Friday, August 13, 2010

أبو الريش الدالى ...الجزء التالت

Friday, August 13, 2010
هو الواحد كان بيكتب هنا ازاى؟؟
ياااااااااااااااه.....المهم
بعد ماحققنا فى رمضان الى قبل الى فات بنجاح رهيييييييب بالجزء الاول بمسلسل أبو الريش الشوال
نزلنا برضه السنه الى فاتت
بقنبله الموسم بالجزء التانى أبو الريش الهجان
وهننزل السنادى بالجزء الاكثر تشويقا الجزء الاكثر جرأه اكثر رعب أكثر أثاره الجزء الى فى كميه أعلانات هتحلفوا بيها طول عمركم....مع نجوم لم تروهم من قبل مع نجوم الاكشن والكوميديا والصعبنيات
نجوم من كل أن
حاء الجمهوريه المحروسة
أنتظرووووووووونا بأبو الريش الدالى الجزء رقم ألف أتنين وأربعين وربنا يخليك لينا يانور الشريف
وانا أبتديت كده.........وأنتوا

؟؟؟؟؟؟؟؟؟؟
****************************
فاصل مش أعلانى أولا وحشتووووووووونى
ثانيا: حلم حياتى أتحقق أخيرااااااا وبعد طول أنتظار حد حقق
حلم حياتى الامل الى كنت عايشه عشانوا خلاص بقى حقيقة ومش سراب ولا حاجه انا مش عارفة أبتدى أزاى بس لقيت أنجى لمة قبلتها قالتلى جبتلك هديه لقيتها بطلع كيس نيلن لبنى فاتح قلت فى بالى لا كده شكلها هديه جامده الصراحه وفى بالى كميه تعليقات رهيبة وكنت عايزة أضحك وفجأه لقيتها علبه شيكولاته كادبورى سااااااااده انا شهقت بجد من المفاجأه والى هو فعلاااا مات الكلام عارفين لمة الام بتشوف البيبى بتاعها لاول مرة انا جالى نفس الاحساس ده وانا بحطها فى الشنطه وببص للناس الى معايا أتفضلوا من باب الذوق بس بقولها كانى بقول أوعى حد فيكم يفكر ان ممكن ياخد لحسه منى الا فعلا الحوار ده مابحبش حد خاااااااااااااااالص ياخد منى حته وانا بأكل شيكولاته فاكر يابو جوده لمة كنت تعبان وعزمت عليك بواحده انا قلت بس عشان ربنا يباركلى فيها ولمة قولتلى انا صايم والله ياراجل كنت هنزل أسجد اصلى راكعتين شكر لله انك صايم
انا خلتها أشلاااااااااء فى نفس اليوم وكلتها كلها وبحب اوى بعد ما أكلها احط ورقتها تحت المخده وانام
أنوج شكرااااااااااااااا اوى للسعاده الى انا فيها لحد دلوقتى شكرااااااا أن لسه لحد دلوقتى ملايه السرير مش راضية تنضف من كتر الورق الى حطيتوا وقتها واتلحوست بالشيكولاته
*********************************
حكمه رمضانيه :الغبى هو البنى أدم الى مايتعلمش من تجارب غيروا والاغبى منه هو الى مايتعلمش من تجارب نفسه وأنا الحمد الله طلعت
النوع التالت!!!!!!!!

14 comments:

adel said...

هههههههههههه
انتم مش بيتبل في بؤكم فولة
واحدة تقول عزمني و التانية تقول عزمت عليا و قولتها صايم

انا غلطان
:):)

والله يوم مسخرة

علي فكرة قالت للاخوة المعجبين و المغجات من طرفك يا استير يظبطوا
قالولك ؟؟

هوبتي said...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههه
حلوة عجبتني قوي
بيعجبني دمك الخفيف موت

احاسيس آيوشه said...

كنت قريت عند انجى موضوع الشيكولاتة دا :)
ربنا يخليكم لبعض دايما ويديم الصداقة بينكم

мαησηα said...

انا خلتها أشلاااااااااء فى نفس اليوم وكلتها كلها وبحب اوى بعد ما أكلها احط ورقتها تحت المخده وانام


خاينة وعاملة بتحبينى وبتااااع عاااااااااااااااااااا

بطنك هتوجعك اوى ع فكرة لان انا مركزة معاكى هه

الله يسامحك هان عليكى تاكليها ومنونا لأ

طيب جالك قلب ازاى طيب ؟؟

طيب عرفتى تبلعيها ازاى ؟؟

ههههههههههههه

كل سنة وانتى بخير يا قمر وان شاء الله اشوفك هناك

ويبقى يوم جميل عليكى وعليا يارب اللهم امين

همس الاحباب said...

ههههههههههه
هى فعلا اصبحت اشلاء
فى الخارج والداخل
عض قلبى ولا تاكل كادبورى
كل سنة وانتى طيبة
ورمضان كريم

Ramy said...

حمد الله ع السلامة

كل سنة و انتِ طيبة

و بالهنا و الشفا (:

Lady E said...

يااااااااه عاش مين شافك يا بنتي اخيرا كتبتي :)

خدي بالك انا ليا نص علبة الكادبوري ايووون بلطجة صبحتك ولا مش صبحتك انتيمتك ولا مش انتيمتك :)

ربنا يخليلك انجي يا اوختشي والمعنى في بطن الشوكولاتة نياهاهاهاها

ويلكم باك يا كيكتي وصدقيني لما نتقابل المرة الجايه هعضك

دينا حامد said...

هههههههههه
موتيني من الضحك يخرب بيت عقلك
مسلسل الدالي ده انا بصراحة ولا بطيقه من اول جزء لاخر جزء _اللي اتمنى يكون السنة دي _

بالنسبة للشوكلاته
اللي ياكل لوحده يزور يامعلم

شاب فقرى said...

كلنا النوع التالت :)
عايزين شوكلاته بقى بمناسبة الشهر الكريم :)

رمضان كريم

الازهرى said...

يا بنتى ارحمى بقى دى أيام مفترجة

كل سنة وكل من تحبين فى إيمان وأمن وسلام

د.خالدأمين said...

قد كدا بتحبي الشيكولاه

مش معقول



انا بقي مبحبهاش خاااااالص




ومستنيين ابو الريش الدالي ده



يارب يكون يستاهل الللهفه اللي انا فيها دي

أع ـقل مـ ج ـنـونــة said...

ان شاء الله معاكوووووووووووو
كل سنة وانتي طيبةةةةة

مدونه هنا السناهره said...

جاااااااامد موضوع جااااااااامد
ممكن تزوريني في مدونتي وتقولي رايك

قوس قزح said...

هههههههههههههههههه
مجرمة كالعادة

يارب الجزء التالت يكون ناجح زى اول جزئين
متتاخريش بقى يومها علشان عايزة اعضك من خدودك :))

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket