Saturday, May 23, 2009

ورقة امتحان+ تحديث مهم جدااااااااا الحقونى بسرررعه+تحديث تانى عشان سول

Saturday, May 23, 2009
( التحديث تحت مهم جدااااا)
السؤال الاول اجبارى
****************
اولا التعبير المبعبر
**************
فى ظل وفاه حفيد الرئيس مبارك رحمه الله علق الرئيس اوباما قائل الا بذكر الله تطمئن القلوب واوصى بعمل قرص رحمه ونور واطلاق اسم مدرسة بولاية شيكاغو على اسم الفقيد رحمه الله فى ضوء ذللك

اكتب لا يقل عن 555 سطرا فقط عن العلاقات الامريكية المصريه وقوتها وقت المحن

قارن بين قصب السكر ومحسن ا لسكرى وخصائص كل منهم؟

ماهو مفهومك السياسى لفيفى عبده؟

أين يوجد ممدوح اسماعيل؟ ثم اذكر اسم صاحب العقار ورقم الشقة ورقم تليفونه الخاص؟

السؤال الثانى

************

من القائل.............؟

..أبص لروحى فجأة - لقيتنى كبرت فجأة تعبت من المفاجأه ونزلت دمعتى قوليلى ايه يا مرايتى قوليلى ايه حكايتى تكونشى دى نهايتى واخر قصتى (.....)

****

(.......)أيييييييييييييييييييييييييييييييييييييييييييييييييييييييييييييييييه

***

(....)سيد ياسيد سيد جيت احبه وسيد وسيد

ليك الواو بوس الواو خلى الواو تصح(.........)

**********

النثر والنصوص

***************

القصيد ة الشعرية العنب العنب احمر اخضر.. اختلفت عليها مدرستين

المدرسة الاولى باع ورور نسبه لصحابها بعرور

المدرسة الثانيه السعادة صغننه نسبه لصحابها سعد الصغير

وضح اوجة الاختلاف ولاى مدرسة تنتمى ثم اكمل القصيدة

********************

من قصة الكفاح من اجل العيش

**************

ذهب تامر لطابور العيش سنة 1999 فى البداية رفضت امه هذا المبدا ولكنه اغفلها فى الليل وذهب البطل ليقلى مصيره المحتوم...فى ضوء ذللك اجب

متى رجع البطل سنة2005 -2009 ولا مرجعش خالص..ماذا كان يرتدى ما اسم امه؟؟

اكتب قصة لاتقل عن سطرين عن هذا البطل التاريخى

*************

النحو

********

اعرب كلمة شنكوتى وضعها فى جملة

البانجو دة مش بتاعى والله برئ يابيه الذنب ذنب اصحابى همة الى رمونى عليه

استخرج مفعول به /مبتدا/خبر/ توكيد لفظى

********************

***بكرة عندى امتحان وكتاب المادة ضايع ادعولى امتحان زى دة يجئ بكرة**

ومحدش يزعل منى الايام ديه استنونى بس بعد الامتحانات



عااااااااااااااااااااااااااا
يااااااااااااااااااااااااااااااااااارب
*******************
التحديث**:انا عمرى فى حياتى ما طلبت منكم طلب!!بس الطلب لو هينقذ روحين هيبقى ضرورى جداا بالله عليكم يا اخواتى لتنفذوا الطلب دة للروحين دول وروح منهم بتنزف وهى اختنا فى الله همس صاحبة مدونة مصرية لكن متغاظة اند مفروسة والروح تانيه انا حيث لا اقدر ماديه فى شراء والعياذ بالله بنطلون لزوم الجهاد وهى دعوة للارض الطاهرة دريم بارك لكل الناس بس المشكله منعرفش منظم محترف ينظملنا يوم الجهاد دة يعنى اخوانى الى يقدر يتبرع بالمجهود دة له الاجر والثواب عند الله بس يحدد اليوم بعد عشر ايام نظرا لظروف اخواتنا المجاهدين فى سبيل تللك الملعونة الامتحانات اخوانى لاتنسونا من دعائكم
اختكم فى الله طاهرة كيكى شلاطة سابقا
لاتنسوا البنطلون
تحديث تانى عشان سول مفهمتش انا عايزة اية**بأختصار انا وهمس عايزين نروح دريم بارك والدعوة مفتوحة للكل بس مش لاقينا حد ينظملنا اليوم
عاااااااااااااااااااااااااااايزة اخررررررررررررررررررررررررررررررررررج
ارقع بالصوت

44 comments:

مسدس صغير said...

انتى عايزة امتحان زى ده؟؟؟؟؟
ههههههههههههه
دا انتى كارثة
طب اعربى بقى
مراتى عايزة كرانشى.
اعربى الجملة
وبينى ما اذا كان الكرانشى من ابو نص او من ابو جنيه او عائلى؟؟
ههههههههههه
ربنا يوفقك فى الامتحان
ويفوقك من التهييس

حسام غانم said...

ههههههههه

امتحان جاااامد جدا

Lady E said...

ربنا يوفقك يا حبيبتي

مش هقول بوست جميل لأنه اجمل من الجميل

دينا حامد said...

والله قتلتيني من الضحك
فكرتيني بامتحان النحو اللي ندي بعد 3 ايام :((
والله لو اللغة كدة اقسم بالله الكل كان يختار دراستها وكلهم مع مرتبة الشرف :D

ربنا يوفقك في الامتحان وتفوقي وتقدري تحلي :D

تحياتي

محمد عتلم said...

لا اله الا الله
البت كيكى ضربت يا جدعاااااااااااان
يا ساتر استر يا رب
لا حول ولا قوة الا بالله

mimi said...

ميوشا حبيبتي .. الامتحان ده صعب جدااااااااا ... وبعدين الوقت مش مساعدني ... ممكن أستعين بصديق؟

الصديق ده ساكن في ولاية شلولح وعاه دراسات ووطيا في اللذيذ يا معلم ...

اما بالنوسبة للكتاب الضايع... انتي نسيتيه في الكونفرنس عند صاصا وأنا نسيت أقوللك ...

أخيرا وليس بأخر.. اشتري خط فودافون.. وعيشي أجمل ما في اللحظة...

كاتب مصري said...

ههههههههههههههههههه
دي تبقى حكاية لو امتحان زي ده جه
بس والله لو جه ما أعرف أكمل لا أغنية العنب ولا أبص لروحي فجأة مع اني بركب ميكروباصات علطول بس تقولي ايه مش بفهم بيصوتو يقولوا ايه
ربنا يركمك ويوفقك يارب
عسل قوي البوست ده والله
ربنا معاكي
بالتوفيق يا كيكي

يوميات شاب منوفى said...

ههههههههههههههههههههة انتحان صعب اوووووى دانا كدة جبت كحكة

فتاه حالمه said...

ههههههههههههههههه
اه يا مهيسه هانم انتي لاسعه والله لاسعه
بس سكر يا قلب ماما
اموااااااااااااااااااااااااة
انتي كمان وحشاني اوي يا كيكي
انا مخنوقه اوي متلخبطه اوي
ماما مسافره وانا هطق بس مخبيه اني مخنوقه

انا شكلي هرغي كتير ربنا يستر يا قلبي في الامتحان
وربنا يوفقك وينجحك يا قلب ماما
سلام

romansy said...

ايه الصوره اللى تخوف دى
ربنا معاكى يا كيكى وفكك بقى من المذاكره والكتاب العلم فى الراس مش فى الكراس يا كيكى
سلام
وبالتوفيق

MaNoOoSh said...

بسم الله الرحمن الرحيم
الإجابة.. جميع ما سبق


ايه الامتحان الحلزوني اللى انتى عايزة زيه دة.. وبعدين على فكرة جاوبى على صاصا قوليلة دة سؤال خدعة لأت نفيش كرانشى عائلي
نياههههاهاهاهاههها

يللا ربنا معاكي فى الامتحانات

enjy said...

تحففففففففففففففففففففففة يخرب عقلك موتتينى من الضحك
فظيعة فظيعة فظيعة
يالهوى مش قادرة ابطل ضحك الله يخربيتك يا انتيختى
متجيبى بوسة بقى

مامة مازن said...

ربنا يوفقك يارب انا بلاقى روابط لكى عندى فجيت ابص بصه
لقيت الامتحانات يا عينى تعباكى خالص
ياريت كانت الامتحانات كلها كده كانت هانت وباظت قصدى وعدت
ربنا يوفقك اختى

سمسمه said...

ورقة إمتحان بجد تجيب جلطه فى اللجنه
بس ورقة امتحان على نهج امتحانات الايام دى
بس بيتهيالى اسهل شويه من فيزياء الايام دى والاحصاء والجيلوجيا وووووووووووووووووووووووووووووووووووووووو

ميرسى على الضحكه وربنا يكرمك

Bondoka said...

الكتاب ضاع وعايزه امتحان زى ده ليه كده يابنتى ده مستقبلك برضه

ربنا معاكى
طمنينا بقى عملتى ايه ؟

عاشقة الأحزان said...

السلام عليكم
اختى الحبيبه بجد كلامك جميل
ربنا يوفقك
ويعملك الخير
دمتى بالف خير
اختك انوسه

Soul.o0o.Whisper said...

السلام عليكم و رحمة الله و بركاته

ههههههههههههههههه
والله انتى تحفة يا كيكى

يااااااااااااااارب
يجيلك امتحااااااااااااااان

بس يكون سهل
هيهيهيهييييي


هههههههههههههههههه
بجد ربنا يوفقك يا جميل



دمتى بكل الود

rovy said...

ربنا ينجحك يا كيكى ياارب
واضح حبيبتى ان الامتحانات مأثره عليكى جدا
ربنا يطمنا عليكى ياقمر
انا جيت اطمنك عليا
انا الحمد لله حبيبتى بخير و البركه فى وجودكم الجميل فى حياتى ربنا يسعدك و ما يحرمنى منك و يااارب تنجحى انتى و ياسمين و هدير يااارب و تفرحونى كلكم
تحياتى و حبى

الشنكوتي الكبير said...

بقى عايزه تعربي شنكوتي

طب ليه كده افرضي حد قالك مكسور اضيع انا
مرفوع اتبهدل انا

اعمل فيكي ايه بس
عاااااااااااااااااو

ثم بنطلون ايه اللي هنجيبهولك يا قزعه
مفيش مقاسك خلاص
روحي العبي بجلابيه كبيره بورده

يالا روحي
هههههههههههه

سلاااااااااااااااااااااااااااام
اخوكي ايهاب

أبو العريف said...

الاخت العزيزه
خالتي كيكي
ربنا يوفقك
بس ايه المتحان الصعب ده
انا مش عارف ولا اجابه

mimi said...

دريم بارك ب 25 جنية بس

انا لسة جاية من هناك الجمعة اللي فاتت

تحفة لعبة ديسكوفري

راااااااااااائعة

بس كانت دوامة قيصر عطلانة..

اما بق توب سبين بقت مدتها أكتر

قابليني في شبرا وانا اجيبلك تذاكر مخفضة

بجد لوعاوزة

وممكن نعمل رحلة دريم بارك كلنا ... إيه رأيكم؟؟؟؟؟؟؟

Soul.o0o.Whisper said...

بصى ...

أنا جيت أقولك إنى مفهمتش حاجة من التحديث


نياهاهاهاهاها


عوووووووووووووووو

كراكيب said...

يخرب عقلك يا عفرييييييييتة
حبيبة قلبي من جواااااااا
كيكي
روحي روحي روحي روحي
يالهوووووووووووي
وحشاني جدا اوي موووووووت خاااااااااالص
والله يا حبيبتي انا عارفة اني مقصرة بس والله والله غصب عني تماااااامااااااا
امممممممموااااااااااه
واوعي تزعلي مني لحسن انا الضغوط عليا خسسستني اكتر ما انا خاسة

miro el niro kwaniro

mimi said...

شوفي هتخلصي امتحانات امتي ... وانا معاكي

وهجيبلك شوية مدونين من شبرا برده دماغهم طقة ... عادي يعني مش عيب

ماشي؟؟؟

حسن حنفى said...

هههههههههههه

ربنا معاكي

ويارب احنا كمان امتحاناتنا تيجي كده

:d

Soul.o0o.Whisper said...

ايه دا؟؟

دا أنا طلعت فى النشرة يا جدعان
ههههههههههههههه


ماشى يا كيكى
خلاص وصلت
شكرا يا فندم والله

مش عارفة أودى جمايل سعادتك فين
هههههههههههههههه

Lady E said...

يا ندلة يا ندلة يا ندلــــــــــــــــــــــــــــه
انا كمان عايزة اروح دريم بارك بس اكيد بعد الانطحانات عااااااااا

ماشي يا كيكي ماشي مااااااشي بقى كنتي عايزة تروحي لوحدك حسابك معايا بعدين

أحمـــــــــــــد أبو العلا said...

هههههههههه

لا لا
ايه الامتحان العثل ده
جبتيه منين ده

اوعي تكوني بتمتحنيه ولا حاجه

بوست روعه

بيكر(baker) said...

أزيك ياكيكى أيه الأخبار,,,
أيه السكر ده البوست جامد جدا ويارب أمتحاناتك كلها تيجى بنفس الأسلوب ده ربنا يوفقك أدعيلى معاكى أمتحانات الماجيستير قربت جدا

kochia said...

تعرفي انك تقريبا المدونة الوحيدة اللي بضحك فعلا بجد وانا بقرأ لها
ده وانتي مشغولة امال في الاجازة هتعملي ايه
ان شاء الله تتفسحي فسحة حلوة
وتعرفي تحلي الامتحان
ويطلع اسها من ده كمان
رغم ان ده صعب حبتين

سلام

Bola 7elmi said...

امتحان تافه جدا .. دنتي هتجيبي الفول مارك D:

ربنا يوفقك بجد ..
و بالنسبه لدريم بارك .. أنا رقعت بالصوت ومازلت ارقع بالصووووووووووووت
عاوزا أخررررررررررررررج
خديني معاااااااااااكي

نهــــــــــار said...

السلام عليكم...
أن شاء الله تلاقي حد يلمكم...
أقصد ينظم لكم ...
وتنبسطواااااااا
وفي إنتظار
تقرير الرحله
...
دمتِ بخير

ايوشة said...

تعرفى لو الامتحانات بالشكل ده مكنش حد غلب :))
وعايزة تروحى دريم بارك وانا كمان عايزة اروح قلبى عليا الذكريات كانت ايام حلوة عااااااااااااااا

hager za3bal said...

هههههههههههه
والله انتي زي العسل

الامتحان تحفه
كده كلنا هنقفله باءذن الله
:))

بس ياتري النب العنب تبع اي مدرسه؟؟
ههههههههههههه

و 555 سطر دول ليهم مكان في كراسة الاجابه؟؟

--------

انا كمان نفسي اروح دريم بارك اوي
بس امتي الاجازه تيجي بقي :(

أحساس لسه حى...كلام من جوه روح لكل روح said...

عزيزتى

مش تعملى تحذير قبل قراءة البوست

ايه ده انتى بتقدمى برنامج شو وعماله تعملى وصلات من المشاهد الكوميدية

اظن اللى هيقرى البوست هيخاف يروح معاكى دريم بارك

يلا المستغنى عن عقله

سلام

mahasen saber said...

ههههههههههههه انتى بعد ده كله ممعكيش كتاب الماده اليى هتمتحنيها

الله ينور عليكى

روحى يا بنتى ربنا يعينك باليى تقدرى عليه فى الامتحان

وبعدين العياط ده والزعيق فى الغلبانه سولو عشان تخرجى
خلصى يا ستى امتحانات واخرجك مع ابنى يله فسحه واحده ان شالله انا ما حوشت حاجه

ربنا يوفقك فى الامتحانات شدى حيلك بس
وبلاش بقيت المواد تكون كتبها مصير الماده دى

فكرة من الزمن ده said...

هههههههههههههه
يارب امتحانك يجي على مزاجك يا كيكي كاكا كاكي
يابنت ام كوكي

اما بالنسبة للرحلة فانا مش معاكم لاني مش هنا


انا بس جاية
لالالالا
انا جاية ابلغ
لالالالالا
انا جاية اغششك اجابة السؤال ده
أين يوجد ممدوح اسماعيل؟ ثم اذكر اسم صاحب العقار ورقم الشقة ورقم تليفونه الخاص؟

ممدوح اسماعيل
موجود في لندن الدور التاني
سالت ضديقي احمد السقا وقالي المعلومة دي بس اوعي تقولي لحد

وربنا يبعتلك بنطلون
يعني ناس تروح تونسكم
تحياتي يامصيبة

micheal said...

هههههههههههههههههههه..أنا حكام الخط الساخن بتاع الجمهورية وأعيطلهم وأقول الامتحان ده من بره المنهج
علي فكرة حمووووووووت من زمان وأروح دريم بارك بس المشكلة أني مفلس تماما بسبب البطالة..ادعيلي ألاقي شغل وأنا حكون بجد أول واحد ينط معاكوا
:))
تحياتي

Diyaa' said...

مين اللي عمل الإمتحان السكرة ده ؟:)
تحفة طبعاً
بالنسبة لموضوع دريم بارك :)
بصفتي من سكان أكتوبر اللعينة علي رأي نيجرو وخيخة :)
هفكر حاضر بس خلصي امتحانات
عبرينا بميل بس لما تخلصي عشان الواحد تايه الفترة اللي فاتت يعني ممكن أقول هفتح مدونتي وأنسي أفتحها :(

ربنا يوفقك بإذن الله ومتقلقيش من حاجة :) أكتر من كده وبيزيح
عووووووووو
قصدي سلام يعني

mido said...

حطى التحديث فوق يا أستاذة

حلوة اوى لما قلتى

تحديث مهم أوى

((((تحت))) ل

ههههههههههههه

خرجتى بقى ولا لسه ؟

ومازلتُ أتعلم said...

هههههههههههه
ربنا يوفقك ياجميل
تقبلى مرورى

dr aly khamis said...

السلام عليكم و رحمة الله و بركاته
ايه الإمتحان السهل ده
و من سهولته انا مش هجاوب ..مفيش سؤال للطلبة المتفوقين عشان نعرف المذاكر من اللى مش مذاكر
و ياريت كمان سؤال ذكاء علشان نعرف الطالب الذكى من الطالب ...الذكى برده

اعترااااااااااااض
معلش أنا آسف من أول زيارة بعترض بس ده من عشمى فى كرمك و سعة صدرك...

عبثا باقول واقرا في سورة عبس
اعتقد ماينفعش ..ده ممكن يعتبر اسهزاء بسورة من القرآن و بعدين مين اللى خلى سورة عبس ينضرب بها المثل فى الحاجة اللى مش مفهومة ..ربنا بيقول ...و لقد يسرنا القرآن للذكر

معلش تانى مرة انى سمحت لنفسى اعترض

بارك الله فيك
تقبلى تحياتى

dr aly khamis said...

ييييييييييييي
نسيت
أسأل الله العظيم رب العرش العظيم أن ينجحك و يوفقك و يسهلك كل صعب و تحلى فى الإمتحانات فريرة و تروحى دريييييييم بارك

عرفة فاروق السيوطى said...

السلام عليكم

انا مش هكتب الضحكة لأنى لو كتبتها مش هتخلص

الله يخرب بيت عقلك يا بت يا كيكى

انتى بتجيبى الكلام ده منين

بجد والنبى وحياة خاطر ام ابراهيم ولا كان اسمة اسماعيل

وعشان خاطر كل الغالين عليكى والكشرى برضو

قوليلى بتجيبى الكلام ده منين

مش انا قلتلك تكتبى كتاب

تألفيه يعنى مش تجوزى

هههههههههههههه
ويا بخته بيكى اللى هيجوزك هتنسيه اسمه
ومش لازم دريم بارك
روحوا سينما روحوا مصيف روحوا حته مفهاش لف وكركبة
انتى لو رحتى دريم بارك هتاخدى كل الناس اللى فيها وتطلعى

تحيتى

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket