Sunday, June 22, 2008

من يوميات برعى وتفيدة...

Sunday, June 22, 2008
اوعى الفرخة.....

برعى: كنتى فين ياتفيدة

تفيدة:كنت فى السوق بيجيب فرخة تتقوى بيها

برعى:انتى اتجننتى انتى عارفة هى بكام دلوقتى...وبيقول انها عندها انفلونز

تفيدة: انفلونز اية بس يابرعى دى اشاعة علشان الناس متاكلش وعلشان تطمن هبقى اديها دواء كحة..دى حتة كمان ببلاش دة واحد من بتوع مجلس الشعب الله يكرمهم بيوزعها ببلاش مع2مرقة ماجى هدية..خش نام انت يابرعى وانا اول ما اسلقها هصحيك

وبعد تفيدة ما عملتها صحت برعى علشان ياكلها كلها...برعى: وانتى مش هتكلى لية

تفيدة: ياخويا ما انا طول عمرى كنت باكلها فى بيت ابويا زمان..وانت طول عمرك شحات واصلك منيل وعمرك ما كلت الحاجات دى

برعى: شحات قصدك اية ياتفيدة..انا شكك فيكى......تفيدة: مش قصدى حاجة وعلى العموم الى بيطبخ كانه كل...وبعد مابرعى كل الفرخة خشوا ناموا وبعد فترة برعى سخن اووى وقعد يكح ويتالم..اةةةةةةةةةةةةةةةةةةةة تفيدة اقعدت تصوت ولمت الجيران كلهم..وراحوا بى اقرب مستشفى تخصصى الساعة3بليل وكان مكتوب على يفطة المستشفى...مستشفى هننهب ابوكم ترحب بكم خلال 24..دايما فى خدمتكم علشان نطلع عينن ابوكم....دخلوا الاستقبال مكنش فى غير ممرضة نايمة خالص على روحها وبعد محاولات عديدة صحيت وبعد ما اخدت البيانات طلبت فلوس تحت الحساب..راح كل جيران تفيدة وبرعى جريوا بعد ما سمعوا الكلمة دى..ونعمة الجيران والله...وصممت الممرضة على عدم دخول الحالة الا لمة يكون فى فلوس..راحت تفيدة هجمت عليها وسمعتها احلى كلام..وقعدت تصوت ولمت عليه المستشفى كلها والحمد الله اقتنعت واتجمع دكاترة المستشفى كلهم على برعى..وحطوا على اقرب مكتب..لان المستشفى كلها مليانة على عينها..وكمان دة مدفعش فلوس....كل واحد من الدكاترة طلع سيجارة وقعدوا يفكروا فى حالة برعى الى مش نافع معها اى حقن مهدية او شى وحالتوا بتسوء اكتر..اقترح احد الدكاترة تشغيل موسيقى هادئة..لتهدئة المريض..وعلشان كمان الدكاترة يفكروا بهدوء..نسمع اعنية.اركب الحنطور واتحنطر درجن درجن..ومن فرط هدوء الاغنية...نلقى دكتور قام جاب عصاية وقعد يرقص بيها..مع زميلوا..يستنكر كل من فى الغرفة هذا الحدث...لانوا جاب عصاية واحدة وهمة اكتر..ثم يرقص كل من فى الغرفة..مع زغاريد الممرضات...وفجاة نسمع صوت صويت تفيدة...احم احم يتخذ كل طبيب موضعوا....دكتور 1: واضح ان المريض دايخ ونفسة غمة علية يبقى اكيد حامل..نسمع غم غمة فى الغرفة..يكمل الطبيب كلاموا احنا فى زمن المعجزات..يتمم الجميع ونعمة بالله ويقتنعوا..ولولة تدخل تفيدة فى الوقت المناسب واظهار البطاقة الشخصية لبرعى..انة دكرررررررر..كانوا هيعملوا لى عملية قيصرية..خد بالكم انتوا كمان اوع حد ينزل الايام دى من غير بطاقة...الواحد برضوا مش ضامن ينزل من البيت حاجة يطلع حاجة تانية...اييييية مش مقتنعين احنا فى زمن المعجزات.... يحتار الاطباء فى تشخيص حالة برعى ومن كتر التفكير والملل..يطلع احد الاطباء كوتشينة ويلعب مع زميلوا على فلوس...طبيب2:دة 26564 ولد فى لعبة دى...طبيب3: ايوة اصلا العيلة الى فى الكوتشينة دى كل خلفتها رجالة.....طبيب2:انت هتعملهم علية يابشله هات يلا الفلوس احسنلك..طبيب3:فلوس اية يابرشامة انت نسيت اصلك ياض اذا كان انا الى جايبك من ورشة عم زينهم العجلاتى وشغلتك هنا بالابتدائية....يطلعوا المطواى لبعض هقتلك يابشلة..ودينى لقطعك يابرشامة...ويحدث هرج ومرج فى الغرفة وبعد تدخل تفيدة للمرة المليون كان برعى اتشرح...وفجاءة يطلع من تحت المكتب واحد شعروا منكوش ومعفن..الاطباء : ايييية دة دكتور محسن احنا كنا فاكرينك انتحرت ولا هربت من ساعة مراتك ماهربت مع دكتور على النتن....دكتور محسن: اييييييية ياغجر ياولاد.... انتوا هو الواحد ميعرفش ينام هنا ياولاد.....يهدىالاطباء الدكتور ويشرحلوا الموقف..ويسال الدكتور هو اخر حاجة كلها ايييييية...يعرف انها فراخ..يكتشف على الفور ان برعى اتصب بانفلونز الطيور..وبالصدفة البحتة نكتشف ان دكتور محسن كان بيحضر دواء مصرى للمرض دة..وبرعى هيكون اول واحد هيجرب الدواء دة ويعرض الدكتور خواص وصفات الدواء....

الاسم.....يارب الم حقوا

المكونات.....انت مال اهلك

الاثار الجانبية....فاضى لحد امتى

طريقة الاستعمال...بلاش قلة ادب

تاريخ الانتاج والانتهاء....ربنا يسترها....

ويبدا باعطاء برعى جرعات مكثفة من الدواءولمدة شهر يتحسن قليلة برعى ولكن تظهر علية بعض الصفات الغريبة مثل سقوط تام للشعر ونمو هائل للريش وفقد القدرة على الكلام وانكمش جسم برعى وبرعى كل ما يكلم..يبك بك...يسرع الاطباء الى الغرفة موجهين النظر الى دكتور محسن يطمنهم ان الدواء فعال للغاية ومقصدو ان المريض يتحول لفرخة احسن علشان وجهة نظرة ان كدة كدة الى بيجلوا المرض دة بيموت علطول وبدل الامراض ماتنتشر والعدوى تصيب اخرين..ويكونوا عالة على الدولة..وبم ان مصر الدوله الوحيدة الى فى العالم مفهاش بطالة او اعالة لان كل الى فيها بسم الله ماشاء الله شاغلين..دى هتبقى عيبة فى حقها..فنحولوا لفرخة احسن بحيث يدفن فى مكان اقل حجم...والناس الغلابة تاكل..ومصر تبقى الدولة الاولة المصدرة للفراخ...يصفك الجميع للدكتور على هذا الهدف النبيل..ويحصل على جائزة..نبلة للتخلف المصرى.. ويسجل فى موسوعة ..التى شيرت العالمية بانة اول دواء مصرى صميم صميم يعنى..ولايهدف للربح.... ونسمع اغنية المصرين اهمة فضحين فى كل حتة جيل بعد جيل متخلفين..وايييييييييييييييييييييييييييية....

على الجانب الاخر للقصة نجد...

تفيدة بتصرخ وتقول..اوعى الفرخة......لان فى ديك بيجرى وراء برعى دلوقتى....

وسلام دلوقتى علشان الحق امسك معها...اوعى الفرخة


103 comments:

كيكى عوووووو said...

ابحث عن رحالة...
ارجوكم ياجماعة الى يعرف ايميل رحالة الى هى جيلان يقولى علشان كل ما اخش على مدونتها القيها مجرد بيانات...
شكرررررررررررررا

ياسر said...

هيييييييييييييييييييييييييييييييييييييييييييييييية اول
تعليق


عوووووووووووووو انا جيت يا جدتي

ياسر said...

على الجانب الاخر للقصة نجد...

تفيدة بتصرخ وتقول..اوعى الفرخة......لان فى ديك بيجرى وراء برعى دلوقتى....

وسلام دلوقتى علشان الحق امسك معها...اوعى الفرخة



اة هههههههههههههههههههههههههههههههههه
محدش هيموتني من الضحك غيرك ياجدتي
برعي حامل والفرخة ديك بيجري وراها
هيجيلي ازمة قلبية من الضحك
لاا وطريقة العلاج حاجة عظيمة
ههههههههههههههههههههههه
تحياتي
حفيدك

بنوتة من وسط البلد said...

بصى يا اختشى انا مش صعبان عليا غير تفيدة
يعنى يا عين امها لا اسمها ضاقت من الفرخة ولا اتهنت ببرعي

وبعدين علشان هو برعي .. يعنى هو صحى لقى نفسه برعي ؟؟.. ولا برص مشى على قفاه وهو نايم ... لا اله الا الله

قوليلي لو كان لسه فيه الروح مما ياكلش سمك ولا بيض وهو هيصحى يلاقى نفسه كويس اوى


وبعدين البت موؤة قالتلى ان المنيل برعي اكل الفرخة وهى صاحيه وبريشها


واذا كان على الدكاترة والطب فدول اغلب من الغلب بعد ما غلب غلبه


ربنا يكفينا شر الدكاترة والمستشفيات والفراخ .. اللهم امييييييييين

Unknown said...

دمك شربات
القصة دي تمام ممكن تحصل في بيت واحد مصري بس يكون فلاح على نياته
هههههههههه
كويس انك المرة دي لحقت تبقي أول تعليق عندي ومستنيكي دايما
تحيتي با كيكي هانم

Empress appy said...

هههههههههههههههههه بجد تحفه
كنتى سمتيه اوعى الفرخه تعضك هههههههههه
والله انتى سكر مقالب

Tamer Nabil Moussa said...

هههههههههههه

عينى عليك يابرعى كلة من تفيدة لازم الانتقام منها ونعلقها من ودنها على نار هادية حتى تتالم من فعلتها الشنيعة فى برعى

ههههه

تحياتى

Unknown said...

يخرب بيت عقلك....... استنى لما اضحك شوية..هااااااااااااهااااااهاااااهااااااااهااااااااااااااااااااا نفسى اتقطع من كتر الضحك يا كارثة انت يا بت تحفة والله وزى العسل و فظيعة يخرب عقلك يا كيكى ......... القصة تحفة وحلوة اوىىىىىىىى ربنا يوفقك وتضحكينا يا كيكى ربنا يكرمك يا رب

PrInCeSS BeRy said...

هههههههههههههههههههه عثل يا كى كى ضحكتنيى هفطسسسس انا مبقتش بدوق الفراخ كرهتها خايفة منها باقلى ييجى دشليون سنة مكلتهاش من يوم ما عطست وانا مبصتلهاش

تسلمى يا سكر

حمادة زيدان said...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
أضحك وابقي ارجعلك في كومينت تانى
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

حمادة زيدان said...

ههههههههههههههههههههههههههههههههههه
أقول فيكي إيه بس يا كيكي

تحولي برعي لفرخة وكمان مش ديك
ههههههههههههههههههههههههههههههههههه

والله لسه بضحك لغاية دلوقتي
إنتي دمك شربات بجد ... أنا خايف على تفيدة لتتحول ديك
يالهويييييييي
سمعة الرجالة قصدي الديوك هتبقي في الأرض
على فكرة
علاج الدكتور واعراضه واستخدامه فظييييييييييعة .... انتي مشكلة
سبيني بقي اكمل ضحك
ههههههههههههههههههههههههههههههههههه

rovy said...

دمك شربات يا كيكى يا قمر
والحمد لله انك عرفتى تصحى برعى و تفيده تانى بعد ما موتيهم فى احداث المحله ..
المهم حمد الله على سلامتهم يا جميل ..
كانوا وحشنى موووووووت
تحياتى
rovy

مدحت محمد said...

هههههههههههههههههههههههه

من هنا للصبح

انتى بجد كل بوست افظع من اللى قبليه

استنى بقى اشمر عشان اجى اجرى معاكى

الحتة بتعات حامل دى هلكتنى من الضحك

ومكنات الدوا تحفههههههههه

امممممممممممممم

بالنسبة لجيلان

هى مبقتش تفتح اميلها اصلا مش عارف ليه
من ساعة الامتحانات تقريبا مبقتش تدخل

blue-wave said...

بصى البوست حلو ودمه خفيف وبجد ضحكت لكن بنا انى دكتور ليل عتاب على تصوير الدكاترة بالشكل دا
احنا بنتعب علشانكو وماينفعش يكون دا رد الجميل
تحياتى

بث تجريبي said...

السلام عليكم
ههههههههههههههههههههههههههه
الف سلامة على سى برعى
وتعازيا لتفيدة
ههههههههههههههههههههههههههه
بجد دمك خفيف


سلااااااااااموز

أحمد بكر said...

انا كنت زعلان منك علشان انتى زعلانه منى بس بعد مدحكتينى كده خلاص مش زعلان
ايه يا بنتى السكر ده يوسف معاطى ولا لنين الرملى يا جدعان
عشره على عشره يا كوكى
متزعليش منى بقى هه

شمس said...

هههههههههه

لازم تشوفى حل لبرعى

لااما بقى تفيدة تبقى فرخة ويعيشوا مع بعض حلوين ههه

تحياتى

mohamed ibrahim said...

سلميلي علي ال5فرخة لما تمسكيها يا كيكي
ههههههههههههههههههههههههههههه
بجد توبيك مووووووووووت
و الله موت علي نفسي من الضحك
انتي بجد تستاهلي تكتبي سيناريو كوميدي
بجد مش عارف اقول ايه
عقبال ما الديك يحصل برعي
سلااااااااااااام
احسن الشغل مستنيني

رصيف نمره خمســــــه said...

ههههههههه ايه ده ياكيكى يخرب عقلك دمك خفيف مووت

الله يكون فى عون برعى هو اللى يدخل مستشفى من دول يطلع لازم يطلع حد تانى
دى اول مرة ازورك ومش الاخيرة ان شاء الله

(رصيف نمره خمسه)

سلاااام

admelmasry said...

ياعيني يا برعي .. طلع له ريش ولا لسه ؟؟؟؟

rovy said...

كيكى يا قمر انا الحمد لله و بعدين مش ممكن حد يعرفك و يتضايق
ربنا يخليكى و ما يحرمنيش منك ولا من شفافيتك واحساسك ..
دمت صديقه مميزه جدا و اخت حبيبه
تحياتى

rovy

استراحة محمد said...

برعى اللى غلطان من الأول ، ازاى ما حاسش بالشك لما مراته ما رضيتش تاكل
قال ايه واكلة فى بيت ابويا ، بنت الصومالى بتكلم
واحنا كلنا فى انتظار المولود الجديد ، قصدى البيضة الجديدة لبرعى
ههههههههههههههههههه
اول زيارة ومش الأخيرة
تحياتى دائما

كيكى عوووووو said...

ياسرررررررررررر..........
هيييييييييييييييييييية
بعد الشر عليك ان شاء الله ساركوزى الوحش....

كيكى عوووووو said...

بنوتة من وسط البلد
.......
ازيك ومنورررررة علطوللل السلام
هههههههههههههه اة هو صحى لقى نفسة برعى....
انا حاسة تفيدة اول ما تمسكوا هتاكلوا متقلقيش...
ربنا يكفينا شرهم يارب ياختى يارب

كيكى عوووووو said...

كاتب مصرى...
منوررررررررررررر باشا
هههههههههههه الله يخليك
يشرفنى دايما اكون ةاول تعليق عندك
تحياتى كاتب مصررررررررررى

كيكى عوووووو said...

ابى...السكرة اذيك
هههههههههههههه اوعى الفرخة تعضك يا ابى......

كيكى عوووووو said...

تموررررررررررررررررة ازيك
واطى صوتك الاحسن تفيدة تسمعك....وتديك من الدواء
احنا عايزنك

كيكى عوووووو said...

انجى....الجامدة ازيك يابت واحشنى موووووووووت
الله يخليكى والله دايما رافعة روحى النفسية....فين الحقن

كيكى عوووووو said...

البرنسيسة الجامدة موووووووووووووت

كويس انك بطلتيها....الاحسن كنتى تاكلى برعى ولاحاجة....منورنى دايما
تسلمى

كيكى عوووووو said...

حمادة ياجامدة..............
هههههههههههههه الله يخليك يارب وما يحرمنيش منك.....

عًٍمًرٌٍوٍ آلنْوٍبٌَِى said...

ههههههههههههههههههههههه
ههههههههههههههههههههههه
ازاى انا فاتتنى القصة دى ده انا جيت متأخر اوى
حولو برعى لفرخة يالهوتى
يعنى الراجل المره الوحيده الى يدوق فيها الفراخ يجرالو كده .. مهو طبعا مش واحد من مجلش الشعب هو الى موزعها
لازم تكون كده هى الحداية بتحدف كتاكيت
هههههههههههههههههههههههههههه
يلا ربنا يستر علينا

جميلة اوى يا احلى كيكى بجد انتى عسل عسل عسل

الم said...

بت ياكيكي
وربنا انتى سكر خاااالص
ياعسل
بقولك بجد مش تزعلي منى
وربنا انا بحبك جدااااااااااااا جداااااااا كمان
كفايه دمك الى زي العسل الابيض دهوت
دة ميلي ضيفيه
the_sky900@yahoo.com
معلش بقه مش تزعلي مني
يلا سلام ياسكرايه
جيلي كاستر
مش هتقدر تغمض عنيك

Maha Shahen said...

ايه دا يا كيكى مش ممكن كدا هتكرهينا ناكل فراخ
شوفى يا قلبي انا لو قالوا فيها ايه برضوا هفضل اكلها للأسف بقى
ههههههههه
بس فعلا بوست جميله وممتع بلا شك
دمتى مبدعه الافكار
وسعيده جدا بمرورى بمدونتك وبأذن الله ويا ريت تسمحيلى متكونش اخر مره
تقبلى تحياتى

عروسة ننوسة said...

الله على البوست ايه الدم الشربات ده؟؟
لا انا ما اقدرش على كده ...انتى كده هتنافسينى

""""" said...

هههههههههههههههه
يخرب عقلك
موتينى من الضحك
الحكايه دمها خفيف اوى
ما شاء الله على اسلوبك ربنا يحميكى

ومرسى ع البوست اللذيذ دا :)

rovy said...

وحشانى يا كيكى
جيت اسلم عليكى
تحيااااااتى

Unknown said...

سيدتي الفاضلة كيكي
انت عاوزة ايه بالظبط وأنا أعمله أنا مفهمتش الكلام الي في مربع الشات على مدونة ورقة وقلم ممكن تفهميني
تحيتي

!!! عارفة ... مش عارف ليه said...

كالعادة كيكي متألقة

والدوا كمان خطير اوووي

وإن شاء الله يجي اليوم اللي نلاقي يوميات تفيدة وبرعي في التلفزيون
في رمضان وبعد الفطار مباشرةً


بالنسبة للدكتور اللي كان زعلان
فالموضوع مش على دكتور معين لان زي ما في ناس كويسين في ناس مش كويسين
ومش بالضرورة كل الدكاترة كده
وبعدين الموضوع كله ساخر فمفيش داعي الامور تتاخد بالحساسية دي

تحياتي

نونو said...

بصراحة القصة كلها عسل
برعى وتفييدة
دمك شربات
واسلوبك عثل
اتمنى نكون اصحاب يا كيكى

just me said...

ايه يابنتى ده
انتى دمااااااااااااغ بجد
بجد بتكتبى حلو اوى
ربنا يكرمك ان شاء الله
بس على فكره تفيده مش هتجيبها على بر خالص

كيكى عوووووو said...

روفى حبيبتى...............
عاملة ايييييييييييييييية يارب خيررررررررررررررررررررر وفكك من اى حد مضايقك...انتى دايما واحشنىىىىىىىىىىىىىىىىىىىىىىىى...وبرعى وتفيدة بيموتوا فيكى

ليكوريكا said...

هههههههههههههههههههه

لا لا انتي بجد مش معقوله

مشششششششش معقووووووووووووووله

اول زياره وكنت هموت مالضحك

ايه تاني زياره هتدفنينا بالسعااده

:)))

ربنا يكرمك علي البسمه الجميله اللي رسمتيها علي وش اي حد هيقرا موضوعك

وعلي راي المثل الليكوريكي القديم

هم يضحك وهم يموووت من الضحك

-----------------------

ليكوريكا

كيكى عوووووو said...

مدحت محمد................
بسرعة بسرعة...اجرى معايا حلق ياجدع حلق ياجدع.....
امسك بسرعة
..............................
على فكرة هى عملت مدونة جديدة

كيكى عوووووو said...

blue-wave....
اهلا يادكتور...
اولا الحمد الله انك ضحكت
ثانيا....يادكتور
صوابعك مش زى بعضيها
يعنى كلنا فين الحلو وفين الوحش
عادى يعنى
على عينا وعلى راسنا انكوا بتتعبواعلشانا..بس دة برضوا شغلكم
وعارفة اد ايييية انها شغلانة متعبة وهدفها سامى جدااااااااااااا
وكمان دى قصة ساخرررررررررة
فكك..................الاهم انك ضحكت ودة يهمنى جداااااااااااااا
تحياتى...ومتزعلش دى قصة ساخررررررررررررررررة

كيكى عوووووو said...

f1....................
وعليكم السلام....
احنا لسة بنجرى وراء برعى...لما اشوف هبقى اقولة الف سلامة
................
الله يخليكى...تحياتى

كيكى عوووووو said...

بيكرررررررررررر...........
صاحبى اللدود...............
احنا مش قولنا خلاص صافى يا ملوخية
وكمان مقدرش ازعل....وانت قلت اكترررررررررررررررر اسمين انا بحبهم مووووووووووووووووووووووووت
ربنا يشفيك يارب
امشى ياعم الحاج ياوحش

كيكى عوووووو said...

شمس..............
ايييييييييييييييييية النووووووررررررررررر دة
احنا لازم نديها من الدواء....بس انا هفضل اجرى وراهم علطووووووووووووول ولا اييييييييييييييييييييية
تحياتى

كيكى عوووووو said...

وعد العيون ...............
منورنى دايما...
الله يخليك....مجاملة رقيقة...شكرررررررررررا
تعالى اجرررررررررررى معاييييييييييا
بس يعنى اييييية توبيك دى

كيكى عوووووو said...

ايمى فريد شوقى
منورررررررررررررررررررررة
يعنى دخل واحد طلع فرخة مشوية
ههههههههههههههههه
الله يخليكى يارب
تحياتى وهستنكى علطوووووووووللللللللللللل

كيكى عوووووو said...

ادم المصرى منوووووووورررررررررررررررررر
يابنى خلاص دة اتحول رسمى هههههههه

روفى...............
بموووووووووووت فيكى

كيكى عوووووو said...

استراحة محمد............
منوررررررررررر
هههههههههههههههه عاجبتنى اووووووووى بتاعت بنت الصومالى بجد....
فى انتظار بيضة برعى
ههههههههههههههههه
تحياتى ليك وهستنك تانى

كيكى عوووووو said...

عموررررررررررررررررررررررة
احلى نوبى............
اوعى تاخد حاجة من بتوع مجلس الشعب....احنا عايزينك...هههههههههههههه
الله يخليك ويكرمك يا احلى نوبى

كيكى عوووووو said...

رحاله....
هو انتى دايما تزعلنى وبعد كدة تقولى بحبك
طب ما انا كمان بحبك اووووووووووووووى
بس مش بزعلك كدة زى ما بتزعلينى

كيكى عوووووو said...

nour....
اييييييييييييية النور دة ياربى...
اوعى تاكلى برعى...
الله يكرمك يارب ويسعدك يارب
يااااااااااااااارب
خلاص دى مدونتك رسمى
يسعدنى بجد تشريفك تانى

كيكى عوووووو said...

عروسة ننوسة...........
جنة منوررررررررررة
مين يقدر ينافس جنة بس؟

كيكى عوووووو said...

ايميل....
اسمحلى اقولك ايميل..يا امل
اصلا انا اول مرة خالص قريتوا ايميل وعاجبنى اووووى
الله يكرمك ويسعدك يارب
دة انا ميرسى اوووووووووووووووووووى ليكى
تحياتى ياصاحبتى

كيكى عوووووو said...

عارفة مش عارف ليييييييييية
دايما منورنى....واتمنى كلامك ميكونش مجاملة...ودايما جابر بخاطرى الله يكرمك دنيا واخرة
ياااااااااااااااااااة
فى رمضان وبعد الافطار كمان
دة حلم جميل اووووووووووووى
عندك حق الموضوع ساخر وانا مش قصدى اضيق حد
انا بسخر من حالنا عمومنا
تحياتى بجد ليك

كيكى عوووووو said...

نونو................
هيييييييييييييييية نونو جت ياولاد
الله يخليكى ويكرمك ..ياااااااارب
احنا اصحاب من الاول خالص بقى
واصحاب بالعافية كمان ولو نطقتى قلتى كلمة
هغرق فى الطشت دة
اصحاب اصحاب

كيكى عوووووو said...

لست ادارى..............
هيييييييييييييية
الله يكرمك يارب ويسعدك...
تفيدة مش هترتاح الا لمة تاموت برعى
تحياتى ليكى

نعكشة said...

للأسف الأسيف
هذا حال البلد

بس تعديل بسيط
إن انفلونزا الطيور لا ينتقل للي بياكلوا الفرخة علي الجاهز ( لإنوا بيمون في درحة حرارة 70 يعني لو سلقتي الفرخة هيموت) اللي ممكن يجيلوا المرض تفيدة اقصد الستات اللي بتنضف الفرخة
لو مغسلتش ايديها و قامت حاطاها علي مناخيرها

امو هند

القصة من الواقع و إلي الواقع
انا صحبتي بتولي دخلت عملية ( هبقي ادخل في الاجازة ) المهم الدكاترة بيشتموا في بعض و بيهزروا مع بعض و المريض في البنج

و ساعات بيبقي فيه قطط داخلة اوضة العمليات


اما بالنسبة للمستشفيات الخاصة فمعرفش

بس حاجة متخلفة جدا الطريقة اللي بيقولوا للمريض يا تدفع يا إما تموت عالباب

يلا خير

سلمت يداكي
دمتي سالمة
سلامون عليكي

أحمد بكر said...

انا جى اقولك ازيك و امشى اصلك بتزورينى و انا مش بزورك قد ما بتزورينى قولت اتعكز على ايدى السليمه و اجى اقولك ازيك
كيكى
انتى بجد عسل اوى

رامى اشرف said...

دا انتى بالك طول بس حلوة وسلامى لبرعى صعب عاليه

انا said...

أنا كل ماادخل مدونة ألاقيهم بيشتمو في الدكاترة؟ إنتو متغاظين يعني عشان ماجبتوش مجموع في الثانوية عامة وماعرفتوش تدخلوهاااا P:

كوارث said...

مراحب مراحب يا ابلة كيكي
ايه الكلام الجامد ده
انتي تعمقتي في موضوع انفلونزا الطيور قوي
مقلتيش
هوا بيكاكي ولا لا
هههههههههههههههههه
بس ظريفة قوي الموضوع ده

أحلام عمرنا said...

أأأأأأأأأأأأأأأأأأأأأأأأه
حرام عليكي يا كيكي
فكك مني

أحمد بكر said...

كيكى
انا ألفت انهارده غنوه عليكى اسمها اعز اصحاب نفسى اسمعهالك بس مش هينفع انزلها فى بوست علشان مش بنزل اغانى علشان حقوق النشر
لسه معرفتيش تضيفينى على الميل

RaRa said...

هههههههههههه
جميلة اوى ياكيكى تحفة بجد البوست

كيكى عوووووو said...

ايكوريكا..................
منور على طوللللللللللللل السلام...
الله يخليك ويكرمك يارب...
بس صراحة مش عارفة البوست الجاى اييييييية نظاموا.. بس احتياطى ابقى دور فى ارشيفى يمكن اى حاجة تعجبك...
............................
ربنا يخليك على الدعوة الحلوة دى..بس اهم حاجة انتى متوضى علشان تجوز؟
تحياتى وهستنك تانى ..

كيكى عوووووو said...

نعكشة..............
ايييية العسل دة بس...
منورررررررررررررررررررررة
انا عارفة المعلومة دى بس...الافية فى القصة جاة العكس...علشان يبقى الموضوع احلى
.............................
اةةةةةةةةةةةةةةةةةةةةةةة يابنتى هو دة حالنا...ربنا يستر علينا كلنا
ويكرمك ويسعدك يارب
تحياتى
وسلامون عليكى ياقمر

كيكى عوووووو said...

رامى اشرف
............................
منوررررررررررررررررررر
الله يخليك ويسعدك...لو مسكتوا هبقى اقولوا انك سالت علييييييييييييييييية
متغبش
تعالى تانى
تحياتى

كيكى عوووووو said...

انا....
اولا اهلا وسهلا بيك....
انت لييييييييييية بس كدة داخل شمال
دة اولا واخيرا موضوع ساخر....
هو يعنى حضرتك علشان دكتور..خد الموضوع بحساسىة كدة لية
..........................
الناس مش بتتصنف با اشغلاهم
الناس عموم فيها الكويس والوحش..تقدر تنكر دة...
...........................
وعلى فكرة..ايوة متغاظة وحقودة كمان
ههههههههههههههههههههههههه
تحياتى ليك

كيكى عوووووو said...

يا هلا يا هلا..بلا كوارث.........
اييييييييييييييييية ياعم الغيبة الطويلة دى....
الله يخيلك ويكرمك يارب
ياعم دة مش بيكاكى بس..دة بقى فرخة رسمى....يارب بس نلحق نمسكوا...قبل الديك
تحياتى ومتغبش تانى

كيكى عوووووو said...

احلام عمرنا ..............
منور علطووووووووووول السلام
.............................
انا مش فاهمة التعليق...
بس اوك
فكك منى....
تحياتى

كيكى عوووووو said...

RARA...............
منوررررررررر ة على طول السلام
ربنا يسعدك ويخليكى يارب
تحياتى

Miss. Sosa said...

هههههههههه
لا بوست جامد حامد يا كيكي
بس كنتي حولتيه لديك بلاش فرخة ديه شكلها وحش

الا صحيح يا كيكي بما انك خبيرة فى انفلونزا الطيور .. هو المرض ده بيجي للفراخ بس والديوك لا ؟ ههههههه

arsenalwy said...

ههههههههة

أنتى حكاية ياكيكى

وجامدة حكاية الدكاترة اللى بتدخن دة انا من يومين كنت فى مستشفى علشان اصابة ملاعب بعملها علاج طبيعى

فلقيت واحد جنبى بيقول ياساتر يارب قلتله خير فقال وهو شايف بنت داخله مش تسرح قبل ما اكشف عليها قلتله معلش استحمل يادوك

ياصباح الجمال

Unknown said...

عووووووووووووووووووووو
انا جيييييت ......... اتخديت


اعمل فيكي زي مابتعملي فيا
هههههههه

وبعدين مالك ومال الدكاتره يا كيكي
والله نعمل مظاهره ونحبسك
هههههههه

احنا مش وحشين كده

حلو البوست ودمه خفيف
تحياتي ليكي

كيكى عوووووو said...

miss.sosa....
وحشتينى
موووووووووووووووووووووت
بجد....متغبيش تانى كدة بجد اوك...
الله يخليكى ياست ويكرمك
هو تحول فرخة علشان نيتوا وحشة
وانا مش عايزة اكلم
الفراخ بس هههههههههههههه
نورتى اوعى تغيبى

كيكى عوووووو said...

arsenalwy....
منورررررررررررررررررر علطوللللللللللللللللل السلام
الله يخليك ويكرمك يااااااااارب
اةةةةةةةةةةةةةةةة قولهم بجد علشان مش مصدقنى....فاكرنى بهزر
الف سلامة عليك
ربنا يشفيك
ياصباح حسن
هههههههههههههههههه
تحياتى

كيكى عوووووو said...

بركش...............
منورررررررررررررر علطوللللللللللللل السلام
..............................
يامى يامى كيكى اتخديت..يارجالة
اغمى علية
عايز تحبسنى والله لحبسك انت
واخد فلوسك واهرب كمان
..ياعم الناس فيها الكويس والوحش
الله يخليك ويكرمك بس برضوا هحبسك واجرى
ال عوووووووووووو ال
لا اتخديت
تحياتى

شفـقــة و إحســــان said...

كيكى انتى موتينى من الضحك يخرب بيت عقلك.....بس وحشتينا اوى

funckydoctor said...

ههههههههه
أيوة هى ده المستشفيات وللا بلاش
الراجل بقى بيبكبك شوية وهيكاكى :D
حلو قوى البوست
عووووووووووووووو

momken said...

بصراحه منتهى خفه الدم
دمك شربات يا كيكى

هو انتوا كنتوا بتمسكوا الفرخه منين فى الغابه

هى مش محشوره جوة قفص اد كدهو
ولا هى طليقه فى بيئتها الطبعيه

وبعدين انتوا حطين الدكاتره فى دماغوا ليه كل المدونات مبهدله الدكاتره
حراااام
دول محتاجين علاج كده
بسببكوا

بوستاتك متميزة ودمها خفبف اوى


تحياتى

كيكى عوووووو said...

شفقة هانم واحسان بك....
سلام صعيدى شحط محط..
بوووووووووووووووم
منورين...
الله يخليكم ويكرمكم
انتوا وحشتنى اكتررررررررررررر
دقيقة وابقى عندكم
تحياتى الاحلى اتنين
متجوزين

كيكى عوووووو said...

funcuk docotr....
منورررررررررررررررررر علطوللللللللللللل السلام
يااااااااااااااااااااة انت الدكتور الوحيد الى مزعلش فى البوست دة...
خلاص برعى كاكى خلاص
اهى اهى
تحياتى ليك وربنا يكرمك يارب
عووووووووووووووووووووووو

كيكى عوووووو said...

momken.....
منورررررررررررررر على طوللللللللللللللل السلام

هى طليقة..فى بيئتها الطبيعية
حلوة طليقة دى
انا مش حطة حد فى دماغى..بس دة بيحصل ولا مبيحصلش؟
هحاول افكرلهم فى علاج!!!
الله يكرمك ويخليك يااااااااااارب
ويسعدك
تحياتى
عوووووووووووووووو

ابو صهيب ( الجمعاوي الاصيل)سابقاً said...

هههههههههههههههههههه

اضحك الله سنك

كيكى عوووووو said...

الجمعاوى الاصيل..........
منوررررررررررررر
واهلا وسهلا
الله يكرمك ويسعدك ياراااااااااااااب
تحياتى..هستنك تانى

ادم المصرى said...

ههههههههههههههههههه

هيمنعولك كليه الطب بسبب البوست ده هههههههههههههههههه انتى فقريه طحن يبنتى وعلى فكره انا مكنتش بجيلك مش عشان نسيكى بس والله ظروف وسورى انى اتأخرت عليكى

حمادة زيدان said...

كيكييييييييييييييييييييييي

ازيك يا مضروبة

زعلان

نزلت بوست امبارح ولغاية النهاردة الساعة "أستني أشوفها في الموبايل" لغاية الساعة 6 ونص مفيش كيكي

أزاي طيب

انا مستغرب ومستنيكي يا
كيكي

كيكى عوووووو said...

ادم المصرى..............
منورررررررررررررررررر
على طولللللللللللللل السلام
ازاى يمنعوا الطب
وناكل فراخ ازاى انت بتهزر ولا بتهزر
ههههههههههههههههه
ماشى ياعم الف سلامة
هسامحك بس المرة دى بس المرة الجاية لا يمكن ابداااااااااااااا
ربنا يكرمك ويسعدك ياااااااااااارب

خالد كامل said...

هههههههههههههههههههههه
بموت فى الاسلوب الساخر ده
ربنا يوفقك
مدونتك حلوة قوى
و هتابعك ان شاء الله
سلام

الربان said...

تحياتي

برعي و تفيدة و الفرخة...و انفلونزا الطيور ...و المستشفيات الاستثمارية..
التي تنهب الجيوب...
مزيج من الكوميديا الساخرة...تحمل في مضمونها الكثير.

ربنا يوفقك دايما، و تعطينا جرعات من هذه الكوميديا الساخرة.

تحياتي و تقديري

كيكى عوووووو said...

مهيج الجماهير............
منور على طولللللللللللل السلام
اهلا وسهلا بيك
الله يخليك على ذوقك دة ويكرمك ان شاء الله
..................
ملحوظة
............
البوست القادم مش كوميدى بس لو انت محبتهوش
ارجوك دور فى ارشيفى
.....................
دومت بالف صحة وخيررررررررر
وبم انك اول مرة تيجى هنا خد
عووووووووووووووووووووووو
اتخديت

كيكى عوووووو said...

الربان................
منور على طولللللللللللللللللللل
السلام
تحياتى...
الله يخليك ويكرمك
والله دة
بس من ذوقك ياربان
يسعدنى دايما تشريفك
متغبش
عوووووووووووووووووووووووو

أمل فتحى عزت said...

السلام عليكم بكل الحب والاحترام


ادعوك لمتابعة
الحلقة الرابعة من حكاية عمى رمزى وعم عمارة فى الحارة


تعالوا نسمع ونشوف العفاريت بتقول ايه عن الحارة


مع خالص تحياتى

نعكشة said...

إذا كان كدة معلش
سماح المرة دي

و يكرمك يا رب
دمتي سالمة

مدحت محمد said...

نزلت بوست جديد يافقرية

ادم المصرى said...

هاى يا كيكى بجد مدونتك روعه

وقصه يوميات حلوة وضحكت لما شبعت بسى مش عارفه كنت بضحك من القصة ولا بضحك على نفسى

لانه الزمن ده ربنا يستر فيه
تسلم ايديكى يا قمر على الابداع

اتمنى زيارتك

كيكى عوووووو said...

تحياتى
لاخر تعليقات
امل اوك
.........
نعكشة..سماح يا افند المرة دى
.................
مدحت هاجى اديك عين
................
همس الاحساس...
منورة وكتر خيرك
الله يكرمك
حاضر من عينى

Soooo said...

هايله والله العظيم يابنت ياكيكي
بتعرفي تجيبي الافيه من منطقه لايمكن حد يتخيلها

بس لو فصلتي شرح الموقف عن الحوار وخليتي الشرح بلون والحوار بلون هيبقى اسهل على المتلقي تخيل الحاله

وفي كام لفظ كده خلي بالك منهم
مع انهم عجبوني وانا مش فارق معايا .. بس ممكن ناس تانيه تشوفهم مايعجبهمش
زي مثلا
مستشفى هننهب ابوكم ترحب بكم خلال 24..دايما فى خدمتكم علشان نطلع عينن ابوكم
يعني ابوكم الاولانيه ماشيه .. انما التانيه كتير .. كنتي مثلا ممكن تقولي مستشفى هننهب ابوكم ترحب بكم
وهي الحاله كده وصلت

وزي مثلا

احنا كنا فاكرينك انتحرت ولا هربت من ساعة مراتك ماهربت مع دكتور على النتن

يعني كنتي ممكن تقولي دكتور علي الجِعرّ .. او اي لفظ تاني

وزي مثلا
المكونات.....انت مال اهلك

يعني لو كنتي قلتي
المكونات .. مالكش فيه

كانت هتدي نفس المعنى وتقريبا نفس الحاله

اه وحاجه تانيه

انتي ليه لما بتدخلي عند اي مدونه بتعملي عووووووووو

هههههههههههههه

والله يابنتي انا باعزك قوي
وباعز حالة الهزار اللي بتدخلي بيها على المدونه

ربنا يسعدك ويكرمك ويبسطك ويوفقك ويرضيكي دنيا وآخره

واسف اذا كنت اتاخرت عليكي او اتأخرت في التعليق




سلامووووووووووز

كيكى عوووووو said...

sooooooooooooooooooooo..
الرسالة وصلت
وفهمت يا افندم
...................
ايوة كدة من الحين اللاخر بعض نصائح ذهبية
........................
متغبش تانى كدة
اوك
عوووووووووووووووووووووووو
واحدة كمان مخصوص ليك انت بس
عووووووووووووووووووووووو

انسان وبس ! said...

انتى بجد ممكن تكونى مؤلفة كتب اطفال هايله ، بس تقللى من حدة الالفاظ بتاعتك زى ما نصحوكى

وعندك اسلوب نقدى جميل

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket