

من مركز شباب الحبنية.. 1..2..3 الله ونشكر عم حتاتة لحضور الحفل الخاص لكيكى

شلاااااااااااااااااااااطة

وكل عام وانتوا بخيرررررررر

تحديث.. سلام صعيدى شحط محط لفتكات علشان العيد الميلاد الى عملتهولى مخصوص

http://www.frinds-2008.blogspot.com/

ولحفيدى

http://www.yasserahzanie.blogspot.com/

بجد شكرااااااااا اوى اوى وكفاية بقى علشان الدمعة فرت خلااااص

وميرسى اوى على الصورة دى

اجمل احساس...2008

عاملين اية؟

اية اخباركم

اسفة بجد على التاخير بس كانت ظروف

الصراحة أ حترت انزل بأية احل تاج ولاانزل بخاطر كئيب

ولا اكتب حاجة مفيدة وسطى تفكير العميق المعمقق

لقيتالكريب الخطير دة

لقيتوا بيرجعنا للرومانسية الى احنا مفتقدينها فى حياتنا

رومانسية احمد ومنى هريدى وهايدى برعى وتفيدة لى ومحسن عبد التواب

الناس الجميلة دى الى عشنا على قصصهم واحنا صغيرين وبنلعب فى الطين

كفاية رغى بقى علشان تعيشوا المود شوية وتسرحوا مع البطلة والبطل وبالذات البطلة

الى بتفكرنى بنفسى...

ام لاواحظ..الكريب من انتاج شيتوكال

ابو الريش!!

ياردالة انا رحت ابو الريش هيييييييييية كانت الدعوة موجه من العسولة داليا قوس قزح وابى الشقية

وكانوا قالوا بقالهم فترة على الموضوع دة على العمل الخيرى دة وانا والله كان نفسى اروح اول ماعرفت بس احم احم مكسوفة وكدة ومش عارفة اى حاجة فى اىحاجة لكن جنة شاجعتنى وانوج الى كانت هترقعينى باى حاجة فى ايدها لو مكنتش روحت....اااااااة اهى وصلت يا ست انجى المهم كان الميعاد الساعة تالتة جت معايا حبيتى فاطمة ملامح مصرية هى الى ودتنى اتقبلنا الساعة واحدة وراكبنا موصلتين ومشينا شويةةةة انابقى مش متعودة اخرج خالص فى رمضااااان ومقضيها انتخة فى البيت فى بالنسبةالية المشوار كان سفر مع المشى خطوتان وصلت على باب المستشفى بقول احد احد شربة ماء يا اهل قريش اعاااااااااااااااا انى من يثرب انى افطس افطس افطس اةةةةةةةة المهم مسكت نفسى وداليا جابتنا وطلعاتنا فوقق كانت ابى بتظبط الشنط الاطفال وبعد كدة وزعانها وبعد كدة الاسف انا مشيت وهمة راحوا الافطار وانا طول السكة عمالة افكر واندب ياترى بيعملوا اية دلوقتى؟ ها وعمالة اتخيلهم واعيط زى فيلم الطريق الى ايلااااات واقول يارتنى كنت معاهم يارتنى كنت معاهم اعااااااااااااااااااااااااا اهى اهى عملتوا اية بقى احكولى؟ وعمالة كل شوية اقول اماما كان نفسى اكون معاهم وانا باكل كل شوية لحد ما اخدت منى الطبق الاكل وقالتلى لافى اكل هنا ولاهناك وروحى امسحى الصالة واعدت اغنى والله يازمن ما بيدنا زرعنا الشوك اهى اهى

ههههههههههههههههههههههههههههههه

لا بجد كان يوم جميل والله والاحسن اننا اتجمعنا فى عمل للخير ودة الاهم والله وبجد كان فى مدونين كتيرررررررر اوى والله ربنا يباركلهم انا فاقدة الذاكرة دلوقتى لكن اكييد هتلاقوا كل شئ بالتفاصيل فى مدونة احمد الصباغ بجد والله بجد ابى وداليا ربنا يسعدكم على المجهود الى انتوا عملتوا وبجد يا جماعة فى حالات صعبة جدااا وهمة ان شاء الله هيروحوا تانى لحالات اصعب ياريت تروحوا الاطفال توجدك معاهم هيفرق اكتر ان شاء الله با بتسامة وناس كتير جت من محافظات بعيدة ياريت تبقوا تروحوا ويارب يارب ماتجمعين فى الخير دايما

................................

(مستوحاة من عيون الاطفال)

خد بأيدى وامسح دمعى

خدنى فى حضنك والمس قلبى

خدنى فى دنيا غير الدنيا

ناسينى المى وهمى

ناسينى حزنىويأسى

عيشنى لو لحظة واحدة

أنك

ضلى وحلمى الجاى

انك

شمعة نور فى عنيا

انك

بيتى فى لحظة خوف

انك

أملى فى لحظة يأس

انك

طريق لسكة تانية

أرجوك

!

خد بأيدى وامسح دمعى

خدنى فى حضنك والمس قلبى

..رمضان كريم ..و...و..و

رمضااااااان كريم

عليكم وعليناو ياااااارب اغفرلنا وارحمنا يا ارحم الراحمين

الهم ما امين

اسمع حد جميل يقول اية رمضان كريم..و..و.. ودى؟

والله سوال وجية اول مرة تسال سوال عدل

و...و..و علشان هقول حاجات

أولاهم...

انى قبلت دعاء مواجهات اول امبارح برضة الحد الجميل يسالنى وطب وفيها اية دة انتى غريبة غربانة والله وبيضرب كف على كف دلوقتى ياعم سبنى اكمل اصلها اول حد مدون اشوفة فى حياتى ..يااااااااااة كان احساس غريب بجد علية انك الناس الى بتكلمهم فى العالم الساحر بتاع المدونات تشوفهم حقيقى وكدة...اسمع حد جميل يقول عالم ساحر اهى دخلت فى الفوازير اهى واحتمال تمثل بعد شوية..المهم حددنا ميعادواتقابلنا وانا الصراحة جيت متاخرة عشر دقايق بس..اسمع حد جميل بيقول عشر دقايق بس دى انتى جيتى تانى يوم..اية دة انت كنت معانا ولا اية!!المهم ما انا عارفة انى مش هحكى النهاردة منك المهم نزلت من التاكسى و تاكسى برضة ولاعربية كارو..اقعد ابص على واحدة حاطة وردة حمرا فى نفوخها زى ما اتفقنا فا مالقتش قلت تعملى يا بت يا كيكى تعملى اييييييية فكرت وعملت النداء بتاعى عووووووووووووووووووو لقيت صدى صوت بيرد علية بييييييييس والحمد الله عرفنا بعض يااااااااة دعاء بجد صغنتوتة خالص خالص وعسولة اووى والله وفعلا شخصيتها شخصية صحفية ويالهووووووووووى على الرغى الى اقعدنا نرغى انا وهى كاننا عرافين بعض من سنين سنين اية يا شيخة دة انتوا عشرة خمسة ونصف لحد تسعة...ياعم انت مالك دلوقتى بس انا حسيت كدة وخلاص وبجد كل ما نقول سلام ونيجى نمشى نرغى تانى بس انا فى الاخر بجد مقدرتش لانى كنت لبسة جزمة اقل نمرتنا من مقاسى ومردتش اقولها علشان المنظر العام وكدة يعنى..اةةةةةة اخر حاجة مهمة كنت هنسها فى وسط الكلام كنت بقولها ابتدى امتى وكدة التدوين قالتلى من شهر اتنين قالتلها وانا عملت فكك منى فى شهر خمسة بصتلى باستغراب قالتلى فكك منى مييييييييييييييييين؟ انا قلت فى بالى يالهووووى هى مش عارفة انا مين ولاجاية تقابل واحدة تانية على اساس انها انا قالتلها انا كيكى يا دعاء والله خوفت تقول دعاء مييييييييييييييييييييين؟ههههههههههههههههههه بس بجد كان يوم جميل وهى شجعتنى لو لقاءت ولا كدة ابقى اروح انشاء الله بس اوعى تتخدو منى

.............................

الثانى...و

هرد على تاج

جالى من العسولة نعكشة المنكوشة والسكر عازفة الاوتاروشقفة هانم صاحبتى

بدات تدون امتى ودخلت عالم التدوين ازاى؟

من شهر خمسة دخلت من خلال اخويا مصطفى علشان هو عامل مدونة وكان هو الوحيد الى بورى الى حاجات الى بكتبها واكييد زهق منى قال لمة اعملها مدونة واخلص منها بقىههههههههههه يا عينى ابتلاكوا بيا انا عارفة

اية كان انطباعك فى الاول؟

اممممممممممممممممممممممم كنت فرحانة على متوترة على تايهة

مين اكتر واحد بتهتمى بتعليقاتة؟

بجد والله كل التعليقات لان كل واحد لية روحة وبصمتة فى تعليقة..ياواد انت يا دبلوماسى

اية اهم حاجة اتعلمتها من التدوين؟

اتعلمت انى اكون نفسى

محدش يسالنى اية الرد دة لانة لسة واصل فى نفوخى دلوقتى

حاسس ان التدوين لية تاثير؟

اكيييييييييييييييييد

انتوا مش بتقرا كل شوية فى الجرايد عنا ابحاث وحاجات ومحتاجات عن التدوين وتحث ان التدوين عملهم قلق يا عينى

عن المستوى الشخصى..هرد رد غريب شوية بس عارفين احساس حد ميت بس اهو اصلا عايش بس من كتر حاجات كتير فى المجتمع ادفن وهو حى ومكنش ناقص غير كفن وخلاص هيدفنوا راح جاة واحد ابن حلال مسك الميت وشالوة الكفن وقالوة انت عايش وصدقنى فى امل بس عارفين ساعات الميت من كتر ما ادفن ساعات بيشتاق لكفنوا

اهدى لمين التاج؟

كل هيخدوا اجبارى لا اختيارى

ثالث..و والاخيرة

انتظرونا بعد العييييييييييييييييييد

لا والله مش وخداة اجازة موضة يعنى وكدة بس علشان هاروح لستو وهاجى واروح واجى كدة يعنى اعذرونى لانى ساعات مش برد على التعليقات او ازور مدونات والله ظروف

بسسسسسسسسسسسسسسسسس

انتظرونا وياريت تدعولى ربنا يهدينى وحد يقولى عمرو خالد بيجى امتى وعلى انى قناة

و

و

و

و

لا

مفيش بس برخم

....هذه امنيتى يوم ميلادى

.....أيقظنى الساحر من منامى وقال لى
افيقى وتمنى امنية فاليوم يوم ميلادك

نظرت الية بأستيحاء وقلت
أرجوك

انزع قلبى من داخل صدرى ومزقة او اسحقة واعلن وفاتة فلقد اكهلنى وانا فى نضرة شبابى

فقد جعلنى كالقطة البلاهاء

اتمسح فى الناس بالحب والمودة جعلنى اسامح كل من أخطأ فى حقى ومن لم يخطأ اسامحه مسبقا

جعلنى اضحى وافنى بعمرى لاناس لاتستحق حتى ان تحيا

جعلنى ارق لحال كل عاصى ولئيم وخبيث وامد يدى لهم فلا اجد منهم سوء بترها

جعلنى اشتهى كل قلب حزين باكى لكى اسعدوا واخفف عنه همه فلا اجد غير صفعه غدر قوية تردعينى وتبكينى لايام

قلب احمق لا يستطيع ان يكره واذا كره اقل كلمة حلوة المذاق تنسية كرة وتجعلوة سيد القلوب وهو لا يعلم

انه خادم القلوب

صدقينى انا لست ملاك

لست ملاك

لست ملاك

بل انا انسانة امتلك قلب عليل امرضنى لسنوات.....

فقد جعلنى اضحوكة هذا الزمان...فى زمن احمق لايقدر الانسانية بشئ

*ارجوك كف عن البكاء......وامسح دمعك أيها الساحر*

فقط

أنتزعة

أنتزعة

أنتزعة

فلقد اكهلنى وانا فى نضرة شبابى وهذة امنيتى يوم ميلادى

مصطقى انت عديت الكبارى...

ازيكم عاملين ايييييييييييييييية والله مفتقدكم اووووووووووووى والله الى خالنى انزل ببوست جديد وانا فى اجازتى خبر فى الجون وعلى فكرة انا مش قى مصيف ولا حاجة خالص انا عند ستو وفى ظروف كدة

المهم.......

اية بقى الخبررررررررررررررر

رئيس الوزارء المصرى يشارك لاول مرة بمدونة وسط دهشة المدونين

بدا المدونون مصريين غير مصدقين وهم يعقبون على مشاركة نادرة قام بها رئيس مجلس الوزراء المصرى الدكتور احمد نظيف فى مدونة ذات توجة يسارى تدعى على اسم مصر للمدون مصطفى محمود.وفقا لتقرير نشرتة صحيفة الشرق لاوسط اللدنيية السبت9_8-2008 واكد نظيق لصحف محلية الاحقا انة صاحب الرد

نقلا عن العربية

http://www.alarabiya.com/

على موضوع خصخصة التعليم.. ومستقبل الفقراء بالارشيف

www.lenin 1917.blog spot.com

على اسم مصر

مصطفى محمود

من وجهة نظرى انا شايفة فعلا ان المشاركة فى حد ذاتها نقطة ايجابية لمصلحة المدونين....انهم قادرين على تحريك الرتم المعتادفى حياتنا السياسية مش مظاهرات فقط او اعتقالات من الجانب الاخر....بان كلمتهم بقت مسموعة من الجانب الاخر بقى فعلا صدى صوتنا بقى يوصلهم من خلال المدونات..بس بشرط فعلا تكون المشكلة الى بنعرضها يكون لها حلول نعرضها وننقدها بشكل بناء..........بس ياريت يفضلوا يشاركونا فى حياتنا ويحسوا بينا وينقذوا حلولنا البناء.. وينزلوا على ارض الواقع علشان بجد صوتنا تعب اوووووووووووووى انة يكون لدى البعض

صدى صوت

صدى صوت

صدى صوت فارغ مزعج

دونة فائدة

تذكررررررر

صدقونى....ان صدى الصوت يوم ما....سيكون اقوى من الصوت نفسة

غدا سيشرق يوما جديد

مصطفى...... بجد فرحانة ليك اووووووووى ومبروووووووووووك عارفة انى متاخرة اوووى بس انت لسة قايلى امبارح وربنا يرجعك بالسلامة من المهمة الرهيبة الى انت فيه.....من مولد ابو ادرييس فى قنا...يارتنى كنت معاك ههههههههههههههههههههه....

ونبى يامصطفى ابقى افتكرى باكلمة ولا حاجة فى كل ماكان تروحوا قالهم اختى كيكى عندها مدونة ظريفة خفيفة وهى كيكى لطيفة ههههههههههههههههه وقالهم نفسها تخش طب وتحول من الاكاديمية العالية للقطن ليها....

ما انت خالص عديت الكبارى

وش مفروس وبيحقد

هارجع بقى لاجازتى الاجبارية....كانت معاكم كيكى من سيبر ابو حتاتة

دومت بخيررررررررررررررررر كيكى عووووووووووووو

ونسيت انى ام ابراهيم..!!(راحة وهتوحشونى

كنت نايمة لا بية ولا علية لقيت ماما بتصحينى ..ماما: انتى يابت قومى .. انا: هو الواحد ميعرفش ينام فى البيت دة..ماما:مانتى بقالك اسبوع نايمة يا منيلة قومى اتحركى شوية خلاص ناقصلك ديل وتبقى جاموسة رسمى ..100 مرة اقولكم محدش يركز فى الكلام دة.. قومى روحى عند عمتك فتكات هاتى منها صباع الروج الاحمر واخدة منى بقالها اربع سنين روحى هاتيها علشان نروح فرح ابن خالك جعايدى الاتنين الجاى..انا فى سرى دة اسم حد يجوزة..يووووو بقى انا معرفش السكة..ماما:انزلى عارف شارع ام مرسى اة متخشيش منة ولا يمين ولا شمال ولا طوالى...امال اخش فين؟..ماما: عند شارع ام عطيات.. انا : امال ام مرسى مالها اية الى داخلها فى الموضوع..ماما : بقولك يا هبلة علشان متخشيش منة..انا: ماشى المهم لم اخش من شارع ام عطيات..ماما: ام عطيات مين؟....انا:الى انتى لسة قايلة عليها..ماما: انا قلت عطيات بقولك شربات....انا:كان ناقصلى دقيقة وانفجر المهم اعمل اية.....ماما:خشى شارع رؤف بن الفنكوش....انا: نهار اسود رؤف مين!!1المهم لبست ونزلت تحت فى الشارع ندهتلى من البلكونة وشرحتلى الموضوع تانى...قالتلى بعد الشارع كلوا ما سمع فهمتى انا قولتلها اة..لكن فى سرى قولت ..هى كانت بتقول اية؟ وبدات رحلتى فى الشوارع........

اقعد ادور على شارع رؤف على عطيات على ام مرسى وراسى لفت وتعبت من المشى قلت اخش اى محل كشرى اضربلى طبقين ولا تلاتة والنهاردة كمان يوم الفيرى من الرجيم..بعد ما دخلت على الطبق السابع لقيت واحدة بتبصلى اوووى انا اقعد ابص ورايا ملقتش حد غيرى بصيت على هدومى يمكن يكون فيها حاجة بصيت على الجيبة الصفرة المنقطة بخضر والبلوزة الموف الى مخططة بكحلى ولا يمكن الجزمة البرتقالى فيها حاجة ولا الطرحة الحمرة ولا يمكن خدت بالها من القصة الى بنزلها من شعرى وانا قصدة ولا اتنين كيلو البودرة الى حطهم على وشى ساحوا وفجاءة...اكتشفت انى لبسة ساعة فضى بتاعت بنت خالتى ادتهنى علشان البسها هى اكيد الى ميبوظة شكلى انا عارفة عايزنى ابور والناس تتضحك علية.. الست: انتى ظهرتى يا ام ابراهيم.. انا: ام ابراهيم مين ياست؟..الست:انتى رجعتى بعد ما هربتى مع ابو سريع وسبتى ابراهيم ابنك عند حماتك اطاطا..دى عاملة مكافاة طبق كسكى للى يعتر فيكى وانا بصراحة نفسى فى الكسكى من زماااان.. وانقضت علية وسحلتى من قفايا وانا عاملة ارقع بالصوت ومحدش سال فى..ودتنى منطقة شعبية ودخلتنى بيت معفن وندهت يا اطاطا انا جبتلك ام ابراهيم اهى..اطاطا:هى فييييييين مرات ابنى ابنى ابنى ابنى الغالى الى خلتوة يطفش يا عبيبى من حسرتة..هى فييين سبتنى اربى ابراهيم بقالى سنين لوحدى وكل شوية يقول ماما ماما..انا:ياست الله يرضى عليكى انا اسمى كيكى وفى الاكاديمية العالية للقطن ومعرفش مين ام ابراهيم دى الى بتكلموة عليها!1 اطاطا:كيكى ودة فينك يابت ولابيرسول جديد كمان بتنكرى نفسك يا ابراهيم يا ابراهيم تعالى شوف امك.....يدخل راجل كبير شكلوة عدى السبعين لابس طارطور وشورت ازرق مقطوع وفانلة داخلية دايبة وبازازة فى بقك بصلى وجرى علية وقال ماماماما...انتى ماما وانتى بابا وانتى كل حاجة فى حياتى..الخ الخ..انا ابعد عنى يا راجل انت ..انت لسة شايف فيلم الارهاب والكباب ولا اييييية!!1..وكمان ازاى دة ابنى دة هو الى يخلفنى!!1 اممممممم اظاهر انى اتسهلت معاكم قلتوا فى بالكم دى شكلها بت فافى علشان فى الاكاديمية العالية للقطن لااااااااااااااا دة انا خريجة عجة الاعدادية بنين ومشتركة فى مركز شباب الشيشة للناشين..دة انا الى الفيل قال علية صديقى..انتوا لسة مش عارفين انا مييييين...كلهم فى نفس واحد مين؟ انا كيكى الهلالى وهمشى يعنى همشى دلوقتى انا من عايلة محافظة ومينفعش اتاخر اكتر من كدة...اتأخر لاااااااا...اطاطا دخلت تجيب السكينة من المطبخ وبترفعنى...أبات اةةةةةةةة.............................................................

........فى البيت عندى

خالتى واحد: مواجهة الكلام لماما متقليقيش يا ختى البت زمانها جاية...خالتى اتنين: ربنا يقرب البعيد ...خالتى تلاتة:ان شاء الله خير....خالتى اربعة:وهى بتصوت وتلطم علية: يا تخينة وعاملة رفيعة يا ختى........خالتى اتنين بتهدى خالتى اربعة: متعمليش كدة احنا جايين نهدى اختك مش نقلقها ..خالتى اربعة ترد: اصلك متعرفيش كيكى دى روحى روحى روحى كانت تيجى يا ختى تقشطلى على المطبخ كلوا المفجوعة متسبليش لقمة اكلها لكن على قلبى زى العسل اهى اهى....خالتى التاسعة: معلش اصل خالاتى رقم 5 6 7 8 مجوش كانوا عندهم ظروف.. بتكلم ماما مينفعش يا ختى كدة انتى مكلمتيش من الصبح مينفعش متتكتميش فى نفسك كدة غلط ماما: يالهوووووووووووووى يا لهوووووووووى خالاتى : متصوتيش كدة هترجع ان شاء الله....ماما: انا مش بصوت عليها الهى ما ترجع البعيدة انا بصوت على صباع الروج اروح الفرح ازاى دلوقتى؟ خالاتى كلهم فى نفس واحد يالهوووووووووووووووووووووووووووووووووووووووووووووووووى

عند اطاطا فى البيت...

ام ابراهيم الى هى انا ايوة....اطاطا: نضفتى االبيت ايوة.. طبختى ايوة زعفتى السقف ..ايوة..مسحتى سلم الجيران واخدى الاجرة ايوة اوعى تكونى كلمتى ام مرعى علشان مخاصمها و واكلة دارعها قبل كدة..مكلمتهاش اطاطا: طب تعالى حطيلى منكير وميك اب علشان عندى راندفو مع الجو بتاعى وبعد كدة زكرى لا براهيم علشان امتحان الجى تو قرب...حاضر حاضر..اهى اهى

انا: يابنى احفظ بقى 1+1=2 مش صفر ابراهيم : لا صفر يابنى لا اتنين ابراهيم بعد ما لطشنى الم لا صفر..شيلنى شيلنى يابنى اشيل مين؟ هو انا قادرة اشيل نفسى .. هقول لستى اطاطا اعااااااااااااااااا حاضر وبعد ماشيلتوة ونفسى اتقطع ووقعت على الارض ابراهيم مشى وقال 1+1=.... انا قلت صفر!!1

وعدت سنين وايام وايالى وانا على الحال دة لحد ما اتعودت عليهم وحسيت انهم عيلتى وكببببببببر ابراهيم وعدى التسعين وقرارات اطاطا انها تجوزة ..وانا قلت على بركة الله الواد برضة كبر وفى سن خطر... والحمد الله روحنا خطبنا لى واحدة من دار المسنين الى على اول الشارع وهمة لاقين على بعض سوسو خطيبة ابنى طيبة وبنت حلال وحددنا الفرح يوم الجمعة الجاية الصبح بدرى قبل ما الا اولاد مايموتوا مننا وندفنهم بليل فى ترب الغفير...

الجمعة صباحا.....

بابا: بيقول لماما يعنى حبكت تجيبى صباع الروج الاحمر دلوقتى ياستى النهاردة الجمعة اجازتى وانا مابصدق اريح شوية..ماما:بكرة فرح حفيد جعايدى ولا مروحتش هياكل وشى ومش كفاية كمان انى محضرتش فرحوا بسسب بنتك المنيلة....بابا: شايفة البنت الى هناك دى الى فى اخر الشارع الى فى الفرح..ماما: انت مش هتبطل عينك الزيغة دى بابا: هو انا لو كنت بشوف كنت اتجوزتك..ماما بتقول اييييييييية؟ احم احم ولا حاجة انا اقصد انها شكل بنتنا بتيجى نسالها....بابا: هو انت يابنتى اسمك كيكى...انا:كيكى مييييين ياعم الحاج انا ام ابراهيم وامشى من هنا احسنلك الله يسهلك ياعم الحاج انا عارفة انتوا ميييييييين انتوا قاريب سوسو جاين تاخدوها علشان اتجوزت من وراكم لااااااااااا انا مش هسمحلكم تبوظ فرح الواد....امشوا لمة والله ماما وبابا جريوا بسرعة وماما وهى بتجرى بتقول لبابا شوفت حتى سيرتها بتجيب النصايب

اطاطا: متعمليش فى نفسك كدة ياختى اهدى ان شاء الله ليلتوا هتبقى زى الفل

انااااااااااا: اعمل اية بقى قلب الام

اهىىىىىىىىىىىى

اهىىىىىىىىىىىىىىىى

............................................................................................................

تحديث:اسفة بجد على التاخير بس انا هاخد راحة لفترة وبجد هتوحشونى كتيرررررررر امانة عليكم المدونة زى مدونتكم اوعى تسبوها لوحدها ابدا ولو عيطت قوللها كيكى زمانها جاية جاية بعد شوية جايبة معاها بوستات وك وك اسمع حد جميل بيقول يا شيخ غورى بقى هى دى الحظة الى احنا مستنينها من زمااان ماشى ماشى لم ارجعلك طيب انتوا عارفين اكتر حاجة مضايقنى اية مين هيخدكم ويقولكم عوووووووووو من غيرى اهى اهى هتوحشونى بجد دومت فى حفظ الرحمن كيكى عووووووووووووووووووو

....بحاول.....

بحاول اخلق لنفسى قصة حب زى الناس كلها

حتى لو مش موجودة فى الحقيقة

لكن

بخلقها فى خيالى تؤنس عليه

وحدتى وتقتل جوايا جنونى

........بحاول.....

الوجه الاخر لكيكى......

هعترف يا باشا هعترف بس من غير ضرب حاضر هقلع ماسك الطيبة وابان على حقيقتى ادينى دقيقة علشان اتحول ..تك تك عووووووووووووووووووو..فليتحول الوحش
...................................................................................
جالى كارت ارهاب وقوليلى لازم اعترف وابان على حقيقتى المرة...من احلى برنسيسة بيرى...وهى اول واحدة هاكلها..هم هم...........................................
أكتب 16 صفة عن نفسك؟
اممممممممممممممممممم......انا هكتب كل الى يجى على بالى
اولا..بشكر ربنا على كل شئ لان بجد انا مقصرة فى حق ربنا اوووى..ودايما بيقف جانبى وبيحمينى ياااااااااااة انا حاسة بالخجل اووى..انا لم بلتزم بحس براحة نفسية مقدرش اوصفها بجد..بحس انى طايرة بجد..سامحينى ياااااااارب انا بحبك اووووووووووى
.................................................................................

ثانيا...مبسوووووووووووطة اووووووووووى ان ياسر رجع للتدوين تانى..ياسر حطام انسان...ومضايقة اوووووووووووى ان تامر نبيل مختفى وايمو حبيبتى برميل فاضى قلقانة عليها اوووى ووحشتينى اوووى..وغزالى عندومشكلة ونبى ادعولة..وكريم احلام عمرنا..برضة عندوا حاجة كدة ادعلوة ونبى.. وبيكر ربنا يهدى ويبع الموتسكل علشان خطرا جداااااااااا..ويدينى حقوا..اجيب شيكولاتة كادبرى حجم كبير واضرب طبقتين كشرى ولا حاجة ويارب دايما يكون سعيد..روفى متقليقيش بناتك هجيبوا احلى تقدير..ومريومة هكلها اكل لو شفتها فى يوم...وجنة عروسة ننوسة ربنا معاها فى رسالة الدكتوارة...ومصطفى محمود لينين يرجع للتدوين تانى وحشتنا كتابتك يادرش ونبى ادعولهم كلهم علشان والله العظيم مضايقة علشانهم اووووووى...وبعد اذنكم انا كمان..يعنى جت علية..علشان فى موضوع كدة..ربنا يستر.
والله العظيم انا مش حشرية..بس انا من النوع الى بيتاثر اووى بالاخرين..وبالذات لو بحبهم...وانا بجد بحبكم اوووى..حاسة انكوا علتى..الكبيررررررررررة اووووووووووى....
.....................................................................................
ثالثا...بحب عائلتى الكريمة اوووووووى بالذات روحى وعينى ماما ستو..بموووووت فيها...وخلاتى هم اصحابى مش خلاتى..وخلانى كمان...بمووووووووووووت فى اولاد خلاتى...ميوس واحمد وميدو وزيادووصال..وص وص..حبيبة كيك مش بتعرف تقول كيكى..ربنا يرجعها بلسلامة هى وخالو ونور من الغربة الى همة فيهم..واخر العنقود سندوسة...سندس..يالهوووووووووووووى والله العظيم باكلها اكل وعضض فيها عسسسسسسسسل..بس بنت الذين لم كبرت شوية بقت تلطشنى بالقلم..وتلم على ام الا الله الا الله....بحب اوووووووووووووى الاطفال..بموت فيهم بجد..ارخم حاجة فيهم لم بيعطوا...تحس انهم هيحصلهم حاجة لو معيطوش...ربنا يبعد عنكم لم وصال وسندس كانوا بيعطوا فى وقت واحد...كانوا بيخلونى انزل اجرى جرى زى المجنونة..بيهم فى الشارع..واجرك الله من شكلى ساعتها....وحشتونى يا ولاد الذين..عايزة اجى اشوفكم..ربنا يخليلى ماما وبابا ومصطفى
...........................................................................
رابعا.....اصحابى..انا اصحابى معدودين اوووووووووى...يتعدو على الصوابع...
بحبهم اوووى......ربنا يخليهم ليا...ونفضل على طووووووووول مع بعض ومنشلش من بعض.....انا كان نفسى دايما يكون عندى اصحاب كتيرررررررررررررررر اوووووووووووووى
....................................................................................
خامسا....اسمع حد جميل بيقول..خلاص البت طلعلها جانحين وخلاص هطير مننا اهى...لا ياعم الجميل..مش هطير ولا حاجة..بس انا قلت الى هحس بى هاكتبوا...وادينى داخلة على عيوبى....معنديش ثقة بنفسى..الموضوع دة مضايقنى اوووى...بحب اعند...مش بحب الى يأمرنى...احب الى سيايسنى......ساعات ببقى سوسة من تحت لتحت....احيانا ببقى غبية اوووى.....عندى موضوع الاحساس بالذنب دة بطريقة مش ممكنة...ايوة انا شايفة عيب فى...يعنى مثلا لو عملت حاجة من وراء ماما...معرفش انااااااااام ابدا...ومثلا لو عدى على الموضوع دة سنة اروح اقولها فى الاخر برضة..لاااااااااا علشان محدش يفهمنى غلط...على الحاجة دى..يعنى مثلا اروح لصاحبتى....اكد ب فى حاجة كدة يعنى......
..................................................................................
سادسا..............بحس انى ساعات كتيررررررررررررررر
اتنين فى بعض.....دايما مع صراع نفسى مع نفسى....اةةةةةةةةةة والله ساعات كتيرررررررررر بحس ان نفسى بتكرهنى..وهعمرها ابدااااااااا ما ورينتى نصف الجردل المليان فى ابدااااااااااااااااااااا....ودايما بتكرهنى فى عيشتى...وتجلدنى كل يوم..وساعات كتيررررررررررر..بتخلينى اعيط....ياااااااااااااااااة الاحساس دة صعب اووووووووووى والله..حتى لو فى يوم فرحت...تقعد تفكرنى بحاجات وحشة..كانها مش هاين عليها تفرحنى..والله ساعات كتيرررررررررر بمسك راسى وقولها كفاية بقى اسكتى شوية....اسمع حد جميل بيقول..واضح انك ملبوسة..ومجنونة وانا كنت شكك فيكى من الاول
.....................................................................................
سابعا.....مش هقول مميزاتى....لانى مش بصدق اى حد يكلم عن نفسة...ويشكر فيها...دى وجهه نظرى اسمع حدجميل بيقول هو الى زيك لى مميزات..
...............................................................................
ثمانيا...
بكرة اووووووووووووووووووى الاكاديمية العالية للقطن الى انا فيها...بجد بكرها اوووووووى.....عمالة زى دوار العمدة بالظبط....ومش بحب اى حد فيها....وعيال رخمة...واتمة..بروح كل يوم اتشل واجى..وولاد لذين فى الفلوس..وعندى نظام غياب وحضور والمحاضرات 8ونص...اروح احضر..وبعد كدة اقعد على السلم يجى معاد المحاضرة التانية..احضر وامشى...واروح انام شوية يقولولى..اصحى المينى ترم..دلوقتى اخلص منة يجى العملى...اخلص منة يجى الامتحان النهائى..انام شوية..النتيجة بعد اسبوع..انام شوية..اروح اعمل ارشاد وابتدى تانى..بكرهك
...............................................................................
تاسعا.............اكتر موضوع ماثر فى موضوع الثانوى عام..لم وجبت99% بس ومدخلتش...خدمة اجتماعية..ولمة روحت اقدمت فى فنية ونوعية كنت غير لائق..ياااااااااااااااااة...اةةةةةةةةةةةةةةةةةة....عمرى ماهنسى اليوم دة...
.........................................................................
عاشر...........نفسى اعمل حاجة فى يوم من الايام علتى واصحابى يفتخروا بيهابى
بس انا ايةةةةةةةةةةةةةةةةةةةةةةةةةةةةةةةةةة
كلامنجى درجة اولة
..................................................................................
الحادى عشر.......عايزة اشترك فى ساقية الصاوى...وبلذات فى الرسم التشكيلى....
..................................................................................
الثانى عشر.....................
عايزة اكل على عربية فول والله مش بهزر
............................................................................
الثالث عشر.............بحب السيما اووووووووووى...بس انا لوقلتلهما الطار ولا العار يا جعايدى...جعايدى مين
............................................................................
الرابع عشر............نفسى يكون لية اوضة صغيورة..لم اتخنق من الدنيا كلها ارووووووووح فيها..ونفسى استقل بذاتى
..............................................................................
الخامس عشررررررررررررر..................دة طلب منكم...لو فى يوم من الايام افكارى وقفت...ومعرفتش اكمل...متنسنيش....اةةةةةةةةةةةةة نسيت اقولكم...دايما احلامى سودة وساعات كتيرررررررررر بخاف انام
...............................................................................
السادس عشرررررررر..اخيرررررررررررررررررررا
تصدقوا نسيت اقول حاجة مهمة....نفسى الاقى واحد دماغة كبيرررررررررة ومش هايف اوساذج....ويشجعنى كدة فى الحاجات الى بكتبها..ويقدرنى..بس متهيلى بعد البوست دة مفيش امل وانكشفت..والى بان بان..وهتضرب يعنى هتضرب ياعباس...لانة بجد هيبقى اول حب..ولاخير كمان...شكلى فى الاخر هجوز برعى...يلا يا اخونا..الدعاء ثم الدعاء....وعايزين حل عملى..ومش عايزة اوضح اكتر من كدة...
معلش معلش اخر حاجة..مش عارفة لية فتحت فى الكلام فى الاخررررر..كان نفسى ابقى ممثلة وميل جبسون يخرجلى فيلم كبير زى ألأم المسيح..بغض النظر عن وجهة نظر الفيلم..بس يعمل ضجة وخلاص...نسيت حبيب قلبى محمود عبد العزيز..مش بحب غيرة..عايز اخلص كتاب ..كيف قتلنا السادات ....مبسوووووووووووطة انى شغالة فى الرجيم..وكما كام 5454سنة واوصل للوزن المثالى..وطريق الميل بيبدا بى3كيلو ونص ولا اييييييييييييية....يانهاااااااااااااار اسود انا رغيت كتير اووووووووووى
سورىىىىىىىىىىىىىىىىىىىىىىىىىىىىىىىىىىىىىى
انا حاسة دة اكتر بوست فاشل من بوستاتى الى فاتت..اسمع حد جميل بيقول...ياشيخة انتى لسة عارفة..غورى بقى كرهنا اليوم الى انتى جاتى فى..هو احنا اصلا مستحميلنك...علشان نسمع نفسيتك السودة دى...طب على فكرة انا واكلة كرنب..وممكن ابهدلك..
اخرررررررررررررررررررررررر حاجة ...
الى كل من اسأت الية وبكيت عينيا اقول لكم
ماشفتوش حاجة والى جاى اسود والعن...
وادينى انكشفت والى كان كان
...................................................................................
اهدى كارت اللارهاب دة لمين.....
مصطفى لينين وبيكررررررررررروانجى وايمى وكوكا ونونوووعد العيون وحمادة زيدان وبنوتة من وسط البلد وايميل الى هى امل و ريم وهمسات دافئة ويوميات فنانة مفروسة...............................................................................
كنت معا...يوميات كيكى الهبلة العبيطة ام بدوى..احم احم..ام ميمى...
من افشل بوستاتك يامصرررررررررررررررررررررر
من افشل الحوارت....من افشل النفسيات...من افشل الناس....وينبع منها الفشل ذاتة...ومطلوب القبض عليها...حية او ميتة او وقفة او بتاكل.....
اجرى هذا الحوار فى مستشفى الامراض العصبية والنفسية....وجارى البحث عنها..بعد هوربها..بعد ما ادلت بهذا الحوار الفاشل...ومن يجدها نرجو الاتصال..برقم..اى حاجة فى حاجة...ومنشفوكمش فى حاجة حلوة مع تحيات مستشفى..الهسهس فى الفوسفس

......سأعلنها على الملأ......

........سأعلنها على الملأ ولن اخشى شئ بعد الان

.......لماذا نخفى حبنا وانت تحبنى وانت تحبنى

لماذا تتلاقى اعيننا فى خوف ان يرانا الناس وهى تشع صفاء وامل فى الغد

........لماذا تبتعد عنى شيئا ف شيىء

...........فانا دونك........

جنين بلا رحم

قلب بلا حب

شمس بلا شروق

قمر بلا ليل

طائر بلا اجنحة

زهرة بلا اريج

ضحكة بلا فم

بكاء بلا انين

موت بلا حياة

مستقبل بلا ماضى

تلميذ بلا معلم

قلم بلا ورقة

مغترب بلا غربة

..................انا دونك لا شئ

هل نسيت عندما اخبرتنى انك من الوهلة الاولة عندما رايتنى قلت هذة حبيبتى وشمسى القادم

وحضتنى بشدة وقبلتنى ومن لحظتها لم تحضنى ثانيا ولم تقبلنى.....لماذا اتخشى الناس..سحقا لكلامهم اذا حرموا ذالك....لم يحرم ربى هذا الحب الطاهر بيننا..بل هى علاقة مقدسة على مر الزمن علاقة ينبع منها المودة والرحمة

سحقا لهم اذا منعونى مرة ان اقولك احبك..بدافع العيب

.....سأعلنها على الملأ ولن اخشى شئ بعد الان

......................احبك يا

اخى