Sunday, May 25, 2008

من يوميات برعى وتفيدة

Sunday, May 25, 2008
الخروجة المشئومة .........

تفيدة:برعى انا عايزة اخرج انا مخنوووووقة

برعى:مخنووووفة من اية ان شاء الله

تفيدة:بقالنا اكتر من سنة لابنروح فى حتة ولا حد بيجئ عندنا....اية رايك نروح عند لواحظ فى المحلة

برعى: والله فكرة حلوة...طب خليها الاسبوع الجاى عقبال مانلم حق الاجرة

ولموا حق الاجرة...ورحوا الموقف كان فى قلق غريب مسيطر على الموقف..وكل مايقولوا الى اى سوائق المحلة ميردش ويمشى بسرعة....وفى الاخر لقوا سوائق مسطول ركبوا معاة

السائق:هو لازم تروحوا..ههههههههه..كلنا رايحن رايحن ههههه

تفيدة :هو مجنون ولا اييييييية

برعى:واطى صوتك...ام نشوف هيؤدينا فين

مكنش ناقص غير كيلو على البلد....وكان فى سحابة سودة...راح بصلهم السوائق وقالهم:خلاص هم قربوا قربوا هيخلصوا علينا كلنا....فاكرنى مسطول لكن هم المسطيل قربوا فربوا...ههههههههههههههههههه...اغمى علية...نزل برعى وتفيدة وهمة مش فاهمين حاجة خالص....داخلوا على البلد ومن كتر الدخان ماشفوش حاجة خالص ومش سامعين غير صوت بنادق ومسدسات وقنابل...بوم طخ طخ

برعى:همة الاسرائيلين هجموا علينا امتى

تفيدة:يالههههههههههوى واحنا مش عارفين

برعى:دى البلد باظت خالص اجرى ياتفيدة نستخبئ وراء البيت دة

وتحدث مشدات بين الامن والمواطينين وشتائم والفاظ خارجة

برعى :اية دة دول بيكلموا عربى

تفيدة:تلاقيهم من كتر اقعدتهم اتعلموا واحنا مش حاسين

برعى:ازاى دة حصل واحنا مش حاسين دةولا تليفوزيون قال ولارديو ولا اى حد اكلم خالص

تفيدة:والله كان قلبى حاسس انا مش قولتلك بيقولوا...البلد بتتحرك...وانت مصدقتينش

برعى:وعلشان كدة كانوا بيقولوا...اوع يفوتك القطر.....علشان نهرب

وتوصل المشدات الى ذروتها...يقتل رجل...وتقع سيدة مسنة...وتمطر السماء بالقنابل

برعى:احنا لازم نعمل حاجة.....تفيدة:زى اييييييييية

برعى:لازم ندافع عن بلدنا مهمة كانت ظروفنا اية حتى لو مش لقينا ناكل..لكن دى برضوا بلدنا..لازم نحررها منهم..اة ساعات كتير بنحس بغربة فيها وانها اسيا علينا ولكن وقت الخطر لازم نعمل حاجة وووووبجدووووونسمع وسط حماس برعى الاغنية الوطنية...العنب العنب احمر اخضر......قراروا ان كل واحد فيهم هيعمل عملية انتحارية....واهوكلوا علشانك يا بعرور....احم احم يا مصر...وخلاص جهزوا نفسهم وقراروا كل واحد فيهم يروح حتة ويعمل العملية الاستشهادية ليفجروا الاعداء...وبلصدفة البحتة لقى كل واحد فيهم موبايل

برعى:انا لمة اروح هاديكى مسد بس اوعى تفتحى علية

تفيدة:متخافش مش هفتح عليك..وانا كمان هديك مسد لمة نروح...وبعد كدة نرن مرتان ونفذ العملية.......وخلاص هيمشوا راح كل واحد بص للتانى وجريوا على بعض وبرعى حضنها اوووووووى وبصلها فى عينها وقالها...لو شوفتك فى الجنة ابقى فاكرينى اطلقك..لان كل خروجاتك بتقلب بنهاية سودة....وبعد كدة بسهامن..احم احم..نسمع صدى صوت الاغنية العاطفية.....بحبك ياحمار

وراح كل واحد فيهم فى حتة واتلم عليهم اكبر عدد من العساكر...وادو لبعض الاشارة.....فراح كل واحد فيهم مطلع سكينة وقتل نفسة!!!!..ونسمع صدى صوت الاغنية الحزينة... محكمة...

46 comments:

كيكى عوووووو said...

هييييييييية اول كومنت....معلش تاثير امحانات بجد اسفة لانى اتاخرت فى البوست دة معلش الكمبيوتر كان بايظ.....واسفة لانى مش برد على كومنت واللة مشغولة موووووووووووت

ياسر said...

فى الجنة ابقى فاكرينى اطلقك..
هههههههههههههههههههه
فظيعة مالك ياستي الحاجة
جننتيني ووجعتي بطني من الضحك
اوعي تكوني من المحلة واشمعني
اختارتي المحلة لو طلعتي بلدياتي
هنتحر كككككككخخخخخخ
بس اكيد الاسلوب دة غربية
هما الا بيضحكوا طوب وحصا الارض
تحياتي

كيكى عوووووو said...

انا بس هعلق على الكومنت دة ....الانى قلقت..هى القصة مش مفهومة ولا اييييييييييية........ايييةيا جماعة ياصباح 6ابريل
ياسر.......
انت متاكد انك من المحلة..ممكن اديك عذرا واحد لانك مسافر...مفيش دش...اهلك محدش قلك حاجة خالص....على العموم انا هفضى بس واجى اقولك فى مدونتك...اية حكاية 6ابريل...ادعيلى بقى واةعى تدعى عليييييىة......

Tamer Nabil Moussa said...

هههههههه.


تفيدة البسيطة

وبرعى الطيب

وكيكى مصارعة هههههه


عاملة اية فى الامتحانات

ربنا يوفقك

تحياتى

Hossam Nasr said...

ساعات قليلة لنتحد ولو لدقيقة
الساعة الرابعة عصراً نرسل رسالتنا الأخيرة
http://kawlansadida.blogspot.com/2008/05/blog-post_24.html

26.05.2008

أحمد بكر said...

ايه السكر ده
عجبتنى اوى اوى
تحياتى

رئـــــيسـة حزب الأحلام said...

ربنا يوفقك
ماتحمليش هم احنا مستنينك
وبرعى وتفيدة مش لا قيين الا اليوم المشئوم دة يروحوا فيه
تحياتى

الـجـدة فـصـيـحـة said...

السلام عليكم ورحمة الله وبركاته

استخدام جميل لأحداث الواقع
واسلوبك دمه خفيف

تحياتي

عروسة ننوسة said...

بجد بتكتب هايل معجبة جدا بالبوستات تبعك

ملامح مصرية said...

كيكى بجد مدونة رائعه جدا جدا بجد مكنتش متخيله ان كتباتك حلوة بشكل دةربنا يوفقك ان شاءلله

rovy said...

ازيك يا كيكى
اخبار الامتحانات ايه يااارب تكونى حليتى كويس والله انا بأدعيلك انتى وكل حبايبى المدونين اللى بيمتحنوا .ربنا يوفقكم ان شاء الله .
ايه يا بنتى ليه بس موتى لنا برعى وتفيده طيب حتصحيهم ازاى تانى بقى ورينى شطارتك ..
وابقى طمنينى عليكى كل ما تقدرى
تحياتى
rovy

Soooo said...

قريبا

انتقام ابن برعي .. وتفيده

----
ابن برعي : انا لازم اخد تار ابويا وامي
روح برعي : وماتنساش تاخد المكوه من المكوجي
----
ابن برعي : مش هتقدر تفلت من ايدي
ظابط كبير : طب ينفع افلت من رجلك!!؟
----
انتظرونا .. بعد كيكي ماتخلص امتحانات
-------
مع كيكي .. مش هتقدر تقفل المدونه



سلامووووووووووز

.:.-=- ELGaZaLy-=-.:. said...

ربنا معاكى فى امتحناتك...هممممممممم

مش عايز اعلق على البوست بس انا مش بحب كدة

اسلوبك اقوى من كدة..بكتير

المكتوب جميل بس المنتظر من قلمك الاروع...

عذرا لو ضايقتك كلماتى بس انتى افضل

كوارث said...

جميل البوست
دمك خفيف جدًا وحكايتك كويسّة
والنهاية توقعتها من ساعة ما قالوا عملية انتحارية
بس برعي ده من اسماء الحكومة المفضلة يعني .. يعني المفروض يبقى مخبر مش ضحية !

Miss. Sosa said...

ههههههههههه
مع كيكي مش هتقدر تغمض عينيك
تصدقى انا عينيه وجعاني بجد :D

ايه ده انا فاتني كتير اوي
بجد انا اسفة اوي ماكنتش متابعة .. معلهش سامحيني احيانا بيجيني حالات اكتئاب ما بتابعش حاجة ولولا ان بوستات مدونتي كنت كتباها مقدما كان زمانى متوقفة

افكارك حلوة اوي ومعاصرة وعندك حس كوميدي هايل بس تفيدة وبرعي دول نحس اوي .. بس امانه عليكي ركزى في الامتحانات اليومين دول وحلي كويس وهانت الاجازة قربت وان شاء الله تعملي اللي انتي عايزاه

سلااام :)

يوميات فنانه مفروسه جداا said...

حلو اوي يا كيكي البوست ده ضحكت من قلبي والله
المهم ربنا معاكي ومعانا في الامتحانات
وانتي كنتي عايزه تفهمي احنا بنقوا ايه عندي في البلوج
بصي يا ستي
في كتاب جديد نزل السوق عن المدونيين وكان في حفلة توقيع وانا معرفتش المهم في حفله تاني الخميس اللي جاي في مكتبة عمربوك استورز
اتمني اشوفك هناك يا كيكي
كلمة السر
ابو كرتونه
سلام

المـــفـــــــقــــــــوعـــــة مــرارتـهــا said...

طب بجد دي قصة حكاية
وفيها إسقاط سياسي
يعني تودي في داهية
هي دي القصص ولا بلاش
بتتكلم عن احداث حاصلة بجد بطريقة لذيذة وقصصية
برافو عليكي

.:.-=- ELGaZaLy-=-.:. said...

صديقتى الصغيرة كيكى...

يا سيدتى انا بقرا ارشيفك من يومين ثلاثة كدة...عجبنى اوى اسلوبك بجد اسلوب جميل بيجمع بين البساطة فى توصيل الفكرة والسخرية

قلم شابة جميل...واعذرينى ان كان نقدى اثار حزنا بداخلك..فانا لست من هواة

هايل ممتاز الله اية الحلاوة دى

just me said...

انا بنصح تفيده وبرعى يروحو شرم الشيخ مدينه السلام

ولا اقولك بلاش عشان اللى بيحصل واللى حصل

ولا اقولك خليهم يروحو ميدان التحرير
ولا اقولك بلااااااااش دى حصل فيها اكتر

طب يروحو يتفسحو فين؟؟؟يتفسحو فيييين؟؟

مش عارفه

تفتكرى هما ممكن يتفسحو فين؟

على فكره احنا اللى بنعمل فى بلدنا كده

احنا اللى حولناها بلد ارهابيين واحنا اللى بندمرها باللى بنعمله ده

Empress appy said...

بجد انتى سكر خالص انا برضه تاثير اول خروجه بعد الخطوبه عندى كان كمين شرطه ههههههههههههههههه
ودى اخرة اضراب ابريل بس متاخر نتيجته عليكى ولا ايه

emy said...

هههههههههههههههههههه
والله انتى عسل اوى يا كيكى
تحياتى لبرعى ويارب
متلاقى حد زى ايناس جارتى تنكد عليكى عشتك
ربنا معاكى وتخلصى عوء الامتحنات دى

Unknown said...

هههههههه

خدتي الراجل ودتيه معسكر الاعداء

يعني الراجل اقل واجب يطلقك في الجنه بد مايكون رنك علقه خلص القديم و الجديد

واخده الراجل تفسحيه في المحله يوم الاضراب يا مفتريه

ماتوديه غزه كمان و العراق

البوست جميل جدآ

تحياتي

رحاله said...

بسم الله
السلام عليكم
ازيك ياكيكي
ايه اخبارك
وحشانى اوى بجد
بحبك اوى ياكيكي
ومش تنسى بقه القطه
تحياتى ياقمر
جيلان

كيكى عوووووو said...

اخيرااااااااااااااااااااا.....خلصت امتحانات...هييييييييييييية

Unknown said...

يا عينى يا عينى يا عينى عالولد....... عاملة ايه فى الانتحارات قصدى الامتحانات يارب تكونى كويسة.... ويا عينى ياعينى ياعينى عالولد

!!! عارفة ... مش عارف ليه said...

في كومنت ليكي شوفته عند واحد من الناس ، بتاع كيكي أنبوبة

هو اللي جابني هنا ، وبصراحه استمتعت بوقتي هنا

ومستني المزيد من يوميات برعي وتفيده

أه على فكرة مبروك الاجازة
يعني ملكيش حجة

تحياتي

rovy said...

النهارضه الخميس وانا مش نسياكى ..جيت اطمن عملتى ايه فى امتحان النهارضه يا رب تكونى حليتى كويس والله النهارضه دعيتلك كثير ومنسيتكيش .. ابقى طمنيننى

كيكى عوووووو said...

عوووووووووووووووووو.....اخيرررررررررررا..خلصت امتحانات..يارجالة...هييييييييييييييييية......والنتيجة بعد اسبوع....سلق بيض...
تامر .... ربنا يخليك على اهتمامك
بيكر.....انت السكر نفسة

كيكى عوووووو said...

رئيسة....الفقر فقر..تقولى اييييييييية
الجدة الفصيحة.....
وعليكم السلام ربنا يخليكى يارب

كيكى عوووووو said...

جنة....مش عارفة اقولك اييية ربنا يخليكى والله من قلبى
ملامح مصرية....شكرا

كيكى عوووووو said...

سووووووووووووووووو.....مع سووووووووووووووووو...عمرك.ماهتبربش.....عينك
الغزالى.....اولا شكرا لاهتتامك..وانا عارفة انك عايزنى..احسن...بس ارجوك قولى انتى غلطى فى كذا وكذا وحاولى تعملى كذا وكذا

كيكى عوووووو said...

كوارث...والله برعى غلبان خالص
سوسو....وحشتينى يا قمر...خلصت امتحانات

كيكى عوووووو said...

مفروسة ازيك ومنورة....معلش انتى عارفة الامتحانات مقدرتش اجى...كلها52
سنة واجى علطول
مفقوعة مرارتى......عايزة تودينى فى داهية لية...منورة ياعسل..المرة الجاية هاتى فيفى

كيكى عوووووو said...

لست ادرى.....ازيك عاملة ايييييية...بس مين الى وصلنا لكدة..منورة والله
ابى.....نورك غطى على المدونة....مبروك على الخطوبة.....مش متاخر ولا حاجة...بس عقبال ماجت الفكرة والمدونة كمان هههههه

كيكى عوووووو said...

ايمو....ازاى ايناس عاملة اييييييية..هاتيها معاكى المرة الجاية
ايمى....
المرة الجاية نودى العراق... اوامرك يا باشا

كيكى عوووووو said...

رحالة....حبيبة قلبى..والله بحبك اكتر ..القطة بتسلم عليكى
انجى هانم....انا خلصت هتخلصى امتى

كيكى عوووووو said...

مش عارف لية...كدة فضحتنى....ربنا يخليك وهستنك تانى....ههههه..تحياتى ليك ياصديقى الجديد

كيكى عوووووو said...

روفى........حبيبة قلبى...ربنا يخليكى لييييييييييية يارب

حمادة زيدان said...

كيكي


أوووووووووووووووووووووووووووووووووع


تفيدة وبرعي ماتوا حراااااااااام عليكي يا قاسية

على فكرة ما أخدتش باللي من البوست أعذريني بقه ... السن له أحكامه

ههههههههههههههههههههههههههههههههه

بنت الاسلام said...

فعلا مصر بتتقدم بينا ومش اي تقدم

تقدم وصل لحد القنابل

واللي حصل في المحلة

كان مجرد بروفة علي تجربة نوع جديد

متطور من السلاح

من اجل تصفية شعب مصر


اصلهم كتير الصراحة وعاملين دوشة

تحياتي لاسلوبك الرائع

كيكى عوووووو said...

حمادة...ماشى ماشى هعديهلك..المرة دى ...متخافش برعى وتفيدة فى المستشفى....
بنت الاسلام ....منورة ياعسل....احنا كتير جدا متعديش..الله يكون فى عونهم....ربنا..ولا بلاش...منورة يا عسل تعالى تانى

Diyaa' said...

عارفة لو خلصتي كورس الأملا بتاع كي جي تو هتبقي هايلة..عموماً واضح إنك بتكتبي مستعجلة أوي أوي
بس تحفة أوي ربطك للمواقف ببعضها
وفعلاً اللي حصل في المحلة ده بيثبت إن اللي بيحكم البلد بقي صهيوني أكتر من الصهاينة
تحياتي

كيكى عوووووو said...

diyaa...
ماشى ماشى ...طب دخلنى اولى ابتدائى...ربنا يخليك على تعليقك..ودة واقع مرير فى حياتنا هنعمل اية بس...تحياتى ليك

Eldebug said...

انا جييييييييييييت بس متاخر شوية
مين بقى اللى جاب سيرة المحلة ... احنا عندنا البلد زى الفل والعيش بيجيلنا لمؤاخذة لحد البيت والغاز وصلوه لحد البوتوجاز وملولنا البلد قلل فى وسط الشوراع ولونوا الشوراع وردى ... اه واللهى وردى ... وشوية شوية هتبقى بمبى ... هيه البلد دى كده لازم تاخدى حقك بالدراع
وبالنسبة لبرعى وتفيدة بقى المسامح كريم ... ماهو لازم يضحوا بنفسهم من اجل اسعادنا
تحيااااتى

كيكى عوووووو said...

eldebug...
منور والله معلش مخدش بالى من التعليق...يعنى الحياة لونها بمبى ماشى ياعم

mohamed ibrahim said...

بجد موضوع كوميدي جدا
و لا الاغاني الفواصل ما بين المواقف
بجد حاجة كوميدية جدا جدا
انتي كاتبة موهوبة في الكوميديا يا كيكي
ربنا معاكي

تحياتي
محمد

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket