Sunday, November 22, 2009

!!!كابتن..هو كلوا ضرب ضرب مفيش شتيمة ولا ايه؟

Sunday, November 22, 2009
( شريط حصرى لمباراة مصر والجزائر ومقطع لم يتم عرضه من قبل)
المعلق:ابو تريكه ماشى بالكورة بيحاول يجيب جون فى الوقت بدل الضائع لكن يعترضة الاعيب رقم 3 بمطوة ويغزو فى جنبه!! يصفر الحكم ويعتبرها تسلل يحاول احمد عيد يديها لزيدان اعترضهم خط الدفاع الجزائرى بسلك شائك لكن زيدان بيعافر وبيعدى تحت السلك الشائك لكن تفشل محاولته بسبب وجود اللغام عند خط حارس المرمى يصفر الحكم ويعتبرها ضربه جزاء لحارس المرمى الجزائرى!!! تزداد المباراة سخونة بعد نزول احمد حسن وبيحاول يسدد تسديدة قويه لكن يشتت تركيزه الاعيب رقم6 ويغنيلوه: ينفع فى شتا او صيف هو ايه؟ يرد احمد: العنب العنب العنب ويندمج احمد فى الرقص يجئ عمرو زكى ينقطوة ويندمج باقى الاعيبه فى الرقص يصفر الحكم ويعتبرها اوف سايت!!! المحمدى لسه عنده امل وبيحاول وبقى غير مؤمن بالعب النضيف وبيخرج موس من بقه عشان يعلم على الدفاع الجزائرى بس بيقابلوا ب اف16 تبدا مشحنات فى وسط الملعب يهجم الفريق الجزائرى على كل الاعيبه بيحاول الفريق المصرى بقلع البوكسرات للدفاع عن نفسهم!!..يصفر الحكم وينهئ المباراة بين مصر والجزائر بفوز فريق اسمنت السويس
(!!!!!!!!!!!!!!!)
***************************
وعقب مشاهدة وزير الاعلام هذا المقطع تم الاتفاق على اخذ حقوق الملكية الفكرية للاعلان العراقى..انت سنى ولا شيعى؟ وتحويلوا الى ..انت مصرى ولا جزائرى وبدل رد الاعلان العراقى...بانه عراقى..سوف يتم تحويلوا بانه بنى سويفى!!!!
**************
ومن جانب الشعب المصرى قرر مقاطعه كل ماهو اخضر..ولاعزاء للملوخية والخص والفلفل الاخضر
*******************************
ومازال من يأمنون بوهم الحلم العربى يغنون...اخضر يا اخضرانى من قساك عليه؟؟؟؟
!!!!!!the End????
*******************
كلمتان على جنب: فى فيلم مراتى مدير عام كان شخصية توفيق الدقن هو المحرك الرئيسى للاحداث وصلاح ذو الفقار قالوا جمله انا بقولها للاعلام المصرى والجزائرى..همه سموك ابو الخير ليه؟؟؟؟

52 comments:

adel said...

هههههههههههههههههه
لا بجد
انا مقاطع الجزايرين بس لكن الاخضر شغال عادي

وبعدين
لو الاعلام مسخنش مين هيسخن ؟؟

لازم حد يقوم بالواجب ده
:):)

Lady E said...

وينهئ المباراة بين مصر والجزائر بفوز فريق اسمنت السويس
(!!!!!!!!!!!!!!!)

طب ياريت ده حصل يا صبحتي :)

عن نفسي بحب الملوخيه وأكلتها بعد الماتش عادي :)

وفعلا الاعلام ابو الخير خالص ماركة ولعها ولعها شعللها شعللها

عاشقة القمر said...

كل سنه وانتي طيبه
ربنا يهديه امه العريبه كلها
يارب دايما ان كون في احسن حاله مش نفرح فينا اليهود ة امريكا

فاتيما said...

يا خراااااااشى
عليكى
يا كيكى
يخربيت خفة دمك يا بنتى
إنتى بلوة مسيحة
و نايبة من نوايب الزمن الحلو الجميل اللى دمه خفيف
اللى بياخد الواحد بعيد
عن الهم و النكد
و يرسم البهجة على وشه
و يفرح قلبه فى ثوانى
انتى لازم يتنشرلك كتاب يا بنتى
انا حاجزة اول نسخة
من اول طبعة
وعاجبنى انك نازلة تريقة
دون تجريح
و انا مليش فى الملوخية
عشان بتعملى حموضة
انما الخس و الفلفل شغالين
ومفيش مانع
بحبك يا كيكى
يا شقاوة
و اعملى حسابك تيجى يوم
البؤجة يا هااااانم
يوم 11/12 و رتبى حالك فى البيت
من دلوقتى عشان مفيش
أعذار بقى
وحشتينى
و عاوزة اشوفك
ماشى ؟
طييييييييييب

صيدلانيه طالعه نازله said...

و الله انا مستنيه البوست بتاعك من ساعه الماتش ما خلص و كل شويه اقول هانت قربت
انا فعلا مقاطعه الجزائر بس تيجى ناحيه الملوخيه اقولك نوووووووووووو مقدرش شوفوا حاجه تانيه غيرها تقاطعوها و سلام مربع لابو الخير و اقوله مساء الانوار يا منور

شفـقــة و إحســــان said...

انتى مصيبة يا كيكى ....لكن بجد بجد دماغك عالية موت نفسى اعرف عملتى المشاهد البلوة دى ازاى؟؟
لا بس طلعنا كرويين اهو ومولودين والكرة فى بقنا ولا ايه
عموما حسبى الله ونعم الوكيل فيهم
وحشتينى اوى وكل سنة وانتى طيبة

sookra said...

كابتن هو كله بيض بيض مافيش جبنه يخرب بيت عقلك
ايه الحلاوه دى يامعلم
بس وحياتك ولاهمنى الاخضرانى دى
انا لسه باكل خص وخيار وفلفل وكل ماهو اخضر
لكن كلوخيه نو نيفر نيفر بتزحلقلى معدتى ياختى
دمك خفيف موووووت

الجبالى said...

السلام عليكم

بدل تقطيعنا بعضنا البعض لأجل الكرة

علينا تقطيع الإسرائلين لأجل ما يفعلونه فى الفلسطينين

أتسائل لم خيبتنا ثقيلة جدا

خالص مودتى

نعكشة said...

صراحة صراحة

مليش في الكورة

ولا ليا في الاخبار

ومش مقاطعة أصلاً

و صراحة كمان
من يومين كان نفسي اروح قسنطينية في الجزائر (مدينة الجسور) بتاعة قصة عابر سبيل لأحلام متغانمي

تعليقي عالموقف المحلي

عالم بلطجية ضربوا عالم هايفة بس العالم الهايفة مكانش عندهم ضهر ولا سند

المشكلة بقة اية
إننا اخوات في بعض

مش عشان ابناء العروبة و الهلس دة
عشان كلنا مسلمين

يلا ربنا يهدي

سلامٌ عليكِ

أبو العريف said...

انت مين يا كيكي

انا حاسس انك مكنتيش بتشجعي مصر

اكيد كنتي بتشجعي الحكم

وانا من هذا المزنق اعلن اني مقاطع كل ما هو اخضر

بس غصب عني

ونفسي في الملوخيه

أحمـــــــــــــد أبو العلا said...

ههههههههههههه
تحفه
اول مره اشوف المتش بالجمال ده
هههههههه

يعني دلوقتي لو حد اتمسك بياكل ملوخيه, هيسحلوه ولا ايه؟

بالنسبه للاعلام, ديه سبوبه ولقمة عيش
الايام ده ايام مفترجه ليهم وعايزين يلموا فلوس عشان اللحمه غاليه

بـــــسمة انـــــــــور said...

تحيا مصر يا اوختى
ومبروك لاسمنت السويس
وتحيا الملوخيه بصرف النظر عن خضارها
وسمعنى سلام خلى السلاح صاحى

سلام يا حبيبتى

أميرة علي كوكب مهجور said...

هههههههههههههههه
اهو كله هلس في هلس والاعلام عمال يشعلل كل يوم اكتر من اللي قبله

انتي بجد دمك خفيف موت ع فكره انتي هيبقي ليكي كتاب او نقول كتب في يوم من الايام :)
بس ابقي افتكريني :)

mido said...

حيقاطعوا الجزاير رياضيا و فنيا

يا أخى أ... ايه القرف ده

اقرى النوت ده

انت موجودة على الفايسبوك أصلا ؟

(green eyes) said...

تعليق جامد اوي على الماتش
:) :)
مع ان المفروض الجزائر من الامه العربيه والواحد مايقدرش ينكر افضالهم علينا في حرب اكتوبر بس عمري ما حسيت انهم مننا وللأسف طبعا

اسلوبك جميل اوي في الكتابه

تقبلي زيارتي الاولى

blue-wave said...

هههههههههههههههههههههههههه
كالعادة هاقولهالك
الله يخرب بيت دماغك
والله بتقدرى تخلينى اضحك وسط مانا منقوط
كل سنه وانتى زى مانتى لأن مفيش اجمل من كدا

اقصوصه said...

looooooooool

تدوينه طريفه :)

ريمان said...

اه كله ضرب ضرب


ههههههههههههههههه


عثل



كل سنه وانتى طيبه يا قمر

عيد اضحى سعيد عليكى

مجرد انسان said...

هههههههه

كويس انها جت على قد كدة

مين عارف لو كنا كسبنا كان حصل اية



انا ضيف جديد فى عالم التدوين وعايز ترحيب وتشجيع

تحياتى

الأحــــــ إيناس ــــــزان said...

هههههههههههههههههههه


وربنا انتى اجمل مدونه كوميديه على وجة الارض

ههههههههههههه

الأحــــــ إيناس ــــــزان said...

خفة دم مش حصلت

كل سنه وانتى طيبه حبيبتى

كيكى عوووووو said...

ابو جودة
**************
احنا فينا من كدة الاخضر شغال عادى ونبى لابلغ عليك امن الدولة الرياضى
عوووووووووووووو

كيكى عوووووو said...

حبيبتى بتاعت الخروف
*****************
الله الله دة كلوا بيشجع الاخضر لا احنا عايزين مقاطعة شاملة
لاعزااااااء للملوخيه
***الحكم اصلا كان مبرشم واحول واسمه سيد انيما!!!

كيكى عوووووو said...

عاشقة القمر
************
وانتى طيبه وبكل خير وسعادة يااااارب
هنعمل ايه دى بقت ماركة مسجله عندنا
ربنا يستر علينا

كيكى عوووووو said...

فاتيما
*******
تفتكرتى اسمى الكتاب ايه؟؟
لامؤاخذة مش عايزة اتطلق
ولا ونسيت انى ام ابراهيم
*****************
غير كدة بقى
بووووووووووووووووووووووووسة وحضوووووووووونة كبيرة اوى ليكى لانك وحشانى جدااااااااا
واخجلتى تواضعأ
عووووووووووووووو

كيكى عوووووو said...

صيدلانيه طالعه نازلة
*******************
ونبى دنا الى نفسى اتقطع ليكى
وحشااااانى
الله الله هى الملوخية عاملة عمايلها مع الشعب كلوا ولا ايه
عمتا بم انك صيدلانية عايزين حل عشان نغير لونها!!!!

كيكى عوووووو said...

شفقة واحسان
**************
حبيبتى شفشق جت ياناااااااس
اه كورة شراب بقى وحاجات ايام الصغر!!!
كل سنة وانتى زى العسل
واحسان بيه يارب نشوفوا مع دخله العييييد
عوووووووووووو

كيكى عوووووو said...

sookra
************ياهلا ياهلا
واضح انك بتحبى البيض دة احنا طلعنا اخوات بقى هناك عند ستو ماسمينى فرخة!!!
لالا عايزين مقاطعة شاملة00عايزين بعد كدة ندهن الحاجات بلون تانى
امواااااااااةة
عووووووووووو

كيكى عوووووو said...

الجبالى
************
المشكلة مش ماتش كورة المشكلة فى وهم كبير اسمه الحلم العربى الى انا للاسف لحد دلوقتى مؤمنه بى وان شاء الله فى يوم هنتجمع

أحمـــــــــــــد أبو العلا said...

كل سنه وانتي طيبه ياكيكي وبألف صحه وسعاده
كل سنه وانتي سعيده
من غير عووووووو
هههه

عيد سعيد

حنين الذكريات said...

جايه أقولك كل عام وانت بخير
والحمد لله انك خالصتى الاوضة وعقبال باقى المدونين
خلينا فى العيد والخروف سيبك من الكورة اللى بتزعل الاخوات من بعض

amirelhob said...

بوست جميل جدا وعاجبنى اوى يمكن انا قريتو متاخر لكن دا ميمنعش انى بردو هقول انو بوست يجنن وعاجبنى جدا وضحكت جدا فى الاول و كل سنه وانتى اطيب واحن وارق من اللى قبلها وانتى طيبه وبخير يا رب ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

بيكر(baker) said...

طيب جبتى الصورة الفقريه دى منين
كنت مستنى البوست بتاعك برضه و الله و حتى افتكرتك اتصابتى فى السودان و قلقت عليكى
كل سنة و انتى طيبة

micheal said...

هههههههههههههههه..عسل والله
لعلمك أنا مقتنع أن أبو الخير هو السبب الرئسيي في اللي انتهي عليه الحال بعد ماتش كورة
بس لعلمك ابو الخير فيه اللي بيوجهه من فوق
:)
كل سنة وأنتي طيبة
عيد سعيد
تحياتي

نـــــــــــــور said...

كل سنة وانتى طيبه ياكيكى وبكل خير
وان شالله بتكونى احسن صحيا دلوقت
انا اتصلت بيكى وطنط ردت عليا معرفتش اكلمك
يارب تكون بلغتك بس
عيدك سعيد ان شاء الله :)

Tamer Nabil said...

ازيك كيكى اخبارك اية

كل سنة وانتى طيبة

عيد سعيد عليكى وعلى اسرتك الكريمة

مع خالص تحياتى

رئـــــيسـة حزب الأحلام said...

ازيك ياجميل
صباح الفل
ويارب التعليق ينزل المرة دى
بصى انا كرهت الكورة بعد الماتش دة وماليش نفس اتكلم فى المهزلة اللى حصلت فى يوم العيد
وكل سنة وانتى طيبة
ويارب دايما بخير

reem said...

بجد مش ممكن انتى عسوله خالص ودمك زى السكر

قاعدة اقرا كل البوستات اللى في المدونة وبقول ازاى مش كنت باجى هنا قبل كدا


كل سنة وانتى طيبة ياقمر وعيد سعيد عليكى يارب

وميرسي اوى لزيارتك الجميلة لمدونتى

نورتينى يا قمر والله

reem said...

بجد انتى مش ممكن

عسولة اوى اوى

ودمك زى العسل

قاعدة اقرا في المدونة وبقول ازاى مش كنت باجى قبل كدا هنا

كل سنة وانتى طيبة وعيد سعيد عليكى يارب


وبارب ايامك كلها سعادة وفرح واعياد

mahasen saber said...

عيد سعيد عايكى وعلى كل احبابك

ويا رب دايما كل ايامك مباركه وسعيده

مدحت محمد said...

ههههههههههههههههههه


يانهار ابيض

انا لحد دلوقتى باكل خص

والله فعلا اخص عليا انى اكل خص


ولا اى حاجة خضرة بعد كدة

ولا ملوخية ولافلفل

رغم انى ولابحب الملوخية ولاالفلفل

ولا حتى الاتحاد السكندرى ولا المصرى البورسعيدى

ومش رايح جناين خضرا

انا لو الرئيس
كنت لونت الجناين بعلم مصر

اى خدمة

مينفعش كان يعدى العيد من غير ماقلك عيد فتة سعيد

Soul.o0o.Whisper said...

كيكىىىىىىىىى

كل سنة و انتى طيبة يا قمر
و عيد سعيد عليكى يارب


بس ايه يا بنتى دا؟؟؟
بوست روووووعة



دمتى بكل الخير

ماما said...

ازيك يا كيكى يا عسل
والله انتى اللى وحشتينى
وكلامك مالوش حل فى الضحك اللى بيحصلى بسببه
الاول ااقولك كل سنه وانتى طيبه وعيد سعيد عليك وعلى حبايبك
ويارب ماتحرمش منك ومن زيارتك الغاليه
واشكرك على كلامك الحلو واتمنى انى اظل جواكى وماتتعبيش منى
اما الجزائر
فاتمنى ان تهدأالامور

الملكة هند said...

كل سنة وانتى طيبة

ادام الله عليكى العافية والصحة

تحياتى

صيدلانيه طالعه نازله said...

انا ايه النهارده عشان اقولك
كل سنه و انتى ممأمأه
يووووووووووه قصدى و انتى طيبه
و ربنا يعيدهعلينا و عليكى بالخير دايما

صوت من مصر said...

حاسس انى هحلم باحداث المطش من كتر الكلام عليها

z!zOoOo said...

من أعمالي يا فندم

ايوه الله

:D

إحنا شباب النهارد said...

السلام عليكم ورحمة الله وبركاته
تسر رابطة هويتى إسلامية أن تدعوك للمشاركة فى قص شريط إفتتاح أحد أكبر وأهم مشروعاتها وهو مدونة " إحنا شباب النهارده " من خلال تاج هدية من الرابطة .

نتمنى قبول التاج ونشر إجابته بمدونتك مشاركة منك فى افتتاح المدونة

نرجو زيارة المدونة للحصول على أسئلة التاج والإطلاع على كافة التفاصيل حول فكرة المدونة

مع خالص تحيات
أسرة رابطة هويتى إسلامية
فريق عمل إحنا شباب النهارده

rovy said...

ازيك يا كيكى وحشااانى جداا ..
معلش سامحينى على تقصيرى والله كان عندى شوية ظروف من يوم الوقفه و لوقت قريب منعتنى من التواصل معكم فسامحينى
وحشانى قوى بجد و كل سنه وانت طيبه ز بخير و الف سلامه على مايسا ربنا يشفيها حبيبتى و يطمنك عليها يارب .. ابقى طمنينى

مودتى لكى

!!! عارفة ... مش عارف ليه said...

اللهم أمين

اللهم تقبل

فاتيما said...

يا كيكى
انا مش عاجبنى غيابك دا
وحشتينى قوى
افتقدتك يوم البؤجة جدا
كان نفسى تيجى عشان اطمن عليكى
ممكن تعبرينا
و تقولى للعالم اللى بتحبك لله دى
انتى فين و غايبة ليه
و ليه المود بتاع ام إبراهيم
معيط خالص كدا ؟؟
يا ريت تسيبى عندى و لو تعليق يتيم
وحشتيناااااا

Plogs said...

This is such a nice addition thanks!!!
فعاليات الصوتي
دردشه صوتيه
شات صوتي
شات صوتي
غلا الصوتيه
شات صوتي
شات صوتي
شات صوتي
شات صوتي
الشات الصوتي
غلا الصوتيه

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket