Tuesday, January 20, 2009

حلم غير تقليدى!!

Tuesday, January 20, 2009

لم تكن تحلم مثل باقى رفيقاتها بالحلم التقليدى ...الفارس المنتظر الذى سوف ينتشلهم من وادى الضياع الى بر الامان كما
يظنون!!1 بل كان حلمها أبسط من ذلك ابسط مما تتوقعونة أنتم الان؟.......................؟
ذات يوم استيقظت(....) من نومهاكالمعتاد على صوت أبيها يتشجار مع أمها على اى شئ لاتفة الاسباب هو يثور" فكان هو المنبه البشرى البغيض" الذى يذكرها بيوم أخر ستحيا نصف أدمية بلا مشاعر فقد حولها أباها الى تمثال متبلد المشاعر فلم يكن بينهم يوم اى حوار اواذا كان فهو لايتعد بضع دقائق يذكرها فى ان زفافه من امها غلطة حياتة وانها "المسخ الذى أتى لينغص عليه حياته اكثر فكان كثير الدعاء عليها من ورائها او امامها!!..هى لم تعد تتأثر بكلامه مثل الماضى فقد أصبحت أقاويلة مثل سيفونية قديمة كريهة المقاطع حفظتها عن ظهر قلب...فلا امل لديها ان يغير العازف مقطعوته فهو لان يمل ابدا مادامت تروق له حتى اذا مات المستمعين فهو مستمتع بعزفها حتى الرمق الاخير...

...عندما كانت تزور صديقتها المقربة لها ووسط حديثهم طرق باب الغرفة ودخل أبا صديقتهافهو كان مسافر من عدة اشهرفما كان من صديقتها الا انها جرت عليه واحتضنتة بشدةوهو قبلها وبكوا. نظرت اليهم بشرود وأستنكارفهى لم تفهم ماذا حدث..حدثت امها عن ما راته وتسألت:هل يوجد يا أمى أبا يحضن أبنتة؟مامعنى هذا الحضن وماذا يشعرون؟ فما ماكان من امها الا ان حضنتها وبكت
..هى لم تفهم ايضا لماذا بكت امها وتركتها تعزف مقطعوتها هى الاخرى من سوء الاختيار الى نهاية المقطوعة المعتادة
ذهبت الى غرفتها لتنام وما أن اوشك ان يداعب النوم عينها وجدت باب غرفتها يطرق استغربت بشدة فانها تعلم ان امها
الان فى سبات عميق وسط تفكيرها يدخل رجل اصلع قصير وملئ بنظارةو يرتدى ملابس تشبة ملابس الرجال وقت الثلاثينات كانة خارج من متحف الان يقترب من فراشها ويمسك يديهاويعطيها مريلة مدرستها القديمة ويشير اليها بالخروج فما كان منها الا ان لبستها ولم تفكر كيف سوف تخرج هكذا فى منتصف الليل مع رجل غريب وكيف ترتدى هذة المريلة وهى بالغة الان لم تفكر فى شئ قط فقط ارتدتها و فردت شعرها الى نصفين دائما كانت تحب هذة التسريحة لكن اباها كان يمنعها أستعجلها الرجل بالرحيل قبل ان تذهب له بحثت عن دميتها المفضلة التى خبئتها منذ زمن عن اباها حتى لا يمزقها امسك يديها واخترقوا الجدار وجدت نفسها فى طريق مدرستها القديمة التى احبتها دوما اوصلها الى باب المدرسة وقبل ان يدخلها اعطاها شيكولاتة فهى تهيم عشقا بها واحتضنها بشدة وهى ايضا احتضنتة بشدة وبكت اشار اليها بجرس الحصة الاولى نظرت الى المدرسة ثم أعاد ه النظر الية وجدته أختفى ثم اعادت النظر الى المدرسة وجدتها ايضا اختفت لكن صوت الجرس يزداد بشدة وقسوة جعلها تئن فى صمت فهى تعلم الان مامصدر صوت الجرس انة منبهها البشرى البغيض لا لم تعد تتحمل الالم بعد الان صرخت بقوة أتت الام الى غرفتها مسرعة تحاول أفاقتها بشتى الطرق لكن دون فائدة أحضرت الطبيب حاول أفاقتها لكنه ايضا لم يفلح أصبحت هكذا طريحة الفراش واصبح أمر أفاقتها ميؤوس منه .
هى تخشى أن تفتح عينها حتى لا تفقد ايضا أبا أحلامها فهى فى أنتظاره كل ليلة....
(لكنهم لا يفهمون)




71 comments:

Lady E said...

هو فعلا حلم غير تقليدي

عارفة يا كيكي نفس الاحساس بحسه ساعات

-هى تخشى أن تفتح عينها حتى لا تفقد ايضا أحلامها-

بجد بوست راااائع جدا يا كيكي تسلم ايدك

Lady E said...

هييييييييييه انا اول وتاني كومنت

اتخديتي :))))))

Lady E said...

يــــــــــا أهلاويـــــــة

أيـــــــــن انتي وليه مختفية؟؟؟

حسن حنفى said...

ياه

مين منا مش عدي عليه لحظه بيكون خايف يفتح عينه علشان الحلم اللي هو فيه مش ينتهي بس مش اعتقد ان دي طريقه لحل المشكله

بس في حالتها للاسف مش لاقي حل ليها ممكن تعمله غير اللي هي عملته

ربنا يكون في عون اي حد ليه نفس وضعها مش اتمني اني اجربه يوم

ريمان said...

هى تخشى أن تفتح عينها حتى لا تفقد ايضا أحلامها



انا كده والله وساعات بخاف اصلا اقوم من النوم


وساعات برضع بخاف انام عشان الكوابييييييييس


مممممممممم

بس فعلا يا بت يا كيكى آباء مش بيفهموا والله


انتى فين يا بت

وحشانى

عبرينا طيب

ولا نسيتينا

شفـقــة و إحســــان said...

ايه يا بنتى القصة الحزينة دى مش متعودين على كده يا كيكى
بس بجد محكمة جدا ونهايتها تحفة
تحياتى

همس said...

ايه القصه الغم دى

هى اى نعم حلوة

بس مالنا قلبنا غم اليومين دول


وحشتينى يا بطتتى ابقى طمنينى عليكى وخلينا نتقابل على الايمل

فى انظارك يا نوحى

romansy said...

ولكن الاحلام هى الامل لها فى تلك الحياه ولكنها ستجد من تبحث عنه حتما
اذا كانت الامال تسكنها

محمد عتلم said...

مفاضلش عندها غير الاحلام ..
يعنى تفتح عنيها وتشوف ابوها وامها اللى مبهدلين حياتها ليه

Unknown said...

انا مش هعلق يا كيكى بس انتى اكيد عارفة انى بعيط دلوقتى.....بجد بجد القصة مش تقليدية خالص نهايتها حلوة اوى اوى والطريقة كمان اى نعم فى اخطاء لغوية بالهبل بس دة ميمنعش انها ساحرة فعلا والله....انا لسة صاحية من النوم دلوقتى حرام عليكى حد يصحى من النوم يعيط كدة

مذكرات مشاغب said...

جميله اوي اوي القصه دي
انا عن نفسي حسيتها اوي اوي
والفكره بتاعتها جميله اوي
والنهايه ماساويه
بحب انا النهايات دي
انا قريت كام موضوع برده قبل كده
يعني هو انتي يا تكتبي حاجه تفطسنا من الضحك يا اما حاجه تخلينا نزعل ونكتئب
ما علينا
القصه روعه باكد على كلامي تاني

تحياتي

blue-wave said...

الله الله عليكى بجد

simply me said...

هى صحيح قصه بؤس
بس اسلوبك فى كتابتها جميل

Unknown said...

ياااه انتي دبحتيني بالحكاية دي بجد
حلمها أن يكون لها أب حنون كتلك الفتاة
في أبهات فعلا كده الحمد لله على نعمة الأب الحنون والله ده احنا في جنة وياما اتمنى غيرنا يوصلها
بوست مميز وإن كان مؤلما حقا
تحياتي

منى said...

ما اقسى القصه
وما اقساه من اب
ليته يشعر يوما انها تمنت ان يكون لها اب رغم انه دائما معها
ليته يدرك انها تفضل خيال ياتيها لبعض ثوانى فى الحلم
على حقيقه بشعه تحيا معها وتلازم اوراقها الرسميه
لعله يعلم
ويشعر
كم كنت رائعه صياغتك
سلمت اناملك ومشاعرك عزيزتى
تحياتى

Tamer Nabil Moussa said...

قصة واقعية وموجودة فى الكثير من البيوت ولكن من يعشها علية الا يياس وان يتمسك دائما باالامل فى غد افضل

تسلمى كيكى على القصة

وخلينا نشوفك

تحياتى

حبيبة الروح said...

ايه ده ايه القصه القاسيه دي يا قلب ماما صعب اوي يا كيكي بجد
بس تصدقي اسلوبك القصصي طلع تحفه بجد
بج جميل جدا واقعي جدا حزين جدا يا رب حنن قلوب كل الناس يا رب
كيكي بحبك اوي
ماما مويا

dodda said...

ولا هى حتفتح ولا هم حيفهموا....

:(

ادم المصرى said...

واااااو جمده مووووت

بجد وحزينه جدا بس اكيد معظم من له قلب يخشى ان يفتح عيناه

حتى لا يزهب الحب والامل من عينيه ويتسرب منها

قصه جميله جدا

اتمنالك التوفيق

وبجد سعيد بوجودى فى مدونتك ومستنى زيرتك

princess said...

بس المشكلة انها هتضطر تفتح عينيها وبتبقى لحظم متتوصفش فى كلام

Gannah said...

كيكى
فعلا انتى كده مختلفة جداااااا
القصة تكاد تكون واقعية جداا بنهاية غير تقليدية
لحظة تعجبها عند احتضان صديقتها لابوها العائد اذهلتنى فهى تعبير عن فقد للمشاعر بصورة رهيبة
لدرجة التعجب انها موجودة فى الدنيا
لا عايزين قصص كتير بقى
القصة غير تقليدية بجد
بس محتاجة تتراجع علشان فيها شوية اخطاء لغوية
تحياتى

المـــفـــــــقــــــــوعـــــة مــرارتـهــا said...

انا مستنياكي في المعرض ياجميل
لازم تيجي ياكيكي
ماشي؟

دعاء مواجهات said...

اية يابنتى الجمال دا كلو

بجد ولا اجمل ولا اروع

فكر وفلسفة

وقصة ومناظر

اية بس التحفنة دى

بجد حلوة اوى يابنتى

بيس ياقمر

طوبه فضه وطوبه دهب said...

ما اكثر ما نهرب من الواقع بقسوته الى الخيال برقته وعذوبته ولكن لو كان هذا يجدى لاغمضت الدنيا كله عينيها وما فتحتها ابدا لاغمض اهل فلسطين عيونهم وحلموا بلحظه تحريرها لاغمض الطالب عينه وحلم بلحظه نجاحه اخر العام ولكن مهما كان الواقه مر فالامر ان نغمض عيوننا عنه ولكن يجب ان نواجه ونتحدى حتى نستطيع ان نغير ما كان تحياتى على اسلوبك الجميل ونورتى مدونتى ياقمر

كيكى عوووووو said...

نونتى حبيبتى
************
انا هنا يازمالكوية!!
أحساس رهيب انك تخافى تفتحى عينك عشان احلامك مضعش منك!!!
عووووووووووووووو

كيكى عوووووو said...

ابو حنفى السكرة
**************
هو هروب مقدرش انكر!!
بس المشكلة ان مفيش حل تانى!!
يارب عمرك ما تجربة لانه صعب اوى
عووووووووووووووووووو

كيكى عوووووو said...

ريمان صاحبتى
*********
همه مش بيفهموا....همه مش بيحسوا!!
********************
انساكى ازاى..هى بس فترة تناحة وتعدى
نلتقى ..بعد التناحة
عووووووووووووووووووووو

كيكى عوووووو said...

شفقة
****
فينك ياوحشة مختفية فين بس!!
ربنا يخليكى..واظهرى لاحسن اسلط عليكى ولاد ابو اسماعيل
عووووووووووووووووو

كيكى عوووووو said...

هموستى
******
وحشتينى اوى والله
معلش انى غميتك بس سنه الحياه بقى
اييييييييييييية دنيا
افتحى انتى بس اون لاين يانوح النوح
عووووووووووووووووو

كيكى عوووووو said...

رومانسى
************
اذا كانت الامال تسكنها
معتقدش ان عندها امال اساسا
نورتنى
عووووووووووووووووووووو

كيكى عوووووو said...

محمد عتلم
**********
ازيييييييك؟
**************
هى مش عايزة اى حاجة منهم غير مجرد
*حضن*
مش اكتر من كدة
عووووووووووووووووووووووو

كيكى عوووووو said...

انتيختى
*********
أجبلك منديل يا اختشى والله
؟؟
مقدرش على عياطك ابدااا
بس يلا احنا فى الهوا سوا
عووووووووووووووووووووووو

همس الاحباب said...

سبحان الله اللى يشوفك ما يشوفش القصة دى اطلاقا
اوعى تكونى نمتى من غير عشا
احسن عارف اكتر حاجة تزعلك من الناس انك تباتى من غير اكل
ههههههههه
بجد تسلم ايديكى
وربنا يستر علينا
عووووووووو

""""" said...

اكتر مشاكل الحياه اللى بتأثر فيا هى مشاكطل الابناء مع الاباء
سواء اب او ام
بس دا اولا واخيرا قدر
مش شايفه حل غير انها ترضى بقدرها
دا فى الاخر ابوها
ومهما غمضمت عنيها هتصحى تلاقيه هو ابوها الحقيقى
ابا الاحلام ملوش وجود فى الواقع ومش هيغنيها عن وجود اب حنون فى الواقع
دا غير اننا بنعذب نفسنا بالاحلام
مفيش احسن من اننا نعود نفسنا على واقعنا ايا كان
ومهما كان مؤلم
بالتعود هنقدر نعيش

ReEm said...

بالنسبة لي يمكن مالقتيش اب احلامي بس مش متشائمة ممكن ربنا يعوضني بزوج احلامي يكونلي في جزء منه حب الاب اللي اتمنى و اقدر اخليه لبنتي الاب اللي كنت بتمنى يكونلي

لازم الواحد يشوف الامل في كل حاجة

و حشانا اوي ياللي بتحبي الغياب

msafa said...

رائع الشغل ده بسيط ومفهوش اى تكليف وماليان مشاعر انا بعشق الحاجات دى اوى
حلو اوى جو الحلم والبحث عن المفقود

مـجـنـووون said...

لو بطلنا نحلم نموت

لأزم نحلم ونحاول نحقق حلمنا لأن من غير كده الدنيا ميبقاش ليها طعم


تقبلي مروري
مجنووون

ريمان said...

وحشانى يا بت


اخبار التناحه ايه

ههههههههههه

البت المشمشية حلوة بس شقية said...

كيكى ام عووووووووو
انا ركزت اوى على النهاية انا عجبتنى اوى االنهاية مش متوقعه

محمود حسن العدل said...

السلام عليكم ورحمة الله وبركاتة
كيكى بوست جميل اوى بيعبر عن حاجات كتير جوانا
بجد برافو عليكى
والعنوان فعلا فى الجوان حلم غير تقليدى
ثانيا
انتى فين بقى من فترة مقصرة كتيرررررررررر اوى
تحياتى اختى الغالية
الف تحية لشخصك الكريم الف تحية

محمود حسن العدل said...

كيكى
ههههههههههههههههههههه
سورى اصلى شوفت تعليق مووووووت على روحى من الضحك علية
اظاهر ان انتى وريمان اصحاب اوى
هههههههههههههههههههههههه
ريمان بلاش بلاش كله الا اختى كيكى
اختى كيكى انا بضحك معاكى بس حبيت اعلق على تعليق ريمان
تحياتى الى احلى اخت ليا

رئـــــيسـة حزب الأحلام said...

ازيك ياكيكى
عاملة ايه يارب تكونى بخير ان شاء الله
قصه حزينه جدا وفيها احاسيس جامدة جدا بس بجد اتأثرت من استغراب البنت من الحضن الابوى بجد احساس جامد اوى
تحياتى لكى ياقمر

M.a.r.y.o.o.o.m said...

بصي انا لسة مقرتش التوبيك بس اول حاجه قلت اقولك وحشتيني جدا ووحشتيني موووووووووووووووووووت وبعدين هقراه براحتي

M.a.r.y.o.o.o.m said...

بصي حلوة جدا جدا
واعتقد برضه ان الاباء والامهات بيكونوا السبب في اي حالة نفسية تحصل لأبنائهم بس برضه العكس صحيح

Unknown said...

عارفة يا بت يا انتيختى لو اللى قلتيلى عليه دة حصل؟؟؟ عارفة لو جيتوا ومشيتوا على طول هعمل فيكى ايه؟؟؟ عارفة يا بت؟؟؟ عارفة؟؟؟ هموتك يا انتيختى...همووووووووتك على الله تعملى كدة يا انتيختى والله هعلقك انتى حرة بقى...انا حذرتك اهو وانتى حرة بقى

Abd-Alrahman said...

كي كي
ازيك اية فينك محدش بقي بيسمع صوتك يعني ولا عووووو
ولا الكبريت ولا اي حاجة
اخبارك
البوست جميل اوي
جميل ان في بنات بتفكر بالشكل دة
وبتحلم احلام زي كدة

مستني زيارتك بس من غير كبريت عشان خاطري

عايز اشوف تعليقك ع البوست الجديد

الصيدلي المطحون

!!! عارفة ... مش عارف ليه said...

هكذا تكون الأحلام

نرغب من خلالها في تحقيق ما نتمنى

ونرى العالم بألوانه التي نعشقها

وتتراوح الوانه بين الأبيض والأسود

بين الأحلام والكوابيس


حلم جميل .. وقصة أجمل
لواقع قطعاً ليس بالأجمل



دومت مبدعة
وليد

Muhammad Mammdouh said...

من اروع ماقرءت

ساره said...

انااول مره هنا

والله برافو عليك بجد قصه اكثر من رائعه والنهايه تحفه

تصديقى ياكيكي انا والله جسمي قشعر من الحلم

اصل اختك خوافه شويه

الاسلوب والوصف تستاهلين
10/10

zOzO said...

وحشتيني اوي والله
الحمد لله خلصت امتحانات امبارح بس
دمتي بخير

مدحت محمد said...

ازى معاليكى

كويس اوى انها تحلم

marmar said...

كتير مننا بيحاولوا يكملوا حلمهم بالطريقه دي نهايتها محزنة اوي بجد
بس بجد يا كيكي قصه جميله جدا جدا ومؤثره ومعبره اوي
دمتي في حفظ الرحمن

التائب said...

السلام عليكم ورحمه الله وبركاته
سيدتى
تسمحى ان اصف لكِ موقفى الان
تصفيق حار جدااااا مع رفع القبعه
ابدعتى واحسن ابداعك
دمتى بكل خير
ومن الله اقرب
والله الموفق

Soooo said...

قصه حلوه بجد
واحساسك فيها عالي جدا
بس لو خدتي بالك من تسلسل الاحداث نفسها ولعبتي عليه شويه .. هتبقى قصه قصيره ولا أروع

يعني لو عملتي الجزء الأول باستفاضه اكتر .. وجبتي أكتر من موقف لحوارها مع باباها .. كان هيبقى أوقع على القاريء انه يستغرب زيها لما شافت صاحبتها وباباها بيحضنها

ولو كنتي اهتميتي بتفصيلة تانيه وهي بتحكي الموقف لأمها .. زي انها بعد ماخدتها في حضنها .. سمعت ابوها بينادي مثلا قامت اتكهربت وهي حاضنة البنت .. وبكده يبقى بتأكدي على حالة الخوف والفزع منه

بس القفله حلوه .. وفيها حاجات كتير مفتوحه لخيال اللي بيقرا
بجد عجبتني قوي


ملحوظه
موضوع الزمالك فظيييييييييييييييع

ملحوظه تانيه
انا سمعت سمع خير انك نجحتي
الكلام ده صح؟؟
ولو صح .. فين الحلاوة ؟؟؟؟
عايز بيبس وشيكولاته كادبوري من اللي على جمب المدونة دي





سلامووووووووووووز

حسن حنفى said...

ايه البوست ده مش راضي يتغير

:(

يلا شدي حيلك علشان تنزلي بوست جديد

rovy said...

ايه ده يا كيكى
كنتى مختبيه ده كله فين !!
بجد حلوه قوى
احساسك كمان عالى جدا
القصه مؤثره و واقعيه بعض الشىء اذ ان نموذج هذا الأب موجود مع الأسف فى مجتمعاتنا ..
كمان النهايه حكيمه جدا

بجد تسلم ايديك

تحياتى و ودى

Tamer Nabil Moussa said...

ازيك ياكيكى

اخبارك اية

فى انتظار جديدك

تحياتى

أبو العريف said...

والله انت اللي غير تقليديه
وكل حاجه بتعمليها بتبقي غير تقليديه

ريمان said...

كيكى

الف مبرووووووووووك يا حبيبتى


لولولوولولوولىىىىىىىى


اخيرا بقه التناجه راحت

هههههههههههههه

مبروك حبيبه قلبى

وادى كمان زغروطه

لولولوولولولولىلىىىىىى

oRiGiNaL HeArT said...

بوست غير تقليدى يا كيكى زى الحلم بردو
عجبنى البوست اوى
وانتى عبرتى فيه كويس عن مشاعر البنت دى
فكرتينى بحلم ليا غير تقليدى برو :(

محمد عتلم said...

ازيك
مبروك على النيو لوك

أحمد بكر said...

!!!!!!!!!!!!!!!!!!! ؟؟؟؟؟؟؟؟؟؟؟؟

ولد مصري said...

يا رب يا ساتر

الواحد مش عارف يبتدي منين

من البوست ده ولا من البوست اللي قبله بتاع الزمالك

وكمان اهلوية وبتشتمي في الزمالك هو يوم باين من أوله شكلي كده هرجع السجن تاني

ولا اقولك بلاش نخلينا في البوست ده أحسن

بوست فعلا رائع واسلوب جميل بيعبر عن حرمان بنت من احاسيس اب مجرد من العاطفة

فعلا كلمات جميلة

نصيحة: خليكي في الأدب وسيبك من الكورة وحصص الألعاب

تحياتي

Anonymous said...

اعيط ولا ايه بأه دلوقتي ان شاء الله؟؟؟

هو انا ناقصااااااااااااه؟؟
اطلع اجري منك واصرخ ولا ايه؟؟

:(

مها ميهوووو

الحرامي said...

كيكي
انا قررت اتوب وارجع المسروقات لاصحابها
وبما انك اول حد اسرقه
يا ريت تشرفيني يوم التلات اللي جاي او اي تلات
الساعه تلاته
ويا ريت تجيبي معاكي تلت شهود
عشان تستلمي المسروقات
هعد من واحد لتلاته
انت لسه ما جتيش

حمادة زيدان said...

كيكي كيكي كيكي كيكي كيكي كيكي كيكي


أزيك يا بنوتة أخيراً عدنا ورجعنا بخير والحمد لله

القصة قريتها بعد العملية بكام يوم فاكرة والبنج عمل عمالية وكانت عاملة زي ما تكون لغز
مممممممممممممممممممممممممممممممم

لكن قريتها دلؤتي ياةةة فكرتها حلوة جدا ... البنت صعبت عليا اوى وحسيت بالمعاناة اللى هي فيها ... ياةة الاحتياج للعطف من الاب او الام أو حتى من الأخوة بيكون صعب جداً خاصة لو الاب كمان عايش ...

هي اختارت عالمها الافتراضي وهربت من عالمها الواقع

تماموز يا كيكي
وتجربة موفقة جداً وأتمنى لكِ التوفيق من جوة قلبي يارب
سلاموزات كتير اوى

كيكى عوووووو said...

مذكرات مشاغب
*************
دة حال الدنيا للاسف
نورتنى بجد


*************
دكتور
***********
والله منورنى دايما




************
بندقة العسل
************
فعلا بؤس أوى..بس نعمل أية قدر ومكتوب
ربنا يخليك ويسعدك



**********

كاتب مصرى
************
ومابعدها نعمة كتير مش حاسين بيها!!!




*****************
منى
*********
ليته يشعر بها يوما



***************
تامر نبيل
**********
غد أفضل
!!!!
عووووووووووووووووو

كيكى عوووووو said...

*********
ماما مى حبيبتى بجد وحشتينى أوى
***************
يااااااااارب
بحبك أكتر


***********
dodda
********

جبتى الخلاصة أنتى
نورتنى


************
أدم المصرى
*************
يتسرب منها..وتضيع كل أحلامها




************

برنسس
************
لو فتحت بقى
.............
............
.............
**************
عوووووووووووووووو

كيكى عوووووو said...

جنة
****
الدنيا فيها كتيررررر اوى بس أحيانا مش بيتشاف



**************
سحر غريب
********
كان نفسى أكون معاكى بجد ربنا يسعدك يارب
**************

دعاء مواجهات
**************
فلسفة الاحتياج!!!




*************
طوبة ذهب وطوبة فضة
*****************
أنه هروب الرحمة



******************
همس الاحباب
************
ربنا يستر على الكل



**********
أيمييييييييييل
**************
هى مقدرتش تسحمل أكتر من كدة
وحشتينى



*************
ريم
****
طب كويس انها قدرت تحلم..بس اكيد معندهاش أمل
والله بتوحشينى اكتر ربنا يسعدك


*************
msafa
********
ما اصعب البحث عن مشاعر مفقودة
!!!
نورتنى

**************
مجنوووووووووون
**************
بس هى خلاص حبست نفسها فى جو الاحلام



*************
ريماااان صاحبتى
***********
بتسلم عليكى يا اختشى
امواااااااة
عوووووووووووو

كيكى عوووووو said...

البت المشمشية
*************
الى معاة اب زى دة اكيد يتوقع اى شئ


**************
محمود حسن العدل
***********
ماأقساها أحتياجات نبحث عنها

انا الى ليا عتااااااااب كبير عندك مش بتفكرنى خالص
اة اصحاب انا وهى اصلى بعيد عنك كنت بقالى فترة متنحة اوى اوى
ولايهمك ياخويا منورنى دايما


******************
رئيسة حزب الاحلام
**************
اكيد صعب اوى اوى انها تفقد مشاعر زى دى
نورتنى

********************
مريووووووومة
*************وحشتينى اكتر والله
عندك حق..ربنا يرحمنا



*************
أنوج انتيختى
*************
للاسف حصل عااااااااااا
وحشتينى بجد اوى


*************
عبد الرحمن
********
أحلام نادرة الحدوث



**************
وليييييييييييد
***************
قطعا ليس بأجمل



**************
mo7amed
************
نورتنى وربنا يخليك ويسعدك



************
سارة
*********
أكيد جسمك قشعر لانك شكلك رقيقة..وهى عايشة فى كابوس



**************
زوزو
*******
وحشتنى اكتر والله بالنجاح يارب


*************
الاسطى بتاعى سابقا
***************
تصدق ايوة ..كويس انها لسة بتحلم





****************
مرمر
العسل
**********
للاسف اة






*************
التائب
***********
على اية بس!!
والله مش عارفة اقولك اية بس ربنا يخليك ويسعدك يارب



***************
sooooooooooooo
*****************
عم الشباب الرياضة الى يشوفنا ومايعرفناش!!!
بقالك قرن ياجرع مجتش هنا وقالتى نصائح ذهبية

أيوووووووووووووووو عليك ياجدع فينك بجد من زمااااان ملاحظاتك فى محلها
**طب كويس ان بوست لازمالك فظيييييييييع ومريع وشنيع كع كع كع**
ايوة نجحت بس مفيش ولا شيكولاتة ولا بيبسى عشان معرفتنيش
اهى اهى اهى
ابقى ياااااااريت تغلط وتعالى تانى عندنا ربنا يارب يسعدك ياسوووو ويهنيك يارب




****************
حسن حنفى
************
مش عارفة اقولك اية بجد على اهتمامك دة والله
عموما انا نزلت جديد





***************
روفى
***********
للاسف فى مجتمعاتنا




*************
تامر نبيل
************
تمام الحمد الله وانت ياخويا؟؟







*****************
أبو العريف
*************
والله ..ربنا يخليك ويسعدك بجد بجد دايما منورنى




***********
ريماااااااان صاحبتى
**************
عقباااااااااالك يارب
واى زغروطة بشرة ان شاء الله
لولوولولوولىىىىىىىىى






******************
أرجينال هااااااااارت
****************
حبيبتى بجد وحشتينى اوى
ياااارب ميكنش حلم صعب زى دى ويارب يحقق كل احلامك
وحشتينى بجد


***************
محمد عتلم
***********
الحمد الله
الله يبارك فيك ويسعدك




**************
بيكررررررررررررر ...صاحبى
**********************
لا ياراجل لسة فاكر تيجى وكمااااان فاقد النطق عموما هارد عليك انا
......................
......................
؟؟؟؟؟؟!!!!!!!
*********************



ولد مصرى
**************
فعلا مجرد من العاطفة
**يعنى فلحت انا فى الادب!!!



**************
أحسن تستاهل
*************
يعنى متجيش غير فى دة
طب معلش متعيطش طيب





*****************
الحرامى
**************
طب ..قشطة اوى اوى



****************
حمادة زيدان
*************
حمد الله على السلااااااااامة
اةةةةة فاكرة وكنت مفروسة منك اوى
تصدق صعبة اوى فكرة اليتم وهما عايشين
حمد الله على السلامتك للمرة4425
عوووووووووووووووووووووووو

мαησηα said...

هى تخشى أن تفتح عينها حتى لا تفقد ايضا أبا أحلامها فهى فى أنتظاره كل ليلة....
(لكنهم لا يفهمون)


:( ماكنتش اعرف انك بتكتبى حلو اوى يا كيكتى ... بجد تحفة مالهاش حل

سلم ايديكى ...

ربنا يطبطب على قلبك

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket