ملعون ابوكى غربة

ملعون ابوكى غربة بتغربى الجدعان وترملى الستات وتشحططى العيال وتفرقى الاحباب....وبتقفلى الابواب يجرى الجدع من دول على لقمة عيش ياكلها..ينط..يفط..يعوم..يطير....ميلاقيش فى النهاية غير تابوت يرجع فيه..

ملعون ابوكى بنت كلب.........

من يوميات برعى وتفيدة

الخروجة المشئومة .........

تفيدة:برعى انا عايزة اخرج انا مخنوووووقة

برعى:مخنووووفة من اية ان شاء الله

تفيدة:بقالنا اكتر من سنة لابنروح فى حتة ولا حد بيجئ عندنا....اية رايك نروح عند لواحظ فى المحلة

برعى: والله فكرة حلوة...طب خليها الاسبوع الجاى عقبال مانلم حق الاجرة

ولموا حق الاجرة...ورحوا الموقف كان فى قلق غريب مسيطر على الموقف..وكل مايقولوا الى اى سوائق المحلة ميردش ويمشى بسرعة....وفى الاخر لقوا سوائق مسطول ركبوا معاة

السائق:هو لازم تروحوا..ههههههههه..كلنا رايحن رايحن ههههه

تفيدة :هو مجنون ولا اييييييية

برعى:واطى صوتك...ام نشوف هيؤدينا فين

مكنش ناقص غير كيلو على البلد....وكان فى سحابة سودة...راح بصلهم السوائق وقالهم:خلاص هم قربوا قربوا هيخلصوا علينا كلنا....فاكرنى مسطول لكن هم المسطيل قربوا فربوا...ههههههههههههههههههه...اغمى علية...نزل برعى وتفيدة وهمة مش فاهمين حاجة خالص....داخلوا على البلد ومن كتر الدخان ماشفوش حاجة خالص ومش سامعين غير صوت بنادق ومسدسات وقنابل...بوم طخ طخ

برعى:همة الاسرائيلين هجموا علينا امتى

تفيدة:يالههههههههههوى واحنا مش عارفين

برعى:دى البلد باظت خالص اجرى ياتفيدة نستخبئ وراء البيت دة

وتحدث مشدات بين الامن والمواطينين وشتائم والفاظ خارجة

برعى :اية دة دول بيكلموا عربى

تفيدة:تلاقيهم من كتر اقعدتهم اتعلموا واحنا مش حاسين

برعى:ازاى دة حصل واحنا مش حاسين دةولا تليفوزيون قال ولارديو ولا اى حد اكلم خالص

تفيدة:والله كان قلبى حاسس انا مش قولتلك بيقولوا...البلد بتتحرك...وانت مصدقتينش

برعى:وعلشان كدة كانوا بيقولوا...اوع يفوتك القطر.....علشان نهرب

وتوصل المشدات الى ذروتها...يقتل رجل...وتقع سيدة مسنة...وتمطر السماء بالقنابل

برعى:احنا لازم نعمل حاجة.....تفيدة:زى اييييييييية

برعى:لازم ندافع عن بلدنا مهمة كانت ظروفنا اية حتى لو مش لقينا ناكل..لكن دى برضوا بلدنا..لازم نحررها منهم..اة ساعات كتير بنحس بغربة فيها وانها اسيا علينا ولكن وقت الخطر لازم نعمل حاجة وووووبجدووووونسمع وسط حماس برعى الاغنية الوطنية...العنب العنب احمر اخضر......قراروا ان كل واحد فيهم هيعمل عملية انتحارية....واهوكلوا علشانك يا بعرور....احم احم يا مصر...وخلاص جهزوا نفسهم وقراروا كل واحد فيهم يروح حتة ويعمل العملية الاستشهادية ليفجروا الاعداء...وبلصدفة البحتة لقى كل واحد فيهم موبايل

برعى:انا لمة اروح هاديكى مسد بس اوعى تفتحى علية

تفيدة:متخافش مش هفتح عليك..وانا كمان هديك مسد لمة نروح...وبعد كدة نرن مرتان ونفذ العملية.......وخلاص هيمشوا راح كل واحد بص للتانى وجريوا على بعض وبرعى حضنها اوووووووى وبصلها فى عينها وقالها...لو شوفتك فى الجنة ابقى فاكرينى اطلقك..لان كل خروجاتك بتقلب بنهاية سودة....وبعد كدة بسهامن..احم احم..نسمع صدى صوت الاغنية العاطفية.....بحبك ياحمار

وراح كل واحد فيهم فى حتة واتلم عليهم اكبر عدد من العساكر...وادو لبعض الاشارة.....فراح كل واحد فيهم مطلع سكينة وقتل نفسة!!!!..ونسمع صدى صوت الاغنية الحزينة... محكمة...

مصلحتك عند ام تيتى

بم انى فى الامتحانات....والواحد مخنوق على الاخررررررررررر......قلت نشوف حاجة فرش شوية......وانتظررررررررونا فى البوست القادم من احلى يوميات برعى وتفيدة.....قريببببببببا بجميع دور المدونات.......sooooooooooooooooon

انا وماما والمصارعة الحره...

من يوم ما جبنا الدش وانا بحب اتفرج على المصارعة انا اصلا من زمان بحبها وجاة برنامج اسموالمس اكتاف على قناة مودرن لممدوح فرج...وتباعتة ويارتنى ماتباعتة...حيث ان مامابتيجى تتفرج معايا..هتقولولى فيها اية...هقولكم استنوا اصلاكم ماتعرفوش ماما هحكيكلم عن يوم واحد بس وشوفواواحكموا بنفسكوا........اول ماتيجى الساعةالساعة11 استعد انا علشان المصارعة الساعة 12 اجيب اللب والسودانى والعصير وازازة مية وطبق ملوخية احتياطى برضة واقول بصوت عالى:حد عايز حاجه منى قبل ماقعد علشان لو جت المصارعة مش هقوم..ادينى قولت ومحدش رد

ابتدت المصارعة

ماما:انتى يابت قومى انشرى الغسيل

انا:غسيل اية دلوقتى وكمان انا قولت من ساعة حد عايز حاجةومحدش رد علية

ماما:ساعة اية يا ام ساعة انتى هتمشينى على مزاجك قوامى

انا:طب بعد المصارعة ساعتين واقوم

ماما:حد ينشر الغسيل الساعة 2 بليل

انا:يعنى هيتخطف

ماما:مترديش علية قومىىىىىىىى ياهبابة..اصل ماما تحب تدلعنى

*ونشرت الغسيل*

وفات نصف ساعة من المصارعة لسة هقعد لقيتة بيقول..فقرة اعلانية ونرجع علطول..وبعد100

اعلان اخيرا جاه ولسة هقعد القاعدة التمام وامسك اللب لقيت ماما بتندهلى من المطبخ

ماما:يازفتة الطين فين التوم الى قولتلك تقشرى

انا:امتى ده انت مقولتليش اعمل حاجة

ماما:بتكدبينى يابنت الكلب..اصلاها تحب بابا اوى..طبعا مانتى مش فاضية غير للتليفوزيون والمرقعة مع اصحابك والله مانتى فالحة ابقى قابلنى لو فلحتى

انا:بكل براءه فين ياماما.....راحت رقعتينى بالصنية الى فى ايدها وادتينى حزمة توم قد كدة وقالتلى هبقى اقولك ياختى بعد متخلصى

*وقشرت التوم*

لسة هقعد ولقيتة بيقول فقرة اعلانية ونرجع علطول..لاحرررررام..عدت ساعة كدة من وقت البرنامج وبعدال1205 اعلان جاة وقبل ما اقعد بصيت يمين وشمال على ماما مالقيتهاش قلت اكيد نامت...وخلاص بدات المصارعة بين شون مايكل وال ام فى بى ولسة هتفرج لقيت ماما بتصرخ اةةةةةةةةةةةةةةةة ضهرى ضهرى مش قادرة مالك ياما ما اية الى حصل..بابا صحى على صوتها

ماما :جيت امسح الصالةموجهة الكلام لبابا لسة بوطى لقيت ضهرى كلة قام عليةوانا مش عايزة اتعب بنتك مش عايزة اعطلها عن التليفوزيون راح بابا بصلى بصة.. وقبل مايمد ايدو

*مسحت الصالة*

ماما راحت اقعدت تتفرج على المصارعة وبعد انا ماخلصت رحت اقعد جانبها خلاص مش ناقص غير نصف ساعة والبرنامج يخلص..وجت مصارعة بين تربل اتش وكين وقعدوا يضربوا فى بعض اوى

ماما:اجرى اجرى اديلوة اديلوة.....ومن كتر انفعالها اقعدت تضرب فيه انا....خلاص ياماما ..اهدى شوية الله يخليكى

ماما:يالهووووووووووووى

صرعتنى انا قلت فى ايييييييييييية قالتلى على تربل اتش انة لابس مايوة ابيض كدة هيتوسخ...قالتلها يعنى شايفهم بيعجنوا فى بعض ودة الى همك......ماما:اه وانتى يهمك ايية ما انا الى بغسل الغيارات البيضة وايدى.......انا:مش وقتة ابوس ايدك

وبعد شوية نزل اندر تيكر وشاب جيررو وبعديها ايدج وكين ...على فكرو اندر شعرة اسود وايدج اصفر

ماما:ايه دة هو راح صبغ شعرة وغير هدومة

انا: يعنى هيسيب المبارة ويروح يصبغ شعرة ويغير هدومة ويجى يلقى التانى مستنية..ازاى كدة بالعقل

ماما:عقل قصدك انى مابفهمش مانتى طول مابتتفرجى على المصارعة وانتى بقتى غبية وعمية القلب وعمرك مابتعمليلى حاجة زى البنات التانيةووووو.....انا بقى ساعتها مقدرتش استحمل اكتر من كدة..حرررررام عليكى هوانا بعمل زى مابعملش ما انا شغالة زى الطورة من الصبح وجت على الساعتين بتوع المصارعة الى بستر يح فيهم سبينى بقى فى حالى حرام عليكى.....انا قلت هتقوم تاكلنى لكن لقيتها بتعيط...انا استغربت اوى ولسة هقولها انا اسفة لقيت بابا ورايا...دلوقتى فهمت هى كانت بتعيط لييية.....وقالتلوه شفت بنتك بتعمل فيه ايه....ولسة هقوله والله يابابا انا...وعينك ماتشوف الا نوررررررررررر..........ومن يومها وانا بكره المصارعة على ام ممدوح فرج على الملوخية!!111

من يوميات برعى وتفيدة

المكالمة القاتلة........

تفيدة:الو

برعى:الو

تفيدة:ايوة يابرعى اذيك.....مكنتش بترد على طول لية

برعى:معلش كنت نايم منمتش من يومين

تفيدة: طب انا عايزة اقولك حاجة

برعى :خير

تفيدة :انا حامل

برعى:حامل

تفيدة:اة

برعى:اة يانهار اسود..انتى بتتكلمى بجد

تفيدة:نهار اسود انى حامل

برعى:انتى بتستعبطى انتى مش عارفة الظروف

تفيدة: استعبط لية ان شاء الله بقالنا مع بعض9سنين 3خطوبة4كتب كتاب2جواز ومش عايزنى اخلف

برعى :ما احنا قلنا هنأجل الموضوع شوية

تفيدة:شوية لغيط امتى احنا هنضحك على بعض..انت عندك 36سنة وانا 34سنة هنأجل لغيط امتى لغيط مااسنانى تقع وشعر راسى يوقع من الحسرة

برعى:ماانتى عارفة انا مسافر لية ومتغرب ومتنيل فى الغربةعلشان اسدد مصاريف الشقة ومصاريف الفرح لغيط دلوقتى انا مش مخلى فى جيبى حاجة وكلة باعتوة علشان اسدد الفلوس علينا..وبعد كل دة جاى تقولى انا حامل

تفيدة:اعمل اية اهوده الىحصل وانا مش هستنى اكتر من كدة انت كل فين وفين بتنزل اجازة وانا قاعدة لوحدى زى قرد قطع انا خلاص زهقت مش طايقة

برعى: زهقتى امال انا اعمل اية فى القرف الى انا فى من ذل واهانة وبستحمل كل دة علشانك مش عايز عيالى يتبهدلوا ويتمرمطوا زينا مش عايز ادخلهم حكومى ويطلعوا ميعرفوش يكتيبوا اسمهم مش عايز حد فيهم يعئى وادوخ بيهم على المستشفيات الحكومى وفى الاخر يموتوا منى مش عايز اكلهم اكل فاسد عايز اجبلهم احسن حاجة احنا فى زمن معاك فلوس عيش معكاش مش لازم تعيش

تفيدة:كفاية حرام عليك سودها فى وشى..ياراجل دة كل عيل بيجى برزقة ..وانا اوعدك هو واحد بس

برعى:استغفر الله العظيم يارب خلاص

تفيدة:خلاص انا هاروح بكرة عند الدكتور علشان تعبانة شوية

برعى:ابقى كلمينى طمنينى عليكى

تفيدة:مش هتقولى حاجة

برعى:م.ب.ر.و.ك

ثانى يوم

تفيدة:الو

برعى:خير عملتى اية

تفيدة:احم...الحمد الله

برعى:اية مال صوتك؟

تفيدة:مفيش

برعى:لافى خير

تفيدة:اصل الدكتور قلى انا لازم ارتاح الايام الجاية علشان شكك انى حامل.....فى توأم4او5!!!و

برعى:اييييييييييييييييييييييييييييييييييييييييييييييييييييييييية

تفيدة:الو الو برعى رد علية الو الو الووووووووووووووووو برعىىىىىىىى

بيانات تفيدة وبرعى

الاسم:برعىوتفيدة
B&T
صلة القرابة:مجوزين طبعا
الاصل: لم يعرف حتى الان هل هم؟ صعايدة لذكاهم الخارق ام منوفين لكرمهم الشديد ام فلاحين لسذاجتهم وطبيتهم

الشى الوحيد الى متاكدة منة انهم مصرين(بمعنى الكلمة)وبس خلاص

من يوميات برعى وتفيدة

تفيدة:برعى انا عايزة اقولك حاجة

برعى:اية يا تفيدة

تفيدة:عايزة اتفسح فى الكورنيش زى الى بشوفهم فى الافلام فى التليفوزيون الى عند لاواحظ

برعى:لاواحظ انا مش قولتلك متروحيش عندها طب انا هاوريكى

تفيدة:معلش بق انا عايزة اروح

برعى:والله وبقتى تعرفى تكلمى وتردى ياتفيدة ماشى ياتفيدة

ورحوا هم الاثنين على الكورنيش وقد اية تفيدة كانت مبسوطة وكان نفسهااوى تركب مركبة زى الافلام

تفيدة:ونبى يابرعى عايزة اركب مركبة

برعى:يبقى كدة مفيش عدس الشهر ده

تفيدة:خلاص يا اخويا المش مش وحش

ملقوش قدامهم غير مركبة صغيرة ومكسرة وشبة غرقانة اصلا شكلها كانت من سلالة نورماندى2

على قد فلوسهم .وركبوا وكان عليها عيالين صغيرين فرحوا اوى لمه برعى وتفيدة ركبوا معاهم وفى نص الطريق

برعى:تفيدة انا حاسس بمية فى رجلى

تفيدة: ايوة ما احنا فى النيل

برعى:لا ياغبية مية فى المركبة

تفيدة يعنى اية

برعى: المركب بتغرق ياتفيدة

تفيدة:يالهوووووووووووووووووووووووووووووووى

وعلى طول العيالين الصغيرين غمزو لبعض وواحد قال للتانى:يلا يلا المركب بتغرق تانى يلا نط

برعى: الله يخرب بيتك ياتفيدة انا مش بعرف اعوم

والمركب على طول غرقت وتفيدة وبرعى بعده عن بعض وتفيدة لقيت عوامة مسكت فيها وطلعت على الشاطئ وقاعدت تصوت على برعى الى مابيعرقش يعوم

راح جالها عسكرى

"

العسكرى:اية ياولية الدوشة دى فى مسئول كبير هيعدى دلوقتى مش عايزين دوشة يلا امشى من هنا

تفيدة:جوزى يا اخويا بيغرق جوه

العسكرى:وهو مصرى ولا اجنبى

تفيدة: يعنى اية

العسكرى: يعنى لو مصرى هنحتاج البطاقة الشخصية ولو مش موجوده هنحتاج تروحى السجل المدنى تطلعى شهادة ميلاد و اثبات شخصيه من جديد ويمضوا عليها 10 موظفين مايقلش دخلهم عن100 وصورة للمتوفى اقصد الغريق و10 كمان من اهالى المنطقة يشهدوا بحسن سيره وسلوكه وبعد كده ماتنيش 30 قرش للدمغه وبعد كده نتصل باللنش يجبوا وبعد كده.........و

تفيدة: بعد كده اية يا اخويا ده يكون الراجل فيص من زمان.................هواجنبى

العسكرى: اذا كان كده هتصل ب0900 واللنش هيجى علطول

وبعد انقاذ برعى اتضح انه مصرى100% وتم اتهامهم بانهم يريدون اغتيال المسئول المهم وسجنوا.............وبعد3سنين مات المسئول الكبير موتت ربنا واكتشفوا انهم مظلومين وعلشان الشوشرة وكمان حق 3سنين قراروا ارجاع برعى الى وسط النيل وترك تفيدة على الشاطئ ويادار ما دخلك شر

والى القاء فى حين انقاذ برعى

اول القصيدة ...

بعد محاولات جبارة وجهد شاق وضغوط خارجية ظهرت المدونة اخيرا للظهور .لووووووووووووووولللللللللى

واوعدكم هنشر كل ابداعى ببلاش .........وان شالله محد حوش


انتظرونا بعد الفاصل