Wednesday, February 24, 2010

نداء الى أفكااااااارى

Wednesday, February 24, 2010

لا بجد مش قادرة أستحمل اكتر من كدة من غير كتابه!!
ايه دة عرفت اهو اكتب جمله الحمد الله يااارب يا بركه دعائكى ياما!!ياترى زمان انا كنت بكتب ازاى ياترى كانت طقوسى ايه؟ الامطة
التمام النضارة الشمس شبشب زنوبه الجلابيه الى عليها عيون حوله والبنطلون عشان التسلخات !! تمام انا عامله كل دة دلوقتى ها وبعدين بقى؟؟ايييييييييييييييييييييييييييه دنيا الصبر مفتاح الفرج مفيش يعنى حاجة نزلت على دماغى الى يصبر ينول برضه
فين ها ؟ فين الافكار؟؟ راحت فين ياترى خدت تذكرة على اول قطر وهربت..الهى يابعيدة يبتلكى بجاموسه حوله
تكنش غلطت مع واحد وراحت تصلح غلطتها؟..اوعى يامنيله يكون جرجرك بمجلد ميكى ولافلاش
ولا يمكن اتقبض عليها بسبب تهمة الاتجار بالاثار..مش قولتلك بلاش تمسكى أنابيب الايام دى
او ممكن راحت تأمن مستقبلها واشتغلت فى سنترال السيده هيقبضوها 150 فى الشهر ماديه وتعملها برضه منا عارفها
ولايمكن راحت ترشح نفسها فى الانتخابات الرئيسيه الجايه ومسكوها بتهمة التعدى على الحقوق الملكيه الفكريه للرئيس واولاده...والله وقتها ولااعرف امك ياخاينه يا عميله يلى مابيطمرش فيكى العشره الى بينا وبينهم ياقليله الاصل ياواطيه
ولايمكن لا مش قادرة اقولها باعت نفسها وعملت سيناريو فيلم للسبكى وسميتوه أوعى أوعى لا لا!! أستر على الفضايح يااااااااااااارب
طب انا ليه بفكر فى حاجات سودة مش يمكن ربنا هداها واتنقبت وبتبيع فى المترو حاجات ب 2.5
بس لا انا عارفها سودة اوى من جوه هى اكيد اكيد زمانها بتثبت العيال على الدائرى ومسميه نفسها فتاكات الدكر
عمتا ياجماعه انا هعمل نداء ليها فى القناه التالته فى تنويه عن المفقودين يمكن قلبها يحن على وترجع لاحسن انا حالتى كرب اوى ونفسيتى زى الزفت من بعد فراقها ولا لى نفس لا اى حاجة فى االدنيا وانتى لمة بتبعدى عنى غصب عنى ببعد عن صحابى وهمه ماشاااااااااااااااااااااااااء الله بينزلوا بمعدل بوستان فى الثانيه وانا زى خيبتها قاعدة وانتى عارفة من غيرك الكتابه ملهاش اى لازمة وانا مليش اى قيمة من غيرك بجد لانك انتى النجمه مش انا
كلمتان على جنب:ونبى لو حد لى قريبوا فى ماسبيروا يتوسطلى عنده لمة تجئ تنزل صورتها ينزلوا مع الصورة اغنية ##ارقص ياوليد ارقص ياوليد اررررررقص ياوليد## عشان بتحبها اوى
!!عودى يابليه بقى عايزين نلعب بالفلوس لعب..
امضاء: كيكى عووووو المجروحه

43 comments:

adel said...

هي الافكار بس اللي تايه يا استير ؟؟؟؟

adel said...

وكمان اول تعليق
هو انا ناقصة
الله يمسيك بالخير يابيبو

سواحة said...

عوووووووووو
بعووووووووووووووو
و محدش احسن من حد

يبقى واحدة بتقول لكل حاجة فكك منى و لما البلية تفك منها تعمل نداء ؟؟:-)))

عايزة بوستات ياشيخة قوليلى
انا عندى زكيبة
تحبى اباصيلك بوست
:-)))) قولى المدونين لبعضيهم

عندك بوست بيلعب فى دماغى و زهقت منه و عايزة انزاه تخذيه؟؟
تغير البيوت :-))) ايه رايك :-))
مش عاجبك مش على مزاجك ؟؟

طيب

لو قبلت بلية حديها قرشين و اقولها عووووووووووو بتقولك فكك منها :-)))))

Humman being said...

كيكى....
لو انتى بعتيها أو هيه بعتت نفسها عشان تترشح للرئاسة يبقى تأكدى انها مش هترجع تانى
هههههههه
تحياتى

بسمة انور said...

اااااااااااااااااااه
ااااااااااااااه يا افكارى

افكارى انا كمان هربت
تكونش هربت مع افكارك وخرجوا برة المجره

والنبى ياولاد الحلال اللى يلاقيهم يجبهم دة احنا غلابه

صيدلانيه طالعه نازله said...

انا عن نفسى حاعلقلك صوره ليها فى الصيدليه
ممكن يكون حد غواها و جبها معاه على اسيوط

على العموم انتى بس ابعتى الصوره و كله يتدبر
ههههههههههههههههه

سلام يا قمر

♥نبع الغرام♥♪≈ said...

مين دا اللى جرحك حبيبتى
ربنا يسعدك يارب


معلهش حبه حبه وهترجع احسن من الاول
قولى يارب
بس بجد انا بموت فيكى احن واطيب قلب
ربنا يوفقك يارب

Unknown said...

غنى لها عودى يافكرة عودى يافكرة

شفـقــة و إحســــان said...

يا بلوة مسيحة..... انتى فينك وفين افكارك
اظاهر ان انتم الاتنين تايهين مش الافكار لوحدها
وبعدين انتى مش خلصتى الامتحانات من بدرى امال ليه مختفية
ابقى طمنينى عليكى

كيكى عوووووو said...

بسم الله الرحمن الرحيم
وبه نستعين
*************
يارب يتفك النحس وربنا يهدينى واعرف ارد على كل التعليقات
**********************
ابو جودة ازيك ياراجل امال فين السلامات والحبشتكانات؟؟
قولى مين عندك تايه نبعتوه علطول على القناه التالته بس تحب تسمع اغنية ايه مع الصورة؟؟

كيكى عوووووو said...

ويندا
*******
الله الله احنا فينا من كدة طب عوووووووووووو
دة البليه دى انتيختى دى صاحبتى وحبيبتى وكفاءه يعنى
ممممممممممممممممممم
تباصيلى يمسيك بالخير ياحسن يا شحاته
طب ماعندكيش حاجة تتاكل؟؟
ونبى قوللها فى بنطلون اخضر هى خدته معاها
خدى بقى بوسة امووووووة

كيكى عوووووو said...

شيما
******كاتبه الاسم انا صح؟
ازيك ياعسل
يانهااااااااااااار اسود
هلوص انا من غيرها طب معندكيش واحدها اتبانها
عوووووووووو

ENG./ELSAYED,PMP said...

فكرتينى بمقولة
أنت الآن حيث أوصلتك أفكارك وستكون غداً حيث تفكر الآن

أفكار على فكرة مثلت فيلم مع سعيد صالح ومحمود ياسين
واتبهدلت ف الفيلم ده اوووى
اوعى تكون هيه

كيكى عوووووو said...

بسبوستى
*******
وحشتينى يابت انتى
اكيد قابلوا بعض وروحوا ابو طارق؟؟!!

كيكى عوووووو said...

حبيبىىىى
**********
الدنيا بتمطر اوى دلوقتى
تفتكرى هى بردانه ولا جعانه
اسيوط
يالهووووووووى دة احنا صعايدة الطااااااار ولا العار
يا تامر!!!
اوك هبعتلك صورتها بتاعت المدرسة

كيكى عوووووو said...

ايناس عاشقة الاناناس
**************
عاملة ايه انتى؟؟
والله انتى الى ربنا يسعدك ويفرحك دايما
ياااااااااااااااااااارب
بس انا متاكدة لو عرفتنى عن قرب هتغيرى رايك
واحتمال تودينى خلف الاسوار
امواااااااة

كيكى عوووووو said...

العيسوى
يا هلا يا هلا
************
بس تفتكر عمرو دياب يرضى؟؟

كيكى عوووووو said...

شفشق صاحبى اهون يا جدعان
*********************
دة خلصت ونجحت
وقربت اتخرج كمان
انا فين؟؟
فى حاجات كدة بالصلاه على النبى بتحصلى زى الفل ربنا يستر!!!
وهنيلك يا فاعل الخير

Lady E said...

حبي يا حبي عاملة ايه في المطر والبرد بتاع النهاردة

عارفة بقى انا عندي افكار بس مش عارفة ابعبر عنها عاااااااا

عودا حميدا وتلاقي الافكار راحت تشرب اورنج جوس

!!! عارفة ... مش عارف ليه said...

والله يا كيكي

لو قولتي ريان يا فجل

هيكون جميل لما نشوفه على مدونتك هنا

وياريت ما تطوليش أووي كده :)

P A S H A said...

قشطة .. حددي أنت بس مكافأة واحنا نقلب لك عليها البلد.


:))

سلام

فارس الجبالى said...

السلام عليكم
يبدو|أنها ليست مشكلتى وحدى
تائه أنا أيضا
بالمناسبة ما يعجبنى فى مدونتك تلك العقلية الساخرة الكبيرة والتى تلقى بنكاتها رافضة تماما أن يضحك الناس عليها مع أنها مضحكة جداا
مودتى

مدحت محمد said...

عووووووووووو

تعرفى الصورة دى فكرتنى بفرنسا هانم المدونة

المهم
الفراغ الفكرى ده بيحصل كتير معايا

بس مش بستعجل على الكتابة

Unknown said...

عووووووووو
وحشتينى جدا يا شريرة فينك مش بتسالى عليا لية

انتى نستينى ولا اية حكايتك يا بنونة انتى

اقولك انتى تجيبى سلك شائك وتحوطى بيه راسك عشان الافكار متهربش منك وان كان صعب خلاص يبقى امرك لله وحاولى تعاملى افكرك حلو عشان متهربش


ربنا يفرحك ويسعدك ويبعد عنك هرب الافكار يا قمر

دينا حامد said...

هي اكيد راحت ترشح نفسها في الانتخابات
الحقي استخبي قبل ماتلاقي اللي بالي بالك بيخبط عليكي :D

تحياتي

*الطالبة عفو الله *زوزو said...

تصدقي اننا مش فاهمة حاجة خالص مالص يمكن عشان مش نايمة كويس
انتي بدوري على عبلة؟؟؟
المهم انا مش فاهمة و خلاص

(green eyes) said...

لا بجد قطعتي قلبي .. بس مش تخافي اكيد هتلاقيها العشره مش هتهون عليها بردو :):)

سمع هوص (Abo 3li) said...

بما انها زيارتي الاول هنا.... هعملك شرش علي النت.... اه شرش... مسموش سيرش... العيال بتوع مدارس اللوغات دول ولا يعرفو انكليسي ولا شافووه...

المهم... لو لقيتها ... يبقي ليا عشرة في المية؟؟؟
ها؟؟؟ اتفقنا؟؟


تحياتي

ريمان said...

سلامتك من الجرح يا كيكتى

ولا يهمك يا قمر

وحشانى اوووووووووووى

عامله ايه طمنينى عليكى

Ana keda said...

ههههههههههههههه
ضحكتينى والله بفيلم اوعى اوعى لا
يعنى فى مقاومة اهو تبقى شريفة شريفة يا اوختى

هى عادى حالة يا بنتى وبتيجى وبتروح وهتبقى زى الفل

بس والله برافو عليكى انك بتدورى

انتى ليكى فى الشعبى احلى مسا بقى
اه انا بحب ارقص يا وليد دى اوى
والتانية بتاعت جوجوجوجو مش عارفة اكتبها وبرضو ادينى انا مش عارفنى لحد ما اعرفنى

يا رب تلاقيهم ...بس جامدة الدماغ دى

Humman being said...

كيكى ايه الأخبار ؟ ... لقيتى الأفكار ولا لسه... ؟
أوعى تقوليلى انها لسه تايهه ... كدة تبقى اتخطفت برة البلد وده هيبقى موضوع تانى

عايش... ولكن !!!! said...

قولى انا مش ناسيه انا فاكره 20 مره وانتى افكارك هترجع زى الاول :))

عايزه أشتغل said...

مدونه كلها جميله زيك ربنا يوفقك

rovy said...

هههههههههه
وحشانى مووووووووت بجد و الله العظيم و ناس كثير وحشنى جداا فى التدوين و غصب عنى الفتره اللى فاتت كلها لغبطه فى لغبطه فسامحينى لو مقصره كثير ..
أفكارنا كلنا متلغبطه يا كيكى يا قمر مش أفكارك بس ..:))
ربنا يرجعلك افكارك التايهه بالسلامه و يهدى افكارنا جميعا
مريومه بتبعت لك بوسه كبييييره جداااا و حضن كبيييير اوى و مامت مريومه كمان :)

Anonymous said...

صباح الفل ست الكل

الإجابة مش الجنة

الإجابة في البوست اللي جاي

نيااااهااااااااااي

-_- said...

كل عام وانتم بخير

الازهرى said...

وربنا
انا بادعى اللى فى البيت عندك ربنا يعينك عليهم

يا بنتى حتى الأفكار طفشت منك ؟

بالاحة كده على الناس وخفى عنهم وهى ترجع لك من جديد
وعلى فكرة أنا أقدر أخدمك فى موضوع ماسبيرو ده
روحى الكافيتريا هناك جوه المبنى وادخلى ولما حد ييجى سسألك عايزة تشربى ايه اسألى عن عبده كوارع وبلغيه إنك معاكى المعلوم وهو هيعرف إنك من طرفى ويقوم باللازم كله

كلام على بلاطة said...

وبعد ما يرقص وليد
هيعمل ايه
تحياتى

micheal said...

مفيش مشاكل في موضوع عدم وجود أفكار..خدي فاصل وإرجعي واحنا مستنيينك
:)
تحياتي

أبو العريف said...

ازيك يا كيكي

عامله ايييييييييييييييييه

طبعا

وحتما

ولا بد

اني زيك بنادي لافكاري

وان كانت بتيجي

بس مش بلاقي الهمه

عندي حاله ملل

وكسل

ولا مبالاح


وركووووووووووووود فكري انبساطي

Anonymous said...

ههههههههههههههه


ما شاء الله عليكي .. اسلوب ساخر تحففففففه


عجبني أوي البوست و بجد موتيني من الضحك

ربنا يبارك في عمرك يا فندم و دمتي مبدعه


اول زياره للمدونتك و أكيد مش الأخيره و أعذريني على الزياره من غير دعوه

شدني اسم المدونه جدا و كمان اسم البوست

اتمنى بجد اتشرف بتعليق حضرتك على صفحات مدونتي المتواضعه

هنا

http://ahmedabdulmohsin.blogspot.com/2010/01/blog-post_25.html

Maha Shahen said...

هبلتينى يا نهار ابيض ايه يا كيكى دا عماله اجرى ورا كل فكره شوية انى افهم ولا اوصل لنهايه ابدا
بس بينى وبينك احسن من انك تغيبى برضو
وبعدين ابعدى عن طويل العمر يطول عمره ويزهزه عصره ويخرب بيته وينصره علي مين يعاديه علشان منجبلكيش عيش
وحلاوه
مدونتك جميله ومتزعليش من كلمة هبلتينى بس حسيت للحظه انى توهت بس استوعبت الموقف

Trotterkofs said...

شفشق صاحبى اهون يا جدعان ********************* دة خلصت ونجحت وقربت اتخرج كمان انا فين؟؟ فى حاجات كدة بالصلاه على النبى بتحصلى زى الفل ربنا يستر!!! وهنيلك يا فاعل الخير

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket