Tuesday, March 15, 2011

قص من غير...لزق

Tuesday, March 15, 2011

أردت أن تنهى المهاترات (السخيفة) التى تحدث بينهم دائما نظرت أليها بنظرة مختلفة تلك المرة وقالت ثلاث كلمات كفيلة أن تمحى أى رواسب بينهم:
مش هخذلك تانى-:
مسامحكى-:
بحبك-:
ردت عليها بأبتسامة جعلت تفاصيل وجهها تختلف تماما
ردت عليها الأبتسامة ثم أنصرفت من امام
مرآتها
♥ ♥ ♥
:

....................................
تعشق دائما الأستماع أليه تعشق تفاصيله عندما يتحدث.... ولكن عندما يتحدث عن حبيبته ينقبض وجهها لاأرديا فهى تذكرها بفشلها بأنها فى عيونه مجرد صديقة مخلصة لم تعرف كيف تتعدى حاجز الصداقة معه لم تعرف كيف تخبره أنها تود أن تسطر سطر فى كتابه فى فصل (الأحباء) وليس فصل الأصدقاء لم تعرف غير تستمع أليه فقط
-:مالك؟
/:لامفيش ريحة السيجارة خنقتنى
يعتذر لها ويطفئ سيجارته مسرعا ويكمل حديثه عن حبيبته
..................................
:
تحاول جاهدة تلك المرة أن تكتب عن كل شئ يشعرها بالأختناق من كل ماحولها
تحاول أن تبكى بشدة من خلال كلماتها
تحاول أن تخبر كلماتها بانها لأول مرة تعرف معنى أن يخذلك شخص وبقوة
تحاول أن تتأقلم مع ماحدث ولكنها فشلت كما فشلت أن تكتب
.....................................
:
تحلم كأى فتاه بالحبيب المنتظر ..تنتظر تحت لافتة(الانتظار) ولكنها
وجدت وسط صفوف الانتظار الكثير من الفتيات رسم على وجههم الزمن
الكثير من العلامات القبيحة (يخشون) الذهاب من تحت الافته دون أحد
يخشون نظرة (الغير) لهم وكأن شئ ما ينقصهم
منهم من يقبل بأى شئ (كالكلب) ينتظر أى عضمة..ومنهم من (مازال) تارك نفسه للزمن يرسم على وجه مايشاء

قررت فى تلك اللحظة أن تكسر الافته الخاصه بها وظلت تردد بحدة شديدة
-:مش هقف تانى صف أنتظار
-:مش هقف تانى صف أنتظار
-:مش هقف تانى صف أنتظار
...................................
:
عندما لاتجد شئ ما يسعدها تأتى بصفحة بيضاء كبيرة
وترسم أشياء الى حد ما ساذجة..تختار أكثر الألوان فرحا
وتعشق بعد كل رسمة أن (تشخبط) على وشها
بالألوان .......وتبتسم
^_^

14 comments:

فراشة said...

:)

مش لاقيه كلام يوصف ولا يتقال على كلامك اللي دخل القلب كدهو من غير استإذان

سطرتي بقلمك(او نخليها كيبوردك) معظم ما كان يتحدث به قلبي

فراشة said...

واول تعليق وبفك أحتل المدونه يعني بعد إذنك أصلي فاضيه جدا النهاره

----------
نفسي جا ألعب زي عمو الكرتونه دا وحشتني اللعبه دي جدا

فراشة said...

لم تعرف كيف تخبره أنها تود أن تسطر سطر فى كتابه فى فصل (الأحباء) وليس فصل الأصدقاء
...............
حلووووووة جدا الجمله دي

راء said...

كنت عاوزة اعيط ملقتش بروفايل اغرقه غيرك..
...............
حلوة البتاعة الأولى مش شبهيي

انا لسه باصة ف المراية ومتخانقة معاها
وقلتلها برضه انتي مفيش منك أمل :(
وسبتها زعلانة مني مش هصالحها بقى

..........
البتاعة التانية
بتضايق م اللي ترضى تكون مجرد كومبارس في حياة اي حد
ليه يعني العذاب ده
.......
البتاعة التالتة

خلتني عاوز اعيط تاني بس مش عارفة
........
الرابعة

فكرتني بمسلسل عاوزة اتجوز الحلقة قبل الاخيرة
لما الواحد مش بيعوز حاجة بتجيله لحد عنده..هيا الدنيا كده عاملة زي الخيارة

......
الخامسة
خلتني ابتسم :)

.......
حتة بره الموضوع
وحشتيني يا كييييييييكي

sony2000 said...

هههههههههههههههه
جمدا يابت ياكيكي:)

اخر واحدا عجبتني بجد
يلا خيييييييير

ريم وجيه said...

عادة باجى ومش باعلق ..عشان مش باحب التعليقات المقتضبة من نوعية رائع استمر
..طالما النص جميل وعاجبنى باسكت عادة
او مش عاجبنى وماعنديش نقد موضوعى باسكت برده :)
بس النص المرة دى عاجبنى أووووووووى
حاساه قوى جدا ومعبر بشكل رهيب
التعبيرات بسيطة ومش معقدة وفى الصميم أوى
تسلم موهبتك الجميلة..النص رائع

شكلنا نفس الفصيلة فى حاجات كتير..بس انتى ما شاء الله كتابتك احلى بكتير ;)

ريم

مدونه ما كفايه بقى said...

هتصدقينى لو قلتلك ان عينى دمعت مش كده؟؟؟؟

بصى هو مفيش كلام اوصف بيه اللى قلتيه بس دمعتى ديه ممكن تقدر توصف اكتر من كلامى

مش هقف تانى فى صف الانتظار

خطوه صعبه أوى خاصه ان الامل مش بيخليكى تاخدى الخطوه دى لكن مجرد انك هزمتى الامل الخادع ده انتصار كبير اوى فى حد ذاته

تحياتى لكى حبيبتى

كاتونيا said...

تيب
بعيداً عن ان كل كلمه عجبتني جدا
جدا
جدا
وبعيدا ان كده رسمي انا جاية
ف وزعي الشربات بقي تاني
كيكييييييييي
انا عاوزة اعيط
سيبك من خالد الباتلي بقي
انا من هنا ورايح هقرالك انتي وبسسسسسسس
:*

Anonymous said...

جامدة جدا و بعدين انتى عارفة انى مشيت من صف الانتظار من زمان يلا ما علينا بصى مش هرغى تانى عشان شكلى ههلفط (ديكى ديكى انت صديقى

♥نبع الغرام♥♪≈ said...

جميله اوووووووووووى يا قلبى

الله عليكى

المهم ياريت تنورينى عيد ميلادى بمدونتى وعيد ميلاد مدونتى كمان منتظراكى اللحوم كتير ومن اجود الانواع

مش تتاخرى

واحد جورنالجي said...

برجاء مراسلتي على الميل بخصوص مدونتكم حيث نرغب في نشر تدويناتكم على موقعنا mujaz.me

hazem9009@gmail.com

رحلتنا في الحياة said...

بوست جميل اوى وعجبنى جدااااا بحب قصص القصيرة جدا اللى بتحمل مضمون كبير

eng mohamed said...

تسلم الايادى يا كيكى
بجد جامدة منك جدا :)

بالمناسبة :)
انا قلم مشاغب فى اروقة المدونات
محمد وعد العيون سابقا :d
عملت مدونة جديدة اتمنى تشرفينى فيها :)

العواف :d

تحياتى :)
محمد

افلام اون لاين said...

دا كلام رائع
بس فكك

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket