Tuesday, April 20, 2010

لازم نفترق يامرسى!!!!

Tuesday, April 20, 2010

لو سمحت متبصليش البصة ديه متجرحنيش اكتر من كدة بسكاتك دة لازم تعرف ان الحياه محطات وانت دلوقتى محطتك مبقتش معايا انا لازم افكر بعقل شوية خدنا ايه من القلب يعنى؟؟ غير شوية ذكريات وجروح مش لاقية الى يضمها مقدرش انكر ذكرياتى معاكى بس انا بجد تعبت من بصه الناس ليا...هتقولى ومن امتى بتفرق معاكى بصة الناس؟؟
هقولك من ساعه مانزل ان تسعين وان اتنين وتسعين!!!
بذمتك ودينك دة شكل برضه
اايوة لمة شوفتك اول مرة اتجنينت وعمرى ماهنسى دخلت بابا عليا بيك بس الكلام دة ياحمو من اولى ثانوى وابويا وقتها ضحك على وقالى جبتهولك مخصوص كبير وباريل عشان الناس مقامات!!! لكن لحد امتى هيفضل مضحوك عليا
لحد امتى هشحنك بالطاقه الشمسية
لحد امتى هجيب سلك عريان واوصله بالكهربا والميه عشان اعملك فيبراشن
لحد امتى هلزق صور حقيقة عليك وافهم الناس انك مجسم
لحد امتى هفضل ابعت رساله كاملة بحرفين وربع
لحد امتى هخلى عليك ساعتى اليد عشان اعرف اوبشن الوقت منك وورقة النتيجة من ورا
لحد امتى هفضل اسيب الخرم الى فيك من قدام واقول للناس دى كاميرا حديثه
لحد امتى هعمل صوت من بوقى وانت بتنور عشان افهم الناس انك بترن
لحد امتى هفضل كدة قولى؟؟؟ استحملتك كتير اوى وفى نفس الوقت مقدرش انكر ان كل بشله فى وشك كانت ليها معايا ذكرى بس الذكريات ياعزيزى مابتجبش حق كرت شحن بعشرة
وحياه ابوك ماتبصليش كدة عارفة عايز تقول ايه؟؟
ايوة جبت عده جديدة فيها بلوبوث وانت كنت مفهمنى ان الاوبشن دة خيال علمى
وفى اغانى وكاميرا وحاجات كتير وانت كنت مفهمنى ان العده الى فيها الحاجات دى تبقى عدة مش كويسة عده مخدتش الطريق من الاول عده ضاعت فى اول طريق دائرى!!!عدة ولامؤاخذة يعنى
كفايه كدب بقى كفايه بجد لحد هنااااااا
لو سمحت لم هدومك وامشى من هناااااااااااا
وخد معاك غياراتك الداخليه انا مش هغسلك حاجة تانى
!!!!!!!!

70 comments:

ستيتة said...

اخص عليك يا مرسي
كده تفهمها ان العدة اللي فيها بلوتوث عدة سمعتها بطالة؟
هههههههههههههههههههههه

Sad Angel said...

يلا يابنتى خد الشر وراااااااااااح

هنفضل لامتى نبكى على الاطلال
الحق عليه الدنيا بتطور وهو واقف محلك سر
هتستنيه لامتى؟؟؟؟؟؟؟؟؟

هههههههههههههههههههههه
عثل ياكيكى
ومبروووووك الموباين الكتيت

صيدلانيه طالعه نازله said...

اخص عليكى يا كيكى
كده تنسى اصلك و تاريخك
الست الاصيله تشيل موبايلها فى عنيها حتى لو بوردته باظت

يقولوا ايه علينا ناس
ستات قليله الاصل

سمع هوص (Abo 3li) said...

لالالالالالا....
انا الجيران صحيو من صوتي وانا بضحك... انا نزلت تحت السرير .. مش قادر امسك نفسي....

بس بيني وبينك... يستاهل... هوا السبب.. هوا الخدعك من البداية ومعرفكيش الديا صح....
بس انتي برضو ندلة... اه .. متبوصليش كده... تتخلي عنه علشان خاطر عيل سيكي ميكي من ابو بلوتوث وكاميرتين؟؟؟

انتو الاتنين غلطانين... ومش هينفع نصلح بينكم...

بس خالي بالك.. عيال اليومين دووول عيال فافي... من اول بشلة وهتضري تبوسيه وتحطيه جنب الحيطة...


مبروووك علي مرسي الجديد...


عوووووووووووووو

just waiting said...

ههههههههههههههههههههههههههه
يابنتي انتي لازم تصلي ركعتين شكر وتحمدي ربنا انه فتح عنيكي على الحقيقه المرة دي تخيلي كدا لو كان فضل مضحوك عليكي بريموت التليفزيون دا كان هيبقى ايه منظرك قدام بقيت الاجهزة الالكترونية

safa7_karmooz said...

ضحك عليا برنتين ...وخطفنى برقة فيبراشن ونور شاشته

الحل فى سمن الشحنتين ..قومى واطبخى موبايلك القديم ..يرجعلك فى كارتين

ولا اراك الله مكروها فى موبايل او شاحن

Lady E said...

صعبان عليه فراقك يا أم ابراهيم

معقول تسيبي مرسي اللي شوفته معاكي وكنتو زي السكينة في الحلاوة ، ايه اللي حصل بس دي عين وصابتكو يا أختي :))

مبروك النوبايل الجاديد يا حبي

الف مبروك على دخولك الألفية التالتة بس متنسيش مرسي برضه ده مهما كان عشرة اولى ثانوي :)

فراشة said...

مش عارفه جيت هنا من قبل ولا لا
بس اعرفك من تعليقاتك ومن ليدي

دمك خفيف جدا والبوست عسوووول ومبروك الموبايل الجديد والقديم هيفضل بذكرياته الجميلة دايما ف بالك

تحياتي

Unknown said...

ايه يا وزة دة جبتى تليفون جديد؟؟؟
مبروك يا غااااااااااالية والله فرحتلك

بس يا مؤمنة معاكى تجيبى عدة جديدة ومعكيش تكلمينى عالموبينيل وبتفضلى تدعى وتصلى لربنا عشان تلاقى الفودافون مفتوح؟؟
نيااااااااااااهاهاهااااااااا

مبروك التليفون يا غالية

ميرا ( وومن ) said...

هههههههههههههههههههه ياكيكي انتي بجد ملكيش حل

ووحشاني قوي ومش بتسألي انتي

الف مبروك علي عباس الجديد والقديم دة الله يسامحة علي خداعه ويستحق انك تهجرية

سكر والله يا كيكي

الغاردينيا said...

ههههههههههههههه

حلوووووووووة يا عسل

اخلصي منه بقى وشوفي حيااااااتك

اكيد الجاي احسن

سامحيني عشان مش بزورك بكثره

بسبب انشغالت الدراساه و

Remas said...

انتى سكر بجد
ازيك ياقمر
وحشانى جداااااااااااا

الف مبروك على الموبايل الجديد
واوعى تزعل على اللى راح مش هو اللى خدعك

ابتدى حياتك من الاول ومش تبصي للى فات

وكويس اوى انه خد هدومه وغياراته يعنى خلاص مش في حتى حاجة تفكرك بيه

Ana keda said...

ههههههههههههه
فقرية والله يا كيكى
ضحكيتنى يا مجرمة
اتخليتى عن مرسى عشان موبيل جديد بكاميرا
يعنى معندكيش دم بقى
الراجل مستحملك يا كارشة
بس التغيير مطلوب يا اوختى برضو

هراء لا داعى له ..... said...

التغيير سنة الحياة برضه و مفيش حجة بتبقى على حالها

شفـقــة و إحســــان said...

الله يخرب بيتك عقلك الترلالى
ههههههههههههههههههه
والنعمة افتكرت مرسى ده البوى شوز بتاعك
هههههههههههههههههه
بقى انا قلت البت كيكى بتحب وبتتحب وطبيعية زينا اهى
الاقى برضوا مفيش فايدة المتخلف عقليا متخلف
ههههههههههههه
بلوة من بلاوى الزمن
بس البوست يجنن ويلحس العقل
كعادتك مبدعة
وحشتينى يا ترلالى

مدونة عرفة فاروق said...

السلام عليكم

لسة والله كنت بجييب فى سيرتك

بقول انا بحب البت كبيكى دى قوى
لما اكون متنكد ادخل عندها انسى النكد كله واضحك بجد من قلبى

ربنا ما يحرمنا منك يارب

ومبروك العدة الجديدة

ولا عزاء للراحل

كل التحية

nigro said...

طب و عهد الله يا كيكي لولا انك شاورتي على اللي في الصورة ده على إنه نوبايل ولا مؤاخذة
لكنت فكرته ريموت التليفزيون بتاعكم
بقى كبير وبإيريال علشان الناس مقامات
و دخلت عليكي برضه
السيد الوالد فاهمك صح يا كيكي
علشان كده جابلك عدة بإيريال
:P
:D

مساءك جوافة منزوعة البذر



يلللا سلام

عاشقه الرومانسيه said...

وداعا يامرسى
ههههههههههههههههه

اميرات الاسرار said...

هههههههههههههههههههههههههههههههههه

جمي جدا البوست دا وفضلت اضحك كتير اوى
بس جيبتى ايه بقا الجديد

زهراء

كيكى عوووووو said...

دكتور ستيته
**************
يامراحبا يامراحبا
اه شوفتى وكان بيقولى كلام كتير وحش عليها
بس الحمد الله ربنا كرمنى وعديت الفقر
عوووووووو

كيكى عوووووو said...

الملاك الحزين
**********
انا استحملت كتير اوى
انا دلوقتى فى رابعه جامعه
كفااااااااااايه بقى
عندك حق هستنى لحد امتى لمة اخش مهنى ولا ايه
نورتنيى ياعسل
عووووووووووو

كيكى عوووووو said...

حبيىىىىىى الى وحشنى اوى
******************
لا ياعلا اختلف معاكى قلب وقالبا
يقولوا الى يقولوا
خدنا ايه من الموبايلات دى غير حلاقة الدقن!!
خلى يشوف نصيبوا مع حد غيرى انا خلاص تعبت
عوووووووو

كيكى عوووووو said...

سمع هوص
*******
هو خلاص فعلا ماينفعش حد يصلح بينا!! هو جرح فيا وانا جرحت فى ومادام الموضوع وصل للكرامه يبقى ميلزمنيش
ايوة فعلا الواد السيكى ميكى ساحرنى بالسبيكى الى عملوا
اعمل بقى حبيتوا من اول نظرة!! يلا ربنا يستر علينا بقى
عووووووو

كيكى عوووووو said...

حبيبى المنتظر
**********
حبيتى حاسه بيا ياجدعااااان
وانا اقول كنت كل ما ادوس عليه التلفزيون يولع ليه؟؟
ادينى فهمت والى كان كااااان بقى
عووووووووو

كيكى عوووووو said...

حمو السفاااااح
**************
ونبى انت جبت المفيد
عوووووووو

كيكى عوووووو said...

ياخراااااااااشى ياخراشى على نونتى
****************
بقيتى خطرة فى اخر تعليقان عندى
ياخطر انت ياخطر ونبى رقيقة وعسل حتى لو بتتفرجى على اللمبى!!
اعمل ايه مانتى جبيتلى عقدة لمة شوفت موبايلك وانا وقتها كنت مكسوفة اطلعوا قصادك كنت عايزة اتويه زى هنادى
وحلوووووووة اوى على دخلوى الالفية التالته دى
ماااااااااااااشى مش بقولك بقيتى خطرة وتتريقى عليا
بموت فيكى
عوووووووو

كيكى عوووووو said...

فراشة
*******
كل اصحاب ليدى زيها والله
شكلك عسولة ورقيقة
بس متخافيش مادام هنكون اصحاب هنسيكى الكلام دة كلوا
وهخلى مطربك المفضل شعبان عبد الرحيم
وسمعنى احلى سلام للذكريات
وايييييييييه
عووووووووووووو

كيكى عوووووو said...

الحته الى فى الشمال
***************
لا يابنتى تتحسدى والله كدة تانى تعليق من قرنين
انتى سخنة ولا ايه؟؟
والله ياغاليييييية متعرفيش الى فيها
اصلا الموبايل مش جئ ليا دة جئ لماما وانا واخدة فرضة واقتدار!!
نهااااااارك ابيض عرفتى ازاى انى بعمل كدة
انتى مخاوية ولا ايه؟؟
يخليكى ليا ياغاااااااااااااااالية والله
عووووووو

كيكى عوووووو said...

ميراااااااااا
والله وحشانى اوى
*************
شوفتى الى حصلى فى غيابك اتبهدلت اخر بهدله والله!!
مرسى خدعنى
والله والله نورتنيى بتعليقك وانتى الى متغبيش
عوووووووووووو

كيكى عوووووو said...

الغاردينا العسوله
************
ياحبيتى ربنا معاكى ومعايا انا كمان
لاتقلقى
انا خلاص فعلا بشوف حياتى الجديدة
عوووووووووووو

موناليزا said...

وهانت عليكى العِشرة:)
أحلى حاجة فى الموضوع انى لقيت موبايل
أقدم من بتاعى:)

عموما مبروك على الموبايل الجديد

مهموهة أحمد said...

هههههههههههههههههههههه
لا و الله يا كيكي حلو اوي البوست ده
و كتر خيره مرسي بقى
شحتيه لاي حد و خلاص و لا اقولك سيبيه في الدرج علشان كل ما يسمع رنة الموبايل الجديد يطق لغاية ما يموت
هههههههههههههههههههههههههههه
مبروك العدة الجديدة
و ما تخافيش هي سمعتها مش بطالة ده كلام الناس بس ما انتي عارفة الناس مش بتسيب حد في حاله حتى العدة
هههههههههههههههههههههههههه

بجد مدونة جميلة اوي فرحانة اني جيت هنا

اكيد هضيفها عندي في القايمة المهمة لانها تستاهل بجد

تقبلي مروري الاول و ان شاء الله مش الاخير

خالص حبي و تقديري

new-one said...

هههههههههههههههههههه
يخرب بيت دماغك بجد:))

Anonymous said...

ههههههههههههههههههههههههههههههههههههههههههههههههههههههههههههههههههههههه

ايه ده كله

بس يستاهل هو الغلطان
وكتر خيرك مستحملاه كل ده

فكرتينى بالعدة بتاااااااعتى
يلا بقى
عقبال ما اودعه هو كمان

الف مبروووووك عليكى
ربنا عوض صبرك خير :D

كــركــبــة دمـــاغ ㋡ said...

ههههههههههههههههههههههههههههههههههههههه

انتي دمــــــاغ بجد

وخلاص يابنتي ما تحسيش بتأنيب الضمير انتي عملتي كل اللي عليكي معاه ، وحاولتي تخلي شكله محترم قدام الناس ، بس خلاص معدش ينفع بقى ، وهو ما قدرش كل التعب ده وقعد يجيب في سيرة الناس بكلام كده مش حلو

مبروك عليكي الموبايل الجديد ، ربنا يكفيكي شره بقى ويارب ما يطلعش زي مرسي القديم :D

انتي بجد سكر
و
تحــيــاتي جداً ليكي

ليله شتاء said...

هههههههههه
اه المدونه الحلوة دى بجد تحفه تحفه
أول مرة أزورها وأكيد مش الاخيرة


أقبلى مرورى

غروب said...

ايه يا بنتى اللى مصبرك على المر ده

اخلعيه بلا وجع دماغ

بجد دمك شربات

قيرت كذا بوست لانى بقالي كتييييير مش جيت

طوبه فضه وطوبه دهب said...

ههههههههههههه عندك حق يا بنتى مرسى دا بس مش المفروض تفارقيه لا وكمان تخلعيه وبالعصايه وتديه ربنا يصبرك قال غيرات قال ارميها له فى وشه

♥نبع الغرام♥♪≈ said...

هو حد بيحب حد فى الزمن ده اسمه مرسى

هههههههههههههههه


وحشتينى ياقلبى يا حياتى يا توأم الروح
ربنا يعوض صبرك خير ان شاء ويكرمك باللى زى الفل

انتى حد جميل
وبجد اخت وحبيبه
احبك فى الله

شمس النهار said...

:))

كده هان عليكي

طيب حطي فيه خط ميت ماتكسريش بخاطرة

بجد موت من الضحك

ومبروك علي الموبايل الجديد

سلامي

mostafa rayan said...

كدة يا كيكي بعد خدمة الراجل كل السنين دي يكون اخرته الطرد مع ملابسه الداخلية طب مش كنت تعملي له حفلة نهاية الخدمة وتديله قرشين يمشي بيهم نفسه على بال ما يلاقي زباين جديدة يروحلهم
هههههههههه
بوست جميل استمتعت بيه ومبروك العده ام بولوتوث

حصان المرجيحة said...

هههههههههههه
هي دي الدنيا
عبارة عن موبايلات فوق بعضها
افيش احسن من الصيني
و اللي خلاهم يعملو عروسة صيني مايخلهمش يعملو موبايل ليه
علي فكرة انا لما قريت في الاول قلت دي حكاية ماساوية
و كنت هاعيط
بس لما كملت و عرفت الحقيقة المرة كنت هاعيط من الضحك
تسلم ايدك

الفقيرة إلى الله أم البنات said...

هههههههههه
اضحكتينى بجد اضحك الله سنك
ربنا يسعدك
واحنا مش بنخاف من عو دى
علشان عندى بنتى الصغيرة اعتراضها على طول عوو بس وهى بترمى راسها لورا يمكن نص ضهرها
فلو قلت عو هاجيب لك اللى يخوفك بجد

بوست رائع تسلمى يا حبيبتى الجميل

بس خليه هينقع اصل الجديد ضعيف وقليل الاحتمال

واحد من البلد دى said...

السلام عليكم

يستاهل مرسى ده اللى بيحصله

علشان يحرم يفترى على العدد ام اوبشن

وبعدين ما تخليهوش يمشى..استفيدى منه..اعمليه مثلا..؟؟؟؟؟توك توك

هههههههههههههههه

دمك خفيف فعلا

ادام الله عليكى السعادةوخفة الظل

دمتى فى حفظ الله

amiraeladham said...

عارفه دى اول حاجه اقراهالك واثبتيلى مبدئى مش مهم الجمال ولا الذكاء ولا ل العلم ...اهم حاجه خفه الدم
بس انا مش مصدقاكى كل دهوانت صابره عاليه ازااااااااااااااى ده انتى اصيله والله س انا خايفه يطمعوا فيكى ويفتكروا مستوى طموحاتك قليل حاولى محدش يعرف...اشوفك عى صداقه

الأرمـوطــي said...

سلاموا عليكم
عاوز اطلب منك طلب ولو فيها رزاله البلوج عندى مش عارف مالة مبينشرش بوستات جديدة البوست الاخير الى علقتى علية بجيبة بس لما بدخل على
edit posting
وعدد الكومنتات بتاعت القديم بيجبها ناقصة على الشاشة الرئيسية ومش عارف اضيف لينكات مدونتات عندى لو تعرفى حل خدى ايوزر نيم والباس وورد بتوعى واتعاملى
معلش بتقل عليكى بس غلبت مش لاقيله حل ابقى ردى عليا فى البلوج بتاعى
سلام

emy said...

كيكى امووووووووووووووووووه كنتى وحشانى بغبااااااااااااااء

مدحت محمد said...

حد امتى هفضل اسيب الخرم الى فيك من قدام

خرم فى عينك فضحتينا

اسمها ثقب

هههههههههههه

اتعلموها بقى

وع العموم وحشانى بردو وواحشنى دمك الخفيف

Anonymous said...

السلام عليكم
عندى سؤال لانى جايز مخدوعه زيك
والنبى البلوتوث طلع حقيقى مش خيال علمى يعنى
طب احلفى والنبى
انا مش هافضل مخدوعه اكتر من كده وانا هاعرف اتصرف مع حازونبل
قصدى تيلفونى
مرسيه اوى ع التوضيح وابقى قولى لمرسى يعدى ياخود حازونبل فى ايده بالمره
مبروك الفون الجديد
تحياتى

أبو العريف said...

تليفوني عايزني اعمله رجيم
كفايه كده انت اكيد عارفه الباقي


بس والله انت قاسي ياراجون

بقي معقول بعد العشره دي كلها
يا خاين ملكش امان

مجرد بنت said...

هههههههههههه
ههههههههههههههههه
هههههههههههههههههه
هههههههههههههههههههههههههههههههه
مبروك عليكى العدة الجديدة

sony2000 said...

بجد ضحكت جداااااااااااااااا
:))
اول ذياره وموش اخر مره بأذن الله

دعاء العطار said...

ههههههههههههههههههههه

ماله ده حتى امووور اهو

انا كمان على فكره بعتز باول حاجه عندى ومش بسهوووووووله بسيبها

بس ساعات الدنيا بتفرض علينا اننا نجاريها

ضحكتينى اوووووى

دمتى بووود

E73 said...

بسم الله الرحمن الرحيم
السلام عليكم ورحمة الله وبركاته

هههههههههههههه
والله محسساني ان انا اللي بتكلم
الفرق اني منتظرة الفرج يجيلي من الخارج لأني معنديش استعداد أكون أنا اللي بادية بالفراق

وآه من الفراق لما مش عارفة ايه كدة الحبايب

بس خدي بالك أصل ولاد امبارح دول اللي بالي بالك بيطمعوا فيهم بسرعة

واسألي مجرب وياااااااااه فضيحتاااااااااه ويااااه كسفتاااااااه

لما بابا فضل يزلني بعد ما الموبايل الجديد اتسرق وقالي كل واحد بيرجع لأصله والموبايل اللي معاكي دا هو أصلك

بعد ما كنت جرحت فيه وفكيته أربع حتت ورميته في الزبالة

bastokka طهقانة said...

ههههههه
عسولة جدا
الى الامام دايما

Tears said...

يا بنتى انتى موهوبة جدا

دمك خفيف جدا و كتاباتك ساخرة و فعلا خسارة ان تكتفة بمدونة لازم تكتبى سيناريوهات للدراما او على الاقل قصص

انت اشطر من يوسف معاطى و لو اثقلتى موهبتك بمزيد من الثقافة ح تبقى زى احمد رجب


تحياتي

واحد من الناس said...

هههههههههههههههه

دي آخرة العشره برضه

دي آخرة صبره معاكي

هما المصريين كده

أول ما يجيله فلوس يتجوز على مراته

قصدي يغير موبايله

عموما مبرووووك الجديد أبو كاميرا وبلوتورث

المهم تعملي للقديم جنازه تليق بمقامه

من فات قديمه تاه برضه

الازهرى said...

يا نهار ابيض

كل ده يطلع من مرسى

انا لو منك مش اطرده لأ

أبلغ عنه واطالب بالاعدام

Zika said...

ملحوظه صغيره بس
ياريت تقري بداية التعليق الغير معرف
عند انجي هات م الاخر في اخر تدوينه ليها
واللي بعد تعليقك وتعليقي
" تالت تعليق يعني "
تحياتي

عالم ماريونت said...

ههههههههههههههه
ضحكتيني بجد اسلوبك ساخر جدا
بصي
انا مش العادي اني ادعو حد انه يقرا بوست عندي
بس انا ليا بوست قديم لرثاء موبايلي ويلسون(ده اسمه) ادعوكي لقراءته
http://naemafealaryaf.blogspot.com/2008/10/blog-post_12.html

بالمناسبة
ويلسون دلوقتي بعد ما استنفذت محاولات تصليحة يرقد في سلام في الدولاب بتاعي...و عمري ما هفرط فيه ابدااااااا

تحياتي ليكي
رنا

هوبتي said...

ههههههههههههههههههههههههههههههههههههههههه
جاااامده جدا جدا جدا بجد

funky girl said...

هههههههههههههههههههههههههههههههههههه
كدا برضوا يا مرسي
لا لا بجد فظيييييييييييييعة
توحفة بجد :)
و مبروك على الخيال العلمي ;)

Anonymous said...

شوف يا أخي الافترا

ويهون عليكي القديم

بئا مستحمل التفعيص والهبد واما يتكل تجيبي غيره أين الوفاء؟

المروض تلبسي اسود وما تجيبيش غيره ابدا

العشره برضو

صوت من مصر said...

للاسف يا كيكى انا اول موبايل مسكته كان اعفن من ده للاسف كان 688 لو تعرفيه وكنت فخور جدا جدا بيه
بس ربك يكرم وانتى عملتى اللى عليكى ورفعتى قضية الخلع وكسبتيها صح

عصر الجنون said...

المفروض كنتى رمتيه من البلكونه دا
:D

Soul.o0o.Whisper said...

هههههههههههههههههه
والله يا كيكى انتى رهيبة

انا قاعدة باقول بردوا الحكاية فيها ان
فيها ان

قوووووووووم اذ فجأة اكتشف انك عاوزة تطنشى موبايلك القديم
بس قلتى تسيحيله عشان تطلعى الضحية فى الاخر

لالالالالا
ماكنتش اعرف عنك كدا


لا زعلت منك
هههههههههههه

الف مبروك عليكى مرسى الجديد:)

احساس لسه حى said...

عزيزتى

بس مرسى عمل اللى عليه ومقصرش معاكى

لازم توديعيه برفق واديه للى يستحقه ويحافظ عليه

زى ما شالك ايام يشيله ايام برضوا

تحياتى

سلام

had-befham said...

هههههههههههههههههه
ضحكت من قلبى بجد
ربنا يكرمك

سواحة said...

خالتو كيكى
كده برضه
ضاع الوفاء
هئ هئ هئ هئ هئ هئ

زنبه ايه مرسى انه مش قادر يطور من نفسه
طيب مش كنت تدوليله على جامعة مفتوحة يروح يكمل علامه و يترقى

و مش كل عدة ببلو توث و اغانى و اوبشن لازم تجيب اخبار حلوة و مكالمات سعيدة

راجعى نفسك يا كيكى قبل ما مرسى ينتحر و يصتادوه بتوع قطع الغيار و يشرحوة قطعة قطعة

لعلمك انا ذكرياتى مع الموبيلات برضه ليها حكايات :-)
اول واحدة جابت موبيل فى العيلة بتاعتنا كنت انا و اختى (جوزها كان بيستنفع و ضحك على ابويا اول ما اتخرجت قاله علشان تطمن عليها رايحة فين و جاية منين :-((
جابلى عدة بخط كنت بكع فيه 80 جنية شهريا من مرتبى حتى لو منطقتش
و موبيل ايه متشوبيشى :-) بس مش عرابية :-)) بس كان شبه العربية
جثة كده و فيها شبة الدركسيون
و بطارية تقعد 4 ساعات (اه و لله 4 ساعات :-) كنت باخذة و اسيبه فى الكهرباء فى كل مكان و البطارية بس تستحمل مسافة السكة
بس لعلمك كان فيه كمية اوبشن كومبيوترية ملقتهاش فىاى موبيل ثانى جبته بعده

ثم اول ما ربنا كرمنى بقرشين روحت المعرض و كان فى الاوبرا و كنت الف اقولهم اطول مده تشغيل عندكم فى موبيل قد ايه
لحد ملاقيت اريكسون ابو اسبوع (صحيح يتشحن ف 6 ساعات ) بس يقعد اسبوع
و فى اول اسبوع باظ و واديته للضمان غيرلولى اللوحة و من ساعتها و اتلم و تاذب :-)
حتقوليلى رميت العربية :-) لا و الله كنت ححنطه للذكرى بس جوز اختى طمع فيه ثانى و اخذه و تقريبا ضحك على حد ثانى بيه

شوية و اخويا استولى على موبيلى و قالى هاتلك غيره - جبت سامسونج صغنن كده و رقيق (اصل الاريكسون كان جثة ) بس بطارية نظام 3-4 ايام بس

شوية و اخويا جاب لنفسه اريكسون صغير و الاريكسون الكبير راح للوالدة (علشان بتشتغل مع عيال صغيرة و قولنا ده اسلم موبيل مفيهوش طمع و ميغريش العيال ولاد الناس الاغنياء انهم يسرقوه زى باقى الحاجات من شنطة امى )

و هب سامسونج بتاع عيى و رجعت للاركسون فترة العلاج و الادوية عند الضمان :-) الى رجعهولى و قالولى ملوش دواء عندنا استعوضى ربنا فيه (مشكلته كان زعلان من كل شبكات مصر :-) ام الشبكات الاجنبية مرحب قوى:-))

اديته لابن خالى الى بيصلح موبيلات و بعدين عرفت انه اتشرح علشان اعلن موته اكلينيكيا :-(((((
طبعا عملتله عزاء و صوان و فضلت مستمسكة بالجثة الكبير يطبطب عليا
لحد ما جبت فى الاخر فى عيد الام نوكيا تقريا 6266 او حاجة كده
و بكاميرا و بلو توث و انفراريد و اغانى و حركات (الا الراديو و الذاكرة الاضافية ) و اديته للوالدة بس هى قالت انا عايزة الجثة الكبير بتاع اسبوع
و بعد زمن الاريكسون طلب يطلع معاش
و الوالدة خاذت النوكيا
و الوالد خاذ الاريكسون بتاع اخويا

و حاليا عندى نوكيا ثانى (ساكند هاند ) فيه كل الاوبشن و شكله متجرح و يصعب على الكافر :-) و كل الى انا عايزة منه انه يرن و يستقبل رسايل و يبعت و يتصل و اخر ادب
مشكلته انه مبيشتكيش كثير
لما البطارية تخلص يصوصو بالراحة و مخذش بالى منه الا بعد يومين ثلاثة انه خلصان و عايز شحن :-))))
بس اول ما تديلة المم ينط على طول

ادى يا خالتو ذكراتياتى
بس لسه منستش المتسوبيشى
ياترى اراضيه او قطعه فين دلوقتى :-) و الله كان مريحنى
و خصوصا لما يسكت و بطاريته تفضى و ميزنش عليا بالرنات :-)

Lyssandra said...

:))))
إيه الدماغ دي يا كيكي ؟؟
ضحكتيني بجد
كان بيخدعك ومفهمك ان البلوتوث خيال علمي ؟؟
مالوش حق

.....

عموماً مبروك الموبايل الجديد
احتفظي بمرسي بقي عشان العشرة بردو :))

....

تحياتي يا كيكي

Lyssa

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket