Saturday, March 20, 2010

ست الحنانه يا ضنايا انت

Saturday, March 20, 2010

ماما...
ماما بالنسبالى زى الكوبرى الدائرى هو المفروض يوصلك فى اسرع وقت ومن غير مشاكل لكن العكس بيحصل بيوصلك على نقاله!!!دة بس بيحصلى لو حصل اختلاف فى وجهات النظر
ماما بالنسبالى زى التوك تك بحب اشوفه بيمشى عشان سريع وبيعرف يوصل مشاويره فى الوقت المظبوط بس لو قلب عليك يقلبك فردة كوتش
ماما بالنسبالى زى شيكولاته كابرى لم بقعد أكل فيها كتير بحس انى بروح غيبوبة وبتسطل لمة بعك فى الكلام مع ماما بتعمل زى كابرى بالظبط بس بالشبشب
ماما بالنسبالى زى شركه فودافون تحط رجلك فى ال
خايه لحد ما تستلف السته جنيه منها وبعد كدة تروح تفضحك قدام امه لا اله الا الله
ماما بالنسبالى زى شاى رويال للرجيم يخدعك فى الاول وتحس نفسك بتخس وبعد كدة تظهر اضراره على المدى البعيد ودة لمة هتعمى قريب من كتر الضرب على قفايا
ماما بالنسبالى زى المنتخب الوطنى لمة بيكسب بحب مصر اوى وهى لمة ربنا يهديها وتضحك بتبقى زى حب مصر كدة بس حب وقتى
ماما بالنسبالى زى السبكى هو وراء انهيار السينما المصرية هى وراء انهيار اعصابى
ماما بالنسبالى زى شعبان عبد الرحيم لمة يقول اييييييييييييييييييييه لمة باجى اطلب منها فلوس
ماما بالنسبالى زى اغنيه الدنيا زى المرجيحه يوم تحت وفوق لانها ساعات ترمينى من فوق السطح او تحت عربيه
ماما بالنسبالى زى محمد سعد مستحيل تقنعه بانه يغير نمط افلامة وهى مستحيل تقنعها انى مش الفلبينيه الى هى شرايها
ماما بالنسبالى زى حسن الهلالى انا متاكده انى هبقى الاول فى فيلمها الانتقام الرهيب
ماما بالنسبالى زى فيلم المرأه والسطور عماله تتفرج دلوقتى على اعلانات تميمة الله يحرقهم بجاز وتبصلى وهى بتحضر فى الاكياس عشان لسة مجبتش هدية عيد الام
عزيزى القارئ ربما تكون هذة اخر كلماتى استحلفك بالله ان تطلب رقم البوليس وان تبلغ عن امى
ولاتنسى الدعاء لى بالجنه
وان لله وان اليه راجعون
الشهيده بأذن الله كيكى عوووو ضحيه عيد الام

53 comments:

كلام عيب said...

اوووووول كومنت

كلام عيب said...

ههههههههههههههههه
يا تشبيهاتك يا حسبالله

كل سنه و ست الحبايب معاكى و فرحانه بيكى

سواحة said...

بصى حنقرأ الفاتحة من دلوقتى متقلقيش ادخلى عليها بعود جرجير و انت حتتكسى باذن الله حرير فى حرير :-))

بس اننا نبلغ عنها
انت معندكيش اخوات ثانين مستنين فى لستة الانتظار :-))؟؟؟
لما اللستة تخلص
حنديها ساعتها جائزة الام الخرافية :-))

و كل سنة و هى طيبة

سمع هوص (Abo 3li) said...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه.... انتي مسخرة والله... يخرب بيت فقرك...

كل سنة وحسن الهلالي بتاعك وبتاعي بخير... اقصد كل سنة ومامتك طيبة

بنت قلبى said...

كل سنه وماما طيبه كيكى
ويارب يخلهالك يارب ويطول فى عمره ويديها الصحه يارب

Anonymous said...

السلام عليكم

هههههههههههههههه

برضو ده جزات تسع شهور تعب وسنتين

تربية

ربنا يحننها عليكى

just waiting said...

هههههههههههههههههههههه
ربنا يخليهالك يا كيكي
عادي ما تفكريش في الهدية كتير هاتيلها المرارة
مشكلتي اني جبتلها المرارة السنة اللي فاتت مش عارفة السنة دي اجيبلها ايه

عاشقه الرومانسيه said...

ههههههههههههه
ياتشبيهاااااتك
وعلى ايه كل ده يابنتى؟
افدى نفسك وهاتى هديه
قدامك فرصه 24 ساعه
بعدها هنبلغ عن اختفائك فى ظروف غامضه
(:

adel said...

ماما عاملة عملية
شالت المرارة تعاطفا مع الريس
ماما غصب عن عين اللي جابونا بنحبه
لانها عشرة

وربنا اعلم بانهي ماما اللي في بالي

أع ـقل مـ ج ـنـونــة said...

ههههههههههههه
تحفة بجد
بس اكيد مامتك طيبة برده ؟
جيبلها كيس مناديل واكتبي عليه من برة هابي عيد ام مع جنيه ونص هايقضو المصلحة :D
كل سنة وهي وكل امهاتنا طيبين
وتقبلي مروري الاول في مدونتك الرائعة

صيدلانيه طالعه نازله said...

هههههههههههههههههههههههههههه

البقاء لله مقدما و منجيلهاش فى كيكى عوووووووو لديكم

انتى مصيبه يا بت انتى بقى امك زى السبكى و محمد سعد
طب و الله لاقولها و ربنا يعوض علينا فيكى بقى

Lyssandra said...

:)))))))
والله انتي سكر يا كيكي

بس في الاخر هي ماما
يعني ماتعرفيش تعملي حاجه :)

ربنا يخليهالك
ويهديكوا لبعض يا بنتي

Lyssa

فاتيما said...

يا خراشى عليكى يا كيكى


يا بت مفيش زيك
فى تناول الاحداث الجسام

قادرة تبدلى أى حاجة
لسكة تانية
و تقلبيها زى الميكروباص من فوق الكوبرى و تخرشميهااااااا


الحاجة معذورة برضو


انتى شكلك تجننى بلدين بشعوبهم
و سائحيهم يا ماما


بس عاملة علينا برئية
و بربرشى و بصى ف الارض
و لا بناكل م الكلام دا
اشاسا على رأى عدولة ابنى


ربنا يخليكم لبعض
يا بنتى انتى
ف مرحلة الخناقات


كلنا مرينا بالكورس دا
بس احب ابشرك
اول ما تنخطبى
و لا تدخلى على جواز

هتلاقيها
بقت اتوبيس سياحى مكيف
و شبه كريم عبعزيز
و آخر فل و حلويات

و ابقى افتكرينى يا كيكى وقتها
و قولى جندى مجند
فاتيماالمليجى
كان عندها حق


بوسات و حضونات يا اطعم
كيكى ف الدنيا

Sad Angel said...

هههههههههههههههههه

يالهوز عليك يا كيكى

ربنا يخليلك مامتك ياستى
ههههههههههههه

عثل وربنا

Baskouta said...

بوست تحفة
ايه ده كله
كل ده وانتى يا عيني مستحملة
لالالا
المفروض هي اللى تجيبلك هدية عيد الام
وتقولك كل سنة وانا مامتك
ههههههههههههه
كل سنة ومامتك بخير
وانتي عسولة
تحياتي البسكوتية

*الطالبة عفو الله *زوزو said...

يا سلام على تشبيهك تحفة بجد

كل سنة و ست الحبايب طيبة و اليك قريبة

ربنا يباركلك فيها و يخليهالك يا رب

تحياتي

Unknown said...

مييييييييييييييتة من الضحك يخرب عقلك
هههههههههههههههههههههه
ههههههههههههههههههههههههههه
هههههههههههههههههههههههههههههه
ههههههههههههههههههههههههه
ههههههههههههههههههههه
ههههههههههه

♥نبع الغرام♥♪≈ said...

هههههههههههههههههههه


هى دى صورتك اللى فى الاخر ولا ايةةةةةةةةةةة

♥نبع الغرام♥♪≈ said...

ربنا يسعدك زى ما بتسعدى الناس

وكل سنه وماما بالف خير حبيبتى

وحشتينى ياقمر
واحلى بوسه واحلى حضون كبير ليكى
امووووووووواه

أبو العريف said...

دي ماما دي نسمه

بلسم

اللي زيك يا كيكي

لازمن ولابند تكون ماما معاها ست السيد

يا شيخه دي ماما مخلفه عفريته صغننه ان مكانتش تعمل عاها كده هتعمل ايه



كل سنه وكل امهاتنا طيبين

سلميلي علي ماما وانا هقرأ عليكي الفاتحه

خواطر شابة said...

كل سنة ووالدتك طيبة وبخير بس اوعي حد يعرفها طريق المدونة وتشوف الوست ده ساعتها فعلا لازم نقرالك الفاتحة هههه
دمت بكل الود

hend anwar said...

ربنا يخليها لينا يارب

دينا حامد said...

انا متأكدة انها لو قرت البوست ده
هتنزل عليكي بس مش بالشبشب :D

انتي شركتيها ع الاخر ايه يابنتي كل ده حب في قلبك :)

الله يخليها لك ومايحرمك منها ابدا يارب
يلا كل حاجة منهم حلوة خليها علينا !!

تحياتي

Anonymous said...

ههههههههههههههههههه
لا انتى اعملى جمعية وهاتى هدية

!!! عارفة ... مش عارف ليه said...

كل سنة وانت طيبة كيكي

والله بوست حكاية

من زمان مجيتش هنا بصراحة

لاني مقصر بس اللي مش مخليني مكسوف من نفسي اووي يعني

إن الحال من بعضه انت كمان في الفترة اللي فاتت مكنش لك حضور جامد

المهم والاهم من الكلام ده

هو هديتك لعيد الام

أنت ناوية تنامي عليها ولا

أييييييييييييييييييييه

Unknown said...

ههههههههههه
ربنا يخليهالك يارب

شفـقــة و إحســــان said...

يخرب بيت فقرك
بس تعرفى دى مامتك الكوبى بتاع مامتى
ربنا يعينه عليهم
وكل سنة وهما واحنا طيبين

Lady E said...

سيبك انتي البيبي اللي في الصورة ده زي القمر :)

أحمد زاهر said...

ههههههههههه
جميل البوست قوى
بس أنا حبيت اقولك الحقى نفسك واشترى هديه أصلى ما اعرفش رقم البوليس

Ranona Elmgnona said...

ههههههههههههههههههههههه بجد جااااااااااااامد اوى انا زيك بالظبط

ريمان said...

ههههههههههههههههههه

يالهوى عليكى يا بت

بتجيبى خفه الدم دى منييييييييين

هاجى اخد عندك درس لاحسن انا بقيت نكد وغلسه اوى


كل سنه وكل الامهات طيبين

بس بجد صوره النونو ده هتموتنى بجد نفسى ابووووووووسه

حنين الذكريات said...

السلام عليكم
أخيرا فتحت معايا وهعرف أعلق
جميله تشبيهاتك دى
ربنا يخليلك ماما ويبارك فيك لها
وان شاءالله دايما هنفتكرك بالخير وندعيلك ونقرا الفاتحه
متقلقيش وتوكلى على الله

الازهرى said...

يا نهار ابيض

يا شماتة أبله ظاظا فيكى يا كيكي

كل ده امك تعمله فيكى وساكته
لو منك
اقتلها
واعبيها فى اكياس وابيعها فىالسوبر ماركت الموجود على ناصية الشارع جنب بتاع العصير

ما ى اللحمه غاليه وتبقى كسبتى مرتين
خلصتى منها وطلعتى بقرشين

P A S H A said...

نياهاهاهاها

شوريرة يا بت أنت قوي على فكرة .. بس بوست لذيذ .. ربنا يبارك لك في مامتك ويفرحها بيكي ويطمنها عليكي ويهديكي ليها . آمين

وبعدين يا كيكي أنا عاوزك تتفائلي خير مش باحب التشاؤم خالص .. مش جايز هاتغزك بس ؟

ههههههههههههههههههههه

سلام

شمس النهار said...

يانهار ابيض
كل دي ماما

مش ممكن دي مش ماما خالص كده
دي خط الصعيد

:)

اكيد انتي مطلعة عينها اكيد

ممكن نعمل تبديل ادوار اديها ورقة وقلم وخليها تكتب هي بوست ليكي في عيد ميلادك ونشووووووووووف

كل سنة وهي طيبة ومستحمله كل دههههههه

سلامي

الغاردينيا said...

هههههههههههه

ربنا يسعدك ضحكتيني

وانا تعبااااااااانه

مووووووواح عليكي

وربنا يخلي لينا امهاتنا ولو كانووووا

بالفعل عوووووو

هههههههههههه

Ana keda said...

هههههههههههههه
انتى مجرمة والله العظيم

انتى لو بنتى هفرح بيكى يبت انتى لاننا هنبقى عمالين جو تهييس مالوش حل
وحشانى يا مجرمة
عوووووووووو

لاسع افندى said...

طيب ماتشترى عمرك وتجيبى هديه


تحياتى

لاسع افندى said...

نسيت اسألك هى مامتك هتقرا البوست ده؟

يبقى ربنا يرحمك فعلا

Anonymous said...

موضوع مهم عندى على المدونة

مستنى رأيك

مودتى

micheal said...

looooooooool
بوست جديد من نوعه عن عيد الأم أحييكي عليه
:)

Anonymous said...

سؤال برئ

هو البوست ده .. الى ماما ؟ وفى عيد الأم ؟

طوبه فضه وطوبه دهب said...

والله انتى شكلك مفتريه وضلليه وانتى اللى مطلعه عنيها ههههههههههههه ربنا يخليها لك يارب وما يحرمكيش منها ابدا ياقمر

مهرة سالم said...

السلام عليكم....
عســــــــــل يا كيكي
يارب يحفظلك مامتك
ويسعدك يا عسوله...
...
في امان الله

لــــ زهــــــراء ــــولا said...

السلام عليكم كيكي الامور ؟...الحلوة الصغيوورة ربنا يخليلك ماما واتفضلي مننا مائة بووووسة ..كلامك زيك سكر يابسبوسة ):):

قوس قزح said...

كيكى ..انت لسه على وش الدنيا ؟
ولا خلاص نقرا الفاتحة ؟

و الله مامتك لها الجنة انها عندها بنت عفريتة زيك و الشقاوة بتنط من عينها نط

انا هاسجل البوست ده و اتصل اقراه لمامتك ..اصل عايزة اسمع لايف رد الفعل ايه .. العمى نتيجة الضرب على القفا ولا النقالة ههههههههههههههه



وحشتنى ..و اياكى مش تيجى يوم 9 .. و تيجى بدرى علشان الحق اشوفك قبل ما امشى

السينيور said...

هههههههه
لا بجد انتى فظيعة وملكيش حل
ايه كمية خفة الدم دى
الواحد مضحكش من زمان بالشكل ده
على فكرة تشبيهاتك جايبة من الاخر
ربنا يخليهالك يارب
والدتك مش التشبيهات
واتمنى تقبليني صديق لمدونتك الجامدة دى
تحيتى

فتــافيت (رحاب الخضري) said...

هههههههههههههههههههههههه
ههههههههههههههههه
بجد فظيييييييييييييع

عجبني البوست والمدونة كلها
دمك سكر ^_*

على فكرة قطتي اسمها كيكي :P

rovy said...

هههههههههههه
يا مفتريه يا كيكى
:))
كل سنه حبيبتى و أنتى بالف خير و ربنا يخليلك ماما و تعيشى و تجيبى لها هدايا عيد الأم و يارب أيامكم كلها أعياد :)

فشكووول said...

متهيأ لى يا كيكى انك بتهزرى وان الكلام دا من ورا قلبك
مافيش فى الدنيا احلى ولا احسن ولا احن من ماما .. أى ماما فى الدنيا .
صحيح هما ساعات بيكون زى الدبه اللى بتقتل صاحبها.

فشكووول said...

متهيأ لى يا كيكى انك بتهزرى وان الكلام دا من ورا قلبك
مافيش فى الدنيا احلى ولا احسن ولا احن من ماما .. أى ماما فى الدنيا .
صحيح هما ساعات بيكون زى الدبه اللى بتقتل صاحبها.

أنا - الريس said...

علي كده أمي بقي طلعت ملااااااااااااك

باحث عن حب said...

تشبيهات جميله
رائعه
ومش عارف
اولادك هيقولوا عليكى ايه
؟
كلمات حلوة وجميله
وكل عيد ام واحنا طيبين

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket