Saturday, October 2, 2010

(أمنيه)

Saturday, October 2, 2010

من مساء أمس حتى الان لا أعرف كيف أبدء؟؟
كيف أوصف حلم كان بعيد المنال وتحقق...(أمس كان خطوبه صديقة ورفيقه كفاح الدكه الواحده من أيام ثانوى)!! أمنيه....تعنى لى الكثير من الذكريات(يعنى مفيش ولا درس أتحضر يعنى مفيش ولانكله كان بياخدها مدرس مننا كلوا كان فى جيب....!!!عذرا صديقى القارئ لاتتسرع فى الحكم عليها لاتجعل خيالك يسرح مننا يمين ولا شمال دعنى فقط أحط النقط على الحروف!! ...كلوا كان فى جيب أصحاب محلات الكشرى( أعلم الان عزيزى القارئ أنك تتنفس الصعداء) لكن تزال بعد الاسئله عالقه فى ذهنى؟؟
هل نحن نمتلك أعلى درجات التخلف العقلى الى هذا الحد؟؟
ماذا كان سيفيدنا فى أمتحانات الثانويه العامه عندما كنا نفعل مقارنه بين كشرى زيزو وكشرى عم أحمد؟؟ربما لاننا كنا نظن ان فى امتحانات عملى زى الكيميا فى التفرقه بين تقليه زيزو وعم احمد؟؟
حقا غريبه تلك الدنيا فهناك أسئله دائما بلا أجابات
ّأذكر....... ميس أيمان مدرسه علم النفس والاجتماع عندما أنفجرت فينا صارخا لقله حضورنا الدرس(فى اليوم ده كانت هتتاخر شوية علينا فى الدرس وكانت كل فتره بتمتحنا بعتت معانا الملازم والامتحان فى شنطه لحد ماتيجئ)أعلم فى ماذا تفكر الان عزيزئ القارئ نعم ؟؟ فعلنا مايدور فى عقلك الان
(قاعدنا جوه حاره قبل شارع البنت بتاعت الدرس وشوفنا الامتحان والاجابات) ......لماذا تنظر لنا وكأننا خائنين للامانه؟؟؟ لنقل أننا فعلنا ذللك لرفع الروح المعنويه لميس أيمان عندما تجدنا نحصد أعلى الدرجات تأكيدا لها على أنها مدرسه ممتازه..... أريت وجهه النظر من فضلك لاتتسرع فى الحكم على الاخرين ولتعلم أننا جبنا (أصفار) ماذا تنتظر من عقليات أصبح الكشرى لديهم أقرب من أمهم وأبوهم؟؟
وهناااااك الكثير من الذكريات و.....لكن لنقل أنى أخترت أفضلهم أو كما أعتقد
بالامس كانت خطوبتها على رفيق الكفاح أحمد وأنا لا أبالغ عندما أقول رفيق فانت لاتعلم أن قصه حبهم غلبت قصه حب (ميرررررررفت وعييييلاء)غلبت الكثير من القصص كان طريقهم مليان ولامؤاخذه مطبات صناعيه كثيره للغايه
بالامس كان محركنا الرئيسى جميعا(الفرحه) كنا كالعروس الماريونت تمام فى يديها
واذا كان لديك عزيزى القارئ بعد المبادئ أو التحفظات فى الافراح كالرقص أو الحاجات الى بربرق فأعلم أننى كنت منكم!! انا حقا أسفا لم أستطع ان أفعل المعتاد( بتاعى بتاع كل الفرح أنى أصقف وخلاص) بل مافعلت ماهو أكثر فعلت وأنا لا أصدق مافعلتوا (عملت فقره الساحر أحم أحم) وكمااااان أسبنش (اه وربنا) بل والمفاجأه لقد أدمعت كنت دائما فى الافراح بحس أنها (سهوكه بنات) ولكنى شعرت بشعور غريب حقا وكأن حته غاليه منى اوى (بنتى)الى أتخطبت لم أتمالك نفسى فى نهايه الحفله وهيا(بتبص ليا أوى وخلاص هتعيط هيا كمان)؟
****************************
ملحوظه:أحدى زميلتنا علاقتنا بيها يعنى علاقه الهايات دى( يعنى هاى باى كده يعنى ندهلتى مخصوووص قالتى أسلام خطيب أختى مروه(مروه دى وبراحه يابنات امسكوا نفسكم فى أعدادى أحم احم كان رد طبيعى منى مبروك راحت شدتنى تانى وقالتلى أسلام خطيب اختى السؤال هنا بقى؟؟؟؟
هيا كانت متوقعه رد فعلى أيه فى تانى مره أطلع نااااااااار من بوقى
ولاقوم أتشقلب فى الهوا !! ماعليناااااااا
****************************
عقابلكم كلكم يااااارب بجد فرحه الاصحاب دى حاجه تانيه حاجه مختلفه تماااااااااااااام يارب أحضر فرحكم كلكم
عزيزى القارئ: لاتصدق أن صاحبه البوست مضحيه للدرجادى أحتمال كبير لوكلكم أتجوزتوا قبيلها مش بعيد تانى يوم هتلاقوا خبر فى الجرنال(مصرع وأختفاء مدونين مصر فى ظروف غامضه) ال تجوزو قبلى ال
ملحوظه أخيره :البنت الى فوق دى أنا فعلاااا عملت اللعبه الى ع الفيس بقت أبتسامتى
(شكلااااا ومضمونا)
عملتو أيييييييه فى أسكندريه محدش جابلى جمبرى؟؟


22 comments:

adel said...

÷هههههههههههههههههه\
نفس احساسي يوم فرح صاحبي صدقيني
كان مسخرة بس كان هيقلب في الاخر نكد مننا كلنا :))))

AHMED SAMIR said...

في لحظات بتكون فعلا لا توصف
لا تملكي الا ان تسترجعي ذكريات سنوات مضت
و ساعتها بيبقى في مشاعر من الحنين و الفرح و الحزن
مشاعر مختلطة
تحياتي

همس الاحباب said...

هههههههههه
اممممممم
يخرب بيت اللى يزعلك يا عم
ده احنا هنقفل محلات الكشرى يا معلم عندنا بنات يا جدعان وخايفين عليهم
من اكل الكشرى
بجد انتى مشكلة يا بنتى
الف مبروك لصاحبتك وعقبالك قبل كل المدونين الاعمار مش بعزقة
وبعدين واحدة بتاعت كشرى بتسال على الجمبرى ليه
هههههههههه
استاكوزا يا معلم

Tears said...

الف مبروك لصديقتك و عقبالك

كيكى عوووووو said...

دولاااااا
***********
كان يوم تحفه
ليه كان هيقلب فى الاخر كده
اااااه عياط وحركات زينا
عقبالك ياااارب
عشان تكون اول مصرع مدون على ايدى
عووووووو

كيكى عوووووو said...

احمد سمير
********
ازيييييييييك
صح
صح
صح اوى
عووووووو

كيكى عوووووو said...

خااااااااااااالد
يعنى سلام كبير اووووى
*****************
ااااادعى من قلبك عشان خاطر عمر المدونين
الله الله بحبواااا ياعم
ومالك بتقول واحده بتاعت كشرى انا ليا الشرف دنا اتربيت فى المحلات دى
وكمان جيت وايدك فااضيه
مجبتش ليا اى حاجه من هناك؟؟؟
عوووووووو

كيكى عوووووو said...

ربنا يخليكى
ياحبيبتى
وعقبالك انتى كمان
عوووووووو

ستيتة said...

إلاهي يسعدك يا كيكي يا عوووو ياااااارب
زي ما ضحكتيني وانا تعبانة ومرهأه
الف مبروك وعقبالك
الا حتة مروة
لأ ملكيش حل

كيكى عوووووو said...

دكتووووووور ستيته
والله والله والله انتى على بالى اوى ووحشانى اوى
وفى وسط منا بفكر فيكى لقيت كومنتك وانا بقيت بكسل ومش بخش بحسابى وانتى حضرتك شايله غير معرف
قطعوه علينا بقى
ربنا يفرحك دايما ياااااااارب
*******
شوفتى البت غاظتنى اوى وربنا فى اصرارها الرهيب انها تعرفنى فانا مكنتش اعرف المفروض تانى مره اقولها ايه
ايييييييييه دنيا
عوووووووووووو

الازهرى said...

وربنا
وربنا
وربنا كمان مرة

ولا بلاش
الطيب أحسن

يعنى مش عايزة تسيبى البشر فى حالهم

ما علينا ليكى عندى خبر حلو

أنا هأكون آخر المدونين وهأستنى لما أطمن عليكى

أى خدمة

حنين الذكريات said...

الف مبروك لصاحبتك وعقبالك
والحمد لله ان مكنش فيه وقت للكشرى يوم ما اتقابلنا والا كان بقى عندنا ادمان
وعلى فكره لو اتخطبتى قبل باقى المدونين هما كلهم هيجوا لك لكن بعد خطوبتك مش هتروحى خطوبة
واحتمال صاحبتك فى الكفاح مع الكشرى مش هتحضر وأسال مجرب
وجهة نظرك للغش الحقيقة مقبولة
ربنا يوفقك

شفـقــة و إحســــان said...

مبروك الف الف مبروك لصاحبتك وعقبالك يا عوووو بس بالذمة دى مناظر ممكن تلاقى حد يتجوزها انتى عايزة حد يقتلك مش يتجوزك اصل مجرمة اخر حاجة
وحشتينى جدا جدا

أبو العريف said...

الف مبررووووك يا كيكه لامنيه .. وعقبالك

انت فظيييييييعه

ربنا يكرمك بابن الحلال اللي يطلعه علي عنيكي

Anonymous said...

مصر فى مهب الريح

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 – العدالة الاجتماعية .. وأطفال الشوارع والذين يملكون كل شىء .
5 – ضرورة الاتحاد مع السودان لتوفير الغذاء وحماية الأمن القومى المصرى.
6 – رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

لمزيد من التفاصيل أذهب إلى مقالات ثقافة الهزيمة بالرابط التالى www.ouregypt.us

eng_semsem said...

انا عايز اقول انا كنت اكتر واحد ينبسط لما اصحابه ربنا يوفقهم وبتجوزا لحد ما شربت من نقس الكاس وساعتها بقيت اقول الله يعينهم وربنا يستر ويفضلوا مع بعض اكتر وقت ممكن وصدقيني اقتنعت ان احنا بنحسدهم على نعمه انا عن نفسي مش عايزها ياخدوها مني

كــركــبــة دمـــاغ ㋡ said...

دي كيكي عوووووووووووووووو

ولا ميييييييين

انا بقول كيكي عووو هيا عيد ميلادها النهارده 13

كووووول لحظه وانتي بالف خير وصحة وسلامة يا كيكه يا اللي طعمك حلوووو

وعقبال سبعتلاف الف مليار عشروميت زليون بليون سنه كلها في فرح وسعاده وهنا وشوكوووووووووووولاته

ويارب اللي جاي احسن من كل اللي فات وتحققي كل اللي نفسك فيه وبتتمنيه يا عسل انتي

كل الناس بتحبك يا كيييييييكه

بحبك انا والله

كل سنه وانتي طيبه يا جميله


-----

تسلم الايادي يا ابو العريف

ونهارنا اسود لو طلع العنوان غلط ولا في كيكي ولا كيكه وانا تخميني ع قدي

شكلي هيبقى ووووووووووحش

كــركــبــة دمـــاغ ㋡ said...

بصي انا جبت الكومنت هنا عشان مش راضي ينزل عند ابو العريف

هو عامل بوست مخصوص وانتي كيكه اكيد يعني مفيش غييييييرك

كل سنه وانتي زي السكر يا كيكي

انا قلت اجيب الكلام زي ما هو كده ع بعضه

ربنا يفرح قلبك يارب

بحبك

فاتيما said...

كدا يا كراكيبو سبقتينى ؟!!

طيب
ف بيتها برضو

كل سنة و انتى طيبة يا ست عووووو
كام سنة يا به؟!!

متقوليش متقوليش
ربنا امر بالستر

كل سنة و انتى زى العسل
يا اخف دم قابلته
السنة الجاية تكونى آخر فل و عشرتشار
مش خآشر زى دلوقتى
و تكونى حققتى كتييييير
من اللى نفسك فيه

كل سنة و انتى حبيبة قلبنا كلنا يا بت

و عوووو زى منتى
بوسات و حضونات
و احتفالات
و تهنئات
و شكولاتات النهاردة ميهمكيش
مفيش ريجيمات

بحبك قوى

--------------------
http://fashiontribes.typepad.com/main/images/debrand_choc_box.jpg
--------------------
http://elaboration.co.nz/WebPics/chocolate-rose005a.jpg
--------------------
http://www.thebasketspot.com/images/P/SN322.jpg
-------------------

richardCatheart said...

كل سنه وانت طيبه يا عوووووووووووووو

وعقبال مليون سنه

كل سنه فيهم اجمل من التانيه

وكل سنه فيهم ليها احلامها الجديده

الازهرى said...

صباح الفل يا عم البلطجة

13/10 هو أحد الأيام الحزينة والحزينة جدا فى تاريخ المصريين والأمم المجاورة وعلى المقيمين خارج الأراضى العربية مراعاة فروق التوقيت

قال عايزة كام لسان قال
طيب نخلص من شر اللى موجود دلوقتى وبعدها ربنا يحلها مع الباقيين

كل سنة وانت وهى فى خير وسلام

سواحة said...

ده برضة
انا يفوتنى اليوم الرسمى لخالتو كيكى
كل سنة و انت اخر اكشاح يا كيكى
و خاسة كده على طول و نلاقى واحد بيزغطك فى بوقك كده
زى عبد العال ما عمل مع سكينة
:-)))))))

معلش تهنئة متاخرة لفروق التوقيتات :-))

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket