Wednesday, May 14, 2008

انا وماما والمصارعة الحره...

Wednesday, May 14, 2008


من يوم ما جبنا الدش وانا بحب اتفرج على المصارعة انا اصلا من زمان بحبها وجاة برنامج اسموالمس اكتاف على قناة مودرن لممدوح فرج...وتباعتة ويارتنى ماتباعتة...حيث ان مامابتيجى تتفرج معايا..هتقولولى فيها اية...هقولكم استنوا اصلاكم ماتعرفوش ماما هحكيكلم عن يوم واحد بس وشوفواواحكموا بنفسكوا........اول ماتيجى الساعةالساعة11 استعد انا علشان المصارعة الساعة 12 اجيب اللب والسودانى والعصير وازازة مية وطبق ملوخية احتياطى برضة واقول بصوت عالى:حد عايز حاجه منى قبل ماقعد علشان لو جت المصارعة مش هقوم..ادينى قولت ومحدش رد

ابتدت المصارعة

ماما:انتى يابت قومى انشرى الغسيل

انا:غسيل اية دلوقتى وكمان انا قولت من ساعة حد عايز حاجةومحدش رد علية

ماما:ساعة اية يا ام ساعة انتى هتمشينى على مزاجك قوامى

انا:طب بعد المصارعة ساعتين واقوم

ماما:حد ينشر الغسيل الساعة 2 بليل

انا:يعنى هيتخطف

ماما:مترديش علية قومىىىىىىىى ياهبابة..اصل ماما تحب تدلعنى

*ونشرت الغسيل*

وفات نصف ساعة من المصارعة لسة هقعد لقيتة بيقول..فقرة اعلانية ونرجع علطول..وبعد100

اعلان اخيرا جاه ولسة هقعد القاعدة التمام وامسك اللب لقيت ماما بتندهلى من المطبخ

ماما:يازفتة الطين فين التوم الى قولتلك تقشرى

انا:امتى ده انت مقولتليش اعمل حاجة

ماما:بتكدبينى يابنت الكلب..اصلاها تحب بابا اوى..طبعا مانتى مش فاضية غير للتليفوزيون والمرقعة مع اصحابك والله مانتى فالحة ابقى قابلنى لو فلحتى

انا:بكل براءه فين ياماما.....راحت رقعتينى بالصنية الى فى ايدها وادتينى حزمة توم قد كدة وقالتلى هبقى اقولك ياختى بعد متخلصى

*وقشرت التوم*

لسة هقعد ولقيتة بيقول فقرة اعلانية ونرجع علطول..لاحرررررام..عدت ساعة كدة من وقت البرنامج وبعدال1205 اعلان جاة وقبل ما اقعد بصيت يمين وشمال على ماما مالقيتهاش قلت اكيد نامت...وخلاص بدات المصارعة بين شون مايكل وال ام فى بى ولسة هتفرج لقيت ماما بتصرخ اةةةةةةةةةةةةةةةة ضهرى ضهرى مش قادرة مالك ياما ما اية الى حصل..بابا صحى على صوتها

ماما :جيت امسح الصالةموجهة الكلام لبابا لسة بوطى لقيت ضهرى كلة قام عليةوانا مش عايزة اتعب بنتك مش عايزة اعطلها عن التليفوزيون راح بابا بصلى بصة.. وقبل مايمد ايدو

*مسحت الصالة*

ماما راحت اقعدت تتفرج على المصارعة وبعد انا ماخلصت رحت اقعد جانبها خلاص مش ناقص غير نصف ساعة والبرنامج يخلص..وجت مصارعة بين تربل اتش وكين وقعدوا يضربوا فى بعض اوى

ماما:اجرى اجرى اديلوة اديلوة.....ومن كتر انفعالها اقعدت تضرب فيه انا....خلاص ياماما ..اهدى شوية الله يخليكى

ماما:يالهووووووووووووى

صرعتنى انا قلت فى ايييييييييييية قالتلى على تربل اتش انة لابس مايوة ابيض كدة هيتوسخ...قالتلها يعنى شايفهم بيعجنوا فى بعض ودة الى همك......ماما:اه وانتى يهمك ايية ما انا الى بغسل الغيارات البيضة وايدى.......انا:مش وقتة ابوس ايدك

وبعد شوية نزل اندر تيكر وشاب جيررو وبعديها ايدج وكين ...على فكرو اندر شعرة اسود وايدج اصفر

ماما:ايه دة هو راح صبغ شعرة وغير هدومة

انا: يعنى هيسيب المبارة ويروح يصبغ شعرة ويغير هدومة ويجى يلقى التانى مستنية..ازاى كدة بالعقل

ماما:عقل قصدك انى مابفهمش مانتى طول مابتتفرجى على المصارعة وانتى بقتى غبية وعمية القلب وعمرك مابتعمليلى حاجة زى البنات التانيةووووو.....انا بقى ساعتها مقدرتش استحمل اكتر من كدة..حرررررام عليكى هوانا بعمل زى مابعملش ما انا شغالة زى الطورة من الصبح وجت على الساعتين بتوع المصارعة الى بستر يح فيهم سبينى بقى فى حالى حرام عليكى.....انا قلت هتقوم تاكلنى لكن لقيتها بتعيط...انا استغربت اوى ولسة هقولها انا اسفة لقيت بابا ورايا...دلوقتى فهمت هى كانت بتعيط لييية.....وقالتلوه شفت بنتك بتعمل فيه ايه....ولسة هقوله والله يابابا انا...وعينك ماتشوف الا نوررررررررررر..........ومن يومها وانا بكره المصارعة على ام ممدوح فرج على الملوخية!!111

34 comments:

ياسر said...

اهلاا
فرحان بجد اول تعليق



اروح اقراء البوست وارجع دة حجز بس

تحياتي

ياسر said...

اية دة ساعتين اتجمعلك فيهم شغل البيت

وبعدين انتي كمان بتهرجي في بنت تتفرج علي

المصارعة ما علينا قوليلي انتي بعد العلقة

في مستشفي علشان اجي ازورك كخخخخخخ

اةطريحة النرفذة تبقي جامدة كان كلة ضرب ضرب

تحياتي

ياسر

Unknown said...

ياعينى يا كيكى ..مع انى ما بحبش المصارعة بس معترفة ان القانون كفل حرية المصارعة لكل مواطن..سؤال رفيع هو انت بنت مامتك فعلا واللا هى متبنياكى وللا انت بتفترى على طنت ام كيكى وللا ايه بالضبط؟

rovy said...

والله انا لسه بأضحك .. ايه يابنتى خفة الدم دى كلها وبعدين مامتك بصراحه دمها كمان اخف .. وبعدين مصارعة ايه بس هى الحكايه ناقصه .. الحمد لله انك لسه كاتبه البوست ده معناه ان العلقه جت سليمه وربنا يخليلك بابا وماما .
دمت بخير ودم شربات
تحياتى
rovy

Tamer Nabil Moussa said...

ههههههه

معلشى مش قادر امسك نفسى

وبعدين اهم حاجة انك كرهتى المصارعة

تحياتى

رحاله said...

هههههههههههههههه
متاسفه بس والله حاجه تضحك ااااااااااوى
كان الله فى عون ابوكى زمانه ايديه وجعتو من كتر الضرب
تحياتى

رامى اشرف said...

انا بجد موش عارف بتحبوها ليه سورى بحس انها متخلفه جدا جدا
وكلها تمثليات هبله
معتمدة على الشو الاعلامى ليس اكثر
انها ليست رياضه من وجهه نظرى
تحياتى

كيكى عوووووو said...

انتو كلكم مش بتحبوا المصارعة كدة لية ؟ولا حد خالص
ياسر.....
انا فى القصر العينى
انجى.....
مقدرش اقولك لان الحقيقة مرة..اهى اهى
روفى......
الحمد الله جت سليمة..ربنا يستر المرة الجاية
تامر.....
يعنى اهم حاجة انى كرهت المصارعة ..مش الاهم اكون سليمة اهى اهى..ماشى ياتامر

رحالة...
اضحكى اضحكى
رامى......
عندك حق..انا فعلا بقت احفظ حركتهم...بس هى جت عليهم ...وما الدنيا الا مسرح كبير
اخر حاجة.....
اعذرونى الايام الجاية لو مش هرد على كومنت او ازور اى مدونات...بجد والله امتحاناتى الاحد الجاى وهخلص 28 الشهر دة......لا انا هكتب بوستات....بس اعذرونى على اى كومنت....امضاء محروقة هانم فى لامتحانات...ادعولى...وحسنة قليلة تمنع بلاوى..المراقبين

Unknown said...

ازيك يا كيكي عامله ايه يا قمر

انتي تعالي نروح اي قهوه و نتفرج سوا
انا كنت متابعه المصارعه زمان بس ربنا تاب عليا لاني اصلا جبانه و عندي فوبيا دم فأعصابي كانت بتتعب و بقي عندي مباديء صرع قلت الحق نفسي بقي

بس ايه ده انتي طلعتي طيبه انا لو بعمل حاجه وحد نداني اعمل نفسي طارشه و مش سامعه اي حاجه و ممكن اعيش في دور مشلوله كمان

البوست عسل اوي و البلوج كلو جميل

تحياتي

مصطفى محمود said...

شكلك بتفترى على امك يا كيكى !

وشكلك انتى اللى مغلباهم فى البيت

الفاتح اليعقوبي said...

السلام عليكم
ههههههههه
بوست جميل جدا
بس عامة ده اللي بيحصل في اغلب البيوت بس انا والدتي بتعمل معايا كده لما بقعد علي النت ولكن عامة خير ربنا يديهم الصحة والعافية ويباركلنا فيهم

بس المصارعة دي مشكلة بحس انها مصيبة وتحدفت علي البلد بتولد عنف غير عادي والعيال في اشلارع بينزلوا يجربوا في بعض الحركات ويعوروا بعض وياسلام لو حد فيهم شاف مصارع فتح دماغ زميله
العيال الصغيرة بيعجنوا بعض ومبيبطلوش غير لما يقلبوها دم

وعامة خير
والسلام

حسام يحى said...

مدونه جميله

اول زياره اكررها تانى ان شاء الله

رئـــــيسـة حزب الأحلام said...

ماشاء الله بتحبى المصارعة
انتى باين عليكى رقيقة اوىىىىىىىىىىىىى
بصى الرقة دى ماتنفعشى اليو مين دول وقشرى التوم كويس
ههههههههههه

Soooo said...

هايل هايل هايل

اسلوبك ساخر وعشره على عشره
بتعرفي تخلقي موقف كوميدي بسيط باسلوب سهل وقريب للعقل

---
اكتر موقف عجبني فعلا .. لما باباكي ظهر في الكادر ومامتك بتقول ضهرها واجعها وباباكي بصلك .. ومسحتي الصاله


بجد بجد بجد اسلوب ساخر وحلو قوي




سلامووووووووووووز

mostafa rayan said...

حصل خير
بس ياتير ماما لسة ببتفرج ولاايه؟
تحياتي لأسلوبك الساخر الجميل

Tamer Nabil Moussa said...

اخبارك اية

وان شاء الله تكون الامتحانات حلوة

فى انتظارك

تحياتى

rovy said...

انا جيت اسلم عليكى يا كيكى واوصلك الدعوه لغاية عندك وما دام بتفرحى لما تلاقى تعليق يبقى لازم نفرحك ويارب تفرحى دايما و تفرحى اكثر و اكثر بنجاحك .
دمت بخير ووفقك الله
تحياتى
rovy

أحمد بكر said...

لا بجد سكر
تحياتى

mohamed said...

heheheheheh 2na kaman bkrha mooooooooooot

Ahmed salah said...

انا عن نفسى كنت بحب المصارعة قوى زمان لكن من بعد ما بقيت اضرب اخواتى من كتر تاثير ى من المصارعة دى بطلتها نهائى ودلوقتى بتفرج على تنس وسباحة

بلوج جميل ياكيكى مبروك

.:.-=- ELGaZaLy-=-.:. said...

ماما:عقل قصدك انى مابفهمش مانتى طول مابتتفرجى على المصارعة وانتى بقتى غبية وعمية القلب وعمرك مابتعمليلى حاجة زى البنات التانيةووووو.....انا بقى ساعتها مقدرتش استحمل اكتر من كدة..حرررررام عليكى هوانا بعمل زى مابعملش ما انا شغالة زى الطورة من الصبح وجت على الساعتين بتوع المصارعة الى بستر يح فيهم سبينى بقى فى حالى حرام عليكى.....انا قلت هتقوم تاكلنى لكن لقيتها بتعيط...انا استغربت اوى ولسة هقولها انا اسفة لقيت بابا ورايا...دلوقتى فهمت هى كانت بتعيط لييية.....وقالتلوه شفت بنتك بتعمل فيه ايه....ولسة هقوله والله يابابا انا...وعينك ماتشوف الا نوررررررررررر
------------------------------

ههههههههههههههههههههههههههههههههههههههههههههههههههه

جامدة جدااااااااااااااا

وانتى تحفة بجد مش مدعية كتابة ساخرة زى اخوة اصدقاء... منورين

واسم البلوج كمان تحفة

فكك منى (Y)


رهيبة واستاذة بجد اول زيارة واتمنى اقرالك دايما..وهادور فى ارشيفك

صحيح فهمت ان عندك امتحنات ,.,,ربنا معاكى ويكرمك

رئيس جمهوريه نفسى said...

بجد اسلوبك رائع بس حد يتفرج على مصارعه حره ده تمثيل يا عالم

حسام يحى said...

عندى امتحان بس قلت اخطف رجلى هنا وما الاقيش بوست جديد

.......هههههههههه

واحده بواحده

وادينى كتبت بوست جديد

emy said...

هههههههههههههههه
اشطاط عليكى يا كيكى اديها مصارعة وملوخية اتنين فى واحد دوبل يعنى
وربنا معى ماما بقى

just me said...

كنت زيك كده فى الاول

بس ماما هى كمان بقت تتفرج معايا على المصارعه

من كتر ماحنا بنشغلها

بقت من اشد متابعيها

Hosam Yahia حسام يحيى said...

مدونه جميله


اول زياره وهاكررها تانى ان شاء الله

Diyaa' said...

مش ممكن ..إنتي سكر خالص خالص خالص
بجد عملتي من الموقف اللي ميتضحكش عليه فيلم كوميدي
مش ممكن بجد..مش هسأل العلقة كان فيها خبرات والدك في الفرجة علي المصارعة ولا لأ
بس واضح يا عيني..دخلتي شردتي لنفسك عشان تطلعي غيظك :(
علي فكرة..المصارعة فعلاً ما بحبهاش زي أغلب اللي دخلوا هنا لأنها مش بتعتمد علي التفكير وأغلب اللي بيحصل مترتب
مفيش إلا ولد رغم إنه بيمثل بس بحبه
rey mysterio hehehe

ربنا معاكي في الأمتحانات
وتحفة أوي فكك مني ده الأسم لوحده شدني للدخول :))

غجرية said...

معلش يا كيكى اصلى لسه بمتحن
بس حلو البوست ده
مع انى بكرة المصارعة
بس صعبت عاليا صحبتنا خالص
ايدعلى يا كيكى

Maha Shahen said...

اتمنى تكونى بصحه كويسه وفي اتم حال
وكويس انك بطلتى تتفرجى علي المصارعه
طبعا عجبتنى جدا كتابتك كلها بالذات في سرد القصص
بس في شوية كلمات بتيجى صعبه في وسط القصه زي بنت ال ...
يعنى اتمنى متضيقيش من رأيى بس اسلوبك جميل فيا ريت لو تستغنى عن الحاجات دى
تقبلى تحياتى نور

كيكى عوووووو said...

نور منورة ...انا بس علقت هنا علشان روحت مدونتك ومعرفتش اعلق خالص التعليق عندك بطئ اوووووووووووووووى...يارب تشوفى التعليق...طبعا عندك حق فى كلامك...بس هو كان مجرد افية مش اكتررررررررر وصدقينى انا مش بحب استخدام الالفلظ دى ...بس مجرد افية...تحياتى

أحلام عمرنا said...

يخربيت دماغك
يا بنتي ارحميني
ايه الصراحه اليل انتي فيها دي
مفيش رقابه خالص

!! a7mad sala7 !! said...

ههههههههههههههههههههههههههههههه
ههههههههههههههههههههههههههههههههههه
ههههههههههههههههههههه

فظيييييييعة


بس موضوع المصارعه دا موضه وبطلت
هى كانت زروتها ايام الايه ار تى
لما كانو بيجيبوها لايف

دلوقتى خلاص الايه ار تى افتقرت واتباعت
وممدوح فرج بيلف على كل قناة شوية
وعمال يجيب ماتشات متعادة بقالها 20 سنة
:D

fitrarahim said...

Share link :)
Kunjungi Artikel kesukaan saya. baca ya artikel saya ini..
(Please visit and to translate my article favorite and read please..)

Belanja di Elevenia Gratis Voucher 1 Juta

Dan juga Belanja di Elevenia Gratis Voucher 1 Juta

7 Kebiasaan Sukses Ala Pengusaha Dunia

fitrarahim


Oli mempunyai peranan penting bagi sepeda motor. Nah, apa saja peranannya itu,,,.. baca selengkapnya
Oli Motor Terbaik – TotalHi-Perf

شركة تسويق الكترونى said...

https://www.elyasmina-jedda.com/
https://www.elyasmina-jedda.com/شركة-تنظيف-بجدة/
https://www.elyasmina-jedda.com/شركة-تنظيف-بالبخار-بجدة/
https://www.elyasmina-jedda.com/شركة-تنظيف-فلل-بجدة/
https://www.elyasmina-jedda.com/شركة-تنظيف-منازل-بجدة/
https://www.elyasmina-jedda.com/شركة-تنظيف-شقق-بجدة/
https://www.elyasmina-jedda.com/شركة-نظافة-بجدة/
https://www.elyasmina-jedda.com/شركة-تنظيف-خزانات-بجدة/
https://www.elyasmina-jedda.com/شركة-عزل-خزانات-بجدة/
https://www.elyasmina-jedda.com/كشف-تسربات-المياه-بجدة/
https://www.elyasmina-jedda.com/شركة-مكافحة-حشرات-بجدة/
https://www.elyasmina-jedda.com/شركة-رش-مبيدات-بجدة/
https://www.elyasmina-jedda.com/شركة-مكافحة-الصراصير-بجدة/
https://www.elyasmina-jedda.com/شركة-مكافحة-النمل-الابيض-بجدة/
https://www.elyasmina-jedda.com/مكافحة-العته-بجده/
https://www.elyasmina-jedda.com/شركة-مكافحة-البق-بجدة/
https://www.elyasmina-jedda.com/شركة-مكافحة-الفئران-جدة/

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket