Saturday, July 26, 2008

ونسيت انى ام ابراهيم..!!(راحة وهتوحشونى

Saturday, July 26, 2008



كنت نايمة لا بية ولا علية لقيت ماما بتصحينى ..ماما: انتى يابت قومى .. انا: هو الواحد ميعرفش ينام فى البيت دة..ماما:مانتى بقالك اسبوع نايمة يا منيلة قومى اتحركى شوية خلاص ناقصلك ديل وتبقى جاموسة رسمى ..100 مرة اقولكم محدش يركز فى الكلام دة.. قومى روحى عند عمتك فتكات هاتى منها صباع الروج الاحمر واخدة منى بقالها اربع سنين روحى هاتيها علشان نروح فرح ابن خالك جعايدى الاتنين الجاى..انا فى سرى دة اسم حد يجوزة..يووووو بقى انا معرفش السكة..ماما:انزلى عارف شارع ام مرسى اة متخشيش منة ولا يمين ولا شمال ولا طوالى...امال اخش فين؟..ماما: عند شارع ام عطيات.. انا : امال ام مرسى مالها اية الى داخلها فى الموضوع..ماما : بقولك يا هبلة علشان متخشيش منة..انا: ماشى المهم لم اخش من شارع ام عطيات..ماما: ام عطيات مين؟....انا:الى انتى لسة قايلة عليها..ماما: انا قلت عطيات بقولك شربات....انا:كان ناقصلى دقيقة وانفجر المهم اعمل اية.....ماما:خشى شارع رؤف بن الفنكوش....انا: نهار اسود رؤف مين!!1المهم لبست ونزلت تحت فى الشارع ندهتلى من البلكونة وشرحتلى الموضوع تانى...قالتلى بعد الشارع كلوا ما سمع فهمتى انا قولتلها اة..لكن فى سرى قولت ..هى كانت بتقول اية؟ وبدات رحلتى فى الشوارع........

اقعد ادور على شارع رؤف على عطيات على ام مرسى وراسى لفت وتعبت من المشى قلت اخش اى محل كشرى اضربلى طبقين ولا تلاتة والنهاردة كمان يوم الفيرى من الرجيم..بعد ما دخلت على الطبق السابع لقيت واحدة بتبصلى اوووى انا اقعد ابص ورايا ملقتش حد غيرى بصيت على هدومى يمكن يكون فيها حاجة بصيت على الجيبة الصفرة المنقطة بخضر والبلوزة الموف الى مخططة بكحلى ولا يمكن الجزمة البرتقالى فيها حاجة ولا الطرحة الحمرة ولا يمكن خدت بالها من القصة الى بنزلها من شعرى وانا قصدة ولا اتنين كيلو البودرة الى حطهم على وشى ساحوا وفجاءة...اكتشفت انى لبسة ساعة فضى بتاعت بنت خالتى ادتهنى علشان البسها هى اكيد الى ميبوظة شكلى انا عارفة عايزنى ابور والناس تتضحك علية.. الست: انتى ظهرتى يا ام ابراهيم.. انا: ام ابراهيم مين ياست؟..الست:انتى رجعتى بعد ما هربتى مع ابو سريع وسبتى ابراهيم ابنك عند حماتك اطاطا..دى عاملة مكافاة طبق كسكى للى يعتر فيكى وانا بصراحة نفسى فى الكسكى من زماااان.. وانقضت علية وسحلتى من قفايا وانا عاملة ارقع بالصوت ومحدش سال فى..ودتنى منطقة شعبية ودخلتنى بيت معفن وندهت يا اطاطا انا جبتلك ام ابراهيم اهى..اطاطا:هى فييييييين مرات ابنى ابنى ابنى ابنى الغالى الى خلتوة يطفش يا عبيبى من حسرتة..هى فييين سبتنى اربى ابراهيم بقالى سنين لوحدى وكل شوية يقول ماما ماما..انا:ياست الله يرضى عليكى انا اسمى كيكى وفى الاكاديمية العالية للقطن ومعرفش مين ام ابراهيم دى الى بتكلموة عليها!1 اطاطا:كيكى ودة فينك يابت ولابيرسول جديد كمان بتنكرى نفسك يا ابراهيم يا ابراهيم تعالى شوف امك.....يدخل راجل كبير شكلوة عدى السبعين لابس طارطور وشورت ازرق مقطوع وفانلة داخلية دايبة وبازازة فى بقك بصلى وجرى علية وقال ماماماما...انتى ماما وانتى بابا وانتى كل حاجة فى حياتى..الخ الخ..انا ابعد عنى يا راجل انت ..انت لسة شايف فيلم الارهاب والكباب ولا اييييية!!1..وكمان ازاى دة ابنى دة هو الى يخلفنى!!1 اممممممم اظاهر انى اتسهلت معاكم قلتوا فى بالكم دى شكلها بت فافى علشان فى الاكاديمية العالية للقطن لااااااااااااااا دة انا خريجة عجة الاعدادية بنين ومشتركة فى مركز شباب الشيشة للناشين..دة انا الى الفيل قال علية صديقى..انتوا لسة مش عارفين انا مييييين...كلهم فى نفس واحد مين؟ انا كيكى الهلالى وهمشى يعنى همشى دلوقتى انا من عايلة محافظة ومينفعش اتاخر اكتر من كدة...اتأخر لاااااااا...اطاطا دخلت تجيب السكينة من المطبخ وبترفعنى...أبات اةةةةةةةة.............................................................
........فى البيت عندى
خالتى واحد: مواجهة الكلام لماما متقليقيش يا ختى البت زمانها جاية...خالتى اتنين: ربنا يقرب البعيد ...خالتى تلاتة:ان شاء الله خير....خالتى اربعة:وهى بتصوت وتلطم علية: يا تخينة وعاملة رفيعة يا ختى........خالتى اتنين بتهدى خالتى اربعة: متعمليش كدة احنا جايين نهدى اختك مش نقلقها ..خالتى اربعة ترد: اصلك متعرفيش كيكى دى روحى روحى روحى كانت تيجى يا ختى تقشطلى على المطبخ كلوا المفجوعة متسبليش لقمة اكلها لكن على قلبى زى العسل اهى اهى....خالتى التاسعة: معلش اصل خالاتى رقم 5 6 7 8 مجوش كانوا عندهم ظروف.. بتكلم ماما مينفعش يا ختى كدة انتى مكلمتيش من الصبح مينفعش متتكتميش فى نفسك كدة غلط ماما: يالهوووووووووووووى يا لهوووووووووى خالاتى : متصوتيش كدة هترجع ان شاء الله....ماما: انا مش بصوت عليها الهى ما ترجع البعيدة انا بصوت على صباع الروج اروح الفرح ازاى دلوقتى؟ خالاتى كلهم فى نفس واحد يالهوووووووووووووووووووووووووووووووووووووووووووووووووى
عند اطاطا فى البيت...
ام ابراهيم الى هى انا ايوة....اطاطا: نضفتى االبيت ايوة.. طبختى ايوة زعفتى السقف ..ايوة..مسحتى سلم الجيران واخدى الاجرة ايوة اوعى تكونى كلمتى ام مرعى علشان مخاصمها و واكلة دارعها قبل كدة..مكلمتهاش اطاطا: طب تعالى حطيلى منكير وميك اب علشان عندى راندفو مع الجو بتاعى وبعد كدة زكرى لا براهيم علشان امتحان الجى تو قرب...حاضر حاضر..اهى اهى
انا: يابنى احفظ بقى 1+1=2 مش صفر ابراهيم : لا صفر يابنى لا اتنين ابراهيم بعد ما لطشنى الم لا صفر..شيلنى شيلنى يابنى اشيل مين؟ هو انا قادرة اشيل نفسى .. هقول لستى اطاطا اعااااااااااااااااا حاضر وبعد ماشيلتوة ونفسى اتقطع ووقعت على الارض ابراهيم مشى وقال 1+1=.... انا قلت صفر!!1
وعدت سنين وايام وايالى وانا على الحال دة لحد ما اتعودت عليهم وحسيت انهم عيلتى وكببببببببر ابراهيم وعدى التسعين وقرارات اطاطا انها تجوزة ..وانا قلت على بركة الله الواد برضة كبر وفى سن خطر... والحمد الله روحنا خطبنا لى واحدة من دار المسنين الى على اول الشارع وهمة لاقين على بعض سوسو خطيبة ابنى طيبة وبنت حلال وحددنا الفرح يوم الجمعة الجاية الصبح بدرى قبل ما الا اولاد مايموتوا مننا وندفنهم بليل فى ترب الغفير...
الجمعة صباحا.....
بابا: بيقول لماما يعنى حبكت تجيبى صباع الروج الاحمر دلوقتى ياستى النهاردة الجمعة اجازتى وانا مابصدق اريح شوية..ماما:بكرة فرح حفيد جعايدى ولا مروحتش هياكل وشى ومش كفاية كمان انى محضرتش فرحوا بسسب بنتك المنيلة....بابا: شايفة البنت الى هناك دى الى فى اخر الشارع الى فى الفرح..ماما: انت مش هتبطل عينك الزيغة دى بابا: هو انا لو كنت بشوف كنت اتجوزتك..ماما بتقول اييييييييية؟ احم احم ولا حاجة انا اقصد انها شكل بنتنا بتيجى نسالها....بابا: هو انت يابنتى اسمك كيكى...انا:كيكى مييييين ياعم الحاج انا ام ابراهيم وامشى من هنا احسنلك الله يسهلك ياعم الحاج انا عارفة انتوا ميييييييين انتوا قاريب سوسو جاين تاخدوها علشان اتجوزت من وراكم لااااااااااا انا مش هسمحلكم تبوظ فرح الواد....امشوا لمة والله ماما وبابا جريوا بسرعة وماما وهى بتجرى بتقول لبابا شوفت حتى سيرتها بتجيب النصايب
اطاطا: متعمليش فى نفسك كدة ياختى اهدى ان شاء الله ليلتوا هتبقى زى الفل
انااااااااااا: اعمل اية بقى قلب الام
اهىىىىىىىىىىىى
اهىىىىىىىىىىىىىىىى
............................................................................................................
تحديث:اسفة بجد على التاخير بس انا هاخد راحة لفترة وبجد هتوحشونى كتيرررررررر امانة عليكم المدونة زى مدونتكم اوعى تسبوها لوحدها ابدا ولو عيطت قوللها كيكى زمانها جاية جاية بعد شوية جايبة معاها بوستات وك وك اسمع حد جميل بيقول يا شيخ غورى بقى هى دى الحظة الى احنا مستنينها من زمااان ماشى ماشى لم ارجعلك طيب انتوا عارفين اكتر حاجة مضايقنى اية مين هيخدكم ويقولكم عوووووووووو من غيرى اهى اهى هتوحشونى بجد دومت فى حفظ الرحمن كيكى عووووووووووووووووووو

109 comments:

خالد كامل said...

يعنى انتى كنتى ام ابراهيم و ناسية ولا انتى كيكى و كنتى عاوزة تبقى ام ابراهيم ولا انتى مين بالظبط
انا اتلخبطت
بجد
ههههههههههههه
سلام

zOzO said...

ههههههههههههههههه
ههههههههههههههههههههههه

بجد هستريا ضحك من دا كلوا
يعني
ولا مانا فاكره اسمها ايه
كانت عايزه تحط النكير والميك أب
وعندها راندفو
كمان
ههههههههههه


ياتري زي ما مهيج الجماهير
انتي عايزه تبقي مين ؟
يعني بتهربي من الحقيقه
وعايزه تغيريها ومش مهم هتبقي ايه ؟


انا كده فهمت صح ولا مهيسه ع الصبح
ههههههههههههه
تحياتي
بس بجد القصه حلوه

zOzO said...

هتقولي حلوه ازاي والبت
مش فهمت حاجه اصلا
هههههههههههههه

لا بجد
مليانه هزار جااااااااااااامد

وايه كميه الخالات دا
الا في بعد 9 ولا لاء ؟

كيكى عوووووو said...

مهيج الجماهير...
منور على طول السلااااااام
..............................
انا توهتك صح؟
الحمد الله وصلت
ههههههههههههههه
انا كنت كيكى حلو الكلام واطاطا والست وابراهيم مصصمين انى امة اظاهر انى كنت شبة ام؟
لو لحظت انا قلت
عدى سنين وايام وليالى وحسيت انهم عيلتى اتعودت عليهم يعنى ومردتش ارجع لاهلى اصل بينى وبينك حبيت ابراهيم اوووووووى بدليل رفضى للحقيقة لم ماما وبابا جم انا رفض كيكى و اتقمصت دور ام ابراهيم....
فهمت ولا لسة متلخبط
!
!
على العموم سلام دلوقتى علشان الحق ارقص فى فرح الواد علشان بعرور جاة
العنب العنب العنب
هههههههههههههههههههههههههه
وربنا يخليك ويسعدك على طوللللللللل الخط
عوووووووووووووووووووووووووو

kochia said...

يعني بعيدا عن اللخبطة
عجبني اوي الطقم اللي كنتي لابساه وانتي رايحة تدوري علي المكور اعلاه

روش مووووت

تحياتي

Gannah said...

كيكى
ازيك؟ عاملة اية؟؟؟؟
وحشانى جدااااااااااا
نفسى اشوفك
تحياتى

كراكيب said...

ههههههههههههههههههههههههههه

يا بنت الإيييييه يا لذينة
فقررررررية

عسل يا كيكي عاااااااساااال
كيكي مين بقى
عسل يا ام ابراهيم عسل
وخلااااااااص من هنا ورايح اعملي حسابك اني مش حاندهلك غير ام ابراهيم
وانتي اللي جيبتيه لنفسك
وإلا حاندهلك أطاطا
:)هاااااااااااا

miro el niro kwaniro

نعكشة said...

هههههههههههههههههههههههههههه

والله انتي مسخرة

ماشاء الله عليكي
و خيالك ساحر


بجد بجد يعني


اهم حاجة دفنتوهم بالسلامة

قصدي جوزتيهم بالسلامة؟؟؟

ربنا يعزك
دمتي سالمة يامو براهيم

سلامٌ عليكي

حبيبة الروح said...

اه يا تحفه ده انتي مصيبه
بس سكر وعسل وحاجات حلوة كتييييييييييييير
دمك عسل
المهم يا ام ابراهيم يا اختي خدي بالك من ابراهيم ومقولتليش اطاطا اتجوزت ولا لسه وبعدين يا اختي هتقعدي في البيت لوحدي بعد متفرحي بيهم
هههههههههههههههههه
مبروك يا اختي
بس تعالي هنا يا ست انتي مش كنتي تعزمينا يا وليه انتي
ههههههههههههههههههه
بجد تحفه يا كيكي قصدي يا ام ابراهيم


مي

Cold air said...

بغض النظر عن السبع تمن طباق الكشري اللي انت ضربتيهم في اليوم الفري و الطقم اللي هياكل منك حتة و المنبه أقصدي الساعة اللي كنت لبساها وكمية الخالات اللي فاضلهم اتنين رجالة و يعلنوا الحرب عالأمريكان و كابتن هيما ابنك الرقيق و الشطورة و بالمناسبة انا أعرفلك مدرس حساب متخلف آخر حاجة و ممكن اكلمهولك و يدي كابتن هيما درس خصوصي و كمان أعرفلك مقرأ تمام و سعره حنين ممكن يقوم بليلتهم سوا أقصد فرحم و كفاية حرااااااام

خيالك واسع و احداثك مترابطة و مسلسلة و إسلوبك في سرد القصة رائع و مشوق

برافو حقيقي برافو يا ام براهيم
مع خالص التعازي في المفقود و عروسته
^_^

Anonymous said...

هه
ههههههههههههههههه
هههههههههههههه
بجد انا مش قادر امسك فسى م الضحك
بوست دمه زى العسل زيك

ومنستش الكشرى بتاعك

اهو
http://exitnotebook.com/media/1/20080318-koshary-cairo-egypt-450.jpg

Unknown said...

من كيكى لام ابراهيم؟
طيب ازاى
دى حتة نطة جامدة اوى
ههههههههه
بجد حلوة
بالتوفيق يا ام ابراهيم
كيكى سابقاا

Unknown said...

من كيكى لام ابراهيم؟
طيب ازاى
دى حتة نطة جامدة اوى
ههههههههه
بجد حلوة
بالتوفيق يا ام ابراهيم
كيكى سابقاا

الرسائل الرومانسية said...

تصدقى بالله خلتينى اضحك وانا نفسيتى زى الزفت

قفلت المدونات

عشان والله فى حالة وفاة عندنا
هفتحها ان شاء الله شوية كدة بعون الله يعنى

ربنا يكرمك ياكيكى

ومتتاخريش بجد فى البوستات
عشان لما بقرالك والله بضحك من قلبى

زفته وقطران said...

دلوقتي يعني
انت مين
حددي
عشان انا كده اتلغبط
ام ابراهيم ولا كيكي

انا عرفاكي يانفيسه بتحبي تهربي وتلغبطيني لكن حتروحي مني فين هو انت نفيسه
اخت عباس الله يحرقه

TIMMY !! said...

احم احم ..
أنا مافهمتش حاجة قد كده يعني ..

بس هعمل بنصيحتك

و أفكني منك :)

حمادة زيدان said...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

حمادة زيدان said...

يالهوي .... كل الفترة دي بتخدعي فينا يا أم ابراهيم ... إخص عليك ده مكنش بربع جنية لب أزنزناة مع بعض .............
أنتي شرباااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااات

والله ضحكت بصوت عالي وانا بقرا البوست

خلي بالك من أبو خليل ومتنسيش تطمني عليه المحروس , ولا محروس إيه ده زمانه فلسع خلاص

سلاموووووووووووووووووووووز
يا كوكو
سوري نسيت
كيكي كيكي كيكي كيكي كيكي كيكي كيكي

حمادة زيدان said...
This comment has been removed by the author.
ReEm said...

ايه يا بنتي الجنان ده

ههههههههههههههههههههههه

عملتلي لخبطة جامدة في الليلة دي

بجد عسل الجنان اللي انتي كاتباه ده

Unknown said...

يخرب بيت دمك يا كارثة...........انت فظيعة بجد يا كيكى ............. بس والله حلوة وعسل وتحفة زى كل كلامك.....ماتجيبى بوسة

نونو said...

كيكى
انتى كتبتى البوست دة امتى ؟
لجد كارثة
حلو جدااااا
ههههههههههههههههههههههههههههههههههههههههه
ضحكت ضحك يا ام ابراهيم
ربنا يخلييكى يا حبيبتى تستهالى
اموووووووووووووووووووووووووووووووووووووووووووووووووووووووووووووووووواة

نونو said...

نسيت استاذن حاجة مهمة
انا رايحة بكرة المعتقل
جونتاموة فى انتظارى
انتظرينى
اوعى تنسى نونو
تحسن اغرق فى الطشت بتاعى
اوعى
امواااااااااااااااة
هرجع على الاربع
امووووواة

احساس لسه حى said...

عزيزتى

انتى بقيتى ام ابراهيم علشان طبق كسكسى

ممكن تبقى ام هريدى بايه علشان اعرضها علىلا اللى يجبيبك وتخدى هريدى

هريدى ميين معرفش المهم هو هريدى مش حاجه تانى


اسلوبك حلو وساخر اوى

تحياتى ومودتى

سلام

seven said...

هوه انا مفاهيمى فى الحياة باظت
بس السيناريو ده جامد جدا
ممكن يبقة سيناريوا فيلم
دمه خفيف عن الافلام العجيبة
اللى بتنزل وبتنجح
وهيه سخيفة اصلا
استمرى

Anonymous said...

وانا عمال اسأل نفسى مين ابراهيم ده

اللى البت كيكى سيباه لوحده

طلع ابنك

ياااااااااااااه

ده مصيبة

بس بجد

انا كانوا هيودوينى

لشيخ بيطلع العفاريت وان منفعش هروح المارستان من كتر الضحك

انا كنت هقلب الجهاز حرام هليكى دا انا قلبى تعبان

وكنت هموت

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

Anonymous said...

قوليلى

انتى بتكتبى الكلام دة ازاى

شكلى كدة هاخد عندك كام حصة

علشان ابقى خفيف الدم موووووووت

ادام الله لنا افتكاساتك

blue-wave said...

هههههههههههههههههههههه
والله انتى عسل
ضحكت من قلبى والله

رصيف نمره خمســــــه said...

ههههههههههههههههههههههههههههههههه
هههههههههههههههههههههههه
ههههههههههههههه
ههههههههههه

حرام عليكى انا هموت من الضحك ياشيخة ارحمينىىىىىىىى

يالااااااااااااااهوى ياام ابراهيم

لا خيالك خصب يابت ياكيكى فله عليكى


سلااااااااااام

ههههههههههههههههههههههههههههه ههههههههههه مش قادرةابطل ضحك

كيكى عوووووو said...

zozo...
النوز كونوزة...
..................
اطاطا..طلعت عينى والله علشان تخرج مع الجو بتاعها...
انا اتقمصت الدور اووووووى وحبيت ابراهيم واطاطا..ورفض شخصية كيكى لمة بابا وماما قبلونى...
حسيت ان ابراهيم محتاجلى جانبة
وكفااااااااااااية بقى علشان متاثرة بفرقوا اهى اهى...
العنب العنب العنب
بعرور جاة
ههههههههههههههههههه
اةةةةةةةةةةةةة فى بعد 9 وبعد5644589 لو حبيتى اصلا احنا عايلة كبيرة اوووووووى
ههههههههههههههههههه
وربنا يخليكى ويسعدك على طوللللللل الخط
عوووووووووووووووووووووووو

كيكى عوووووو said...

kochia...
منورة ياقمرتى
ولا لخبطة ولا حاجة والله..
انا بس حبيت اطاطا و ابراهيم للدرجة انى رفض شخصية كيكى وتقمصت دور ام ابراهيم...
بس الفرح كان حكاية
سيبك من دة دلوقتى..
اييييييييييييية رايك فى زوقى فى لبس خطير مش كدة
؟
لو عينك طالعة علية هدوهلك لفة يا ستى
شوفى بحبك اد ايييييييية
هههههههههههههههههه
وربنا يخليكى ويسعدك على طوللللللللللل الخط
عوووووووووووووووووووووووو

كيكى عوووووو said...

جنة .....
حمد الله على السلااامة
يا حبيبتى بجد واحشنى وانا الى نفسى اشوفك
.................
بينى وبينك..لو عايزة تشوفتى ماتشوفيش وحش انا اخاف عليكى
.......................
بجدوالله واحشنى وانا بحبك اووووووووووى
وربنا يخليكى ويسعدك على طولللللللللل الخط
عووووووووووووووووووووووووو

كيكى عوووووو said...

كراكيب...
البت العسولة جت يانااااااس
لولىىىىىىىىىىىىىىىىىىىى
لااااااااااااااااا
اطاطا لاااااااااا
ام ابراهيم ارحم
هههههههههههههههههههه
وربنا يخليكى ويسعدك على طولللللللل الخط
عووووووووووووووووووووووووو

كيكى عوووووو said...

نعكشة..المنكوشة
ازيك يا عسل انتى
..................
كانت ليلتهم زى الفل.. والحمد الله عديت على خير وبليل دفنهم فى الغفير اهى اهى
الله يخليكى يا ختى اهى اهى
ههههههههههههههههههههه
وربنا يخليكى ويسعدك على طوللللللللللللل الخط
عوووووووووووووووووووووووو

rovy said...

انا جايه اعتذر عن تأخيرى و اطمنك عليا ..
كيكى الغاليه بجد ربنا ما يحرمنى منك و لا من سؤالك الغالى ..
النت فصل تانى و لسه جاى ..
وانا ظروفى ملغبطه شويه ان شاء الله الامور تضبط ..المهم باشكرك جدا و باتمنى انك تكونى بخير و فى احسن الاحوال
البوست لسه ما قرأته اول ما اقرأه حأعلق فورا بس مريم بتزن جنبى ولازم انيمها علشان اقرأه بتركيز يا قمر
راجعه ان شاء الله تانى بس حبيت اطمنك عليا الاول و اشكرك ..
دمتى بخير و دمتى لى اخت حبيبه
تقديرى و امتنانى
تحياتى

كيكى عوووووو said...

مدينة الملائكة....
مى عسولتى حبيبتى...
البيت بقى وحش من غيرهم واطاطا اتجوزت الجو بتاعها وسبتنى لوحدى اهى اهى
والله ملحقت اعزم حد معلش خفت لو عزمت حد الواد ميستحملش ويموت منى
تتعوض فى فرح ابن ابن ابن جعايدى بقى
ههههههههههههههههههههههه
وربنا يخليكى ويسعدك على طوللللللللللل الخط
عوووووووووووووووووووو

Aиgel said...


مسااااااااااء اللغبطة

أزيك يا كيكي

آسفة أزيك يا ام ابراهيم عامله ايه ايه يا بينتي الغيبة الطويلة دي
دي طنط اطاطا كانت دايخة عليكي

ههههههههههههه

بجد أنا مت من الضحك

يسلموووووووووو يا جميل

Angel Love

Ehab said...

عو وبخ وعفاريت
وكلاب بتمشي على الحيط
كل ما تيجي عندي تعمليلي فيلم رعب
بعووووووووو بتاعتك دي
انا بعد كده هابقى اجيب معايا علبة ماسكات بتاعة عفاريت واخلص عليكي

المهم ام ابراهيم دي طيبه قوي اصلها مستخبيه عندي من ساعت ما هربت من اطاطا
بس المشكله انها محتاجه تبرعات علشان حملة القضاء على اطاطا

بس اقولك ابوها وامها يستاهلوا ان اطاطا كانت خبطتهم بحاجه وهم بيجروا

سلااااااااااااااااااااااام

""""" said...

كيكى ؟ ازيك اولا؟

وحشاااااااااااااااانى

انتى خيالك واسع اوى على فكره
بس لعلمك اللى حكتيه دا ممكن يحصل

يمكن مش بالشكل الكوميدى دا
وخصوصا ان العمر الافتراضى لابراهيم قرب ينتهى
ههههههههههههههههههههههه

بس ممكن فعلا بعد ما الواحد يسيب عيتله ويعيش وسط عيله تانيه يشعر اكتر بالانتماء للعيله اللى عاش معاها
ويرفض يرجع لاهله الحقيقيين ولو معنويا !

بس الفكره جميله
واسلوبك ساخر ولذيذ

ريمان said...

كيكيى

خدى هنا

خدى

ازواى تعملى بوست من غير ما تعرفينى


ده ينفع

؟؟؟؟؟؟؟؟؟؟؟؟


مش لازم تعرفينى الاول

هى سايبه ولا سايبه


طب انا بقى زعلانه

هه

وهمشى من غير ما اعلق

ريمان said...

اهىء اهىء


واء وااااااااااااااااء

اهىء اهىء

ريمان said...

ايوة كده امسكى فيا


عارفه لو مش كنتى مسكتى فيا مكنتش هعلق ع البوست

على العموم انتى برضه مش تهونى عليا يا قمر

بحبك اوى

البوست بجد بجد تحفه

مكنتش اعرف ان دمك خفيف للدرجه الخطيره دى


دومتى مبدعه يا سكر

وخدى البوسه دى


اممممممممممممممممموه

البوسه دى فى خدك مش فى نافوخك

PrInCeSS BeRy said...

ههههههههههههههههههههههههههههههههه عثل انتى فظيعة يا كى كى انا مبضحكش الا لما بدخل مدونتك انتى سكرة بس قولى لى صباع الروج اللى من اربع سنين دة عاش ازاى هههههههههه

Unknown said...

أنا فعلآ كنت شاكه فيكي من زمان و انكشفتي و الي كاان كاان و ظهرتي علي حقيقتك يا ام ابراهيم
كده متعزمنيش في فرح ابراهيم يا وحشه

بوست يجنن

تحياتي يا قمر

زى الهوا said...

ههههههههههههههههههههههههههههههههههههههههههههههههههههههههههههههههههههههههههههههههههههههه عسسسسسسسسسسسسسسسسسسسسسل والله , بس يارب ماتكونيش اتخديتى لما انا جيت هههههههههههه

oRiGiNaL HeArT said...

اجمد حتة بتاعة خلاتك اتنين وتلاتة واربعة
ههههههههههههههه
موتتنى من الضحك
اخواتى جم يتفرجو عليا من كتر صوتى العالى وانا بضحك

بس ليه عملتى كدة مع باباكى ومامتك فى الاخر :))))))
ههههههههههههههههههههههههههههههه
حتى سيرتها بتجيب المصايب !!
جامدة بجد

بنت النيل said...

اية يا ام ابراهيم دة

اقصد يا كيكى

انا راسى لفت حرام عليكى

كل دة قصة اية يا بنتى وازاى مستحملة كل دة

بجد الله يكون فى عونك

وفى الاخر يطلعلك واد واسمة ابراهيم

لية تخبى علينا احنا نفرحلك

بس بصراحة انتى بنت زى السكر

تحياتى لكى

اة كنت هنسى

ياسر الحمد الله بخير

دومتى بخير

بنت النيل

ريمان said...

كيكى

خدى هنا


فى واحده تعيط تقول اعااااااااااااا

اعاااااااااااااااا

اعااااااااااااااااااااااا

ايه يا بنتى مالك

المفروض تعيطى كده

واااااااااااااااء

او

اهىء اهىء

فضحتينا


بس بحبك اوى يا صاحبتى الجديده

اوعى تنسينى تانى

لاحسن والله هحرمك من الشكولاته والشيبسى والبونبونى ولو جيتى تقولولى
اعاااااااااااا

مش هسال فيكى

انتى حره

وخدى البوسه دى

اموااااااااااااااه

حسن حنفى said...

الف مبروك الف مبروك الف مبروك الف مبروك الف مبروك الف مبروك الف مبروك الف مبروك الف مبروك الف مبروك الف مبروك الف مبروك الف مبروك الف مبروك الف مبروك

بسم الله ماشاء الله قصه جميييييييله

وبوست ممتاز

اسف علي التاخير

تقبلي مروري

Empress appy said...

انتى مين لو سمحتى علشان انا مش عارفه احنا فى انهى شارع

rovy said...

السلام عليكم
انا جيت يا رب ما اكون اتأخرت قوى و ما تكونيش زعلانه و تكونى عذرتنى على التأخير..
كده يا كيكى اتأخر عليكى الاقيكى بقيتى ام ابراهيم..!!!
بس حقيقى روعه وكان واحشنى حكاياتك و اسلوبك الرائع و دمك اللى زى العسل
والضحكه اللى بنلاقيها بين سطور حكاياتك هديه جميله من انسانه جميله ..ربنا ما يحرمنا منك ولا من حكاياتك الممتعه يا قمر ..

تقديرى و تحياتى

.:.-=- ELGaZaLy-=-.:. said...

هممممممممممممممممممم

الاسلوب حلو..

السيد فايز said...

جميل قوى اسلوبك فى السرد
اتمنى لك مزيد من التوفيق
السيد

محمد فاروق الشاذلى said...

حلو قوى الكلام ده
يعنى المرة اللى جاية هنلاقى توقيعك أم إبراهيم بدل كيكى ؟؟
لكن فى سؤال بيلح عليا (العيال اتجوزت ولا لسة)؟

عروسة ننوسة said...

عوووووووووووووووووووووو
انا جيت....ايه يا بنتى ده ده انتى طلعتى كومديانه خاااالص
بس بقولك انا عايزة صباع روج
ابقى اسالى عليا

مواطن مصرى نايم said...

طب دلوقتى انا مين ؟؟؟؟
انا ابراهيم و الا جعايدى
حسبى الله و نعم الوكيل
دا انا دماغى لفت
يا مفترية
كل ده بوست
و فى الاخر مش عارف مين انتى ام ابراهيم و الا ايه و امتى يعنى
و بعدين صوباع روج ايه اللى اربع سنين
دا اكيد طويييييييييل اووووى
ماركة النخلة
هههههههههههه
الهى يا رب اشوفك كده و كل اه و ايه لما يجى مين هنا و هه يبقى معاه بقى ماشى
هههههههههه
تحياتى
اسلام

Radwa said...


كيكى
انا متأكده انى علقت امبارح على البوست دا
بجد انا واثقه من كده
اوعى تكونى حذفتى تعليقى يا وحشة
...................
سندريلا

أحمد بكر said...

ده ادب عبثى يا كيكى زى توفيق الحكيم فى يا طالع الشجره كده ولا انتى كنتى عامله دماغ
انا تهت منك يعنى اطمنتى على الواد و جوزتيه ولا لسه
على العموم انا عرفت كنتى غايبه فين

نونو said...

كييكى حبيبتى انا جييييييييت
طبعا نورت البيت
اذيك يام ابراهيم
استوحشتينى مووووووت
اموووووواة

Gannah said...

كيكى
ازيك يا قمر. معلش اعذرينى مقصرة فى حقك بس النت عندى غلسه و مطلعه عينى
الصيف عامل معاكى ايه؟؟؟
انا غيرت اسم المدونة لان ناس كتير طلبت كده. ايه رأيك فى الاسم الجديد
الا هو ياسر فين؟؟؟
تحياتى

!!! عارفة ... مش عارف ليه said...

هااااااااايل يا كيكي
الموضوع جميل جداً وروحه مرحة اوووي
والتعليقات كلها بتقول كده
برافوا عليكي والله
عارفة اسلوبك سهل وبسيط جدااا
وبيعلق بسرعة مع الناس
بسم الله ما شاء الله عليكي

دومتي دوماً مبدعة
وليد

ريمان said...

كيكىىىىى

كيكايااااااااا

انتى فين يا بت مش بتسالى عنى ليه

وبعديييييييييييين ؟؟؟

انا هجيب العصايا

تعالى انا عامله بوست جديد مستنياكى

يلا عشان تخدينى

اممممممممممواااااااااااااااه

Lady E said...

هيييييييييه كيكة حبيبتي بقت ام ابراهيم

متروحيش مشواير لوحدك تاني يا قمرايا اديكي شوفتي الناس شوريرين ازاي وخلوكي تقتنعي ان 1+1 =0

بس بجد ايه الشوياكة دي كلها تجنني

بجد بوست جميل جدا من اجمل كيكة عالنت كله

تسلم ايدك يا قمرايا

Princesa ... WHiSPeR said...

انا بضحك من امبارح وقمت وماعرفتش اسيبلك كومنت

بجد دمك زى السكر يا ست ام ابراهيم

ماتسيبيش عيالك تاني يا حاجة انتي
هههههههههه

أحمد بكر said...

ايه يا بنتى انتى فين قلقتينى اظهرى و انا خلاص مسامحك

محمود said...

انتى دمك شربات بطريقة فظيييييعة
بجد انا مت على نفسى من الضحك
كنت هاروح فيها وانتى تكونى السبب انتى وابنك ابراهيم
بجد انتى حتة بنوتة شرباتيك
انا زائر دايم على مدونتك بعد كده
الواحد يضحك عندك لميت سنة قدام

انا لسه جديد فى عالم التدوين
ومبسوط انك كنتى من اول المدونات اللى شفتها

سلام ياعثل

بث تجريبي said...

ههههههههههههههههههه
هههههههههههههههه
نايس
والله مش عارفة اقول ايه اكتر من نايس

اللهم ذكرنى ياربى
اللهم ذكرنى ياربى
باين انا كمان نسيت انا كنت عاوزة اكومنت ايه(اكومنت ايه يعنى ادى كومنت)
زى مانتى نسيتى انتى مين فيهم ام ابراهيم ولا كيكى ولا اطاطا ولا ابراهيم شكلك فى الاخر هتطلعى صاحبة محل الكشرى اللى جابلك عيل عشان كل جريمتك انك اكلتى سبع او تمن اطباق كشرى
وادى اخرة اللى ياكل اكتر من خمس اطباق كشرى يتحول لام ابراهيم.

.وتوتة توتة ابراهيم اتجوز توتة
سلاموز يا ام ابراهيم

Abd-Alrahman said...

ههههههههههههه
انا بجد ما بطلتش ضحك
اية دة يا بنتي
هههههههههههه
بجد دهاليز كبيرة اوي
صحيح في الاخر لاقيتي الروج ولاكان خلص ؟؟
ههههههه مستني زيارتك

تحياتي

Anonymous said...

ايه يا ام ابراهيم

هاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاها











هاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاها



معلش دى فكرتك بس اعتبريها سرقه ادبيه يعنى

على الاقل هاهاها احسن من عاعاعاعاعا

ولا ايه

:))

نونو said...

كيكى
انتى فيييين ؟
ان شاء الله انتى كويسة ومفيش حاجة
انتى فيييييييييييين
ابحث عنكى يا كيكى

maiosha said...

كيكى

ههههههههههههههههههههه
إيه اللى جرالك يا بنتى
سلوكك ضربت خالص
ههههههههههههههههه
بس بجد بجد زى العسل
من الأخر بطلة القصة دى كلها مامتك
ههههههههههههههههههه
إنتى مش مشكلة أهم حاجة صابع الروج
وكل اللى مضايقها فى توهانك ده إنها معرفتش تروح الفرح
هههههههههههههههههه
بجد إنتى شربات

سلام

Unknown said...

ايه يا بنتى فينك؟؟؟ لا حس ولا خبر ولا بتردى على التعليقات فينك قلقتينى عليكى............عودى ياااااااااكيكىىىىىىىى

rovy said...

كيكى حبيبتى فينك
وحشتينى جدا
طمنينى عليكى
يارب تكونى بالف خير

تحياتى

just me said...

ازيك يا ام ابراهيم
بقى عامله ريجيم وضاربه 7 اطباق كشرى يا مفتريه؟؟؟؟؟؟
الا صحيح
ايه ضاربه دى يا كيكى؟؟

rovy said...

ايه الحكايه يا كيكى عاوزه تقلقينى عليكى ولا ايه
من فضلك طمنينى عليكى .. فينك ؟؟؟

حسن حنفى said...

حضرتك مش كتبتي من زمااااااااان

يااااااارب تكوني بخير

مستنين جديد حضرتك

RaRa said...

هههههههههههه
بوست جميل بجد
زى عادتك فى البوستات

وحشتينى اوى
وميرسى اوى على سؤالك عليا فى غيابى

عروسة ننوسة said...

عووووووووووووووووو انا جيت
انتى فين يا كيكى وحشتينى اوى اوى
ومن غيرك بعيط اهى اهى اهى

روووومي said...

هههههههههههههههههههههههههههههههههههههههههههههههههههههههههههههههههه
بجد بجد بقالي كتير ماضحكتش الضحك ده

انتي مش ممكن

وبعدين لازم يعني تقلبي علينا المواجع ب 7 اطباق كشري انا هفطس واكل حبة رز واحدة ومش عااااااارفة

ربنا يتمم لابنك بخير يا ام ابراهيم ويخلف كده عيال حلوين صبيان وبنات بس قبل ما يوصل 120 سنة احسن ده سن خطر هههههههههههه

بالتوفيييييييييييييييق

oRiGiNaL HeArT said...

يا اهل الله ياللى هنا
فييييييييين كيكى
تاهت تانى ولا ايه
روحتى فييييييين المرادى يا ام سماعيل:)

نـــــور said...

يخرب عقلك ياكيكى
ماشاء الله عليكى
انا عماله اقرا فى مدونات من الصبح كلها غم انما انتى سكر ضحكتينى
ماشاء على زوقك فى اللبس جامد
هو انتى بتشترى لبسك منين؟
انما صحيح هو انتى دلوقتى كيكى ولا ام ابراهيم انت لخبطينى خااالص

صحيح ياقمر ليا ملحوظه من غير زعل
ابقى نسقى شويه فى الكتابه افصلى بفواصل وخلى كل مقوله فى سطر افضل لان على الرغم من كبر الخط الا انه يلخبط اللى بيقرا
تحياتى ياقمر
واسفه على تأخير الزيارة
بس انا كنت منقطعه ورجعت تانى الحمد لله
دمت بخير

almasry said...

اناآخرواحدمعلق هيييييييييييييييه



ام مرسى شربات وكلام كلها اى كلام ... لكن ضحك للركب أحييكى

بنوتة من وسط البلد said...

نصيحة .. ما تبقيش تتقلى الدقه والشطة فى طبق الكشري بعد كده

وانت هتبقى فلللة ان شاء الله
:)

M.a.r.y.o.o.o.m said...

ههههههههههههههههههههههههههههههههه
المهم بقي انه الطقم محصلش في التاريخ بس علي رأيك الساعه اللي بوظته

ياسر said...

ياخبر ابيض
اية دة يابنتي
انا راسي لفت وهروح اقابلها من الشارع التاني
احنا في انهي شارع الاول هههههههههههههه
فينك؟؟ لحظة مش بتردي علي التعليقات
من فترة طمنينا عليكي
حفييييييييييييييييييييييييييييييدك
الصغيييييييييييييييييييييييييييير
ساركووووووووووووووووووووووة
ههههههههههههههههههههه
تحياتي

rovy said...

كيكى بجد انا زعلانه منك لأنك قلقانى عليكى قوى ....
من فضلك طمنينى ....
ياااااااااارب يكون المانع خير

وحشتينى جدا جدا

المـــفـــــــقــــــــوعـــــة مــرارتـهــا said...

عسسسسسسسسسسسسسسسسسسل
انا كنت محتاجة حاجة من النوع ده اقراها من بدري

ميرسي عليكي

كيكى عوووووو said...

عووووووووووووووووووووووووو
انا رجعتلكم
تانى اتخدتم
.................
سووووووووووووووووووووورى على التاخير
بس للاسف انا كنت فى مكان مفهوش نت
وبكرة هارجع تانى واغيب فترة كدة عتبروها اجازة منى
!
!
هحاول ارد على التعليقات بليل...
لانى دلوقتى بجد مش شايفة قدامى
دومتى بخيررررررررررر وهتوحشونى اوووووووووووووى
وكمان الكمبيوتر بايظ والنت زفت
يلا بقى مش مشكلة
هرجع ارد بليل لو عرفت
دومت فى حفظ الرحمن
عووووووووووووووووووووو

rovy said...

الحمد لله انك بخير رينا يطمنا عليكى دايما يارب ..
كان لازم تقولى قبل ما سيادتك تسافرى او تتغيبى كام يوم علشان ما تقلقيناش عليكى يا قمر ..
معلش بس ما تعملهاش تانى بجد قلقت و ماكنتش عارفه ازاى ممكن اطمن عليكى ياريت تبقى تتركى لى الاميل بتاعك لو ممكن وانا حأبقى احذف التعليق بعد ما انقل الاميل لو تحبى ..
دمتى بخير فى حفظ الله

اجازه سعيده
تحياتى

عروسة ننوسة said...

هتوحشينى اوى اوى وحياتك ما تطولى ارجعى بسرعة علشان بحب اتخض
سلام يا قمر

كيكى عوووووو said...

للاسف بجد مش قادرة ارد على التعليقات
النت بيقولى هودعك والوندز بيقولى كفاااااية كدة وانا خلاص هنام على روحى..
بجد هتوحشونى كتييييييييييير
اووووووووووووووووووووووووووووى
امواااااااااااااااااااااااااة
ليكم كلكم
دومت فى حفظ الرحمن
عوووووووووووووووووووووووووووووو

almasry said...

ماشى ياسيدى ولا راضى ترد ولا تعبرنا الكبير كبير ياعم الحاج ...... بس ابقى ورينى وشك فى مدونتى ..... والنعمه ممكن أعملك رهينه



تحيــــــــاتى
المصـــــــــــــرى

!!! عارفة ... مش عارف ليه said...

إن شاء الله ترجعي بالسلامة
وتكوني بخير
في حفظ الله

اخيكي
وليد

رصيف نمره خمســــــه said...

مين هيخدنى اااااااااه يانى

ده بقة فى دمى زى الهيروين بالنسبالى ههههههههه

ترجعى بالسلامة ياجميلةةة


سلام

Unknown said...

كيكى حبيبتى والله والله هتوحشينا كل يوم هاجى اعلق واقولك ايه دة انت لسة مارجعتيش؟.......ما تتاخريش بقى ماشى هتوحشينى جدا جدا باااااااااااااااااااااااااااااااى

Anonymous said...

انتى يابت ياللى بتقلدى سارينه الاسعاف
عووووووو كل شويه
ليكى واجب عندى روحى حليه

momken said...

ههههههههههههه
كل شويه هقولك دمك شربات
الناس هتقول بعاكس

بجد بجد تحفه
خفه دمك وحضور الفاظك ومفرداتك العامه ممتعه جدا

كتير بتمنى البوست ميخلصش
لكن بتصدم بكلمه التعليقات فى الاخر

المره دى ابدعتى
وفكرتينى بالكشرى دانا من زمان ما ضربتش كشرى

تحياتى

حمادة زيدان said...

كيكـــــــــــــــــــــــــــــي

بوست جديد بس مش حميدة ... سورى عالتأخير بجد

ياللا سلاموز بقي

نونو said...

مااشى يا ست كيكى انا اجى انتى تسافرى مش هنجنمع ولا اية ؟
مش مشكلة
ليكى تاج عندى ادخلى شوفية
اوك
اموووووووووووووووواة
هتوحشينى اوى

زى الهوا said...

النت هيتصلح امتى

( وش غضبان من نتات البلد كلها )

ادم المصرى said...

وحياتى انا رديت بسى مش لاقيه الرد باين نسيت اسيفه

بسى مش مشكله ارد لعيونك لانه كل لما اقراء قصتك اضحك موووووووووت

اسلوبك حلو اوى كيكى استمرى اكتر واكتر يا قمر

Unknown said...

عااااااااااااااااااااا انا عايزة كيكى ماليش دعوة بقى...بالله عليكى بالله عليكى اول ما ترجعى تيجى عندى على طول تطمنينى

RaRa said...

كيكى
بجد وحشتينى اوووووووووووووووى
حاسة البوست الجديد حاجة نقصاه من غير تعليقك عليه
يارب مش تتأخرى كتير علينا

PrInCeSS BeRy said...

حببيى وحشتينى هترجعى امتا بقةةةةةةةةةةة عاوزاكى تخضينىىىىىىىىىىىىىى


وااااااااااااااااااااء

حسن حنفى said...

اعتزلت التدوين

شكرا انكم قبلتوني في عالمكم الفتره

دي

ويشهد الله كم احببتكم فيه

(المهاجر الى الله) said...

ادعوكم لزيارة مدونتى المتواضغة والمساهمه بتعلقاتك وارائك
www.eyuon.blogspot.com
وشكرا

دعاء مواجهات said...

ازيك ياكيكى يابنتى

مفتقداكى اوى

ووحشانىا وى اوى اوى بجد

انا جاية مخصوص اطمنك ع ايمو برميل فاضى

هى كلمتنى وبكلمها

ولما لاقيتك بتسألى عنها كتير وقلقانة

قولت لازم اجى اطمنك

هى بخير بس

ادعيـلها كتير اوى

وربنا يفك كربها

انا سبت تعليق عندها فية توضيح بردو

سلاام ياقمر.

محمد حمدي said...

موضوع رائع بكل ماتحمله الكلمة من معانى
اول زيارة لمدونتك واكيد مش هتكون الاخيره
مستنى زيارتك بقا

سلام

Anonymous said...
This comment has been removed by a blog administrator.

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket