Thursday, October 22, 2009

تفاصيل مشوشة

Thursday, October 22, 2009
يااااه أكتوبر قرب يخلص؟؟ النهارده حاجة وعشرين أكتوبر على ما أظن!!
وأنت عيان فى السرير الوقت بالنسبلك مش بيمر وأنت عيان بتبقى ودنك هى الى بتشوف بيها صوت عقارب الساعه بيكون ليك وقتها زى أمك مش بيفارقك خالص الاول لمة بتسمعوا بتخاف منه لكن بمرور الوقت وانت راقد ع السرير هتحسوا كروان من الى بتسمعوا ونفسك تشوفوا لان وقتها .... هيبقى أقرب حاجة ليك!!!شوية شوية وأنت مغمض عيونك من كتر السخونيه هتلاقى نفسك غصب عنك بتسمع حاجات مكنتش بتسمعها قبل كدة تفاصيل عشوائية بتسمعها بتكونها وترتبها جوة خيالك زى لعبه البازل كدة لانها وقتها هى دى المتعه الوحيدة ليك!!التفاصيل دى بتبقى أشكال وألوان فى تفاصيل كنت بتتمنى انك متعرفهاش وتفاصيل تخوفك وترعبك من الى حواليك وتفاصيل حلوة تبسطك بس دى نادرة اوى وتفاصيل مليانه حزن وكأبه ودى بتوجع اوى بتقتل مش بتوجع!!وفى تفاصيل زى المسلسلات العربى واجب عليك لازم تسمعها زى العيل الصغير وهو صاحى من النوم بالعافية ورايح المدرسة وبنص عين غصب عنه لازم يقول النشيد الوطنى!!!!!زى لمة أبوك يقول لاخوك الكبير..وهتفضل قاعد زى البت البايرة لحد امتى ماتحس ياحيوان وانزل اشتغل ويرمى فى وشه الخمسة جنية وينزل
ولمة أمك لازم كل يوم تفكرك انها مستحملة عيشه ابوكى الهباب عشانكم
ولمة أصحابك يعدو عليك الجمايل الى بيعملوها عشانك رغم ان دة المفروض واجب عليهم
لمة تسمع كل خناقات جيرانك كل كلامهم لان كلامهم دلوقتى بقى شبه الخناقات مبقتش تفرق انك عارف تفاصيل حياتهم وهمه كمان عارفين لانك لمة عينك تيجئ فى عينه الصبح تحسوا بيقولك لاتعيرنى ولا اعيرك....!!
لمة تحاول تعمل حاجة انت بتحبها وتلاقى الكل واقف قصادك لانك لسة صغير ومش فاهم حاجة رغم ان فى مواقف تانية بيقولوا فيها خلاص انت كبرت اعتمد ع نفسك !! والى يضايقك الى بيقول الجمله الاولنيه هو هو الى بيقول التانيه!!
لمة تلاقى حلمك كل يوم فى وشك جريح وبينزف من قله الامل فى تحقيقة بيقولك بصوت مجروح ساعدنى!! وانت زى الجبان زى الحيوان بتدوس عليه وتقوله: اسف مش واخد بالى
لمة تلاقى الى بتحبه بقالك سنين عمره عمره ماهيأخد بالك منه رغم انه عيش فى قلبك وصورته عايشة بنبضك وكل يوم تتمنى انه يحس بيك ونفسك مرة لمة تشوفه تقوله أنا اااااااا بحبك والله العظيم بحبك وعمرى حته ماسمحت لخيالى انه يحب واحد غيرك ريحنى طب مرة قول انك فكرت فيا!!! وتحس انك عايز تحتضنوا أوووووووى والدنيا تقف عند اللحظة دى!! لكن المشكلة انك تصحى من الحلم دة ع جوازة لحد تانى المفروض القصة تنتهى لحد هنا .... بس تعمل اية فى عقلك الباطن الى لحد دلوقتى بيخليك تحلم بى وبيتخيل انه يقولك ايوة فى يوم انا فكرت فيك!! وتصحى من النوم وتعيط انك وصلت للمرحله دى!!! ولمة حد يسألك مالك؟ متقدرش تقول الحقيقة
لمة تحلم بعيد ميلادك العشرين وتفكر هتعمل ايه فى؟ ياترى لمة اوصل للعمر دة هيطلعلى جناحات واطير؟ ياترى ممكن أحط بلاستر لى احلامى ؟ ووسط كل تفكيرك الساذج دة!! تلاقى نفسك عيان فى السرير يوم عيد ميلادك بتصارع الموت من السخونيه وانك مشكوك فيك ياترى دة برد عادى ولا خنازير وتحس بحذر من الى حواليك وممكن يبلغوا عنك فى اى لحظة ؟ تلاقى عيد ميلادك علم ع قفاك وجرى بسرعه قبل ما تسأله اى سؤال؟؟ جرى وهو بيضحك ع هبلنا وعبطنا وخوف كل واحد فينا من تفاصيلوا الى مش بيقدر يوجه حتى نفسه بيها!!
13/10/2009

47 comments:

Cute Kitty **sookra said...

فكك منى
ياترى انا اول تعليق ولاايه
اروح اقرا وارجع تانى

adel said...

كل ده
:):):)
بس الاحساس مشترك

كان في شك انها خنازيري
هههههههههههههههههههه

كلنا في سرير المرض سوا

وعيد ميلادك و مش تقولي ؟؟
برضه
يعني انجي متقوليش ولاانتي كمان
مكنش العشا يا استير

علي العموم هديتك محفوظة
علبة اسبوسيد و شريط كتافلام
صباح الدماغ

أميرة علي كوكب مهجور said...

حاسه ان البوست ده مختلف عن اي قراتها لما قرائت بوستات قبل كده قولت البنوتة دي عسل اوي و دمها خفيف ولسه عند رائي بس حاسه انك زعلانه اوعي تسيبي نفسك كده طول ما عمرك قدامك يبقا لسه في حاجات كتير معشنهاش معرفنهاش محسنهاش لو ع شوية تعب ان شاء الله هتخفي ولو زعل من الاصحاب دول من كل الناس ولا اخر الناس ولو ع تجربة فاشلة في كتير ممكن يحسوا بينا ويقدروا مشاعرنا ودي تجربة اتعالمنا منها منديش احاسينا غير للي يقدرها

لو الكلام اللي في البوست ده يمسك شخصيا عيزاكي تكوني اقوي تكوني احسن تقولي يارب والحياه لسه ياما هتورينا حاجات حلوة وحاجات وحشة

اسفة لو طولت عليكي و ربنا يوفقك

mimi said...

والى يضايقك الى بيقول الجمله الاولنيه هو هو الى بيقول التانيه .. اه تصدقي؟

كوكي

الموضوع ده مكتوب بضمير علشان كده أنا قريته بضمير

rovy said...

ازيك يا كيكى
مالك يا قمر
الف سلامه عليكى حبيبتى .. خلى بالك من نفسك و اشربى سوائل كثير و اكثرى من الليمون و اليانسون ..
كل سنه و انتى طيبه يا كيكى بس ما قلتلناش عيد ميلادك كام اكتوبر بالضبط على فكره مريم عيد ميلادها النهارضه شفتى بقى غلاوتك عندى كده مش ممكن انسى عيد ميلادك ابداا
روقى يا قمرواضحكى للدنيا علشان تضحكلك ربنا يرزقك كل السعاده يااارب

مودتى و ارق تحياتى لكى

♥نبع الغرام♥♪≈ said...

مليون سلامه عليكى يا ححبيبتى ان شاء فترة صغنونه كده وهتعدى وما لكيش غير السلامه ان شاء الله

وكل سنه وانتى طيوبه
بحبك فى الله
ايناس

Lady E said...

ولمة أصحابك يعدو عليك الجمايل الى بيعملوها عشانك رغم ان دة المفروض واجب عليهم

صحيح يا كيكي عديتي الجمايل ولا لسه نياهاهاهاهاها
ماشي يا حجه ما حضرتك معرفتيش انا كنت عاملة ازاي وانتي تعبانه وكنت هتجنن وأجي ازورك ومكنتش بنام وبدعيلك دعوة ولية ساعة الفجرية ان ربنا يشفيكي ويخفف عنك
ويلكم باك يا معلم
على فكرة الرواية انا مستعيراها من مكتبة هشتكنا وبشتكنا ياريس اللي عندنا مشتريتهاش طبعا

Lady E said...

ايون نسييييييييت بالنوسبة لعيد ميلادك فهنحتفل بيه سوى ان شاء الله الشهر الجاي وهنضرب كشري كمان :)

امل said...

الف الف سلامه عليكى
اوعى تكونى الانفلونزا اللى بالى بالك
بس عموما خدى بالك من نفسك
واشربى دافى كتير
وكل سنه وانتى طيبه
وتقومى بالسلامه ونحتفل بعيد ميلادك سوى

ريمان said...

كل سنه وانتى طيبه يا قمر


الف سلامه عليكى يا بت مالك طمنينى عليكى

بجد وحشانى اوى

nigro said...

ألف مليون سلامة عليكي يا كيكي
عارفة أنا يمكن بآجي هنا من شهور و ممكن من أواخر السنة اللي فاتت كمان
بس عمري ما سبت ولا تعليق
شوفتي الرخامة
كنت بآجي أضحك و أمشي من غير حتى ما اقولك شكراً على شوية الضحك دول
شفتي الأنانية
بس المرة دي بقى حسيت إني عاوز أقولك حاجة
أي حاجة
على الأقل أشكرك على كمية الضحك الكتييييييييييييير اللي اتسببتي فيها

ألف سلامة عليكي يا كيكي
بجد ألف سلامة



يلا سلام

بنت قلبى said...

طبعا دى اول زياره
وطبعا مش كويسه خالص
دنا دخلا على تعب يا ناس والنبى طول عمرى كده فقريه على الاخر
بس الاهم الف سلامه عليكى
وربنا يشفيكى يارب ويعفيكى
وكل سنه وانتى طيبه


بس

سعودي توب said...

حلوة اوى صيغة الموضوع شدتني ليه اوى

أبو كريم said...

أولا ألف ألف سلامة

وثانيا البوست وسرده جميل جدا

ولك الحق فى كل ما كتبت ولكن أدعوك للتشبس بحبال الأمل والرجاء واليقين بالله لان الله ما أخذ إلا ليعطى ويقينك بحكمته سيرضيك بقضائه


بارك الله لك وبارك فى عمرك

أبو كريم

Anonymous said...

مش عارفه اقول ايه ..
بس، البوست عجبني اوي .. اوي :)

اه
كنت هنسي اقولك سلامتك الف سلامه .. يارب تبقي في احسن صحه واحسن حال في اقرب وقت :)

وكل سنه وانتي زي ما انتي ..:)

تحياتي

لو عرفوه هيحبوه said...

السلام عليكم ورحمه الله وبركاته

اسال الله ان يوفقك لكل ما يحبه ويرضاه

نتمنى زيارتكم للحمله لمعرفه باقى حياه الرسول صلى الله عليه وسلم

Tamer Nabil Moussa said...

ازيك كيكى والف سلامة عليكى ياكيكى يارب العدوين وانتى لا

انا بقى بسال عليكى ديما لما بكون موجود على النت

بالنسبة للبوست

فى حاجات كدة مش مفهومة ولامعروفة وبتتغير حسب الحدث والظروف وعشان كدة تجدى الجواب باالايجاب والنفى من نفس الشخص ولكن مع اختلاف الحدث نسبيا

مع خالص تحياتى

Cute Kitty **sookra said...

انا قريت البوست اكتر من مره وبصراحه موش لاقيه كلام اعبر بيه عن اللى حسيته من البوست دا لكن هاحاول ولكن الاهم انه عجبنى اوى اوى
اد ايه البوست بتاعك دا مليان مراره
اد ايه استطعمت مرارته ولسعنى اوى فى عقلى ووجعنى اوى فى قلبى
بحييكى
وكلنا بنخاف من تفاصيلنا لكن لما نواجهه نعرف اننا لازم نكمل حياتنا ونغير فى تفاصيلنا
الف سلامه عليكى ويارب تقومى بالسلامه ونقرالك بوستات مليانه امل وتفاؤل
تقبلى مرورى

نعكشة said...

شفاكِ الله و عافاكِ

بس التاريخ 13
وانهاردة 24 اكتوبر

انتى خفيتي دلوقتي صح؟؟

يا رب تقولي صح
ايوة ان شاء الله صح مادام نشرتي بوست

عامة
ربنا يشفيكي يا رب و يهون عليكي

.............

نفس اللى بيقولك انك عيل بيقولك انت كبرت
هههههههههه

اتفق

..........

واما تدوس عليه و تقول
اوبس
مش واخد بالي

يلا خير

كل سنة وانتي بخير و بصحة و سلامة
و راضية و مرضية و سعيدة

آمين

سلام عليكِ

صبرني يارب said...

ينفع كده

يعنى احنا لسه على الصبح
وانا اول مره ازوره المدونه بتاعتك

تقومي تعملي فيا كده
انتى لسه عندك عشرين سنه وزعلانه يوم عيد ميلادك وحاسه انك ما حققتيش حاجه وكل الخرط الى قولتيه ده

اقوم اعورك طيب ولا ايه

امال انا يوم عيد ميلادي ابقى اعمل ايه؟
اروح اقعد فى دار مسنين ولا ايه

ما اسمعش صووووتك

وبعدين انا زوري بيوجعني على فكره ولو طلعتي عدتينى مش عارفه بقى هاعمل فيكى ساعتها


يا بنتى مش كده انتى لسه صغنونه وان شاء الله العمر لسه قدامك
وممكن لسه تحققي اي حلم حلمتيه زمان
ولسه هاتحلميه
ويمكن بعد عشر سنين احلامك تتغير خالص
ويكون عندك احلام جديده وتحققى بعضها وبعضها لا
وتقولي برافو عليا ما حلوه اهو امال ايه بقىىىىىىىىىىى

يووووووووووووه

ما يبقاش نفسكم قصييييييير يا ولاد
لما الدنيا تيدكى قلم اياكي ثم اياااااااكي تديها خدك التاني
كلا البت ارزعيها قلميين وحياتك

وقومي بقى بلاش دلع
وكل ده عشان التوووووورته تاكليها علينا


هاعملك تورته عندي على مدونة الطبخ

كل سنه وانتى طيبه يا قمر

وايه الرغي الى انا رغيته ده

الربان said...

تحياتي

حقيقي بوست خفيف و لذيذ...حتي طريقة الاحتفال " أوريجينال " خالص...

عموما الاحتفال بعيد الميلاد او ذكري الميلاد يكون بالنظر فيما قدمنا من عمل
خلال العام الماضي...كم طورنا من قدراتنا...كم شخص قريب منا ادخلنا السعادة اليه او بسمه علي وجهه...

تحياتي لحضرتك...و عيد ميلاد سعيد و عمر مديد في طاعة الله ان شاء الله.

Anonymous said...

يلا حالاً بالاً حيوا أبو الفصاد واك واك ..... هيكون عيد ميلاده الليلة ( ليلة 13 ؟!إللي عدت) أسعد الأعياد ؛ ما تحيوا أبو الفصاد....
كل سنة وإنتي عسولة يا كيكي
تعرفي أنا عارفة مين إللي عياك ؟! الكومبيوتر بتاعك ... قصدي عبده!!! عموما ألف لا بأس عليك يا كيكي وللمرة التانية أحبك توصليلي السلام لليدي إي ( طفلة مش عايزه تكبر ) وإن شاء الله قريب هزورها بلأكونت بتاعي
ديدي

Anonymous said...

يااااااااه
يا حبيبتى يا كيكى
تعرفى نفسى اشوفك دلوقتى واحضنك اوووووى
كنت دايما حاسه ان اسلوبك الساخر الرائع ده وراه الم رهيب
لاول مره احي انى دخلت جواكى
مش فضول والله
بس ممكن تسميه اهتمام واكيد كمان حب
تعرفى انا عيد ميلادى كان يوم 16 اكتوبر وبرضه كنت نايمه سخنهو خلصانه فى السرير وكل سنه بيجى عيد ميلادى وانا كده واقول يا ترى دى اخر سنه ليه ؟ ولا لسه فى العمر باقى؟
كل سنه وانتى طيبه يا كيكى وربنا يبارك فى عمرك ويسعدك ويعوضك عن كل اللى فات باكثر مما تتمنى من الخير يا رب
ويكتب لك جنه الدنيا وفردوس الجنه
والله بحبك وبدعيلك من جوا جوا قلبى االلى بيحبك
منى
احاسيس

المعتصم said...

اولا الف سلامة عليكى
طب مش كنتى تقولى
كان الواحد عاوز يعمل دور واجب كده ولا كده
ثانيا كل سنه وانتِ طيبه وعقبال 100سنه وانتِ بكل خير وسعاده وهنا
معلش هى متأخرة شويه انما انتِ عارفه ظروف المواصلات من الصعيد لحد هنا
هههههههه

كلام عيب said...

الف سلامه يا جميل
شده و تزول انشاء الله
و نيجى المره الجايه نقولك كفاره

هدير زين said...

أزيك كيكى أيه الأخبار ألف سلامة عليكى أنتى لسه تعبانه ؟
بجد انا أتخضيت مش من التعب قد مه من الحاله النفسيه الى انتى فيها أول مره من يوم ما عرفتك وسمعت عنك أحسك كده انا أعرف عنك أنك قويه وسكره ومش بتحبى النكد ولا بتفتحيله الباب وروحك ماشاء الله عليها
انا قلقانه عليكى خلى بالك التعب العضوى له علاج وممكن ميسبش فينا أى أثر بس التعب النفسى مدمر خلى بالك أسألى مجرب
ربنا يقويكى على أحزانك ونفسى أما أدخل المره الجايه ملاقيش أثر للبوست ده
وتكتبى بوست بجد ينفع لكيكى
انا عارفه ان من حقك تحزنى وتعيطى وتصرخى كمان بس برده مش منحقك تسجنى روحك الحلوه دى جوه سجن الأحزان ده وبعدين انتى لسه نونه ودى حقيقه
لسه ياما هتقبلى بعد التخرج وفالشغل والأرتباط عييشى حياتك دلوقتى وأستمتعى بيها قبل المسئوليات ماتزيد وخلى حياتك دراستك وأصحابك ومدونتك ومتبصيش فأكتر من كده ووخليكى فكره
وعسى أن تكرهو شيئا وهو خير لكم يمكن الحاجات الى انتى زعلانه منها دى تكون نعمه كبيره قوى انتى مش حساها
ويمكن لو الى اتمنتيه كان حصل كنتى تعبتى قوى قوى بجد دى كمان عن تجربه
اسفه طولت عليكى بس بتمنى أنك تقرى التعليق بحبك وانتى كمان وحشتينى
أختك الكبيره هدير

micheal said...

حلو البوست ده ومختلف كمان يا كيكي
حاسسه جاي من الأعماق..من الشمخ الجواني يعني
:)
فيه بعض التساؤلات المشتركة واللي ممكن تكون عند كتير مننا
بس واضح أنك من النوع اللي بيحب يتأمل أوي في كل حاجة مش يأخدها أمر مسلم به والسلام
صح؟
:))
تحياتي

طوبه فضه وطوبه دهب said...

الف سلامه عليكى ياقمر بصى الدنيا شباب وشيخوخه صحه ومرض وياما قلنا لما نوصل للعشرين هنعمل ونعمل وجرى العمر وعدى العشرين وقربنا نكمل الخمسه وعشرين كمان ولسه حاجات كتير اوى اوى ما اتعملتش اهم من انك تعملى ان يكون قلبك مليان ثقه وامل فى الله اللى ما اتعملش السنه دى هنعمله بكره ولو عيانه انهارده هنكون فى احسن حال بكره وكلها شويه سخونيه بسيطه وتروح لحالها وترجع لنا احلى كيكى فى الدنيا بشقاوتها وطعمتها مستنينك وكل سنه وانتى بالف خير ياقمر

كراكيب said...

حبيبــــتي
انا جزمة كبيرة اصلا علشان اول ما عرفتك ما سألتكيش امتى عيد ميلادك

والحمد لله ان تعبك جيه على قد كدة بس وماكانش فيه اي تطورات
الحمد لله

وربنا يخليكي ليا يا حبي يااااااارب
وكل سنة وانتي امورة وكركورة وعسولة ومجنونة وزي الفل

وبالنسبة لأمير اللي ف فريق بلاك تيما.. ايوة هو اللي في مسرحية قهوة سادة
;)

miro el niro kwanirooo

emy said...

ممكن اقول وحشنى كل حاجة فيكى
بجد وحشانى وحشانى وحشانى بطريقه غبيه
اموووووووووووه كتير واحضان

دعاء مواجهات said...

ياكيكى يابنتى

كلنا لها .. الف سلامة بجد مكونتش اعرف

وكل سنة وانتى زى الفل

فية تفاصيل كتيير هنحكيها لما اشوفك بس..

سلام

أحساس لسه حى...كلام من جوه روح لكل روح said...

عزيزتى

ايه الكلام الجامد ده


اللمات كتير اوى

ولماتك كلها كبيرة ومهمه وبتاثر فى حياتنا وحيات غيرنا كتير

ربنا يرحمنا من ايامنا

تحياتى

سلام

micheal said...

ملحوظة يا كيكي
:انا أهلاوي
:)))))

م/ الحسيني لزومي said...

من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك
عذرا علي عدم التعليق علي البوست

rovy said...

انا هنا حبيبتى .. :)
بخير و الحمد لله
ربنا ما يحرمنى من سؤالك الغالى ابدا يا قمرى ..

مدحت محمد said...

ايه ده معرفش

الف سلامة عليكى
ان شا الله اللى يكرهك

ان شالله حمادة

ههههههههههه
لسة زى حالاتى موصلتيش وصلة نت برضه

!!! عارفة ... مش عارف ليه said...

ايه لحظة الهذيان دي

يا بنتي أنت معدية والله العظيم

بصراحه الموضوع تقيل وجامد جداااا

بس المهم

ربنا يقومك بالسلامة

نيهاهاهاهاهاهاهاها

أبو العريف said...

ياااااااااااااااااه يا كيكي

بصراحه البوست لمس معايا قوي

اولا كل سنه وانت طيبه ولو انها متأخره جداااااااا

والف سلامه عليكي

انت بجد حد جميل جدااا

ربنا يسعد ايامك

رغم اني كنت دايما باجي هنا لما احب

اضحك لما احب اهرب من مشاكل الدنيا وهمومها وكنت بمشي وانا مبسوط جدااا

الانسانه اللي دايما بتعرف ترسم البسمه علي وشوشنا كلنا

هلاوس السخونه بتبين انت اد ايه حد

جميل لكن جواه شجن يكفي مصر كلها

يارب تكوني بقيتي احسن

UncŁē Sam said...

ياااااااااه
انا جيت مـتـاخر
ربنا يخلى حياتك كلها سعادهوحب ويوفقك مع من تحبى
كل سنة ونتى طيبة
والفين سلامه يا عسل
ونورتينى بزيارتك يا قمر

Anonymous said...

كيكي

بووووووست جديد بقي :)

وبلاش الموود ده .. الاغنيه مش لايقه ع الموود خالص ..

انا عايزاكي تضحكي :)

همس said...

وجعتينى اوى يا كيكى

مش كفيانا وجع باه

تعالى نتعلم رقصه التانجوووو

ونديها رقص

والله العظيم وحشتينى جدااااااااا

ويارب نتقابل قريب اووووووووى

واقوم خبطاكى حتة حضن وحتة بووووووووووسة
وبعدها
ندخل سينما ونروح نتمرجح


ادعى باه


سلام يا بطتى

والف سلامة عليكى

ان شالله ميمو

كيكى عوووووو said...

ربنا يخليكم كلكم و ما يحرمنيش منكم

sab7al5air said...

كل سنه وانت طيب السنه الجاي ه العد ميلا فين اوعا يكون في المطبخ

Perez said...

ايون نسييييييييت بالنوسبة لعيد ميلادك فهنحتفل بيه سوى ان شاء الله الشهر الجاي وهنضرب كشري كمان :)

abo-bder said...



شركة نقل اثاث من الرياض الى الامارات

abo-bder said...


شركة شحن عفش من الرياض الي الامارات-دبي
شركة نقل اثاث من الرياض الى الاردن
شركة نقل اثاث من الرياض الى ابو ظبى
شركة نقل اثاث من الرياض الى الكويت
شركة نقل اثاث من الرياض الى جدة
شركة شحن عفش من مكة الى الامارات
شركة شحن عفش من جدة الى الامارات دبي
شركة شحن اثاث من الدمام الى الامارات دبي


ريحانه said...



شركة نقل عفش بأبها
شركة عزل اسطح بأبها
شركة تركيب طارد الحمام بأبها
شركة تنظيف مسابح بأبها
شركة كشف تسربات المياه بأبها
شركة تسليك مجاري بأبها

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket