Tuesday, September 2, 2008

..رمضان كريم ..و...و..و

Tuesday, September 2, 2008


رمضااااااان كريم

عليكم وعليناو ياااااارب اغفرلنا وارحمنا يا ارحم الراحمين

الهم ما امين

اسمع حد جميل يقول اية رمضان كريم..و..و.. ودى؟

والله سوال وجية اول مرة تسال سوال عدل

و...و..و علشان هقول حاجات

أولاهم...

انى قبلت دعاء مواجهات اول امبارح برضة الحد الجميل يسالنى وطب وفيها اية دة انتى غريبة غربانة والله وبيضرب كف على كف دلوقتى ياعم سبنى اكمل اصلها اول حد مدون اشوفة فى حياتى ..يااااااااااة كان احساس غريب بجد علية انك الناس الى بتكلمهم فى العالم الساحر بتاع المدونات تشوفهم حقيقى وكدة...اسمع حد جميل يقول عالم ساحر اهى دخلت فى الفوازير اهى واحتمال تمثل بعد شوية..المهم حددنا ميعادواتقابلنا وانا الصراحة جيت متاخرة عشر دقايق بس..اسمع حد جميل بيقول عشر دقايق بس دى انتى جيتى تانى يوم..اية دة انت كنت معانا ولا اية!!المهم ما انا عارفة انى مش هحكى النهاردة منك المهم نزلت من التاكسى و تاكسى برضة ولاعربية كارو..اقعد ابص على واحدة حاطة وردة حمرا فى نفوخها زى ما اتفقنا فا مالقتش قلت تعملى يا بت يا كيكى تعملى اييييييية فكرت وعملت النداء بتاعى عووووووووووووووووووو لقيت صدى صوت بيرد علية بييييييييس والحمد الله عرفنا بعض يااااااااة دعاء بجد صغنتوتة خالص خالص وعسولة اووى والله وفعلا شخصيتها شخصية صحفية ويالهووووووووووى على الرغى الى اقعدنا نرغى انا وهى كاننا عرافين بعض من سنين سنين اية يا شيخة دة انتوا عشرة خمسة ونصف لحد تسعة...ياعم انت مالك دلوقتى بس انا حسيت كدة وخلاص وبجد كل ما نقول سلام ونيجى نمشى نرغى تانى بس انا فى الاخر بجد مقدرتش لانى كنت لبسة جزمة اقل نمرتنا من مقاسى ومردتش اقولها علشان المنظر العام وكدة يعنى..اةةةةةة اخر حاجة مهمة كنت هنسها فى وسط الكلام كنت بقولها ابتدى امتى وكدة التدوين قالتلى من شهر اتنين قالتلها وانا عملت فكك منى فى شهر خمسة بصتلى باستغراب قالتلى فكك منى مييييييييييييييييين؟ انا قلت فى بالى يالهووووى هى مش عارفة انا مين ولاجاية تقابل واحدة تانية على اساس انها انا قالتلها انا كيكى يا دعاء والله خوفت تقول دعاء مييييييييييييييييييييين؟ههههههههههههههههههه بس بجد كان يوم جميل وهى شجعتنى لو لقاءت ولا كدة ابقى اروح انشاء الله بس اوعى تتخدو منى
.............................
الثانى...و
هرد على تاج
جالى من العسولة نعكشة المنكوشة والسكر عازفة الاوتاروشقفة هانم صاحبتى
بدات تدون امتى ودخلت عالم التدوين ازاى؟
من شهر خمسة دخلت من خلال اخويا مصطفى علشان هو عامل مدونة وكان هو الوحيد الى بورى الى حاجات الى بكتبها واكييد زهق منى قال لمة اعملها مدونة واخلص منها بقىههههههههههه يا عينى ابتلاكوا بيا انا عارفة
اية كان انطباعك فى الاول؟
اممممممممممممممممممممممم كنت فرحانة على متوترة على تايهة
مين اكتر واحد بتهتمى بتعليقاتة؟
بجد والله كل التعليقات لان كل واحد لية روحة وبصمتة فى تعليقة..ياواد انت يا دبلوماسى
اية اهم حاجة اتعلمتها من التدوين؟
اتعلمت انى اكون نفسى
محدش يسالنى اية الرد دة لانة لسة واصل فى نفوخى دلوقتى
حاسس ان التدوين لية تاثير؟
اكيييييييييييييييييد
انتوا مش بتقرا كل شوية فى الجرايد عنا ابحاث وحاجات ومحتاجات عن التدوين وتحث ان التدوين عملهم قلق يا عينى
عن المستوى الشخصى..هرد رد غريب شوية بس عارفين احساس حد ميت بس اهو اصلا عايش بس من كتر حاجات كتير فى المجتمع ادفن وهو حى ومكنش ناقص غير كفن وخلاص هيدفنوا راح جاة واحد ابن حلال مسك الميت وشالوة الكفن وقالوة انت عايش وصدقنى فى امل بس عارفين ساعات الميت من كتر ما ادفن ساعات بيشتاق لكفنوا
اهدى لمين التاج؟
كل هيخدوا اجبارى لا اختيارى
ثالث..و والاخيرة
انتظرونا بعد العييييييييييييييييييد
لا والله مش وخداة اجازة موضة يعنى وكدة بس علشان هاروح لستو وهاجى واروح واجى كدة يعنى اعذرونى لانى ساعات مش برد على التعليقات او ازور مدونات والله ظروف
بسسسسسسسسسسسسسسسسس
انتظرونا وياريت تدعولى ربنا يهدينى وحد يقولى عمرو خالد بيجى امتى وعلى انى قناة
و
و
و
و
لا
مفيش بس برخم

57 comments:

دعاء مواجهات said...

صبااحو تسييح ياعم

فينا م الكلام دا ولا إييه

بعيد عن ان معظم كلامك متفبرك اصلا

وانك مزودة حاجاة وناسية حاجات كتيير جدا المهم ...

مااشى لما اشوفك تانى بس وانا اوريلك

وإيه صغنونة اوى دى

دا انا اكبر منك يابت

انتى نسيتى ولا اية؟؟

كدة يبقى لااازم افكرك بقى..

بيس

محمود حسن العدل said...

كيكى
دايما خفة الدم والاسلوب الجميل اكتر حاجة بتميز البوست بتاعك
رمضان كريم وكل سنة وانتى طيبة
اجابتك على التاج حلوة فعلا
بس تقريبا احنا من خلال كتابتك عرفنا الكتير منها ..
هاتوحشينا جدا جدا بس مش تغيبى علينا
تحياتى

كيكى said...

يا صاباحوا
اشطة يا دودو
اكيييييييييييييييد
متفبرك
يعنى عايزين نقول ليعض فى الشااااارع
عوووووووووووو
وبيسسسسسسسسسسسسس
عايزة يتقبض علينا
؟
ولا انا احط وردة حمرا
هههههههههههههههههههه
اةةةةةةةةةةةة
مزودة حاجات وناسية حاجات
انا مكلامتش اصلااااااااااا
احنا قولنا اية
!
خليها سر بقى
اقصد صغنونة شكلا
دى حاجة حلوة بجد
انتى نسيت انى قولت انك عسل اووووووووووى
اممممممممممممممممممممممم
هشوفك اكيييييييييييييييد تانى علشان بجد نقول عوووووووووووو وبيسسسسسسس.
يا قمرى كل سنة وانتى بخير
عووووووووووووووووووو

كيارا said...

كيكي حبيبتي

كل سنه وانتي طيييييييييييييييييييييبه

واجابات التاج عسسسسسسسسسسل زيك ياقمر

ربنا يوفقكك دايماااااااااااااا

MaGn0liA... said...

كل سنه و انتى طيبه

و عقبال ما كل المدونين يتقابلوا كده

و دمك زى العسسسسسسسسسل

ما شاء الله

هههههههههههههههههههه

ربنا يكرمك

رمضان كريم

سلامات :)

كاتب مصري said...

عمرو خالد بيجي ع الرسالة الساعة 11 تقريبا أو يمكن 10 راقبي المعادين وهتلاقيه طبعا بالليل
ومبروك عليكي صداقة دعاء يا كيكي
هتوحشنا زياراتك وبوستاتك بس خير يلا ترجعي لعالم التدوين بألف صحة وسلامة
سلام ورمضان كريم

المحارب المتيم said...

كل عام وأنت إلى الله أقرب

ومنه أخوف

وبه أعرف

وإلى دار كرامته اسبق

رمضان كريم

ياسر said...

كيكي
كل سنة وانتي طيبة
حاضر قبلت التاج
اسمحيلي اجي اعلق مرة
وقت تاني

zOzO said...

كل سنه وانتي طيبه
يا احلي كيكي
ويارب
يكون السنه دي احلي رمضان
يااااااااااااااااااااااااااارب
وحشاني والله
بس جهازي كان بعافيه شويه
بس الحمد لله
اتظبط
هههههههههههههه

بنت الاسلام said...

كل سنة وانتي طيبة ياكيكي عمرو خالد علي المحور 10 وتلت بالليل تابعيه حلو قوي

ورمضان كريم عليكي يارب

تحياتي

رصيف نمره خمســــــه said...

كل سنة وانتى طيبة ياكيكى


رمضان كريم ياعووووو

وحشتينى بس اعمل ايه فى المقلب بتاع بلوجر ده

ايه ده انتى قابلتى دودو مواجهات من غيرى ياخوونة ياجواسيس

حلو التاج المفروض كان يبقة فانوس مش تاج

كل سنة وانتى طيبة وبالف خير ومغفور لنا جميعا ان شاء الله

تحياتى القلبية

Anonymous said...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

حسن حنفى said...

بجد اجابات حلوه علي التاج

بس انا كنت ممرر ليكي تاج وانتي لسه مش حلتيه

اممممم

مش تاج دول تاجين

:d

مستني الرد

مهيج الجماهير said...

كل سنة و انتى طيبة يا كيكى
انا عارف طبعاً احساس انك تقابلى حد من المدونين لأول مرة
احساس جامد جداً فعلاً
و بالنسبة لاجاباتك على التاج فهى برضه بتأكدلى انك حد دمك خفيف جداً
و ترجعيلنا بالسلامة
تحياتى

مدحت محمد said...

كل سنة وانتى طيبة ياكيكى

زى مانتى دمك خفيف برضه

وتابعى عمرو خالد


ومعز مسعود 6 على المحور

ومصطفى حسنى 11 على قناة اقرأ

enjy said...

صباح اللغبطااااااااااااات منور منور منووووووووووووور يا قمر اهههههههه باحقد انا عليكى انت ودعاء والله والنعمة الشريفة بجد باحقد عليكم عشان اتقابلتوا ...كفاية كدة حقد ...عمرو خالد بييجى على المحور الساعة عشرة كل يوم يا جميل اى خدمة

حمادة زيدان said...

كيكي كوكا كيكي كيكي كيكي كيكي كيكي

أولاً يا بنوتة هتروحي لجدتك وتسيبينا شهر بحاله أووووووووووووووووع .... ده عياط بقة

ثانياً دعاء طبعاً أنسانة أكيد جميلة كفاية أنها الحجة دعاء ربنا يكرمها ويكرمك يارب

ثالثاً رمضان كريم

وعمرو خالد بيجي على قناة
أبو ظبي ... حوالي الساعة 3
وكمان ع المحور بس مش فاكر امتى
وأخيراً على الرسالة الساعة 11
ومتنسيش لقائه عالنت الساعة 12 ونص كل يوم

حقيقي السنادي عمرو خالد جميل جداً ربنا يحفظه يارب

سلام بقة طولت عليكي

رمضان كريم

.:.-=- ELGaZaLy-=-.:. said...

كل سنة وانتى طيبة يا جميل..

وواضح اننا طلعنا برج واحد..

كل عام وانتى الى الله اقرب

المحارب المتيم said...

كيكى

انا مليش دعوة

تيجى تروحى

لازم تاخدى هديتك بمناسبة رمضان

هتلاقيها عندى على المدونة

مستنيكى

كل سنة وانتى طيبة

ليكوريكا said...

كل سنه وانتي طيبه يا كيكي

جميل انكم ابتديتوا تتقابلوا

وانا مقدر احساسك عشان انا مجربه قبل كده كتير

بس كان قبل مدخل عالم التدوين

كان ساعتها مننتديات بقي

عموما احنا مستنيينك

ومستنيين خضاتك النوويه

كل رمضان وانتي طيبه

ليكوريكا

kochia said...

كل سنة وانتي طيبة يا قمر
اللهم اغفر لنا جميعا وتقبل منا جميعا

جميلة اوي المقابلات الصغيرة
يمكن بتشجع علي التجمعات الكبيرة
مش كدة ؟؟
بس شكلها القعدة كانت حلوة
مش هتحكي تفاصيل ولا ايه ؟؟؟

بس كويس انكم اتبسطوا وان شاء الله تكرروها
تحياتي

كيكى said...

محمود حسن العدل
يالهوووووووووووووى عرفتوا كل حاجة
اممممممممممممممممم
يبقى الازم تموتوا
هههههههههههههههههه
كل سنة وانت دايما بخير
عووووووووووووووووووووو

كيكى said...

كياااااااااااار
العسل ازيك يا حبيبتى انتى والله؟
كل سنة وانتى بخير
عسسسسسسسسسسسسسل
طب اوعى العسل يلزقك
ههههههههههههههههه
اموااااااااااااااااااة
عووووووووووووووووووووو

PrInCeSS BeRy said...

حبيبى كل سنة وانتى طيبة وحشتينى اوىىىىىىىىىى امواة على وشك مبضحكش غير على اديكى يا قلبى اموااااااااة

نهر الحب said...

أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان

مواطن مصرى نايم said...

صباح الكشرى اللى نفسك فيه
و احب اقولك
عوووووووووو
من نفسى مره
عموما انتى قابلتى دعاء
و سيحتى لها السياح الرهيب ده
انها صغنونة
فكان بقى من المفروض انك تعزميها على كشرى
ههههههههههه
بزاوك زى ما انتى مزاولانى
و احب اقولك تانى
عووووووووووووو
اتخديتى
حرام عليكى دا انتى رعبانى
دا انا بشوف صورتك فالشوربه
تحياتى

اسلام

seven said...

حلو موضوع" فكك منى مين" شكلك
ههههههه
حاولى تتاكدى بقة اذا كان هيه فعلا
ولا واحد تانية
محدش ضامن الناس
ههههههههه

oRiGiNaL HeArT said...

كل سنة وانتى طيبة يا كيكتى
هههههههه
حلوة كيكتى دى بمناسبة الحلويات بقى اللى مالية البيت الايام دى
وتروحى عند تيته وترجعى بالف سلامة :)
...........
انا كنت بعتالك تاج
موصلش ولا ايه :(

مدينه الملائكه said...

ربنا يخليكي ليا يا كيكي انت قلبك شفاف جدا وروحك طيبه بجد انا فعلا في ديقه جامده جدا وما يعلم بيها الا الله ادعيلي يا كيكي معلش هبقي اعلق علي البوست وقت تاني سلام

maryooom said...

بجد ماشاء الله دمك زي العسل وكل سنة وانتي بألف صحة وسلامه

لست أدرى said...

كل سنه وانى طيبه يا كيكى
بجد حاجه جميله انك تقابلى حد فى الطبيعه بعد ماعرفتى افكاره
انا شايفه ان لما تصاحبى حد من خلال افكاره الاول احسن
لان لو كان الواقع الاول احيانا الانسان بيتخدع فى عقليات الصحاب


ع العموم يا كيكى انتى شخصيه جميله بجد وربنا يوفقك يارب
بس يا كيكى اموت واعرف انتى عندك كام سنه
اصلك مش كاتبه فى البروفايل

rara said...

كيكى
والله انتى وحشانى موووووووووووووووووووت
انا مش بختفى ولا حاجة هى ظروف بس مش اكتر
انما انتى وحشانى بجد
ربنا يخليكى ليا دايما

Reem said...

معليش لاني مش بدخل نت كتير

بوستك حلو وان شاء الله احل التاج في اقرب فرصة

و كل سنة وانتي طيبة يا كيكتي

بنت سيناء..سويركية وافتخر said...

جميل ان تستمر صدقتكم(صوت وصورة)

كيكى انتى دم خفيف جدا

كيكى said...

magnolio...
يااااااربى القمر جاة عندى
انا عسل طب وانتى طحينة بقى
هههههههههههههههههههههه
يارب كلنا ياحبيتى نشوف بعدنا كل سنة وانتى طيبة يا غالية
عوووووووووووووووووووووووووو

بيكر(baker) said...

نهارك مش فايت بجد
بتنزلى بوستات من ورايا و منغير ما تستاذنى
ماااااااااشى اوى

Soooo said...

مش عارف ليه مش مستغرب ان انتي ودعاء رغيتو مع بعض رغي مرغي
هي رغايه وانتي رغايه
ده كويس انكم روحتو بيتكم بعدها

لأ بقولك ايه يا دعاء
مافيناش من حدف طوب
أي
أي

ملحوظه
انا مش هاخد تاج ولا بتاع .. بلطجه .. واللي ليه شوق في حاجه .. يجي يوم السبت قدام موشتشفى ابو الريش يوريني نفسه




سلاموووووووووووووز

كاتب مصري said...

يوم لما شفت تعليقك في مدونتي فرحت جدا انك استجبتي لدعوتس أو عجبك شيء في المدونة وفرحت أكتر عشان هأكتسب قارئ جديد ومعلق على كتاباتي بس مش عارف انقطعتي ليه مع اني بأنتظر تعليقاتك باستمرار ممكن أعرف السبب ولو مكانش فيه غير السهو والنسيان يبقى مدونتي مازالت تنتظرك..
كل ودي

دعاء مواجهات said...

soooo

اية ياعمنا

لاانا مبحدفش طووب

وميعادنا قدام

الموشتشفى زى ما انت قولت بالظبط

انت فاكرنا بيهمنا ولا اية ياعم؟؟

بيس مؤقت

احساس لسه حى said...

عزيزتى

اول مدون دعاء مواجهات

انا لو مكانك كنت قلقت مواجهات دى تحمل كتير من القلق

الحمد الله جت سليمة وجميلة

اكيد انتى لما ترتاحى لمدونة لازم تحولى تشوفيها هو الواحد بقه عارف يلاقى حد يرتحله

كل رمضان وانتى بخير

والتاج بلاش بقه اعلق عليه لحالة النكد

تحياتى

سلام

ريمان said...

كيكى حبيبتى وحبيبه قلبى ومدونتى

كل سنه وانتى طيبه يا قمر

معلش كنت تعبانه شويه

مكنتش بعرف ادخل مدونتك واطمن عليكى

اوهى تزعلى

وتقولى عليا وحشه

ده انا بحبك اوى

اموااااااااااه

elsha3er said...

اسعدنى زيارة مدونتك وبجد انتى دمك خفيف فى كتاباتك وربنا ما يحرمكيش من صحبتك

احمد الشاعر

قررت أكون عانس said...

عوووووووووو

هيسى ورخمى ودوسى وعيشى حياتك
جميل ان الواحد يقابل حد جديد ويتعرف عليه
انا برده نفسى اعمل كده
رمضان كريم و كل سنة وانتى طيبة

كلام على بلاطة said...

;g uhl ,hkj fodv
كل عام وانت بخير

انا ودماغي said...

ههههههههههههههههههه

و الله دمك زى العسل و مدونتك كمان حلوة اوى و إجاباتك حلوة أوى على تاج

princess said...

هلوز
اول مرة ومش هتبقى اخر مرة
اسلوبك جامد اخر حاجة
تحياتى:)

نهر الحب said...

جنة قالت لى انك احتمال تجى
يوم السبت ان شاء الله
فقلت ارحب بيكى من اولها
لان نفسى اتعرف عليكى

كل سنة وانتى طيبة

حمادة زيدان said...

كيكي كيكي كيكي كيكي كيكي كيكي كيكي

رمضان كريم للمرة السبعاتشر والتمنتاتشر والعشرين ...

جينا نقول نزلت بوست جديد

شرفونا تجدوا ما يسركم

منى said...

كيكى
اول مره اعلق عندك
بس بشوف تعليقاتك كتير
فى المدونات التانيه
كنت الاول بتخض
دلوقتى بفرح لما اشوفك
انا جايه مخصوص عشان اقولك انا بحبك اوى
كل سنه وانتى طيبه

ريمان said...

كيييييكى

حبيبتى

اموااااااااااه

امووووووووواه

امواااااااااااااااااه

وحشانى يا قمر والله بجد

بفرح اما اشوف تعليق عندى

بس مش تعيطى تانى خالص

انا مقدرش اشوفك كده

افطرى كويس وادعيلى كتير

همسات دافئه said...

كيكىىىىىىى
ازيك ياجميله
كل سنه وانتى طيبه وعارفه انى مقصره جدا وانتى دايما طيبه وبتسألى عليا
ربنا يتقبل مننا جميعا يارب:)
مش قادره مقولش ان البوست الى فات اكتر من رائع برافو عليكى بجد:)
تحياتى
شيماء:)

Ahmed Al-Sabbagh said...

كل سنة وانتى طيبة يا كيكى يا عسل ياسكر
ورمضان كريم عليكى والاسرة
عوووووووووووووووو

rovy said...

كيكى الحبيبه وحشاااانى
يارب تكونى بالف خير و كل عام وانتى طيبه حبيبتى
دخلت اليوم سريعا للاطمئنان و السلام اتمنى ان تكونى بخير حال ابقى طمنينى عليكى يا قمر ..
على فكره بالنسبه لعمر خالد ولو انها متأخره معلش انا لسه قارئه البوست بيجى على المحور حوالى 10 و ربع تقريبا ..
اطيب امنتياتى لكى دائما
تحياتى

شفقة هانم واحسان بك said...

وحشتينى انتى فين بدور عليكى

رصيف نمره خمســــــه said...

انتى فيييييييييين

انا اللى مختفية بردو

ايوه انا قولت هاجى الاقيكى مقطعة المدونة بوستات
رايحة جاية

سلام ياكيكو

كراكيب said...

كييييييكي
طب وبعدين
رمضان جيه وخلص
والعيد جيه وخلص برده
و 6 اكتوبر جات وخلصت
وبعدين بقى؟؟؟
انتي فيييييين
يلا مستنية بوستك الجديد جدا اوي خالص

miro el niro kwaniro

Anonymous said...

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket