Sunday, December 19, 2010

هو أنا هفضحكم لمه أقول (أى)؟؟؟

Sunday, December 19, 2010
بقى المعتاد الايام دى أن الافلام (تتلطش) من قبل ماتكمل أسبوع فى السيما....للأسف (ضعفت) وأتفرجت عليه لانى معيش فى المحفظه فوق الخمسه وسبعين قرش!!! وده ميكفيش الراجل الى بيقابلنى فى السيما بأبتسامه واسعه مبالغ فيها ويقولى: كل سنه وأنتى طيبه...وأرد بكل برأه : وأنت طيب ياعمو!!(من غير تردد بتروح الابتسامه وأنا من غير تردد بديلوه الفلوس بكل ذوق!!!.............
********************
فيلم سته * سبعه**تمانيه).... بيناقش قضيه مش جديده ولا وليده اللحظه(التحرش ) ولا بلاش كلمه تحرش اصل فى ناس (بتكش )منها طب ممكن نديها رمز (الفسفوسه) الى بقت مليه وش مجتمعنا !! وبتقولك بكل بجاحه: أنا اهو أنا أهو وبتشاور على نفسها يمكن يكون عندك دم ونلاقى حل للفسفوسه دى.....لكن الفسفوسه مش لاقيه الى يلمها (ويستر )عليها لأاااااااا دى لاقيه الى يقولها فى الزر**خليكى اللهى يستر عرضك ياشيخه ماتروحى ده أنتى المتنفس بتاعنا** أه ياولاد ال ........ للأسف ماينفعش أقولكم الكلمه الى محشوره فى زورى تجاهكم دلوقتى
المشكله دلوقتى :أن الفسفوسه مابقتش فسفوسه!!! لا دى بقت (دمل) ولامؤاخذه
بقت (دمل) ولسه بنعالجها زى ماكنا( مش بنعالج) الفسفوسه كنا (بنظن )بنعالج الفسفوسه بالشكل ده:
بأننا مش واخدين بالنا منها يمكن تتكسف على دمها و(تتفقع)ولامؤاخذه لوحدها
بأننا نعيب (على البنت) لانها مش محترمه وأكيد أكيد (تأكيد معنوى)بتقول للفسفوسه: تعالى يافسفوسه فسفسينى
!!!!!شويه
بأننا نمنع البنت من الاختلاط فى المجتمع والنزول خصوصا (بليل) رغم وربنا الحاجات دى بقت ماتحصلش بليل بس لأااااااا فى ناس لسه مش مقتنعه ان الفسفوسه غيرت نشاطها وبقت هوبه تشتغل فى عز النهار دى واخده كامل العدد فى الفتره الصباحيه والضهريه وعلى خفيف بليل من باب الفسفوسه البطاله نجسه
بأننا شعب ولامؤاخذه بيحب يأخد على قفاه بس الاهم من غير ماحد يشوفوا
من غير ماتقوله عينى عينك الحق ياعم الشعب قفاك متعلم عليه
لأ هو شايف وسامع وحاسس كويس أوى انه متعلم عليه
وبدل مايثور فى الاتجاه الصح لأ يركن شويه (على مؤنث سالم) ويدخلك فى النظريه الشهيره (أصلك) أصلك أنتى لو ماشيه صح ولابسه صح مكنش حد جه جانبك أصلك لو محجبه أصلك لو بتلبسى واسع اصلك..... لاثوانى بقى ثوانى
أرد عليك انت ياعم الحاج ياصاحب النظريه الشهريه هو انت اصلا فى الاساس بتقسم البنات ليه فى التحرش بمحجبه أوغير هى هتفرق ياعم الحاج ولا ايه؟؟!!! وربنا ضحكتنى هى الفسفوسه بتفرق معاها برضه الحاجات دى!! ولو قلنا ماشى فى قله مندسه من مؤنث سالم بتلبس لبس أوفر أوفر ياكبير
طب ممكن سؤال معلش: طب ليه فى اطفال فى عمر الزهور الفسفوسه بتيجى جانبهم اصلااااا
ايوه معلش نسييييييييييت عشان برضه بيلبسوا أوفر أوفر ياكبير
وحياه الغاااااااااليه اياك ترد على السؤال بتاع مؤنث سالم سبلى انا الطالعه دى
هو انا هفضحكم لمه اقول أى؟؟
ايوه هتفضحيناااااااااااااااااااااااااااااااااااااااااااااااااااااااااااااااااا
وجبتلنا العاااااااااار اللهى تتوكسى يابعيده مين قالك: تنزلى فى عز الضهر وانتى لابسه الدولاب وتجيبى كيلو لبن؟؟
ولانازله الشغل ولا المدرسه ولا اوعى تقوليها فى وشى نازله تشوفى صاحبتك وتتفسحى كمان
لا ده انتى بجحه اوى وتستاهلى كل الفسفيس تيجئ جانبك كمان
وهنروح نحجزلك فى قسم (الوبا ) مع هنادى
************************
عزيزتى حواء: لو اى فسفوسه جت جانبك او عدت من قدامك لازم لازم تفرقعيها ولو معرفتيش و(خوفتى) من مجتمع زباله
على الاقل طيب قولى كلمه أبيحه؟؟
!!!!!!!!!
(لنا الله ) عزيزتى حواء لنا الله


Thursday, December 9, 2010

تاتا...من اخويا شريف

Thursday, December 9, 2010

تاتا.... خطى العتبه
تاتا...... حبة حبة
تاتا .....القلب بريء
تاتا.... والضي صديق
تاتا ....عدي الأحزان
تاتا..... بشراع ألوان
تاتا.... الصبر سفينة
تاتا..... وإيماننا مالينا
تاتا..... نزرع بساتين
تاتا..... فل وياسمين
تاتا..... نكتب ع السور
تاتا..... بحروف من نور
تاتا ....ونغني كمان
تاتا .....كاريمان كاريمان
تاتا.... ولا حزن يصيبني
تاتا.... لأ فكك مني
تاتا.... الضحك ناسيكي ؟
تاتا.... راح أجيبلك كيكي
سكر شربات
كيكي
دي زبادي خلاط
كيكي
حلوة وأمورة
كيكي
خف العصفورة
كيكي
بنوتة رقيقة
كيكي
حالة الفابريقة
كيكي
إجرام تدوين
كيكي
من ست سنين
كيكي
قرصان الفيس
كيكي
شي سبيشيال كيس
كيكي
ده ال عوووو بذاته
كيكي
ساب لها شنباته
كيكي
لو محتاج فيزا
كيكي
دي سفيرة الجيزة
كيكي
صعيديه أصيله
كيكى
من أرقى فصيله
كيكى
شطورة مش لمضة
كيكي
وتعيش ع الكبدة
كيكي
كلا وبتاتا
كيكي
تنسى الشيكولاته
كيكي
ومعاها مؤهل
كيكي
إسألها تفنجل
كيكي
كلها حركات
كيكي
تغلب بركات
كيكي
أجدع شيخ حارة
كيكي
وتتوه بجدارة
كيكي
جاسوسة وطنية
كيكي
سرها أغنية
كيكي
تاكل الأيتام
كيكي
ف البؤجة تنام
كيكي
عيني ع اللقاءات
كيكي
بطة نشاطات
كيكي
الله يخليكي
كيكي
ويبارك فيكي
كيكي
عودي للتدوين
كيكي
باك ليفت يمين
كيكي
ارجعي لبلوجرك
كيكي
وخديه على حجرك
*************
مش لاقيه كلام غير شكرااااااااااااااااا
لانك لسه بتثبتلى ان فى ناس لسه ( نضيفه) فى الدنيا دى
شكرااااااااااااااااااا
لاننا لقينا بعض بعد ماتوهنا انا وانت من قدام عربيه الكبده
شكرااااااااااااااااااااااااااا
لانك رجعتلى ضحكه قلبى تانى
شكرااااااااااااااااااااااا
لاننا اخوات بجد
ملحوظه: الكلام ده ملوش علاقه نوهائى بالقصيده دى
اه وربنا
***************
محدش بقى معاه منديل
!!!!!!

Sunday, November 28, 2010

..........البؤجه.....

Sunday, November 28, 2010


أضرب هنا عند خالد عز الرجال
.................

Monday, November 15, 2010

العيد فرحه ماااااااااااء

Monday, November 15, 2010

أولا: هو الواحد لى عين يخش ويوقلكم كل سنه وانتوا طيييييبين
ثانيا:أول ماتشوفوا اللحمه محدش ينهار ويعيط متخفوش هنشوفها تانى أكيد ......ان شاء الله الصين هتنزلنا(لحمه صينى)...
!!!!
ثالثا:لاخلاص مفيش حاجه اقولها
رابعا:مانا قولت مفيش حاجه اقولها
!!!!!

Monday, October 25, 2010

أبو جوده

Monday, October 25, 2010
(أولا :أنا متغااااظه جدااااا أنى عرفت صدفه كده... يعنى على قد الخبر ده لى شوقه كبيره على قد مانا متغاظه اوى
ماعليناااااااااااا
أبو جوده يعنى قصه الكفاح قصه السنين...قصه لن تراها الا فى جامعه عين شمس
قصه نادره الوجود مع( ماده) جاسوسه يعنى بالبلدى لزقه أمريكانى
لكن الحمد الله بعد تعب السنين العقده أتفكت
يعنى مبروك يا(عادل) والله صدقنى كل كاست المخابرات الى حدانا فى الديزه
يعنى**عم صفوت البقال--يعنى الواد رمضان بتاع السنترال الخ(أنت عارف عشان التمويه ماينفعش نفضح المخابرات اكتر من كده كل الدنيا بتقولك: مبرووووووووووووووووووووك
أوى أوى أوى أوى
أستر باب الشعريه عند الشجره الى قلبوها نخله بعد الاحتلال

Wednesday, October 13, 2010

يوم ملئ بالانشكاااااااااااااااااااااااااااااااح

Wednesday, October 13, 2010

^-^ربنا يهدينى ويكملنى بعقلى و(بأصحااااااااااااابى
ويدينى كام لسااااان هديه....!!!@
(يمكن مش لاقيه ميزه فى عمرى السنادى غير انى ممكن أورث ومحدش وقتها هيبقى واصى عليا!!...ممممممم
واضح ان تفكيرى بدأ ينضج ويعقل؟؟؟
( ويااااا الحبايب وعزولنا غاااااااااااايب أصل السعاده مليه قلبها ومين ياناس فى الفرح زيها؟؟؟
مقطع من
سيفونية الرائعه لسيد حمو البت كيتى
كيكى ^-^ كيكه^-^كيكتى^_^كيما
13/10/2010

Saturday, October 2, 2010

(أمنيه)

Saturday, October 2, 2010

من مساء أمس حتى الان لا أعرف كيف أبدء؟؟
كيف أوصف حلم كان بعيد المنال وتحقق...(أمس كان خطوبه صديقة ورفيقه كفاح الدكه الواحده من أيام ثانوى)!! أمنيه....تعنى لى الكثير من الذكريات(يعنى مفيش ولا درس أتحضر يعنى مفيش ولانكله كان بياخدها مدرس مننا كلوا كان فى جيب....!!!عذرا صديقى القارئ لاتتسرع فى الحكم عليها لاتجعل خيالك يسرح مننا يمين ولا شمال دعنى فقط أحط النقط على الحروف!! ...كلوا كان فى جيب أصحاب محلات الكشرى( أعلم الان عزيزى القارئ أنك تتنفس الصعداء) لكن تزال بعد الاسئله عالقه فى ذهنى؟؟
هل نحن نمتلك أعلى درجات التخلف العقلى الى هذا الحد؟؟
ماذا كان سيفيدنا فى أمتحانات الثانويه العامه عندما كنا نفعل مقارنه بين كشرى زيزو وكشرى عم أحمد؟؟ربما لاننا كنا نظن ان فى امتحانات عملى زى الكيميا فى التفرقه بين تقليه زيزو وعم احمد؟؟
حقا غريبه تلك الدنيا فهناك أسئله دائما بلا أجابات
ّأذكر....... ميس أيمان مدرسه علم النفس والاجتماع عندما أنفجرت فينا صارخا لقله حضورنا الدرس(فى اليوم ده كانت هتتاخر شوية علينا فى الدرس وكانت كل فتره بتمتحنا بعتت معانا الملازم والامتحان فى شنطه لحد ماتيجئ)أعلم فى ماذا تفكر الان عزيزئ القارئ نعم ؟؟ فعلنا مايدور فى عقلك الان
(قاعدنا جوه حاره قبل شارع البنت بتاعت الدرس وشوفنا الامتحان والاجابات) ......لماذا تنظر لنا وكأننا خائنين للامانه؟؟؟ لنقل أننا فعلنا ذللك لرفع الروح المعنويه لميس أيمان عندما تجدنا نحصد أعلى الدرجات تأكيدا لها على أنها مدرسه ممتازه..... أريت وجهه النظر من فضلك لاتتسرع فى الحكم على الاخرين ولتعلم أننا جبنا (أصفار) ماذا تنتظر من عقليات أصبح الكشرى لديهم أقرب من أمهم وأبوهم؟؟
وهناااااك الكثير من الذكريات و.....لكن لنقل أنى أخترت أفضلهم أو كما أعتقد
بالامس كانت خطوبتها على رفيق الكفاح أحمد وأنا لا أبالغ عندما أقول رفيق فانت لاتعلم أن قصه حبهم غلبت قصه حب (ميرررررررفت وعييييلاء)غلبت الكثير من القصص كان طريقهم مليان ولامؤاخذه مطبات صناعيه كثيره للغايه
بالامس كان محركنا الرئيسى جميعا(الفرحه) كنا كالعروس الماريونت تمام فى يديها
واذا كان لديك عزيزى القارئ بعد المبادئ أو التحفظات فى الافراح كالرقص أو الحاجات الى بربرق فأعلم أننى كنت منكم!! انا حقا أسفا لم أستطع ان أفعل المعتاد( بتاعى بتاع كل الفرح أنى أصقف وخلاص) بل مافعلت ماهو أكثر فعلت وأنا لا أصدق مافعلتوا (عملت فقره الساحر أحم أحم) وكمااااان أسبنش (اه وربنا) بل والمفاجأه لقد أدمعت كنت دائما فى الافراح بحس أنها (سهوكه بنات) ولكنى شعرت بشعور غريب حقا وكأن حته غاليه منى اوى (بنتى)الى أتخطبت لم أتمالك نفسى فى نهايه الحفله وهيا(بتبص ليا أوى وخلاص هتعيط هيا كمان)؟
****************************
ملحوظه:أحدى زميلتنا علاقتنا بيها يعنى علاقه الهايات دى( يعنى هاى باى كده يعنى ندهلتى مخصوووص قالتى أسلام خطيب أختى مروه(مروه دى وبراحه يابنات امسكوا نفسكم فى أعدادى أحم احم كان رد طبيعى منى مبروك راحت شدتنى تانى وقالتلى أسلام خطيب اختى السؤال هنا بقى؟؟؟؟
هيا كانت متوقعه رد فعلى أيه فى تانى مره أطلع نااااااااار من بوقى
ولاقوم أتشقلب فى الهوا !! ماعليناااااااا
****************************
عقابلكم كلكم يااااارب بجد فرحه الاصحاب دى حاجه تانيه حاجه مختلفه تماااااااااااااام يارب أحضر فرحكم كلكم
عزيزى القارئ: لاتصدق أن صاحبه البوست مضحيه للدرجادى أحتمال كبير لوكلكم أتجوزتوا قبيلها مش بعيد تانى يوم هتلاقوا خبر فى الجرنال(مصرع وأختفاء مدونين مصر فى ظروف غامضه) ال تجوزو قبلى ال
ملحوظه أخيره :البنت الى فوق دى أنا فعلاااا عملت اللعبه الى ع الفيس بقت أبتسامتى
(شكلااااا ومضمونا)
عملتو أيييييييه فى أسكندريه محدش جابلى جمبرى؟؟


Saturday, September 25, 2010

!!!!(بويه..)

Saturday, September 25, 2010


بويه
.........
أكتشفت أن فى حاجات فى حياتنا قدريه (قدر أجبارى)وجودها بيألمنا وبرغم الاكتشاف الرهيب ده أكتشفت برضه وجهه نظر مكنتش عايزه أصدقها عنى أنى ولاول مره بعترف أنى (هطله أو بمعنى أشيك شويه ساذجه....!!
لانى كنت فاكره ان القدر ممكن يتغير!! أقضى يوم
عادى وأتمنى الشئ ده يختفى وأنام وأصحى تانى يوم أصلى ركعتين شكر للربنا أن الشئ ده أنتهى( ساذجه ساذجه يعنى
لكن...أكتشفت
أنى نمت كتير أوى نمت لحد ماعمرى ما قرب للواحد وعشرين سنه نمت لحد ما ( العماص عشش على عينى وانا لسه بتمنى!! لكن عملت لنفسى نظريه @ أن القدر ده قدرنا والفرح ده بتاعنا ولازم يكون فى حل؟؟
بقيت بجيب (بويه...اه وربنا وأدهن نفسى بيها من جوه!! بويه بيضا... بويه تمحى أى لون أنت مش محتاجوا من جواك... بويه تنسيك قدرك تخلى القدرالاجبارى مش هو رقم واحد فى حياتك يبقى رقم أتنين او تلاته وانت وشطرتك بقى
بس مع البويه هات طوبه لامتخفش مش هبطحك بيها لكن عشان نسد بيها الفجوه الى عملها القدر الاجبارى ده
بس فى ملحوظه: أسفه
لو هخرجك بره جو الاصلاح البنائى ده
هتلاااااااااااااااقى ألف ميييييييين يهدك يجيب جرار ومصمم تصميم رهيب انه يكسرك ورغم أنك لازم تعمل نفسك عبيط ولا كأن فى جرار ولا حاجه!!! هتلاقى الجرار ده برضه بيلف وراك هنا وهناك (كأن مفيش أمين شرطه محترم يقوله فين رخصتك ياااااااااض وأتهد شويه بقى؟؟
للاسف مش هتلاقى أمين الشرطه ده...هتلاقى نفسك كسر
ت نفسك بنفسك والجرار برئ معملش ليك اى حاجه هيقولك بكل بجاحه : دنا وربنا كنت بحرسك الا مين صحيح الى كسرك كده؟؟
وقتهاااااااا
مش هتلاقى غير حلين
فاكرين الطوبه الى كانت معانا نجبها وعلى
نفوخ امه...ام الحل التانى بقى والحل الواقعى فعلااااااااااا
أنك ترجع تلون نفسك تانى وتالت ورابع الى مالانهايه&&
عند فى أى جرار أبن(وربنا عايزة أقول كلمه ولامؤاخذه )تييييييييييييييييت وخلاص عااااااااا
المهم هاتوا بويه زيت أحلى فى التصبين أصل جبت بويه معفنه وراحت على طول فى الوبا مش مشكله هجيب تانى بس أشيل أثر العدوان الثلاثى بتاع الجرار بس اوع
حد ينسى لمه تيجئ تدهن ماتنساش ترسم لنفسك
(ضحكه حلوه ولاجرار ولا بتنجان يقدر يشيلها)!!
كان معكم أسطى أول فنى كيكى بويه من امام سيبر عم حتاته عشان بعملوا وش

Sunday, August 22, 2010

كواليس الجزء التالت..أبو الريش الدالى

Sunday, August 22, 2010

دى قايمه لمطعم أبو عز الرجال الى هنفطر فى بعد مانخلص أحداث الجزء التالت أن شاء الله
تفاصيل أكتر عند خالد أبو عز الرجال
ملحوظة : لاصحاب القلوب الضعيفة محدش عينوا تضرب فى اول القايمة خلينا فى الاختيارات الاخيره
...الى معاه يتبرع بيها أحسن.......
اللهم ماأجعلنا من أصحاب الاختيارات الاخيره
اللهم ما ااااااااااامين
اللهم ما اااااااااااااامين
ملحوظة اخيره كمان: أن شاء الله لو جيت ياريت أسمع كلمه خ س ي ت ى ياكيكى
أى نعم مش عاملة رجيم ولا حاجه ومستمرة فى رجيم المراجيح بس ونبى عشان النفسية
!!!!!!!!!!!!!!

Friday, August 13, 2010

أبو الريش الدالى ...الجزء التالت

Friday, August 13, 2010
هو الواحد كان بيكتب هنا ازاى؟؟
ياااااااااااااااه.....المهم
بعد ماحققنا فى رمضان الى قبل الى فات بنجاح رهيييييييب بالجزء الاول بمسلسل أبو الريش الشوال
نزلنا برضه السنه الى فاتت
بقنبله الموسم بالجزء التانى أبو الريش الهجان
وهننزل السنادى بالجزء الاكثر تشويقا الجزء الاكثر جرأه اكثر رعب أكثر أثاره الجزء الى فى كميه أعلانات هتحلفوا بيها طول عمركم....مع نجوم لم تروهم من قبل مع نجوم الاكشن والكوميديا والصعبنيات
نجوم من كل أن
حاء الجمهوريه المحروسة
أنتظرووووووووونا بأبو الريش الدالى الجزء رقم ألف أتنين وأربعين وربنا يخليك لينا يانور الشريف
وانا أبتديت كده.........وأنتوا

؟؟؟؟؟؟؟؟؟؟
****************************
فاصل مش أعلانى أولا وحشتووووووووونى
ثانيا: حلم حياتى أتحقق أخيرااااااا وبعد طول أنتظار حد حقق
حلم حياتى الامل الى كنت عايشه عشانوا خلاص بقى حقيقة ومش سراب ولا حاجه انا مش عارفة أبتدى أزاى بس لقيت أنجى لمة قبلتها قالتلى جبتلك هديه لقيتها بطلع كيس نيلن لبنى فاتح قلت فى بالى لا كده شكلها هديه جامده الصراحه وفى بالى كميه تعليقات رهيبة وكنت عايزة أضحك وفجأه لقيتها علبه شيكولاته كادبورى سااااااااده انا شهقت بجد من المفاجأه والى هو فعلاااا مات الكلام عارفين لمة الام بتشوف البيبى بتاعها لاول مرة انا جالى نفس الاحساس ده وانا بحطها فى الشنطه وببص للناس الى معايا أتفضلوا من باب الذوق بس بقولها كانى بقول أوعى حد فيكم يفكر ان ممكن ياخد لحسه منى الا فعلا الحوار ده مابحبش حد خاااااااااااااااالص ياخد منى حته وانا بأكل شيكولاته فاكر يابو جوده لمة كنت تعبان وعزمت عليك بواحده انا قلت بس عشان ربنا يباركلى فيها ولمة قولتلى انا صايم والله ياراجل كنت هنزل أسجد اصلى راكعتين شكر لله انك صايم
انا خلتها أشلاااااااااء فى نفس اليوم وكلتها كلها وبحب اوى بعد ما أكلها احط ورقتها تحت المخده وانام
أنوج شكرااااااااااااااا اوى للسعاده الى انا فيها لحد دلوقتى شكرااااااا أن لسه لحد دلوقتى ملايه السرير مش راضية تنضف من كتر الورق الى حطيتوا وقتها واتلحوست بالشيكولاته
*********************************
حكمه رمضانيه :الغبى هو البنى أدم الى مايتعلمش من تجارب غيروا والاغبى منه هو الى مايتعلمش من تجارب نفسه وأنا الحمد الله طلعت
النوع التالت!!!!!!!!

Thursday, June 17, 2010

وأخيرااااااا أتخرجت

Thursday, June 17, 2010
برااااااااااحه برااااااااحه تقبلوا الخبر بهدوء عارفه الخبر صدمه ياريت الواقف يقعد انا برضه لمة رحت وجبتها جاتلى حاله من لا وعى فاتحت بوقى وقلت :هاااااااا وأستنى كدة يمكن ما أعقش!!!
وأنا لسه مذبهله لحد دلوقتى أيوة أنا عملتها ونجحت ولا كمان أتخرجت!!أحنا عايزين نتعلم حاجه من الخبر ده أحنا لسه فى زمن المعجزات!!!!والامل فى ربنا لازم يكون جوانا كبير اوى ولاحوله ولاقوه الابالله العلى العظيم
ولاأله الا الله...لا اله الا الله
أستنوا أوريكم الصور الى صورتها يوم المشروع جبت فى أمتياز أنا عارفة البوست ده خيال علمى....
عن قرب بعدسه فنانه أنا ليا حق عمود فى الاكاديمية دى بفلوسى تروحى ماترجعيش ياغااااااااليه
كنت عايزة أوريكم المنظر المطل الى تتميز بى الاكاديميه الترعه صديقتى بس مش راضيه تنزل أظاهر أتكسفت
ملحوظه::مسمعش حد يتريق ويقول انى لسه مخلصه امتحانات ونتيجه ايه دى ولسه فى ناس بتمتحن كفاااااااااايه احراج بقى سبق وقلت نتيجتى بتطلع ولا الشهاده الابتدائيه!!!
ملحوظة كمان:المفروض أغنيه البت كيتى تشتغل أول ماتخشوا وكان المفروض يبقى فى زغروطة فى البوست أنا سايبة الزغاريط عليكم بس وحياه أبوكم أعمل نفسكم سامعين الاغنيه عشان مازعلش انا ومى عشان طلعت عينها لااااااااا أنا مش بهزر ع فكرة فى واحد عامل نفسوا مش سامعها مش عايزة حد يضايقنى لو سمحت النهارده
يلا يلا يلا ارقصوا ع الاغنيه
وسلمولى عليه سلمولى عليه
مش عارفه أيه الفراغ ده اكيد من الصور

Friday, June 4, 2010

خالتى بتسلم عليك

Friday, June 4, 2010
مممممممممممم؟
مممممممممممممم!!!
وبعدين!!...أكيد هتكلم متخافوش بس أصلى مش مستوعبه الى هكتبوا
وكمان البوست ده شخصى بحت فأنا مش عارفه أبتدى ازاى ماعلينا
من يومين خلصت أااخر امتحانات نظرى ليا فى الاكاديميه العاليه للقطن أنتو متخيلين؟؟
كانت ليله أخر ماده دى كنت عامله أزاى!!! أنا كنت عمالة أبص للقلم وأقوله بودعك اه اخر وداع بودعك كنت زى المسحورة يعنى مفييييش لجنه هقعد فيها تانى ومش هعقد ليله كل امتحان أقر القران عشان ميكنش رقم جلوسى فى أول بنج!! لان المراقبين بيعزو اوى الى فى أول بنج تلاقيهم قاعدوا جانبك وحبكت بقى يتوبوا ويستغفروا ربنا فى الوقت ده يااااااه يعنى صوتى مش هيتنبح من كتر البسبسه للجانبى ولاهحدفوا بحاجه فى نفوخوا عشان ساعات مكنش بيسمع ولا هخبى تانى البرشام فى فرده الجزمة وبوقى!!وأول مايجئ حد على طول من غير تردد احدفوا ع جانبى ولا هظهر تانى مواهبى الخفيه يعنى لمة بيكون فى سؤال صعب المواهب بتظهر كتير اوىفى اللجنه
قبل كدة فى سؤال أجابتوا كبيرة اوى وكان المفروض أنه مهم بس مجاش فى الامتحان وانا حفظتوا طبعاااا كلكم بتقولوا انى كتبتوا رغم انه مجاش!!أنتو فاكرنى متخلفه أكتب سؤال مجاش لاطبعااااا كتبتوا فى الماده الى بعديها الى ملهاش علاقه بالحوار اصلا ياجماعه لازم تفتحوا دماغكم شوية أسيب الورقة فاضيه يعنى
ولا الشيتااااات والابحاث يااااه كانت موال مقرف كانت الدكتورة بتاعت محاسبة أنجلش قالت اننا نكتب المحاضرات كلها نجبها مع الشيت عشان نأخد اعمال السنه انا بقى لسه هكتب روحت صورت مسئله من الكتاب وصورتها نسخ كتير اوى عملت رزمه وسلمتها بنت الايه بقى قالت بعد ما سملنا الى كتبلى الملغى الى لغيتوا فى الفصل الاول هعرف انه مكنش بيحضر....مابالكم انا
اه صحيح يوم الماده دى أنا مكنتش عارفه أقرء الاسئله فكنت معلمه كل سؤال بكلمه وللاسف الكلمة مجبتش فجتلى هستريه ضحك فاكرين اللمبى لمة كان بيمتحن والست العجوزة أقعدت تضحك انا عملت كدة برضه أهى أتجنينت من أول سؤال
**أنا فتحت فى الكلام معلش كبت أربع سنين.....أنا كانت أكتر حاجه بضايقنى لمة حد يعرف انى فى أكاديميه خاصه وكدة ع طول ومن غير تردد الاقى الى قدامى يغمزلى ويقولى أيوة ياعم بتنجحوا بفلوسكم والله العظيم انا بحس من خلال كلامهم ده اانى خلال الاربع سنين كنت بتعلم فى كيفية رسم كوز الدره!!!؟
أنا نقصلى مشروع التخرج الى هو عباره عن تلوين كوز الدره !!؟
أنا كل ما افتكر المعيد الى كان بيساعدنا وشغل المخابرات الى كنا بنعملوا عشان محدش يعرف رغم ان معروفة فى رابعه الكل بيأخد دروس مع المعيدين بس اهى افلام بقى وانا كنت بموت فى جو المخابرات ده أول ما أتفقنا ع الدرس وكدة أتقابلنا فوق فى المكتبه بنسألوا ع الفلوس وكدة كان الاول يبص يمين وشمال ويقولنا أشششششش ويكتبلنا ع الورقة وأحنا نرد بالاشارات!!!وهو فعلا ناصح كنا بالطريقة محدش خاااااااالص بيأخد بالو مننا
تحسوا جو كل فرد مصرى مخبر أمن دوله صميم صميم يعنى بيظهر فى الاوقات الحرجه ولمة كنا نأخد منه الفلاشه كان يلفها فى ورقه ولازم برضه قبل مايدينى الفلاشه يبص شمال ويمين ويقولى كلوا المعلومات الى طلبتوها هتلاقوها هنا!!وأنا كنت أتجاوب معاه وكنت بعيش اللحظة وتقمصت دور أبلتى ناديه الجندى كنت قبل ما أطلب اى طلب منه أقوله:خالتى بتسلم عليك وأروح حاطة الطرحه ع وشى وأسلموا البضاعه أقصد الفلاشه وأجرى قبل أى معيد تانى يحفظ ملامح وشى!!!لان المعيدين منفسنين من بعض لان لو اى حد فينا أنكشف الخليه كلها هتقع ومهمتنا القوميه هتفشل بس رغم فى أفراد فى المجموعه كان نفسى انا الى أبلغ عنهم واخد المكأفاه بس يلا الله يسهلهم وكلوا هيطلع ع عينهم فى المناقشة لان ربنا بيسلط أبدان على أبدان أصل انا جنيس المجموعه ياخوفى يابدران أخش على دكتور جلال أقوله أمال فين أبو سلكه؟!!!! أصل مخدناش ده فى الكلاااااااااااااااس
جسمى أشعر من الذكريات وأفتكرت الاغنيه الى هنقولها بعد المناقشة: وحوش فى البر وحوش فى البحر بحررررريه بحريه بحريه....هتوحشونى ياوحوش رغم الذكريات الى منيله بنيله الى بينا
وبمناسبة أنى نتيجتى بتطلع ولا الشهاده الابتدائيه خلال أسبوع أحب انهى البوست زى أبلتى ناديه الجندى فى أفلامها
لااااااااااااااااااااااااااااااااااااااااااااااااااااااااااااااااااااا
لاااااااااااااااااااااااااااااااااااااااااااااااااااااااااا

Wednesday, May 19, 2010

أنا رايحه أتقدم!!!!تحديث(هذاااااااااكر هو ده الحوار

Wednesday, May 19, 2010
ماتخافوش مش رايحه أتقدم لحد أنا رايحه اتقدم لحاجه تانيه
!!!!! !!!!!! !!!
!!!!! !

Sunday, May 16, 2010

سكه السلامه

Sunday, May 16, 2010
سكه السلامه.....وسكه الندامه ...وسكه الى يروح مايرجعش
!!!!!!!!!!!!!

Sunday, May 9, 2010

أنا... وأعوذ بالله من كلمه أنا

Sunday, May 9, 2010
عمرك جالك حنين غريب بأنك عايز تكلم عن نفسك بس ....أنك نفسك تكشف نفسك بنفسك!!......كلنا مركزين مع بعض كلنا بنبص لبعض من تحت النضاره كل واحد فينا بيترقب التانى هيعمل ايه!! لكن ركزت مع نفسك قبل كدة؟ صالحت الاتنين الى جواك طب دلتهم على العنوان ولا لسه تايهين من بعض؟ لسه الطريق الى هيوصلهم لبعض مكملش ولا هو مش موجود اصلا!!!
أنا بحاول ارمى حجر الاساس بقالى فتره أكتشفت حاجات كتير اوى مكنتش اتمنى أنى أعرفها لاحظت حاجات مكنتش باخد بالى منها
غمض عينيك معايا خد نفسك عميييييييييق يلا أغطس جوه نفسك
أاااااااانا لقيت بلاوى جوااااايا لقيت حتت سوده أوى متحجرة وتفكير أحيانا شيطانى ممكن مش بنفذ التفكير دة بس لمجرد وجوده لازم نضرب ناقوس الخطر أو ممكن نبلغ البوليس!!...بس أحيانا الواحد ممكن ينفذ بطريقه غير مباشره وممكن كمان يعمل نفسه الضحيه!!!وما أكثرنا ياساده من ضحايا
**أحساس غريب مش عايزنى أكمل البوست...زى ماتكون نفسك الشريرة مش عايزاك تعترف بده لان دة اول طريق العلاج انك تواجه نفسك وممكن تكون بتقولك وانت يعنى بتعمل ايه غير مجرد أفكار شريرة؟ماحنا بشر لاااا كتر التفكير فيها هيخليك فى يوم تنفذهاأيوه اكييييييد الزن على الدماغ يعنى ممكن تلاقونى فى يوم مرتكبه جنايه ولا حاجه!!


ملحوظة الفراغ: معناه ان بقالى عشر دقايق متنحه ودوست حفظ جايه ارجع الاقى الصورة فى وشى انزل تانى
أنا بقالى سنتان وكذا شهر بكتب دايما بيبقى فى دماغى حاجة والاقى نفسى بكتب حاجة تانيه خالص وعمرى ماكتبت حاجة على مزاجى الشخصى الا بوستان فقط من عمر المدونة!! المهم يعنى عشان انا زهقت من نفسى
ألبس الكتافات وخدلك عوامه أستبن ومعاك جردل البحر وأنزل غوص جوه نفسك وشيل فى الجردل البلاوى السوده الى هتلاقيها ولو لقيت الحمل زياده عليك وماقدرتش تشيل كلوا ولايهمك المهم انك أعترفت بده والمهم تانى انك شيلت حبه والاهم انك نزلت تصيف شويه....أنا البحر عندى مليان دوامات وبحاول أرسى على شط بس عومتى اتخرمت
وأحب اهديلكم أغنيه....بين شاطين وميه عشقتهم عنيا ياغالين عليا ياأهل اسكندريه

Thursday, May 6, 2010

عايزينهم ينشكحوا كده

Thursday, May 6, 2010
دوس وماتفكرش كتير.....خليك سبب فى انشكاح حد

ويابخت من نيم الناس منشكحين
****

Tuesday, April 20, 2010

لازم نفترق يامرسى!!!!

Tuesday, April 20, 2010

لو سمحت متبصليش البصة ديه متجرحنيش اكتر من كدة بسكاتك دة لازم تعرف ان الحياه محطات وانت دلوقتى محطتك مبقتش معايا انا لازم افكر بعقل شوية خدنا ايه من القلب يعنى؟؟ غير شوية ذكريات وجروح مش لاقية الى يضمها مقدرش انكر ذكرياتى معاكى بس انا بجد تعبت من بصه الناس ليا...هتقولى ومن امتى بتفرق معاكى بصة الناس؟؟
هقولك من ساعه مانزل ان تسعين وان اتنين وتسعين!!!
بذمتك ودينك دة شكل برضه
اايوة لمة شوفتك اول مرة اتجنينت وعمرى ماهنسى دخلت بابا عليا بيك بس الكلام دة ياحمو من اولى ثانوى وابويا وقتها ضحك على وقالى جبتهولك مخصوص كبير وباريل عشان الناس مقامات!!! لكن لحد امتى هيفضل مضحوك عليا
لحد امتى هشحنك بالطاقه الشمسية
لحد امتى هجيب سلك عريان واوصله بالكهربا والميه عشان اعملك فيبراشن
لحد امتى هلزق صور حقيقة عليك وافهم الناس انك مجسم
لحد امتى هفضل ابعت رساله كاملة بحرفين وربع
لحد امتى هخلى عليك ساعتى اليد عشان اعرف اوبشن الوقت منك وورقة النتيجة من ورا
لحد امتى هفضل اسيب الخرم الى فيك من قدام واقول للناس دى كاميرا حديثه
لحد امتى هعمل صوت من بوقى وانت بتنور عشان افهم الناس انك بترن
لحد امتى هفضل كدة قولى؟؟؟ استحملتك كتير اوى وفى نفس الوقت مقدرش انكر ان كل بشله فى وشك كانت ليها معايا ذكرى بس الذكريات ياعزيزى مابتجبش حق كرت شحن بعشرة
وحياه ابوك ماتبصليش كدة عارفة عايز تقول ايه؟؟
ايوة جبت عده جديدة فيها بلوبوث وانت كنت مفهمنى ان الاوبشن دة خيال علمى
وفى اغانى وكاميرا وحاجات كتير وانت كنت مفهمنى ان العده الى فيها الحاجات دى تبقى عدة مش كويسة عده مخدتش الطريق من الاول عده ضاعت فى اول طريق دائرى!!!عدة ولامؤاخذة يعنى
كفايه كدب بقى كفايه بجد لحد هنااااااا
لو سمحت لم هدومك وامشى من هناااااااااااا
وخد معاك غياراتك الداخليه انا مش هغسلك حاجة تانى
!!!!!!!!

Sunday, April 4, 2010

مابلااااش الدعوه دى ياما

Sunday, April 4, 2010

كتير بفكر فى نهايتى السودة وانى هتخسف حته خسفه ففكرت فى حديث الرسول صلى الله عليه وسلم
عن أبي هريرة أن رسول الله قال: ) إذا مات ابن آدم انقطع عمله إلا من ثلاث:
صدقة جارية،

أو علم ينتفع به،
أو ولد صالح يدعوا له
تعالوا بقى نطبق الكلام دة عليه....!!!
يعنى انا مثلا لو فى يوم اسمى اتكتب فى كتاب او جرنال تفتكروا هيكون ايه؟؟
اكيييييييييييييييييييد دموع الندم ومسكنى بسبب سرقة غيارات داخليه او اطلع فى برنامج يامزااااااااااء الخير ياجريمة
ولو عملت كتاب افيد بى الناس هيكون #لا صباح ولا مساء.....تفتكر دى حاجة كويسة؟؟
*يعنى نقطة انى اعمل علم ينتفع به مش موجودة عندى*.....نخش على النقطة التانيه ولد صالح يدعوا له
!!!!!!!!!
يعنى لو انا اتجوزت وده خيال علمى بس نعدى النقطة دى عشان البوست وخلفت معلش بقى مش قولنا خيال علمى
ياجمااااعه اطلقوا خيالكم شوية معايا
عياااااااااااااااااااااااااااااالى
عبد اللطيف وجعايدى وكيداهم والصغير دة تامر على اسمه جدو!!!...وانا راسمة مستقبلهم
عبد اللطيف هيثبت على كوبرى عبود......جعا
يدى هسفروا برة بنى سويف ياكل لقمة كويسة
كيداهم هتبيع فى المترو...تامر هيطلع شبيه شعر تامر حسنى!!!!
تفتكروا ب
عد المستقبل البااهر ده حد فيهم هيدعيلى
وادى كمان نقطة ضاعت منى مفيش بقى
غيرالصدقة الجارية يوم الجمعه تسعه ابريل قدام ابو الريش تفاصيل اكتر
وانا ان شاء الله من غيييييييير مقطعه هتلاقونى قاعدة على مصطبة المستشفى عاملة الامطة وضاربة نضارة شمس وعاملة كدة نصبة شاى عشان تعرفونى علطول وعاملة مبدأ الايد البطاله نكسهورجاااااااااء خاص محدش يدعيلى ويقولى ربنا يديكى على قد نيتك عشان ماما ماما مين بقى بعد نصبة الشاى اقصد اما كل مابتدعيلى الدعوة دى وتقولى ربنا يديكى على قد نيتك ويشفيكى يابنتى اصل انا بعيد عنكم جالى كسح مبكر بحس ان ربنا بيبتلاينى اكتر واكتر وبتنكس كل مابخف شوية فابلااااااااااااااااااش موضوع النيه معاااااااايا انا بالذات
اخر سؤال: الطريق بين المترو والمستشفى مش بعيد اوى انا عارفة بس لظروفى الخاصه لو ركبت تاكسى بين المترو وطريق المستشفى والسواق اكيد هينكشح ان حد واقفوا وقالتوه على المسافه
هل ياترى بقى السؤال جاى اهو
لو قالى كلمة ولا مؤاخذة لمة يعرف المسافه؟
ارد اقوله لامؤاخذتك معاك ياعم
ولا اعمل ايه؟؟
سؤال يطرح نفسه
؟؟؟؟؟؟؟؟؟؟

Friday, April 2, 2010

عرب الزمالك 48

Friday, April 2, 2010

Saturday, March 20, 2010

ست الحنانه يا ضنايا انت

Saturday, March 20, 2010

ماما...
ماما بالنسبالى زى الكوبرى الدائرى هو المفروض يوصلك فى اسرع وقت ومن غير مشاكل لكن العكس بيحصل بيوصلك على نقاله!!!دة بس بيحصلى لو حصل اختلاف فى وجهات النظر
ماما بالنسبالى زى التوك تك بحب اشوفه بيمشى عشان سريع وبيعرف يوصل مشاويره فى الوقت المظبوط بس لو قلب عليك يقلبك فردة كوتش
ماما بالنسبالى زى شيكولاته كابرى لم بقعد أكل فيها كتير بحس انى بروح غيبوبة وبتسطل لمة بعك فى الكلام مع ماما بتعمل زى كابرى بالظبط بس بالشبشب
ماما بالنسبالى زى شركه فودافون تحط رجلك فى ال
خايه لحد ما تستلف السته جنيه منها وبعد كدة تروح تفضحك قدام امه لا اله الا الله
ماما بالنسبالى زى شاى رويال للرجيم يخدعك فى الاول وتحس نفسك بتخس وبعد كدة تظهر اضراره على المدى البعيد ودة لمة هتعمى قريب من كتر الضرب على قفايا
ماما بالنسبالى زى المنتخب الوطنى لمة بيكسب بحب مصر اوى وهى لمة ربنا يهديها وتضحك بتبقى زى حب مصر كدة بس حب وقتى
ماما بالنسبالى زى السبكى هو وراء انهيار السينما المصرية هى وراء انهيار اعصابى
ماما بالنسبالى زى شعبان عبد الرحيم لمة يقول اييييييييييييييييييييه لمة باجى اطلب منها فلوس
ماما بالنسبالى زى اغنيه الدنيا زى المرجيحه يوم تحت وفوق لانها ساعات ترمينى من فوق السطح او تحت عربيه
ماما بالنسبالى زى محمد سعد مستحيل تقنعه بانه يغير نمط افلامة وهى مستحيل تقنعها انى مش الفلبينيه الى هى شرايها
ماما بالنسبالى زى حسن الهلالى انا متاكده انى هبقى الاول فى فيلمها الانتقام الرهيب
ماما بالنسبالى زى فيلم المرأه والسطور عماله تتفرج دلوقتى على اعلانات تميمة الله يحرقهم بجاز وتبصلى وهى بتحضر فى الاكياس عشان لسة مجبتش هدية عيد الام
عزيزى القارئ ربما تكون هذة اخر كلماتى استحلفك بالله ان تطلب رقم البوليس وان تبلغ عن امى
ولاتنسى الدعاء لى بالجنه
وان لله وان اليه راجعون
الشهيده بأذن الله كيكى عوووو ضحيه عيد الام

Thursday, March 18, 2010

عشان أعمالنا السودة

Thursday, March 18, 2010
دوس هنا يمكن ربنا يكرم

Monday, March 15, 2010

أنا شارب سيجارة بنى حاسس ان دماغى بتاكلنى

Monday, March 15, 2010
فى اشاعات نازلة اوى اليومين دول من ساعه الكبير ماحصل الى حصلوا انه لاقدر الله يعنى هيموت!!!...واحنا كان المفروض كواجب علينا لانه فرد منا ننقطوة حلاوة ماقام بالسلامه
بس مش دة الموضوع دلوقتى الموضوع انى فكرت لو مات بجد بجد بجد يعنى الاهرام هتنشر تانى يوم:
السيد الكبير يفتتح الطريق الصحراوى الجديد بين امبابه والسيدة زينب ليجعلوه طريق دولى ولاينوى ان يرشح نفسه فى الدورة الانتخابيه السابعه والثلاثين ويرفض بشدة ترشيح ابنه *الرئيس الحالى* للانتخابات القادمة رافض مبدأ التوريث تأكيد لسياسته الحره
ومع الخبر صورة لى وهو بالكفن وبيقص شريط الطريق
!!!११!

Monday, March 8, 2010

نهايه سعيدة

Monday, March 8, 2010
مش عارفة ابتدى منين؟؟
بس بجد اول الموضوع ماحصل قلت لازم تكونوا اول ناس عارفين
مش عارفة اكتب بجد من الفرحه مرتبكة اوى وقلبى بيدق بشكل فظيع
انا لسة اصلا مش مستوعبه الموضوع!!!
النهاردة...قابلنى عميد الاكاديمية وبشرنى وقالى خلصى يلا الترم دة على خير عشان تبقى
معييييييييييييييييييييييدة

عندنا...عشان المعدل التراكمى بتاعى يعتبر اعلى حد فى الدفعه

همووووووووت من الفرحه بجد وفعلا ياجماعه لكل مجتهد نصيب

الحمد الله يارب انا فعلا تعبت الحمد الله على كل شئ


**********************
...
...






الى

لسه

متخرجوش

بيحلموا

واحنا

معاهم


@
كوكاكولا راعى الاحلام الوهميه للشباب المصرى

Wednesday, February 24, 2010

نداء الى أفكااااااارى

Wednesday, February 24, 2010

لا بجد مش قادرة أستحمل اكتر من كدة من غير كتابه!!
ايه دة عرفت اهو اكتب جمله الحمد الله يااارب يا بركه دعائكى ياما!!ياترى زمان انا كنت بكتب ازاى ياترى كانت طقوسى ايه؟ الامطة
التمام النضارة الشمس شبشب زنوبه الجلابيه الى عليها عيون حوله والبنطلون عشان التسلخات !! تمام انا عامله كل دة دلوقتى ها وبعدين بقى؟؟ايييييييييييييييييييييييييييه دنيا الصبر مفتاح الفرج مفيش يعنى حاجة نزلت على دماغى الى يصبر ينول برضه
فين ها ؟ فين الافكار؟؟ راحت فين ياترى خدت تذكرة على اول قطر وهربت..الهى يابعيدة يبتلكى بجاموسه حوله
تكنش غلطت مع واحد وراحت تصلح غلطتها؟..اوعى يامنيله يكون جرجرك بمجلد ميكى ولافلاش
ولا يمكن اتقبض عليها بسبب تهمة الاتجار بالاثار..مش قولتلك بلاش تمسكى أنابيب الايام دى
او ممكن راحت تأمن مستقبلها واشتغلت فى سنترال السيده هيقبضوها 150 فى الشهر ماديه وتعملها برضه منا عارفها
ولايمكن راحت ترشح نفسها فى الانتخابات الرئيسيه الجايه ومسكوها بتهمة التعدى على الحقوق الملكيه الفكريه للرئيس واولاده...والله وقتها ولااعرف امك ياخاينه يا عميله يلى مابيطمرش فيكى العشره الى بينا وبينهم ياقليله الاصل ياواطيه
ولايمكن لا مش قادرة اقولها باعت نفسها وعملت سيناريو فيلم للسبكى وسميتوه أوعى أوعى لا لا!! أستر على الفضايح يااااااااااااارب
طب انا ليه بفكر فى حاجات سودة مش يمكن ربنا هداها واتنقبت وبتبيع فى المترو حاجات ب 2.5
بس لا انا عارفها سودة اوى من جوه هى اكيد اكيد زمانها بتثبت العيال على الدائرى ومسميه نفسها فتاكات الدكر
عمتا ياجماعه انا هعمل نداء ليها فى القناه التالته فى تنويه عن المفقودين يمكن قلبها يحن على وترجع لاحسن انا حالتى كرب اوى ونفسيتى زى الزفت من بعد فراقها ولا لى نفس لا اى حاجة فى االدنيا وانتى لمة بتبعدى عنى غصب عنى ببعد عن صحابى وهمه ماشاااااااااااااااااااااااااء الله بينزلوا بمعدل بوستان فى الثانيه وانا زى خيبتها قاعدة وانتى عارفة من غيرك الكتابه ملهاش اى لازمة وانا مليش اى قيمة من غيرك بجد لانك انتى النجمه مش انا
كلمتان على جنب:ونبى لو حد لى قريبوا فى ماسبيروا يتوسطلى عنده لمة تجئ تنزل صورتها ينزلوا مع الصورة اغنية ##ارقص ياوليد ارقص ياوليد اررررررقص ياوليد## عشان بتحبها اوى
!!عودى يابليه بقى عايزين نلعب بالفلوس لعب..
امضاء: كيكى عووووو المجروحه

Sunday, January 31, 2010

melody....sport

Sunday, January 31, 2010

فى السنه الى رفضنا فيهااااا..كأس العالم

جبنا كأس الامم الافريقية تلات مرات على التوالى

(المنتخب المصرى......أم الاجنبى
2010

Saturday, January 30, 2010

عند أمه يا ادهم

Saturday, January 30, 2010

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket