Saturday, September 25, 2010

!!!!(بويه..)

Saturday, September 25, 2010


بويه
.........
أكتشفت أن فى حاجات فى حياتنا قدريه (قدر أجبارى)وجودها بيألمنا وبرغم الاكتشاف الرهيب ده أكتشفت برضه وجهه نظر مكنتش عايزه أصدقها عنى أنى ولاول مره بعترف أنى (هطله أو بمعنى أشيك شويه ساذجه....!!
لانى كنت فاكره ان القدر ممكن يتغير!! أقضى يوم
عادى وأتمنى الشئ ده يختفى وأنام وأصحى تانى يوم أصلى ركعتين شكر للربنا أن الشئ ده أنتهى( ساذجه ساذجه يعنى
لكن...أكتشفت
أنى نمت كتير أوى نمت لحد ماعمرى ما قرب للواحد وعشرين سنه نمت لحد ما ( العماص عشش على عينى وانا لسه بتمنى!! لكن عملت لنفسى نظريه @ أن القدر ده قدرنا والفرح ده بتاعنا ولازم يكون فى حل؟؟
بقيت بجيب (بويه...اه وربنا وأدهن نفسى بيها من جوه!! بويه بيضا... بويه تمحى أى لون أنت مش محتاجوا من جواك... بويه تنسيك قدرك تخلى القدرالاجبارى مش هو رقم واحد فى حياتك يبقى رقم أتنين او تلاته وانت وشطرتك بقى
بس مع البويه هات طوبه لامتخفش مش هبطحك بيها لكن عشان نسد بيها الفجوه الى عملها القدر الاجبارى ده
بس فى ملحوظه: أسفه
لو هخرجك بره جو الاصلاح البنائى ده
هتلاااااااااااااااقى ألف ميييييييين يهدك يجيب جرار ومصمم تصميم رهيب انه يكسرك ورغم أنك لازم تعمل نفسك عبيط ولا كأن فى جرار ولا حاجه!!! هتلاقى الجرار ده برضه بيلف وراك هنا وهناك (كأن مفيش أمين شرطه محترم يقوله فين رخصتك ياااااااااض وأتهد شويه بقى؟؟
للاسف مش هتلاقى أمين الشرطه ده...هتلاقى نفسك كسر
ت نفسك بنفسك والجرار برئ معملش ليك اى حاجه هيقولك بكل بجاحه : دنا وربنا كنت بحرسك الا مين صحيح الى كسرك كده؟؟
وقتهاااااااا
مش هتلاقى غير حلين
فاكرين الطوبه الى كانت معانا نجبها وعلى
نفوخ امه...ام الحل التانى بقى والحل الواقعى فعلااااااااااا
أنك ترجع تلون نفسك تانى وتالت ورابع الى مالانهايه&&
عند فى أى جرار أبن(وربنا عايزة أقول كلمه ولامؤاخذه )تييييييييييييييييت وخلاص عااااااااا
المهم هاتوا بويه زيت أحلى فى التصبين أصل جبت بويه معفنه وراحت على طول فى الوبا مش مشكله هجيب تانى بس أشيل أثر العدوان الثلاثى بتاع الجرار بس اوع
حد ينسى لمه تيجئ تدهن ماتنساش ترسم لنفسك
(ضحكه حلوه ولاجرار ولا بتنجان يقدر يشيلها)!!
كان معكم أسطى أول فنى كيكى بويه من امام سيبر عم حتاته عشان بعملوا وش

18 comments:

Tears said...

حمدلله على سلامتك

و اهلا بعودتك على النت

ياريت ما تحرميناش من بوستاتك اللى دمها خفيف مدة طويلة اوى كده


دمتى بخير

كيكى عوووووو said...

يااااااااااااه
وحشتنى اوى المدونه ع فكره والتعليقات
يااااااااه
عامله ايييييييييه ters
*************************
ربنا يخيلكى منه لله الفيس النداهه ده
والله هو السبب
منه له
منه له
ااااااااااتشىىىى
اااااااااتشى
لامؤاخذه اصلى عندى برد
عوووووووووووووو

adel said...

انا مش هارد عليكي غير بكلم واحدة وبس

عاوزين ندهن البيت
شوفي فاضية امتي
عشان اكون اول حد حجز اهون

كيكى عوووووو said...

دولاااااااااااا
يعنى أبو جوده يعنى عوده لافلام المخابرات
ياناااس
*************
ماشى يامعلمى
وادى اول حجز بعد عم حتاته
عوووووووووو

حفيدة عرابى said...

طن بوية يسترك ياأسطى
تسلم الايادى
وحلو استخدام البوية فى الرضا والتكيف
عايزة اقولك بس ان القدر مش اجبارى دايما
بيتغير وربنا

بالدعاء
وبس

بس على مايتغير بأمر ربنا فى الميعاد المناسب
نشتغل احنا بالبوية

Ramy said...

كيكى أزيك عمله ايه

حمد الله ع السلامه

هههههه

أيه دة كله ايه دة كله

دى كلها دهانات

و فى الأخر تطلع بايظة يا اوسطى

اهم حاجة صدقينى دول بيروحوا

بجرارتهم و ببابا غنجهم و سلاطتهم

و بنفضل احنا


ربنا معاكى

ghada mOhsen said...

حمدلله على سلامتك ياكيكتي

وربنا يسعدك دايما بأي طريقه من الطرق
خليهااااا على الله
ربنا يطمن بالك ياااااااارب
قولي أمييييييييين
^_^

Unknown said...

بحبك وانتى بتقولى كلام كبير

P A S H A said...

والله يا كيكي أنت بنت حلال .. بوست النقاشة ده جي ف وقته بالظبط !
عاوزك تيجي تاخدي لي الشقة 3 سكاكين معجون بلدي ووش زيت وأنا هابقى أكمل :D
وما تقلقيش يا أسطى هاغديكي .. صباع فينو وإزازة فيروز من عند عم صفوت
:D

حمدا لله ع السلامة

:)

VÖltaa said...

للأسف جركن البوية البلاستيك بسبعين جنيه
والرولة والفرشا والحركات دى بفلوس بردو

يعنى الحوار هيدخلو فى مية جند

مفيش حاجة ارخص ؟

,
بس عموما
حلو البوست والحاجات اللى جواه

جايدا العزيزي said...

حمدالله على السلامه ياقلبى

كتير حاولت ادخلك

لانك كنت وحشانى ما عرفتش

ياريت ما تغبيش عننا تانى


تحياتى

Hanan Elshafey said...

انتي تحفه
والنبي تحفه
انا عايزه مصنع البويه ذات نفسه بقي

mido said...

بلاش البوية

اطلعى فوق الشجرة زى زمان و حتتظبطى :)

sony2000 said...

عودا حميييييييييدا
ومنووووووووووووووووووره:)

Anonymous said...

ثقافة الهزيمة.. أسكندرية ليه؟

مصر تركز فى الدعاية و التسويق السياحى بالخارج على السياحة فى البحر الأحمر و سيناء و الرحلات النيلية من القاهرة لأسوان ، و هناك تصور خاطئ بأن الأسكندرية هى للسياحة الداخلية بالأضافة لبعض السياح العرب خاصة من ليبيا و هذا فقط فى شهور الصيف، و عندما شاهدت درجات الحرارة بمدينة الأسكندرية طوال العام فهى حتى فى شهور الشتاء تتراوح ما بين 8 و 18 درجة مئوية ، و هى تعتبر دافئة بالنسبة لسائح من أوروبا فينبغى عمل تخطيط لجذب ملايين من السياح الأجانب على مدار العام للأسكندرية، سيما أن هناك مواسم أجازات فى أوروبا و أمريكا فى الشتاء يستغلها الكثيرين للسفر و السياحة.

الأسكندرية مدينة تاريخية و لا تقل بأى حال عن مدن اليونان و إيطاليا و هى تستحق الزيارة، الأسكندرية فقط بمفردها و بما بها من أمكانيات سياحية تحتاج فقط إلى تحسين فى البنية التحتية و زيادة الطاقة الفندقية مع التسويق الجيد ليزورها 10- 15 مليون سائح سنويا مثل دبى و سنغافورة..

باقى المقال ضمن مقالات ثقافة الهزيمة بالرابط التالى www.ouregypt.us

momken said...

طيب

مافيش معجون او سنفره

كده دهان على طول

حمدالله على السلامه


اديها بنى



تحياتى

أبو العريف said...

مكنتش قريت البوست ده

ومكنتش قريتلك من زمان

ومكنتش دخلت مدونات من كتير

بس بصراحه لما قريته

انشكحت قووووووي

وقلت البت كيكي دي دماغ

ودماغ حلوه قووووي

البوست عالي قوي بجد استمتعت بيه

eng_semsem said...

ويا ترى هندهن كل احزانا وننسى الهم طيب لو مشكلتي كبيره ولسه ما اتحلتش وكل ما ادهن وش يجي حوار جديد ومشاكل كتير تخليني افتكر شكلي وانا ضعيف ومهموم وحزين لو انت قاعده في جنه هنقدر ننسى احزاننا الدنيا اللي حوالنا هي اللي لازم تتغير مع احترامي الكامل لرايك

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket