Sunday, May 9, 2010

أنا... وأعوذ بالله من كلمه أنا

Sunday, May 9, 2010
عمرك جالك حنين غريب بأنك عايز تكلم عن نفسك بس ....أنك نفسك تكشف نفسك بنفسك!!......كلنا مركزين مع بعض كلنا بنبص لبعض من تحت النضاره كل واحد فينا بيترقب التانى هيعمل ايه!! لكن ركزت مع نفسك قبل كدة؟ صالحت الاتنين الى جواك طب دلتهم على العنوان ولا لسه تايهين من بعض؟ لسه الطريق الى هيوصلهم لبعض مكملش ولا هو مش موجود اصلا!!!
أنا بحاول ارمى حجر الاساس بقالى فتره أكتشفت حاجات كتير اوى مكنتش اتمنى أنى أعرفها لاحظت حاجات مكنتش باخد بالى منها
غمض عينيك معايا خد نفسك عميييييييييق يلا أغطس جوه نفسك
أاااااااانا لقيت بلاوى جوااااايا لقيت حتت سوده أوى متحجرة وتفكير أحيانا شيطانى ممكن مش بنفذ التفكير دة بس لمجرد وجوده لازم نضرب ناقوس الخطر أو ممكن نبلغ البوليس!!...بس أحيانا الواحد ممكن ينفذ بطريقه غير مباشره وممكن كمان يعمل نفسه الضحيه!!!وما أكثرنا ياساده من ضحايا
**أحساس غريب مش عايزنى أكمل البوست...زى ماتكون نفسك الشريرة مش عايزاك تعترف بده لان دة اول طريق العلاج انك تواجه نفسك وممكن تكون بتقولك وانت يعنى بتعمل ايه غير مجرد أفكار شريرة؟ماحنا بشر لاااا كتر التفكير فيها هيخليك فى يوم تنفذهاأيوه اكييييييد الزن على الدماغ يعنى ممكن تلاقونى فى يوم مرتكبه جنايه ولا حاجه!!


ملحوظة الفراغ: معناه ان بقالى عشر دقايق متنحه ودوست حفظ جايه ارجع الاقى الصورة فى وشى انزل تانى
أنا بقالى سنتان وكذا شهر بكتب دايما بيبقى فى دماغى حاجة والاقى نفسى بكتب حاجة تانيه خالص وعمرى ماكتبت حاجة على مزاجى الشخصى الا بوستان فقط من عمر المدونة!! المهم يعنى عشان انا زهقت من نفسى
ألبس الكتافات وخدلك عوامه أستبن ومعاك جردل البحر وأنزل غوص جوه نفسك وشيل فى الجردل البلاوى السوده الى هتلاقيها ولو لقيت الحمل زياده عليك وماقدرتش تشيل كلوا ولايهمك المهم انك أعترفت بده والمهم تانى انك شيلت حبه والاهم انك نزلت تصيف شويه....أنا البحر عندى مليان دوامات وبحاول أرسى على شط بس عومتى اتخرمت
وأحب اهديلكم أغنيه....بين شاطين وميه عشقتهم عنيا ياغالين عليا ياأهل اسكندريه

43 comments:

كيكى عوووووو said...

أظاهر دة تأثير الحر عليا

مدونة عرفة فاروق said...

السلام عليكم

عارفة يا كيكى جميلة الفكرة دى

بس المشكلة انا عايز اعملها فى الشتا

انا مش هغوص فى بحر

انا هغوص فى جهنم

كيكى عوووووو said...

والله ياعرفه ياخويا انا قلت اصيف بدرى السنادى
نتقابل فى جهنم الشتا الجااااى

سواحة said...

خالتو
هى العفريتة عندك قلقتك و عايزة تخلعيها :-))
و الله جربت قبلك مبتتخلعش
كل ما هنالك تكتميها و تقعدى على نفسها :-) جايز السر العفريتى يطلع

و بعدين ده بحر يجيب طروة :-) بالظبط زى لما تقفى فى وش تكيف بس من برة البيت :-))))

Tears said...

اكيد شىء كويس ان الانسان يقف بعض الوقت ليتأمل ما بداخلة لانه مهم اوى نكون فى حالة تصالح مع أنفسنا

بس لو بنعمل ده اول بأول ح يكون الوضع أفضل


تحياتي

همس الاحباب said...

اممممممممم
بس خلى بالك من الفيضان القادم
عندك عوامة استبن
احسن اخوكى محتاج يجى 20 عوامة علشان ممكن اغوص مطلعش تانى
ههههههههه
الفكرة جميلة تعالى معانا اسكندرية نجربها فى اللقاء القادم ان شاء الله
تحياتى

صيدلانيه طالعه نازله said...

كلنا و الله محتاجين ناخد عوامه استبن و نغوص قوى فى الغويييييييييييط
اكيد الواحد حيلاقى بلاوى سوده
من كتر اللى بيشوفه و بيعدى عليه فى حياته
و الله الواحد لو عمل الحكايه دى بصوره دوريه
فعلا حيلاقى نفسه بقى فله شمعه منوره

كيكى عوووووو said...

وينداااا
**********
برااااااااافو عليكى على كلمة خالتو كيكى دى انا نفسى اوى ابقى خالتو بس للاسف
اه تعبتنى اوى اوى
والله هحاول افطسها واطلع عينيها
انا بحرى دوماااااات

كيكى عوووووو said...

tears
*******
أكييييييييييييييييييييد

كيكى عوووووو said...

خاااااااااالد
***************
اعمل زى اللمبى غررررررررررررررريق
انا هروح مخصوص عشان اغرقك
شوفت معزة اكتر من كدة بذمتك
المهم هتدفعلى الحساب

كيكى عوووووو said...

علااااا
*********
اانا هنزل الغويييط واحتمال مارجعش تانى
ياسلام عليكى فله شمعه منورة

غروب said...

كلامك قائم على انه شئ مسلم بيه ان جوا كل واحد مننا اتنين ؟

غريبه فعلا

بس يا ترى مين ممكن ينتصر وهل الانتصار ده محتاج حافز خاجرى بقه ولا يدوب وقفه مع النفس؟؟؟؟؟؟؟؟؟؟؟

انا نفسي تايهه في الموضوع ده بقالي فتره

موجة said...

كيكىىىىىىىى
عووووووووووو
ياترى فكرانى
اراهنك لاء مش فاكرانى
مش مهم
نخلينا فى عنوان البوست
انا واعوذ بالله من كلمة انا
انا البحر فى احشائه الدر كامنون فهل شاهد الغطااااااااااس .....وعلىىىىىىى
ده بالنسبة للعنوان
اما الكلام بقى
فهى فكرة حلوة اوى ان الواحد ياخد له غطس فى الحر اللى احنا فيه ده
اهو بالمرة يستحمى اصلى بقالى كتير مش بستحمى
لكن يا اخت كيكى اقولك على حاجة
لو غطست جوايا مش هتطلع تانى هغرق فى بحر احزان وهموووووم عشان كدة دايما بهرب من بحر نفسى واخلينى فى هوا نفسى التانية
عشان مبعرفش اعوووووووووم
تحياتى لو مش فكرانى مش هزعل لان هيككككككككون عندك حق

ستيتة said...

عينيف فيلم رصيف نمرة خمسة ده
تاخدي منجة؟
وتسيبي لي العوامة :)

سمع هوص (Abo 3li) said...

جهزيلي عوامة انا هصيف معاكي..

كيكى عوووووو said...

غروب
********
ايوة انا بعتقد كدة كلنا بلا استثناء جوانا الشر والخير اتنين ضد بعض دايما
فى منا متصالح مع نفسه...وفى الى لسه غرقان وملاقاش طوق نجاه
انا شايفة الحل وقفه مع النفس
ع ما اظن مفيش اختيار تانى!!!

كيكى عوووووو said...

موجه
**********
عند فيكى فاكراكى ياعبير صح
طب فاكرة انتى لمة اتقابلنا يوم حفله توقيع كتاب المدونين انا وانتى ومى ونورا
فاكرة المصاصات طيب فاكرة التاكسى ويوم الحر الى كنتى جايه من المحاضرات فى
هاااااا طب فاكرة مين حاسب على التاكسى
هاااااااااااااا
انتى بذمتك فاكرة اصلاااا
!!!!!!!!
ممممممممم بحر احزان وهموم بس مفيش حبح شر ياشيخه
لا كدة ازعل...انا مابعرفش غير الشررين
كع كع كع

كيكى عوووووو said...

ستيته ستوته
************
انا لو اديتك العوامة احتمال ماحدش يشوفنى لمييييييييت سنة قدام

كيكى عوووووو said...

سمع هوص
********
يامعلم اسمك فى اول الكشوفات دة احنا ولاد حته واحدة عيب عليا اوى يعنى
ال نادى اهلى ال

Unknown said...

حبيبى وعنيييييييييييا لو فى وسط مييييييييية ميخفاش عليا عليا ميخفاش علياااااا


وحشتينى يا لوزة وهحضنك جامد لما اشوفك وهفقعك علبة شوكولاتة من اللى اتفقنا عليها

الغاردينيا said...

سلام يا كيكي

حبيت التدوينه دي كثيررررر

وعن نفسي ياما فكرت بالبحر اللى جواي

وبحاول اشيل كثير واعدل كثير

انا كثيرة تامل بطبعي

بجد بجد تدوينه جميله وعايزة الصراحة

تدويناتك السابقة كانت بلهجة مصرية

اوى اوى فمكنتش بفهمك ساعات

بس دي فهمتها كويس و استقرت جوايا

ارق تحية يا عسولة

Lady E said...

وانا بهديلك أغنية يا ساكني مطروح جنية ف بحركم :)

ايه يا بنتي الفلسفة العالية دي
والمود الأسود صورة بالأبيض والأسود بتعيط بدموع سودا وصورة سودا على جنب المدونة مكتوب تحتها مخنوقة :(

"بيبقى فى دماغى حاجة والاقى نفسى بكتب حاجة تانيه خالص "

برغم ان مدونتي تعتبر نوعا ما يوميات الا ان برضه بيحصل معايا نفس ذات الموضوع

وانتي جميلة ومتزعليش مفيش انسان مبيجيلوش أفكار شيطانية ، الانسان مبيتحاسبش على التفكير لكن بيتحاسب على أفعاله وحتى الأفعال بنتعلم منها احنا مش ملائكة المهم نحاول بقدر الامكان نعمل حاجات صح

بصي على يمينك هتلاقي قارب نجاة وفيه كل اللي بيحبوكي عايزين يطلعوا معاكي عالشط ولما نتكلم عالميل ابقي فضفضي يا صندوق لأن شكلك مخنوقة عالاخر

دندنة قيثارة الوجد said...

في الحقيقة أنا حاولت وجلست أبكي كتير طلعت منها بلاوي متلتلة كنت مش شايفها بعدها قطعت كل الورق إللي كتبته فيها
والحمد ارتحت بعد ما كشفتها على حقيقتها

well said...

ألبس الكتافات وخدلك عوامه أستبن ومعاك جردل البحر وأنزل غوص جوه نفسك...
مش بعرف اعوم ..

على فكرة انتى كدة بتعومى فى بحر الفلسفة خدى بالك من الامواج
وبعدين احنا ممكن نشيل البلاوى السودة دى بطريقة تانية
وهى اننا نركز على الحجات الجميلة اللى فينا
سعتها هيكون انتاجنا من الكلام والمعاملة كله انتاج جميل ..سمك ومرجان مش قناديل
تحياتى

ghada mOhsen said...

هلا كيكي ...

عارفه أنا بحب أوووي أعوم بس طبعا مش في الميه ( لأني متهيألي راح أغرق على طول :)) .. ) أنا اقصدي بحب أعوم جوايا كل فتره

كل أول شهر بحاول أحاسب نفسي وأكافئها في نفس الوقت ...

حلو لما تكوني عارفه نفسك أول بأول
ماتكونيش كسوله وتأجلي عمل اليوم إلي الغد :)))

ربنا يسعد قلبك دايما ويشيل اي نقطه سودا ممكن تترسم جواكي

تحياتي
... ;) ,,, ;) ...

مهموهة أحمد said...

كلام جميل
كلام معقول
ما اقدرش اقول حاجة عنه

لازم البني ادم كل فترة يعمل وقفة مع نفسه
يتكلم معاها
يبحث جواها
يدور فيها
عن اي قديم و ينساه
اي جرح و يحاول اصلاحه
اي ندم و يحاول نسيانه
اي امل و يحاول يبنيه
لغاية ما يحاول يحقق نفسه فعلا

بوست جميل اوي يا كيكي

خالص حبي و تقديري

Ana keda said...

كيكى

حبيبتى
بدرى عليكى يا امى
لا انا عارفة ان كل واحد فينا فيه الخير وفيه الشر
وكل واحد فينا ع حسب الموقف الى انتى فيه
كيكى انتى حلوة والله يبنتى
وبودا كمان بيقولك حلبسة انا مش حلبسة
هههههههههههههههه
بس فعلا احنا بنبقى تايهين فى نفسنا جوه
خلى بالك من نفسك يبت انتى

اميرات الاسرار said...

كلماتك جميله اوي
واجمل من كده اننا نتصالح مع نفسنا ونحسن منها
تحياتي ليكي

Remas said...

كيكى ياقمر
وحشااااااانى

كدا تاخدى عوامتك وتصيفي بدرى ومش تقوليلى ؟

البوست دا يجنن يا كيكى

انا خلاص قررت اصيف بدرى يمكن اعرف اشيل حاجة من الحاجات السودا
وافرح لما اشوف البيضا

وحشانى اوى اوى اوى

حنين الذكريات said...

من فتره كبيره معلقتش واول مارجعت بعلق عندك
موضوعك ده جميل جدا ياريت كل انسان يقدر يغوص جوا اعماقه ويحاسبها ويكفأها كمان لو جواه حاجه حلوه زيك كده
عرفه انى لما شوفتك حسيت انك انسانه جميله جدا
بس انا فى الاخر زعلت انك مقولتيش بين شطين وميه ياأهل راس البر هو مفيش مصيف غير اسكندريه
ان شاء الله اشوفوك قريب فى راس البر

Ramy said...

انسة كيكى

هذة هى المرة لى على المدونة

بس هى مدونة جميلة

وافكرها جامدة

بس هقولك

الفكرة دى انا دايما بعملها

ودايما تلاقى معايا كل حاجة جاهزة للغوص

بس بحاول انضف اول بأول

بوست جميل

ربنا يوفقك


شكرا

راء said...

كيكي عووووووو

تعرفي الغريب ف ده كله اننا مش بنعرف نقرا نفسنا...معندناش صدق ولا قدرة للمواجهة..

احيانا بنفتكر نفسنا ملايكة بس بننسى الجزء المتمرد جوانا ونفسنا الشريرة

المشكلة اني مش قادرة اغوص دلوقتي

بستمتع بحالة اللاسلم واللا حرب اللي بقيت فيها

الكلام ده شكله نابع من جواكي جدا..حسيته اوي

Anonymous said...

انتى عارفه انتى بتتكلمى صح تتخيلى انى من كام يوم واحد مايعرفنيش اوى يعنى علاقتى بيه سطحيه نوعا ما
لفت نظرى لحاجه فيا فعلا بس عمرى ماكنت واخده بالى منها
بس تصدقى بكلمه بيسطه وقفنى ادام نفسى فعى لازم واقفه مع نفسى انا مش راضيه عن نفسى كليا
بجد عاوزه اتغير انا جوايا واحده مخصمانى ومن زمان نفسى اصالحها
تسلم ايدك ياقمر
تحياتى

بسمة انور said...

يالهوووز

والله حسيت انى فى مدونة تانيه
كل شويه ارجع للينك علشان اتاكد

انا بقى جوايا حجاااااااااااااااات
منها اللى ليا واللى عليا
بس اللى ليا اكتر اصلى حد مسالم اوى والله

المهم انى حراااااانة وعايزة انزل البحر معاكم

أع ـقل مـ ج ـنـونــة said...

علي فكرة حاسة بكلامك ومبسوطة بيه اوي

انا ساعات ببص في مرايتي :D

وبنزل البحر حتي لو في الشتا ^_^

ربنا يهدينا يا اوختي

تعاليلي بئة

مطلوب القبض عليكي في التاج السلطاني دا :D

http://a32l-magnona.blogspot.com/2010/05/6.html

مطلوبة بالاسم كيكي عووووووو

كيكى عوووووو said...

ااوجى
********
امواااااااااة دة الى نفسى احضنك اوى مش عشان الشيكولاته والله!!!!




************
غوغو
ايش احوالك
**********
هحاول اتفرج على افلام بلغات تانيه يمكن اتعمل ولا حاجة عشان خاطر عيونك
عقبال مانستقر جوه نفسينا ونرسى ع شط

حصان المرجيحة said...

ههههههههههههه
انا مش نتخيل الل هاشوفه لو دخلت في نفسي
و ده اللي بيخليني اضحك
و زي ما بيقولو
هم يضحك و هم يبكي
تسلم ايدك

Tadwina said...

مرحبا
يسر اسرة تدوينة دوت كوم بابداء اعجابها الشديد بمدوناتك ونرجو منك مراسلتنا على الايميل:
Tadwina@gmail.com
لتعديل البانر الخاص بنا على البلوج خاصتكم حتى يتمكن القراء والمدونين في مصر بمتابعة تدويناتكم المستحدثة
مع خالص الشكر،،،
فريق عمل تدوينة دوت كوم
www.tadwina.com

*الطالبة عفو الله *زوزو said...

هههههههه انا كمان بقالي فترة طوييلة منزلت اصيف و اكتشف في ايه في ايه في الاعماق

على فكرة اطرقتي للموضوع بطريقة جميلة اوي بجد

و الموضوع مهم جدا لازم على كل انسان يكتشف نفسه و يشغل نفسه بنفسه و بلاش بشغل نفسه بالناس

احيانا كثيرة زي ما قلتي بنبدى نكتشف فبنلاقي بقع سوداء بنستهين بها و نقول هي ايه غير افكار و حتعدي و خلاص

لالالالالا انتبه الافكار دي بكرة حتبقى افعال فخذ بالك و نقي نفسك من اي بقعة سودا

تحياتي يا كيكي و بجد بشكرك اوي ع البوست دة لانه حيخليني اغطس جوا نفسي

حنين القلب said...

بما انى من اسكندريه
وبما انك اعترفتى ان اهل اسكندريه غاليين عليكى

يبقى من حقى اقول رائى
ههههههههههههههههههه

اولا فكرتك هايله انى اخلص من بعض المشاكل او النقط السوده اللى جوايا بس خوفى لحسن هما اللى يخلصوا منى اصلهم اكتر منى بكتييييييييير

المهم دى اول مرة ازورك وباذن الله مش هتكون الاخيرة

تقبلى مرورى

رحلتنا في الحياة said...

انا غصت كتير جوا نفسى بس موصلتش لحاجة
:(

مدحت محمد said...

انا غصت جوة نفسى ولسة مش فاهمنى

بس اللى فهمته انى بتاثر جدا بالافكار اللى حواليا



انا ضفتك على فيس على فكرة

c'est la vie said...

انا بقا ياستى عملت بنصيحتك واخدت العوامة وعملت حسابى انى هقابل حد تانى جوايا وخدتلوا جردل بحر بغطا علشان احبسوا جواه وارميه البحر بس يا ستى وايست وروحت نطة بس باين النطة جت فالغويط لقيت 3 كمان تحت روحت حاطة طرف المايوه فسنانى وقولت يا فكيك وطلعت قولت الله يسامحك يا كيكى اخر مرة اسمع كلامك

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket