Wednesday, November 19, 2008

عاااااااااااااايزة ارغى+تحديث2

Wednesday, November 19, 2008
تحديث : 2 انا غيرت شكل المدونة تانى اهوا علشان الاولنى مكنش مظبط والصور كانت تحت ماما مى طبعا هى الى عملت الشكل دة احنا كنا حافظينوا ادعولها بقى ربنا يسعدها ويشفيها ويعدى الازمة الى هى فيها على خير وترجعلنا بسرعة
اولا: تحذير هام قبل ماتشوف البوست دة البوست دة هيبقى رغى على الفاضى وتضيع وقت للى هيقرا يعنى
لو وراكم غسيل وراكم خناقة هتشوفه مسلسل كدة يعنى روحوا احسن عموما انا حذرت وخلاص
من يومين كدة وانا عايزة ارغى واكلم عن نفسى مع انى مش بحب اكلم عن نفسى خالص مع حد بس طقت فى دماغى اكلم مع مدونتى وكمان شكلها الجديد يفتح النفس ان الواحد يرغى ويكلم كتير اوى هحل تاجات دى الطريقة الوحيدة الى الواحد يرغى من خلالها ويشوف شخصيتة برضة بس قبل ما احل هكلم عن النيو لوك شوية اية رايكم فى شكل المدونة الجديد؟ماما مى حبيبة الروح هى الى عملتوة ليه دة انا طلعت عينها والله قاعدنا يجى6 ساعات انا طبعا قاعدة هانم الى بعملوة بس اقول لا الشكل دة وحش لاالشكل دة بيبصلى من فوق لتحت الشكل دة مش مستريحلوة كانت رحلة بحث طويلة اوى علشان تليق مع شخصية كيكى الى فى مدونة لحد مالقينا الشكل الى انتوا شايفنوا دة بش مشكلة الشكل دة انى مينفعش احط الصور الى تحت دى فوق علشان الصفحة هتبقى بيضا خالص لحد ماتخلص من الصور وتشوف البوست يلا معلش...الاهم ياماما والله انا مش عارفة اقولك اية حد غيرك والله كان قتلنى وخسرنى فى موضوع المدونة دى وعلى الى عملتوة فيكى...اة صحيح بتسالوة لية بقولها ماما امممممممم اصل دة زر بينى وبينها بقى نسيت كمان اقولكم انى شوفتها وكان حتة يوم كنت عايزة اكتب عنة بس انا مكنتش هنا ماما اخر حاجة هقولك ليكى ست الحبايب يا حبيبة يا حنينة وكلك طيبة يارب يخليكى يا امى...خلينى بقى اخرج مع ابن الجيران عااااااااااا
************************************************

احل التاجات بقى
***************
اول سؤال من انت؟
مش عارفة لية اول ماشوفت السوال ضحكت وقولت انت عبيط يا اسطى عموما انا واحدة اسمها كيكى عادية جداا جدا بختصار شديد ساعات بكره وساعات احب وساعات استندل وساعات استجدع ساعات ببقى غبية وساعات ابقى زكية الخ الخ.. كمان مش بتحب حد يقولها ولا كوكى ولاكوكا ولا اى اسم دلع غير كيكى
تانى سؤال: بطاقتى الشخصية
الاسم :كيكى بنت ام كيكى
العمر: دايما بشوفة سوال ملهوش لازمة لان مهما البنى ادام الى قصادك كبير صغير مش بتفرق معايا الاهم ان يكون دماغ
الديانة: مسلمة الحمد الله
الحالة الاجتماعيه:مستنية الفرج هههههه حلوة دى
أذكر خمس أحلام على الاقل .. تخص ماضيك وتحلم فيها بتغيير اشياء .. ماذا ستعدل وماذا ستترك؟
كان نفسى اوى زمان ابقى صحفية واخش اعلام
نفسى اتعلم رسم ومازلت
عايزة اطير بس عارفين ازاى تطيروا وانتوا على الارض ارقصوا اة والله انا كان نفسى اتعلم الرقص الغجرى علشان اطير من خلاله
او عارفين ازاى كمان الى صوتوا حلو يقدر برضة يطير من خلال صوتوا..حد فاهمنى
هعدل اية بقى واغير اية.. مش هغير حاجة منهم بس ياريت لو اغير نفسى لانى محقتقش منهم اى حاجة ساعات احلامى بتصعب علية لانى معملتش ليها اى حاجة..انا اسفة
اذكر خمس أحلام على الأقل تخص مستقبلك ؟
اتخصص واروح ورش للكتابة يمكن اكون فى يوم من الايام بكتب ساخر حلو وابقى كاتبة كدة زى يوسف معاطى او لينين الرملى
الم نفسى شوية بقى فى حكاية رجيم المراجيح الى بعملوة دة واركز كدة علشان اخس خلاص يخرب بيتك قربتى تبقى مقطورة بشرية
انمى تفكيرى وارائى من خلال الكتب وحاجات علمية كتير
اروح الكورسات بتاعت ابراهيم الفقى لتنمية البشرية محتاجة حاجة زى كدة اوى
اتعلم لغات كتير بالذات الاول الانجليزى علشان بجد نسيتوة وفقد الذاكرة فى وقفت لحد هاى وباى
أذكر شخصين على الأقل متواجدين فى حياتك حاليا .. كنت تود وجودهم قبل الآن بزمن ..
مدونتى وانتوا
السؤال الرابع أذكر شخصين على الأقل غير متواجدين فى حياتك حاليا كنت تود وجودهم الان
مفيش
مين اقرب شخص ليك؟
سارة بنت خالتى وامنية صاحبتى وعلى فكرة فى ناس منكم بقت قريبة منى اوى من غير ذكراسامى
ايه معنى السعادة من وجهة نظرك وحاسس انك سعيد؟
السعادة هى سعاد الاخرين وليس فى اسعاد الذات
بصوا من ناحية حاسة انى سعيدة او لا فهو الموضوع نسبى ساعات يحصل موقف حلو افتكر كل الحاجات الحلوة الى فى حياتى واحس انى سعيدة وساعات العكس افتكر كل الحاجات الى وحشة فى حياتى واحس انى غير سعيدة اةةةةة عموما الحمد الله
امتى حسيت انك ظلمت انسان ومحتاج لحظة غفران؟
والله معرفش ظلمت حد او لا بس اكيد ظلمت مش عارفة عموما انا اسفة ومش هعمل كدة تانى
البنى ادم اكيد فى كل وقت محتاج لحظة غفران من كل الى حواليه
بتعمل ايه لما بتكون متضايق؟
بعمل حاجة غريبة اوى اجيب كل لبس الخروج واقعد البس واقلع فى واحط مكياج وارقص بستريح نفسينا لمة بعمل اوى كدة
او اعيط بحرقة
امتى حسيت انك اتظلمت وليه؟
ماعلينا
ايه اكتر احساس بيراودك تجاه نفسك والاخرين؟
انا دايما لوحدى ومع نفسى
تجاة الناس عموما كل الناس طيبين عارفة اكيد فى نماذج مش كويسة بس فى حاجة فى كل بنى ادام لو لمستها من جوه هتلاقى طيب اوى
امتى ممكن تتنازل عن حق من حقوقك و ليه؟
يعنى لو الى قصادى محتاج الحاجة دى اكتر منى مش شرط احبه او اكره
أذكر سته اشياء لايكتشفها فيك من يراك لاول مرة؟
احيانا بكون جادة جدااااااااااااا
انا مش اجتماعية خالص زى مانتوا فاكرين
انطوئية لحد ما
قليلة الكلام
هادية اوى اوى محدش مصدق دى انا عارفة
دمى تقيل وكوبة انا بت رخمة اساسا مش بهزر غير مع ناس القريبن منى اوى
لدغة فى سين فى اة بيكشتوفنى من اول كلمة وفى مش بيعرفوة الابعد سنين انا الى مضايقنى فى الموضوع دة انى محروم اغنى اغنية المفضلة بسبوسة بسبوسة
من لاخر كدة انا معاكم والله ببقى حد تااااااانى خالص بتعفرت معاكم
سبع حاجات دايما بقولهم
انا زهقت دايما بزهق كدة وملولة محدش يزعل منى بقى لو قلت كدة
ارد اقول اية
اية الى يضحك دلوقتى
بطل
كدابة
ان شاء الله لمة احب اخد الى قصادى على قد عقلوا اوسكتوا علشان زهقت
يارب ارحمنى
سبع حاجات نفسى اعملهم
اخد بطوبطى من ماما مى واقضى مع يوم يالهوى يا بطبوطى دة انا بحبك اوى
انط فى اى قطر واروح لانجى فى اسكندرية وامسك ايدها ونطير سوا ونعمل كل شئ اتفقنا علية
اخر حاجة بقى علشان انا زهقت وكرهت نفسى
نفسى اعمل حاجات كتير لناس كتير واحقق احلامهم واساعدهم
انا اسفة انى مش بنى ادمة مفيدة ومش عارفة اعملكم حاجة بجد اسفة

62 comments:

مواطن مصرى نايم said...

جميل الشكل الجديد يا كيكى
بس فيه عيوب
العمود اللى فالجنب بينزل تحت
فى لغبطة كده
عاوز تظبيط شوية
و اجاباتك عالتاج جميلة
و انا جيت اهوه من غير عوووووووو
و لا بخ و لا حاجة
ههههههههههه

تحياتى
اسلام

حبيبة الروح said...

ههههههههههههههه
حبيبه قلب ماما والله
ايه التشريد ده
ههههههههههههههههه
كدا ماما اتكسفت
وش مكسوف وخدوده حمرااااااااااااا
بس زعلانه منك انتي يا بنتي تعبتيني في ايه بس
هو انا نزلت ادور علي التمبليت
محنا كنا قاعدين
بالنسبه للمشكله الي في التمبيلت دي مش بايدنا
وانتي اخترتي يا اختي
هههههههههههههههه
بتشردي لنفسك علي موضوع ابن الجيران
الناس تقول ايه مويا القمر دي معرفتش تربي يا لهوتي علي تربيتي ياني
هههههههههههههههههههههههه
وانا والله يا كيكي بموت فيكي
موضوع ماما دة زرررررررررررررررر غطير
هههههههههههههههههه
سكتم بكتم
هههههههههههههه
اروح اقري التاجات بتاعت بنتي
اما بالنسبه لحمبوله ابن ابجيران فا انا هوافق علي راي الجمهور
هههههههههههههههههههههههه

oRiGiNaL HeArT said...

مبروووووووك على النيولوك
جمييل اوى
ممممممم
اجابات التج بتاعتك غيريبة شوية المردى
انتى بتتكلمى عن نفسك كدة لييييه
انتى يابنت تقريبا كدة اظرف شخصية على بلوجر كله
دمك شربات و زى العثل
وطيبة اوى
يلا ربنا يخليكى لينا ويحققلك كل احلامك

حبيبة الروح said...

اولا ده تعليق بطوطك يختي
عامله ايه يا ابله كيكي
شكرا علي كلامك في المدونه
وانتي بس خلصي امتحاناتك واحنا نخرج
ولما انا كمان اخلص امتحاناتي
وشكرا علي بطوطي
============================
ثانيا ده تعليقي انا بقي
ايه يا كيكي
مالك
ايه حاله الاكتئاب دي الي انتي فيها
وبعدين مش بتحبي حد يقولك كوكي ولا اي حاجه غير كيكي
ومش قولتيلي ليه
منا عماله اقولك يا كوكتي
يا كوكي
ينفع كدا
بس لما اشوفك بس
هتضربي ومحرومه من الكشري خالص
هههههههههههههههههههههه
والله يا بنتي انتي عسل وانا شوفتك شحصياوعارفه قد ايه انتي عسل وطيبه وحنينه
ووقفتي جنبي كتير في عز منا كنت محتجه ليكي ولحد يساعدني في الفتره الصعبه الي فاتت
والله بحبك يا كيكي يا بنت قلب ماما مي
سلام يا قمرايتي

princess said...

اجابات شبهك اوى ياكيكى يا عسولة هههههه
بخصوص الانجلش انا تحت امرك :)
انا زيك على فكرة لمضة بس فى التدوين لكن فى العادى هادية
تحييييييييياتى ومبروك على الشكل الجديد يتربى فى عزك ههههه

blue-wave said...

اختشششششششششششى
ازيك؟
وبعدين انتى طلعتى عين ماما وهيا بقى مابقتش ناقصانى انا كمان علشان انا برضه مطلع عنيها
عااااااااااااااااا
شكل المدونه كدا بقى تحفه طبعا علشان ماما هيا اللى عاملاة
ربنا يخليها لينا ياااااااااارب
ومفيش خروج مع ابن الجيران
طرطور انا هنا ولا ايه؟؟؟

Unknown said...

لولولولولييييييييييييييي مبروك على النيولوك...اجابات التاج تحفة...انا كمان نفسى تيجى اسكندرية واصيعك وابوظك واخليكى مش نافعة

Lady E said...

وحشتييييييييني ووحشني كل كلامك يا احلى كيكي وبجد تاج جميل جدا زيك وتصدقي فيه شبه مني برضه

وان شاء الله تبقي احسن من يوسف معاطي ولينين الرملي

ومتزعليش بقى هاجي تاني اشوف التاج الكميل ده

Gannah said...

كيكى
حلوة النيو لوك وأحلى حاجة فيها كلمة عووووووووو اللى فوق
بس الخط صغير قوى مش تراعى المسنين اللى زى حالاتى
أحلامك ان شاء الله هتتحقق
بقى انت مش اجتماعية دا انت تدخلى القلب علطول من غير استأذان
تحياتى

kochia said...

ازيك يا كيكي
فينك من زمان
عووووو بتاعتك وحشتني

المهم
الشكل الجديد لطيف
وعن التاج
حلوة اجاباتك
وعاقلة
اجابتك عن السن جميلة وانا متفقة معاكي في كدة
وربنا يرزقك السعادة ان شاء الله

تحياتي

حمادة زيدان said...

كيكي كيكي كيكي كيكي كيكي كيكي كيكي

أولاً الشكل حلو اوى بس كبري الخط شوية يا بنتي الواحد نظره مينص بتاع 80 ولابس نضارة أد كدة

ثانياً فينك يا بنوتة !!!

ثالثاً لو بقيتي كاتبة ساخرة هتبقي اخف دم في مصر هي مصر فيها كام كيكي يعني

Lyssandra said...

والله يا كيكي إنتي بنوتة عسولة آخر حاجه
ولذيذة جدا كمان

ربنا يكرمك يارب


Lyssandra

rovy said...

كيكى الحبيبه

اتأخرت عليكى وطبعا لو كنتى متابعه ردى على التعليقات او اهتمتى و سألتى كنتى عرفتى ان مريم كانت تعبانه جدا و مصابه بحمى و ما كنتش بادخل خالص على النت لفتره ..

على كل حال انتى وحشاااانى جدا
مبروك النيو لوك الجميل ده و تسلم ايد مى الاموره ..

ادعوا الله ان تحققى كل احلامك

دمتى بكل خير

تحياتى

كيكى عوووووو said...

اسلااام
ازيك فينك ياراجل كل دة؟
طب كويس انك جيت لوحدك من غير حمو العفريت
هههههههههههههههه
العمود بينزل ازاى لتحت
عايز يعنى زبط زاوية ولا اية
عندك طيب اريل احتايطى
*****************
ربنا يخليك ويسعدك
عوووووووووووووووووووو

كيكى عوووووو said...

ماما مى
**********
هههههههههه
ست الحبايب يا حبيبة
ههههههههههههههههه
فين التشريد دة اقل واجب
شوفى برضيكى اهوا
علشان ونبى خلينى اخرج مع حلمبولة ابن الجيران
ونبى عاااااااااااااااااااااا
اكيييييييييد الجمهور موافق
امواااااااااااااااة
عووووووووووووووووووووووو

كيكى عوووووو said...

أريجنال هارت
*****************
حبيبة قلبى الغالية
هييييييييييييييييييييية اخيرا ظهرتى
لولىىىىىىىىىىىىىىىىى
***********************
عجبك النيو لوك طب الحمد الله
امممممممممممممممممممممم
مالى برد ازاى يعنى؟
يمكن علشان كنت هادية اوى وانا بحالوا علشان كدة يعنى ولا اية
******************
والله ربنا يخليكى انتى لينا ويسعدك ويهنيكى دايما وامانة عليكى شيلى السواد الى بقى فى مدونتك ماشى
اقلعى الحداد يا اختشى بقى وهيصى وفكك
اموااااااااااااة
عووووووووووووووووووو

كيكى عوووووو said...

ماما مى
************
هييييييييييييييييييييية تانى
يالهوووووووووى بطبوطى بنفسة بيكلمنى
اغمن علية يعنى بجد هنخرج وكدة ونهيص ماشى طب انا خلصت امممممممممم ماشى هستنك دة انا فى دماغى حتة يوم هنعملوة انا وانت بس من اولها لمة نيجى نركب انا الى هقعد جنب الشباك
امواااااااااةة يالهوى بموووووووت فيك
**************************
فى اية ياماما مالك انتى ؟
انتى السبب فى حالة الاكتئاب دى علشان كل شوية تقولى كوكى وانا افوت ومش مخلينى اخرج مع حلمبوحة وعمالة كل شوية تضغطى وانا خلاص
تعبت
تعبت تعبت
تعبت
ايوة تعبتى من اية يامنى
ههههههههههههههههههههه
لاونبى اتحرم من اى حاجة الا الكشررررررررى
هههههههههههههههههه
*******************
والله وانا ياماما بحبك اوى اوى ربنا يخليكى لية
امواااااااااااة
عووووووووووووووووووووووو

كيكى عوووووو said...

مولاتى برنسس
****************
شبهى يعنى بنضارة ولا اية؟
ههههههههههههههههه
اممممممممممممم هتعلمينى انجلش واوووووووووو اوكشن اتفقنا بس انا هدفع تمن الحصة انا حقانية اوى 2.5 ينفعوا فى الحصة ولا اية؟
ولا انقص شوية
هههههههههههههههه
**********************
هييييييييييييييييييييية لقيت حد زى
احنا لمضاين هنا بس ايوة والله يا اختشى قوليلهم دة احنا بلسم فى الحقيقة
الله يخليك ويسعدك ويهنيكى
عمتى مساء مولاتى
عوووووووووووووووووووووو

كيكى عوووووو said...

دكتر
**************
ياهلا ياهلا يادكتور
انا تويسة تويسة فينك انت؟

اييييية دة انت طلعت اخويا وانا مش واخد بالى ولا اية امممممممممممممم طب لمة اشوف ماما مش تقولى ولا عايزة تخدينى كدة ماشى ماشى
يعنى شكل المدونة تحفة علشان ماما بس وطب منا كمان تعبت وانا بتأمر عليها طبعا ربنا يخليها لينا يارب
*********************
ومليش دعوة عايزة اخرج مع ابن الجيران
عاااااااااااااااااااااا
عوووووووووووووووووووووووووووو

كيكى عوووووو said...

انوووووووووووج
*******************
حبيب ياناس اهوا
*****************
ايوة ايوة زغرطى يا اختشى
لولىىىىىىىىىىىىىىىىىىى
*********************
دة احنا هنعمل عمايل انا وانتى
هنفجر المنطقة والله و و و و و خليها بقى بينى وبينك
امواااااااااااااااااااة
عوووووووووووووووووووووو

كيكى عوووووو said...

ليدى
******************
اخيراااااااااااااااااااااا
بعد طول انتظااااااااااااااااار
لولىىىىىىىىىىىىىىىىىىىىىىىىى
ماشى يانونا يا وحشة ال وحشتك ال
**************************
ماشى ماشى هعديها بمزاجى
لازم تبقى شبهى مش نونتى يا ناس
يسمع من بوقك يااااااااارب
تلسميلى ياغالية
امواة
عوووووووووووووووووووو

كيكى عوووووو said...

جنة
**************
وحشاااااااااااااااانى والمصحف
اوى اوى هتقولى طب ماتسالى ياوحشة والمصحف كنت بمتحن
************************
بجد حلوة عوووووووو الى فوف انتى الوحيدة الى علقتى عليها
حبيبة قلبى والله اسفة على صغر الخط والله بحاول اكبرو مش عايز بيرخم علية عاااااااااااااا
مسنين اية بس انتى بتغزى العين ولا اية؟
ربنا يخليكى يا حبيبتى ويسعدك ويهنيكى دايما
عوووووووووووووووووووووو

Unknown said...

كيكييييييي

واحشاني اوي اوي اوي يا عفريته انتي
6 ساعات يا مفتريه
المفروض كانت موتتك و تاوتك قبل ما حد من بيت الدهاشنه ياخد خبر

RaRa said...

جميل النيولوك الجديد
بجد انتى شخصية جميلة اوى
وأنا بحبك أوى أوى أوى
ونفسى نكون قريبين من بعض أكتر


أختك
RaRa

هى فوضى said...

هههههههههههه
عوووووووووووووووو
انا كمان جيت
اية كل دا رغى
هههههههه انتى كنتى مكبوتة اوى كدة
سلامتك يا عووو من الكبتة ما عاش اللى يكبتك ابدا
انا ماشية بقى
ورايا غسيل

ريمان said...

كيكتى حببيتى

وحشانى والله خالث مالص

بجد المدونه شكله تحفه

حلو اوى النيو لوك ده

مش تغيريه بقه

وجميل التاج واجاباتك اجمل يا عثل

انا اسفه انى مش بكلمك ع الياهو بس هو اليومين دول عطلان بعيد عنك عندى

معلش

بس انتى وحشانى موووووووووووووت

امواااااااااااه

حسن حنفى said...

متاخر اووي بس اسف علي التاخير


اولا والله شكل المدونه بقي اجمل كتير

بس الاول برضه كان جميل

:d

وكل اللي يدخل هيتخد من عووووووو

ههههههه

وربنا يكتر من تيجانك يارب

دمتي بخير

ودعواتك

ياسر said...

شوية اية رايكم فى شكل المدونة الجديد؟
ممتاز ممتاز وتستاهلي الزعتلون والنوبايل وطبق كشري
ماما مي ههههههههههههههههههههههههههه
ست ساعات ياخبر انتوا كنتم بتبنوا السد العالي
اتقابلتوا هههههههههههه ضربتوا كشري طبعا مين خلص الغداء
ست الحبايب يا حبيبة يا حنينة
...خلينى بقى اخرج مع ابن الجيران عااااااااااا
ههههههههههههههههههههههههههههههههه
واحدة اسمها كيكى عادية جداا جدا ؟؟ عارفين دي
ساعات بكره وساعات احب ؟اة عادي زي كل انسان
الخط صغير اوي حفيدك شكلة عاوز نظارة ولاااية
جدتي ياريت تكبري الخط حفيدك نظرة راح
اهي اهي اهي اععععععععععععععععععععععععععع
عاوز نضارة باين عينيا بتزغلل
اسف علي تاخيري في الزيارة
الاستايل الجديد دة
يجنن بس الخط صغير
تحياتي
حفيدك

نونو said...

بت يا كيكى

ليكى وحشة كبيرة جداااااااااااااااا

اية الحاجات الحلوة
دىىىىىىىىىىىىىىىى
والله اجاباتك جميلة

والله همووووووووووت وناخد ميلات بعض بس مش عارفة احفظ التعليقاااااات فى بربلم فى المدونة

!!! عارفة ... مش عارف ليه said...

البوست جميل
وشخصيتك واضحة فيه
والشخصية دي هي اللي نعرفها عن كيكي
يعني مخبتيش حاجة علينا قبل كده ولا حاجة
لانك حد واضح وطيب أوووي من جوه
مبروك النيو لوك بس هو محتاج تظبيط شوية

تحياتي
وليد

أحمد بكر said...

تانى بوست جديد من ورايا
اعمل فيكى ايه
عكننتينى و انا رايح الامتحان اهو
بس اجاباتك سكر و بيتهيقلى انى حسيتها كلها من قبل ما تقوليها
زيتيان

Ahmed Al-Sabbagh said...

ههههه
ارغى يا ضنايا ارغى .. كلامك كله بينقط سكر
وبوستاتك كلها عسل

funckydoctor said...

ههههه
بجد لذيذة
بث موصوع الثين ده أنا ما لحظتوش :D
بيكون فى كتير من الأحيان اضافة مش نقص
بجد مين قال رخمة ده وأنا @*&# ولا أقولك ابعتيهولى المستشفى نياهاهاها
وعووووووووووووو

البت المشمشية حلوة بس شقية said...

يارب النيوو لوك يبقى فى ككل حاجة فى المضمون كمان ابقى نورينى وزورى مدونتى

حبيبة الروح said...

ايه اخر حاجه انتي كتبتيها دي ليه كدا يا كيكي كدا تزعلي ماما وتوجعي قلبها اكتر مهو موجوع
بجد زعلت منك

Anonymous said...

كيكى

مين قال يا عسل انك مش مفيدة

ومعملتيش حاجة لينا

ده كفاية وجودك الجميل اللى بيفرحنا

ويارب تحققى كل أحلامك

وتطيرى انتى وكيكى

وتخرجى مع ابن الجيران

ويفرجها عليكى ربنا فى الحالة الاجتماعية

تحيتى

""""" said...

عسل يابت والله
حلوه حكاية رجيم المراجيح دى
ههههههههههههه
بتفكرينى بنفسى على فكره

المهم يا كيكى انتى وحشتينى موووووووووووت
وفرحانه بالتاج بتاعك اوى
جميل فعلا

ربنا يحميكى

كراكيب said...
This comment has been removed by a blog administrator.
همس said...

حببببببببببببببى

ايه الاجابات دى يا بنتى

متعرفيش اد ايه قربتنى اكتر منك

حساكى بجد رقيقه وريشه من جواكى

بمووووووووووووت فيكى يا مضروبه


ماعلينا

بقلك صحيح

لازم تيجى بكره الجمعه

هستناكى

ياويلك لو ما جيتى

موووووووووووووووووح

Unknown said...

كيكى انتيختى النيولوك دة احلى من الاول اللى هو بعد الاولانى خالص اللى هو....يووووووووووووه المهم ان كدة تمام جدا مبروك مبروك مبروك مبروك عليكم وعلينا ان ان ان ان ان ان مبرووووووووووووك

Unknown said...

انتيختى حبيبتى كل شوية تغيرى اللوك واجى اقوللك؟؟؟
كدة حلو جدا وحلوة كيكى ام جناحات انا عارفة هى بتعبر عن ايه وكمان حلوين البنتين اللى ورا دول
مبروك يا كيكى

ريمان said...

كيكتى حبيتى

وحشاااااااانى يا بت اوى

بجد والله

مش بتدخلى ع الميل ليه بجد عايزه اتكلم معاكى يا قمرررررررررر

على فكره شكل المدونه جميل جدا احلى من الاول بزمااان

تسلم اديكى يا قمر

وكل تاج وانتى طيبه

منه مرتجى - عازفة الأوتار said...

هههههههه
دمك زى العسل يا كيكى
و مش حقولك يا كوكة بقى زى ما كنت بقولك
علشان طلعتى مش بتحبى غير كيكى
يبقى خلاص من اليوم و رايح حتكونى كيكى و هذا قرار صادر بإسمنا نحن عازفة الأوتار الممزقة هههه
وحشتينى يا عوووووو
على فكرة البوست مش رغى خالص انا قلت فى الاول انه حيبقى طويل بس تقريبا اسلوبك اللذيذ ده مش بيخلى الواحد يحس بالوقت و هو بيقرا كلامك

انتى عسولة اوى و انا مش مصدقة و مش حصدق حكاية رخمة و مش بهزر دى
امال مين بقى اللى يهزر

مواااا

عووووو

شفـقــة و إحســــان said...

حلو اوى الشكل دى يا قمر
بس انتى فين صحيح؟؟
مختفية فين؟؟
وحشتينى اوى انتى وحشة خالص مبقتيش تسالى علينا
عووووووووووووووووووووووووووووووووو

مدحت محمد said...

مبروك يابلية

منعنى من زيارتك اسبوعين فى المستشفى ياريس


انا دلوقتى بقى بلية

وماليش دعوه انتى لازم تظبطيلى مدونتة زيك كدة عاااااااااااا

ملحوظة

يوسف معاطى من بلدنا

سويسى يعنى
وبرضه محمد رضا واسماعيل ياسين
رحمهم الله

عوووووووووووووووو

حسن حنفى said...

كل سنه وانتي طيبه

وعيد سعيد

حبيبة الروح said...

هتيجي امتي بقي
كل ده غياب
وحشتيني

حبيبة الروح said...

نسيت اقولك مبروك يا حبيبتي علي نشر اخر اصدار بقي
مبروك يا قلبي

Maha Shahen said...

انتى كفايا اصلا انك كتبتى البوست دا وهو دا اجمل شيء عملتيه لينا
شخصيتك جميله خالص بس حساكى نونو صغير مش علشان بتقولى لمى يا ماما لا
بس عامة ميفرقش السن زي ما قولتى الاهم العقل والتفكير

المرور دا للتهنئه بالعيد

كل عام وانتم بخير... نظرا للظروف الأقتصاديه وارتفاع الأسعار هذه التهنئه صالحه لمدة سنه وتشمل: عيد أضحى _ تعيين _ ترقيه _ نجاح _ سنه جديده _ مولود _ نقل _ زواج ... الخ

!!! عارفة ... مش عارف ليه said...

مبروك النيو لوك
كلاكيت تاني مرة

وكل سنة وانت طيبة

وعيد سعيد عليكي إن شاء الله


تحياتي
وليد

Ahmed Al-Sabbagh said...

كل سنة وانتى احلى واطيب كيكى عوو فى الدنيا
وعيد سعيد عليكى وعلى الاسرة

RaRa said...

♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒
▒♥▒▒♥kol Sana w antom Tayebeeeeeen♥▒▒♥▒▒♥▒▒♥▒▒
♥▒▒♥▒▒♥عـــــيــــد سـعـــيــــد ♥▒▒♥▒▒♥▒▒♥▒▒♥▒▒♥
▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥

rovy said...

كل سنه وانتى طيبه يا كيكى
ياارب عيد سعيد عليكى و على كل الامه

كل عام وانتى الى الرحمن اقرب و على طاعته اقدر


وحشاااااانى

ياسر said...

ستي ياستي ستي اهي اهي
غطسانة فين عاوز عيدية بقي
مليش دعوة عيديتي
اذيك ياكيكي فينك كل دة
يارب خير يارب عيد سعيد عليكي
وعلي كل احبائك يارب يارب
والسنة الجية يارب تحققي كل احلامك
يلاا ياستي الحاجة جهزي السكاكين
الخروف كل شوية يهرب مني دوخني
في الشارع ههههههههههههههههههه
تحياتي
عووووووووووووووووووووووووووووووو

ياسر said...
This comment has been removed by the author.
mohamed ghalia said...

كل سنة وانتى طيبة
عيد سعيد عليكى وعلى كل أحبابك
دمتى فى حفظ الله

Anonymous said...

كل سنة وجميعكم بخير

كل سنة وجميعكم فى سعادة وهناء

كل سنة ونحن أوثق وأقرب

جمعنا الله معا على عرفات

نعكشة said...

الشكل الجديد عسول

عاجبني قوي اللون الاحمر اللي ورا

ربنا يجازي ماما مي خيرا

.............


كل سنة وانتي طيبة
عيد سعيد
يا رب السنة الجاية علي عرفات
امين

سلام عليكِ

semsem said...

.•*´¨`*•.¸¸.•*´¨`*•.¸¸.•*´¨`*•.¸¸.•*´¨`*•.¸¸.•
::: (\_(\ ...*...*...*...*...*...*...*...*...*...*...*...*
*: (=' :') :::::::: Happy Ad7a :::::::::::
•.. (,('')('')¤...*...*...*...*...*...*...*...*...*...*...*
¸.•*´¨`*•.¸¸.•*´¨`*•.¸¸.•*´¨`*•.¸¸.•*´¨`*•.¸¸.•

kochia said...

(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)

كيكى عوووووو said...

ميرسى كتير على تعليقاتكم الى زى السكر دى وكل سنة وانتوا طيبين
عوووووووووووووووووووووو

Diyaa' said...
This comment has been removed by the author.

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket