Monday, March 15, 2010

أنا شارب سيجارة بنى حاسس ان دماغى بتاكلنى

Monday, March 15, 2010
فى اشاعات نازلة اوى اليومين دول من ساعه الكبير ماحصل الى حصلوا انه لاقدر الله يعنى هيموت!!!...واحنا كان المفروض كواجب علينا لانه فرد منا ننقطوة حلاوة ماقام بالسلامه
بس مش دة الموضوع دلوقتى الموضوع انى فكرت لو مات بجد بجد بجد يعنى الاهرام هتنشر تانى يوم:
السيد الكبير يفتتح الطريق الصحراوى الجديد بين امبابه والسيدة زينب ليجعلوه طريق دولى ولاينوى ان يرشح نفسه فى الدورة الانتخابيه السابعه والثلاثين ويرفض بشدة ترشيح ابنه *الرئيس الحالى* للانتخابات القادمة رافض مبدأ التوريث تأكيد لسياسته الحره
ومع الخبر صورة لى وهو بالكفن وبيقص شريط الطريق
!!!११!

26 comments:

أبو العريف said...

مزاء الغعيييييييييييييييييير

هوووووووووووووووووووف

انتي دماغ يا معلمه كيكي

مزاء الغييييييييييييييير

بنت قلبى said...

ازيك كيكى عوووووووو
والله اسمك واحشنى
وانا دخلا اسلم بس واطمئن عليكى
لانك الوحيده الا حسيتى بغيابى وسئلتى عليا
بجد تسلميلى كيكى وربنا يخليكى يارب
ومتشكره برضو ليكى

adel said...

ههههههههههههههههههه
لاجامدة دي

خدي دي بقي من عندي

جمال خلف و هما في المانيا ابنه و سماه ايه ؟؟
محمد

فكرت قلت دي صياعة
الريس عمل تعبان و خدي العيلة و راحوا عشان لما مرات جمال تخلف الواد ياخد الجنسية الالمانية وش

وبكده عارفنا ان ريس مصر بعد جمال هيكون لاول مرة يحمل جنسيتين
الماني و مصري

NeVeN said...

حلوة اوى
على فكرة دة المتوقع

دمك خفيف موت ضحكت اوى اوى


تحياتى

AHMED SAMIR said...

ممكن جدا السيد الكبير يكتفي بهذا القدر من الدنيا و يدعوكم للقاءه في الأخرة

just waiting said...

نيهاهاهاهاهاهاهاهاهاهاهاهاها
عاااااااااااااااااااااااااااااااااا
ماتتخضيش لسه ما اتهبلتش انا بس اتجننت من زمان عموما دي بس ضحكاية على اسلوبك الجميل
اما التانية فصرخه وعياط على حالنا
تحياتي ليكي

صيدلانيه طالعه نازله said...

هههههههههههههههه

حلوه و هو بالكفن و بيقص الشريط

و ايه يعنى بيفتتح المقابر الدوليه الجديده اللى عملوها للوزرا و البشوات
و دى مقابر ترد الروح مكيفه من جوه و الخدمه فيها سبع نجوم و الاكل بيجى للاموات منن الفورسيزونز

عرفتى بقى هو كان بيقص الشريط ليييييه
عشان هو اول نزيل


يا خوفى عليك يا بدراااااااااااااان

Ana keda said...

هى دى مصر يا عبلة
عارفة والله هو شكله فعلا بيودع العالم يعنى اهو يريح حبتين بس يا ترى هنبقى عاملين ازاى من غيره

عااااااااااااا
ياوختى الدنيا بقت صعبة بس يا رب يبنتى يلا اهو يبقى تغيير ةبالكفن هيبقى اورجينال خالص
وحلولى يا لولى
وابقى باصيلى السيجارة بقى :)
بطلى دناوة

Humman being said...

كيكى عووووووووووووووووو.....
ههههههههههه
والله ممكن برده يا كيكى .... ما هو ماسك فى الدنيا باديه وسنانه فأكيد هيطلع بالكفن يقص الشريط ... المصيبة بقة ل احنا نوحشه وياخدنا معاه

يا ساتر يارب
ان شاء الله هوه واللى يكرهنا و "الحزن الوطنى كله"

حامد برهام said...

اسلوب خفيف ورائع
وأفكار لذيذه
بس انا بقول
ربنا يديله طولة العمر ويديله الصحة
ويبعد عنه الترب والكفن كماباعد بين المشرق والمغرب علي ان تأتيه بعد ذلك تمشي وهي تتعثر
يارب طول قعدته فيها
ماحدش يزعل مني يا جماعه
أنا ليا أسبابي

كيكى عوووووو said...

ابو العريف
***********
يامزاااااااااااء النور
بقولك هنتقابل امتى فى بطن الجبل عشان نسلم البضاعه؟؟
عوووووووووو

كيكى عوووووو said...

بنت قللبى
********
يامساء الانوار على الناس الحلوة
هتخلينى اغير من اسمى بجد؟؟
ياحبيبتى احنا اخوات وانتى متزعليش انى ساعات كمان مش بسأل لانى بقيت ادخل تفاريح
احنا كلنا اخوات بجد
عووووووووووو

كيكى عوووووو said...

ابو جودة
********
اهو دة شغل المخابرات ولا بلاش؟؟
يعنى الحمد الله اللغه الاولى بتاعتنا هتبقى الالمانى
ولسه هناخد بقى دروس وحاجات عشان نعرف نتعامل
يااااااااااااااااختى
عووووووووووووو

كيكى عوووووو said...

نيفين
*******
الواقع المرير
بس ولا يهمك وقتها شعبولا هينزل اغنية عشان نفرفش
وايييييييييييييييييييه
عوووووووووووووووو

كيكى عوووووو said...

احمد سمير
********
بس هو ياخد بس الدعوه الاولى
عووووووووو

كيكى عوووووو said...

حبيبى المنتظر
************
تعيطى ليه بس؟؟
دة احنا عايزين نفرفش ونهيص وسيد ياسيد
عووووووووو

كيكى عوووووو said...

علاااااااااااااااا
*******************
تصدقى مكنتش واخدة بالى الئيم
متخفش يابدراااااااااااااان
واخداك معايا
يانعيش عيشة فل يانموت احنا الكل
عووووووووووو

ميمى واحمد said...

النهاردة عيد ميلاد ايناس عاشقة الاحزان فى انتظاركم

سمع هوص (Abo 3li) said...

دنتي فقرية

يابنتي مفيش كبير بيموت ... احنا اتولدنا ولقيناه رئيس... وهنموت قبله...
وهيفضل هوا الريس

micheal said...

طب كويس أننا معرفناش سر التحنيط حتى الان وإلا كنا حتبقى أمام الإله
حو سني الأول
!
مبروك يا سيادة المعيدة
معلش متأخرة شوية
:)
تحياتي

فاتيما said...

بت يا كيكى

ايه نوظامك يا هااااانم

هتعملى زى سوووو و لا إيه؟؟

و نجيبلك حلاوة الريس و العيش و نقعد احنا ع الصحراوى و لا أيييييه ؟!!



بس تصدقى صح ؟

الناس دى هتكتب الأخبار ازاى
تانى يوم
دول اصل اقلامهم
لاوحة شمال دايما
و ف سكة واحدة مفيش غيرها

قلمهم هيجيله سكتة قلبية
او يكملوا وصلة النفاق للآخر

وحشتنا تهييساتك
يا بنت انتى قوى

♥نبع الغرام♥♪≈ said...

ام هند

وحشتينى يا غاليه
هههههههههههههههههههههههههههه

بجد أنتى احلى دماغ فى عالم التدوين وأخت بمعنى الكلمه ربنا يسعدك يا قلبى
أنتى جدعه موووووووووووووووووت
وأنا بحبك أووووووووووووووووووى

أبقى ادخلى عندى شوفى التحديث اللى عملته بس معلهش سبت الصوره

هههههههههههههههههههههههههه
منتظراكى يا غاليه

hend anwar said...

يا ريت يكتفى
دا احنا زهقنا من كتر كلمة التغييييير

SHAPE YOUR LIFE (ABOALI) said...

ههههههههههههههه
صح الكلام يا ريسة
الريس حى وهايفضل حى ومصر هاتفضل طاهرة مهما قالووووووا
وهانرش الملح سبع مرات
وربنا يجعله عامر

خالص تقديرى على الفكر العالى عالى عالى
الاقى معاكى سيجارة سلف

لــــ زهــــــراء ــــولا said...

ايه ده ياشقية اعلقى بقى دلوقتي اقول ايه هههههههههههههههههههههه
اليومين دول الدنيا مش باينلها حر وحر عشان اروح ورا الشمس هههههههههه
تسلمي ياقمر

momken said...

وممكن نشره تسعه تقول

فى اطار نشاطه اليومى قام سيادته باجراء مقابله مع السيد عزرائيل

وقامو بجوله تفقديه بلاخره وقد تستمر الجوله فتر طويله جداً

من ناحيه اخرى اناب سيادته السيد امين السياسات لاداره شئون البلاد خلال فتره غيابه التى قد تستمر كتيراً جداً


تحياتى

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket