Saturday, September 13, 2008

ابو الريش!!

Saturday, September 13, 2008
ياردالة انا رحت ابو الريش هيييييييييية كانت الدعوة موجه من العسولة داليا قوس قزح وابى الشقية
وكانوا قالوا بقالهم فترة على الموضوع دة على العمل الخيرى دة وانا والله كان نفسى اروح اول ماعرفت بس احم احم مكسوفة وكدة ومش عارفة اى حاجة فى اىحاجة لكن جنة شاجعتنى وانوج الى كانت هترقعينى باى حاجة فى ايدها لو مكنتش روحت....اااااااة اهى وصلت يا ست انجى المهم كان الميعاد الساعة تالتة جت معايا حبيتى فاطمة ملامح مصرية هى الى ودتنى اتقبلنا الساعة واحدة وراكبنا موصلتين ومشينا شويةةةة انابقى مش متعودة اخرج خالص فى رمضااااان ومقضيها انتخة فى البيت فى بالنسبةالية المشوار كان سفر مع المشى خطوتان وصلت على باب المستشفى بقول احد احد شربة ماء يا اهل قريش اعاااااااااااااااا انى من يثرب انى افطس افطس افطس اةةةةةةةة المهم مسكت نفسى وداليا جابتنا وطلعاتنا فوقق كانت ابى بتظبط الشنط الاطفال وبعد كدة وزعانها وبعد كدة الاسف انا مشيت وهمة راحوا الافطار وانا طول السكة عمالة افكر واندب ياترى بيعملوا اية دلوقتى؟ ها وعمالة اتخيلهم واعيط زى فيلم الطريق الى ايلااااات واقول يارتنى كنت معاهم يارتنى كنت معاهم اعااااااااااااااااااااااااا اهى اهى عملتوا اية بقى احكولى؟ وعمالة كل شوية اقول اماما كان نفسى اكون معاهم وانا باكل كل شوية لحد ما اخدت منى الطبق الاكل وقالتلى لافى اكل هنا ولاهناك وروحى امسحى الصالة واعدت اغنى والله يازمن ما بيدنا زرعنا الشوك اهى اهى
ههههههههههههههههههههههههههههههه
لا بجد كان يوم جميل والله والاحسن اننا اتجمعنا فى عمل للخير ودة الاهم والله وبجد كان فى مدونين كتيرررررررر اوى والله ربنا يباركلهم انا فاقدة الذاكرة دلوقتى لكن اكييد هتلاقوا كل شئ بالتفاصيل فى مدونة احمد الصباغ بجد والله بجد ابى وداليا ربنا يسعدكم على المجهود الى انتوا عملتوا وبجد يا جماعة فى حالات صعبة جدااا وهمة ان شاء الله هيروحوا تانى لحالات اصعب ياريت تروحوا الاطفال توجدك معاهم هيفرق اكتر ان شاء الله با بتسامة وناس كتير جت من محافظات بعيدة ياريت تبقوا تروحوا ويارب يارب ماتجمعين فى الخير دايما
................................
(مستوحاة من عيون الاطفال)

خد بأيدى وامسح دمعى
خدنى فى حضنك والمس قلبى
خدنى فى دنيا غير الدنيا
ناسينى المى وهمى
ناسينى حزنىويأسى
عيشنى لو لحظة واحدة
أنك
ضلى وحلمى الجاى
انك
شمعة نور فى عنيا
انك
بيتى فى لحظة خوف
انك
أملى فى لحظة يأس
انك
طريق لسكة تانية
أرجوك
!
خد بأيدى وامسح دمعى
خدنى فى حضنك والمس قلبى

96 comments:

كيكى عوووووو said...

ومتشكرة يا اخونا على التسيح بتاع عوووووو دة
ماااااااااشى
طب من غير
عوووووووووووووووووو
هههههههههههههههههه

حسن حنفى said...

بجد ربنا يبارك فيكم كلكم ويديكم الثواب علي اللي عملتوه ده

من الحق نضفتي كويس :d

ولا قولتي اصلي راجعه من بره تعبانه

:)

أحمد بكر said...

حلوه خدنى فى حضنك دى انا موافق
و ربنا يقدرنا على فعل الخير

princess said...

اخبار مسح الصاله ايه هههههههه
ربنا يجزيكم خير على اللى عملتوه النهاردة:)
تحياتى

كيكى عوووووو said...

ابو حنفى ازيك ازيك

مش كنت تيجى يا راجل لا مش المستشفى !
تيجى تنضف معايا
هههههههههههههههههههه
ياااااااارب ونتمنى نشوفك المرة الجاية يا ابو حنفى يا سكرة
عوووووووووووووووووووووو

كيكى عوووووو said...

بيكرررررر
هيييييييييييييييية
ماشى يا بيكر همة اكيد هيكونوا سعدة بحضنك الدافى الكبير
ياريت تروح ولا مش عارف طريق المستشفى
اديهولك
وربنا ياااارب يقدرك على فعل الخير
قشطة
عووووووووووووووووووووو

كيكى عوووووو said...

احلى برنسيسة
ازيك
يا عسل لسة بامسح يا مولاتى
اعاااااااااااااااااا
هههههههههههههههههه
ياااارب ونتمنى نشوفك هناك
امواااااااة
عووووووووووووووووو

كيكى عوووووو said...

عالم الحب...
هاااااااااى انا سعيدة اكتر والله
الحب بنفسة جاةة هيييييية
اكييد اصدقاء كل الى بيخش هنا بيبقى صاحبى وعبيبى وكفاءة
ههههههههههههه
اكيد طبعا اصدقاء وربنا يباركلك ويسعدك
عووووووووووووووووووووووووو

محمود حسن العدل said...

كيكى
اختى الغالية
بارك الله فيكى يارب
انتى عارفة نفسى الدعوة جتنى من قوس قزح وكنت اول واحد تقريبا عارفها وقبلها بيوم اتاكد عليا ويعلم ربنا انى كنت مجهز نفسى بس اظاهر ماليش نصيب
بصراحة انا حالتى النفسية حاليا مش تسمحلى اكون وسطكم بس وعد منى امام الله انى اكون انا اول ماارجع تانى للتدوين اول المشاركين بل اول المنظمين لفعل الخير ..يعلم ربنا قد اية انا مكسوف من مدام / داليا
لان دا تانى ميعاد اخلفة انى اكون وسطكم
عموما / جزاكم اله كل خير
تحياتى / محمود حسن العدل

رصيف نمره خمســــــه said...

كيكى حبيبتى

جزاكى الله كل الخير وكل اللى نظموا اليوم ده بجد حاجة تفرح

انا مدايقة جدا لانى مقدرش اجى وكده بس ان شاء الله هتحصل

والله زرعنا الشوك باايدينا والله يااازمن

سلااااااام

Anonymous said...

كيكى

صحبتى الجديده

ازيك ؟؟

ربنا يجازيكوا كل خير و يكرمكوا

و بجد انتى زى العسل

فكرتينى بنفسى لما رحنا مستشفى الحسين الجامعى


كنت بموت و نفسى فى ميه

مهرة سالم said...

خاطره جميله..
وجميل جدا تجمعكم لعمل الخير ..
دمتم بخير

عاشقة القمر said...

ربنا يكرموك علي فعل الخير عاشفة القمر من السودان

منى said...

كيكى
ازيك يا كتكوته
والله حاجه جميله
ناس من كل بلد يتقابلوا ممكن لاول مره عشان يعملوه حاجه جميله كده

عايزه اقول جمله الفيلم دى
تحياتى يا سكره

Anonymous said...

السلام عليكم كيكى وربنا يارب يتقبل منكم ويجعله فى ميزان حسناتكم وفعلا والله كنت نفسى اكون معاكم بس كنت مرتبط بميعاد افطار موقع كل الطلبة على لعموم ملحوقة

دمتى لنا بخير ويلا سلام

(احمد سكر ) said...

ياخوسااااره

كان نفسى اشوف بتاعة

عووووووووووو

هااااااااااااع

بببببببببببخ

ادايقت اوى لما دكتوره جنه قالتلى انك كنتى موجوده

ومسلمتش عليكى

مممممممم

المره الجايه تجيبى فانوس لمحمود

هاااااه

مش هسيح بئه على موضوع الفوانيس دا

تحياتى

احمد

kochia said...

جزاكم الله خيرا
ان شاء المرة الجاية اقدر ابقي موجودة

تحياتي

Anonymous said...

عوووووووووووو
انا جيت نورت البيت
ازيك ياقمر
اولا لية مش قلتى ان اللى عاملة داوشة فى المدونات وقالبة الدنيا طبعا عرفاها اللى هى انتى طبع
طلعت على الطبيعة انسانة هادية وجميلة ورقيقة ومش بتخض خالص
بجد والله فرحت جداا نى شفتك وبعد ما انتى مشيتى انا افتكرت على طول اسم البوست اللى عاجبك هع
رغم انه كان لقاء قصير الا انك بتحتلى مكان فى القلب على طول وبسرعه
ربنا يوفقك يارب
ووحشتينى
:)

Abd-Alrahman said...

هههههههههه
ازيك يا كيكي
المرة دي بقي انا الي هقول عوووووووووو
انا كمان روحت ابو الريش
بس انتي لية مشيتي بدري انا كنت لسة عايز اتكلم معاكي شوية
علي موضوع عوووووووو
انا يا دوب شوفتك وقولتي لي انك كيكي وبعد كدة مشيتي
لية بس كدة
حتي دورت عليكي وقت الفطار مش لاقيتك

علي العموم تتعوض في اي اجتماع تاني

وربنا معاكي
وانشاء الله يكون في ميزان حسناتنا
تحياتي

Princesa ... WHiSPeR said...

انا جه
كيكي يا وحشه ماقولتليش انك رايحه لييييييييييييييييييييه
كنت تحايلت على الظروف وجيت علشان اشوفك

بس كده كده ماكنتش هقدر اجي :(
تتعوض مره تانيه ان شاء الله بس قوليلي قبلها بقى

تشاااو

ليكوريكا said...

كيكي بتعمل خير

استر علي اطفال مصر يارب

يعني كيكي بخضاتها المريعه راحت ابو الريش

بنفسها بنفسها يعني ؟

اعترفي يا كيكي

ضحاياكي كام واحد في الطريق

وخليتي كام واحد يفطر قبل الفطار علي مدفع كيكي المضروب ؟

اعترفي ... اعترفي

------------------------

ربنا يقدركم علي فعل الخير

ويقدرنا احنا كمان

بس من غير خض

:)

ليكوريكا

مواطن زهقان said...

جزاك الله كل خير
وكل اللى كان موجود

بجد انا كان نفسى احضر اليوم دا


بس بجد الايام دى
انا مضغوط
فى موضوع كدا

وان شاء الله هيعدى على خير

وارجع بقا من تاانى

شفـقــة و إحســــان said...

كده بردوا مش تقولى انك هتروحى لا لا لا انا زعلانة موت موت عو عو عو عو عو
كان نفسى اشوفك جدا جدا

Anonymous said...

على فكرة أكيد المقبلات دى بتكون رائعة خصوصا لما تكون فى حاجة خير

ربنا يوفقوا و يا رب الخروجة الجاية حد يقولى تعالى :(

يوسفيات..محمد يوسف said...

انتي كنتي هناك؟؟؟


خسارة ...معرتش كده


كنت عاوز اتعرف عليكي عشان نستلم مواجهات ف موضوع الحجاب

محمد فاروق الشاذلى said...

بالفعل اليوم كان جميل جداً وخسرتى كتيير إنك ما جتيش الفطار
وعلشان اغيظك ... احنا كلنا أكل كان روعة (مش قوى ياعنى) بس علشان تتغاظى.

!!! عارفة ... مش عارف ليه said...

كل سنة وانت طيبة كيكي

جميل اووي اللي قولتيه ده
ربنا يوفقك ويوفق باقي المدونين للخير دايماً

شوفتي فعلا احنا جامدين أووي
وخطواتنا بدأت تدب على الأرض

ربنا يجمعنا في الخير دايماً
والله نفسي ارجع مصر واكون معاكم
بس انت صحيح مروحتيش الساقية ليه يوم العدد التاني بتاع مدونات مصرية للجيب
وعلى فكرة في فطار عند عاليا حليم مع خالد الصاوي في الساقية بردو
تقدري تعوضي اللي فاتك
وفي مدونين كتير راحين بردو

عارفة يا كيكي
ماشاء الله علينا
احنا المدونين الوحيدين بين المدونين العرب اللي واخدين خطوات إيجابية أننا نكون حاجة ملموسه على أرض الواقع

فعلا مصر في أول الصفوف
دايماً بولادها

وكل سنة وانت طيبة
دومتي دوماً بكل خير
وليد

كيكى عوووووو said...

محمود حسن العدل
اخويا العزيز بجد ايوة كدة ارجع وفكك من اى حد مضايقك؟
المرة الجاية لازم تبقى اول واحد موجود علشان اخدك واقول عووووووووووو
ههههههههههههههههه
وارجع بقى بسرعة
اعااااااااااا
لسة مرجعتش
عووووووووووووووووووووووو

كيكى عوووووو said...

رصيف نمرة خمسة..ايمى فريد شوقى
ولا اقول قلبظ واختصر
هههههههههههههههه
اكيييييد لازم تيجى المرة الجاية..علشان اخدك يا اختشى
هههههههههههههههه
اةةةةةةةةةةةة والله يا زمن اهى اهى
هههههههههههههه
كل سنة وانت طيب يا جميل امواااااااااة
عووووووووووووووووووووو

كيكى عوووووو said...

magnolio...
صاحبتى واختى وحبيبتى اموااااة
كويسة طول ما انتى كويسة
؟
اةةةةةةةةةة شوفتى شربة ماء يا اهل قريش
ههههههههههههههههههه
وان شاء الله يا حبى اشوفك على خير
عوووووووووووووووووووووووووو

كيكى عوووووو said...

m.k
ازيكى منورة على طول السلااااام
اسمع سلام صعيدى شحط محط واييييييييية؟
الله يخليكى يا جميل وربنا يوفقنا كلنا فى فعل الخير
عووووووووووووووووووو

كيكى عوووووو said...

عاشقة القمر
.......
منورة يا جميل..وسلام مخصوص شحط محط تانى لسودان مخصوص
واييييييييييييييييية؟
نورتى بجد
عووووووووووووووووووووووو

مهندس مصري بيحب مصر said...

ربنا يعينكم دايماً على فعل الخير
و تتجمعوا في الخير دايماً
:)
سعيد بمعرفة مدونتك

كيكى عوووووو said...

منى..صاحبتى
هيييييييييييية
ازيك يا حبيتى؟
بجد والله حاجة جميلة اوووووووى
واتمنى اشوفك..فى مقابلة زى دى
وتحياتى انتى
يا حتة جاتوة
امواااااااااااااااااة
عوووووووووووووووووووو

كيكى عوووووو said...

جمعاوى
اهلا اهلا بحضرتك منورر
وعليكم السلاام
اكيييييد ملحوقة علشان نشوف حضرتك
مدفع الافطاااااار اضرب
بوووووووووووووم
عووووووووووووووووووووووووو

.:.-=- ELGaZaLy-=-.:. said...

اكيد كنتى منورة يا كيكى..بس للاسف معرفتكيش برضة انا استغربت لما جنة قالت انك كنتى موجودة..

كل سنة وانتى طيبة وكان يوم جميل بجد

بقالى كتير مش باجى..معلش ..اعذار وكدة ..

كيكى عوووووو said...

احمد سكر..
اعاااااااااااااااااا
اعااااااااااااااا
ياخوسارة فعلا..
كنت فعلا عايزة اسلم عليك والله بس دوريت عليك مش لقيتك انت اختفيت مرة واحدة
ياريتنى جايتلك من وراء وقولتلك
عوووووووووووووو
ههههههههههههههههههه
لا لا لا بلاش تسيح
بس محمود مين
!!!
عموما السنة الجاية وعليك خير بقى فى الفانوس
هههههههههههه
عووووووووووووووووووووو

كيكى عوووووو said...

كوشا..
حبيبتى منورة
لا زم تبقى موجودة المرة الجاية؟
علشا اشوفك واخدك فى نفس ذات الوقت
هههههههههههههههه
اموااااااااة
عوووووووووووووووو

كيكى عوووووو said...

نهر الحب..منور منورة
وبجد بجد انتى الى واحشنى مووووووووت
ونسمة اختك زى العسل..رغم انى مكلمتش معاها كتير؟
................
اييييييييية دة كل الكلام دى عنى
يالهوووى كدة تكسفينى الصبح يا شقية
ههههههههههههههههههه
ل لا لا لا لا لا انتى مخدوعة فيا
ههههههههههههههههههه
انا بجد والله سعيدة اكتر انى اتعرفت عليكى والله بجد حسيت انى اعرفك من زمان انتى ونسمة وكان نفسى اوووى اسلم عليكى قبل ما امشى واديكى اكبرا موااة فى العالم
اموااااااااااة
عوووووووووووووووووووو

حمادة زيدان said...

كيكي كيكي كيكي كيكي كيكي كيكي كيكي


رمضان كريم

وربنا يجعل كل ده في ميزان حسناتك يا كوكا ... وعلى فكرة البت آبي وصباغ وكل الناس الجميلة دي وحشوني موووووت ... ربنا يكرمهم يارب على كل اللي بيعملوه ... وعسلامة بقي

ملحوظة
انتي مستخبية فين عن المدونة!!!؟؟؟

سلاموز

(احمد سكر ) said...

يانهارك ابيض

محمود خطيبك

محمود احمد سكر

انا كنت هاخد الفانوس اللى مع جنه

بس قلت ما ينفعش الهديه تتهادى

ونستنى الفانوس السنه الجايه

احمد

(احمد سكر ) said...

يانهارك ابيض

محمود خطيبك

محمود احمد سكر

انا كنت هاخد الفانوس اللى مع جنه

بس قلت ما ينفعش الهديه تتهادى

ونستنى الفانوس السنه الجايه

احمد

Unknown said...

مبروك عليكوا تجمعكم دة ومشاركتكم فى حاجة حلوة كدة والله ربنا يعزكوا و يبارك فيكوا يارب.... ايه يا ست الحاجة الكلام الحلو دة والله بجد يا كيكى الشعر جميل قوى الله ينور عليكى يا بنتى ..ايوة كدة عايزاكى تشرفينى كدة يا انتيختى يا حلوة يا عسل انتى

Gannah said...

كيكى القمر
وحشتينى جداااااااااااااااااااااااااا
كل الناس زعلانه انها مشفتكيش
كل ما أقول لحد كيكى كانت موجودة يقول يا خسارة كان نفسى اشوفها
انا فرحانة جدااا ااااا انى شفتك وفرحانة قوى بالفانوس بجد حلو قوى وامور وهو بينور
الحمد لله يا رب حد جابلى فانوس
اليوم كان رائع وشعرك بيدل على اللى انا شفته انسانه حساسة رقيقة بتهتم بكل اللى حواليها
بت يا كيكى
بحبك
اتكسفتى؟؟؟
دى الحقيقة
تحياتى

Lady E said...

ايه الحاجات الجميلة دي

بجد انا حبيت اوي الشخصية الطيبة والحونينة دي في شخصيتك يا كتكوتتي

يارتني كنت معاكم يارتني كنت معاكم عااااااااا

وحشتيييييييني وربنا يجازيكم خير يااارب على المجهود الجميل ده

Empress appy said...

عووووووو ماشى انتى مصممه مكنتش متخيلاك حلوه كده
انتى طلعتى بالللو خالص ههههههههههه
لا بجدد مبسوطه بيكي اوي
ورحنا واكلم=نا وكنت هوقع الشوربه عليهم عادي يعنى انا اصلى كنت تعبانه هههههههه
ربنا يجازيكى خير يا رب على كل اللى عملتيه

مدحت محمد said...

عوووووووووووو


ازيك يابلية

كنت ناوى اروح والله

بس مكنتش نمت بقالى يومين قبلها

فمقدرتش والدنيا صيام كمان

ياللا ربنا يجعلها فى ميزان حسناتكم جميعا

وربنا يتقبل منكم وتكون خالصة لوجه الله

ومتجمعين دايما ع الخير


عووووووووووووووووو

ojg said...

ازيك يا قمر
مبسوطة اووووووي اني شفتك يوميها
اليوم كان حلو اوي بجد
وكنت فرحانه باللي عملناه
وبالعدد بتاعنا
يارب يتكرر ياااارب

ojg said...

ازيك يا قمر
مبسوطة اووووووي اني شفتك يوميها
اليوم كان حلو اوي بجد
وكنت فرحانه باللي عملناه
وبالعدد بتاعنا
يارب يتكرر ياااارب

ياسر said...

خد بأيدى وامسح دمعى
خدنى فى حضنك والمس قلبى
خدنى فى دنيا غير الدنيا
ناسينى المى وهمى
ناسينى حزنىويأسى
عيشنى لو لحظة واحدة
أنك
ضلى وحلمى الجاى
انك
شمعة نور فى عنيا
انك
بيتى فى لحظة خوف
انك
أملى فى لحظة يأس
انك
طريق لسكة تانية
أرجوك
!
خد بأيدى وامسح دمعى
والله ياكيكي ياريت نراعيهم السنة كلها
مش في رمضان وبس لانهم عايشين السنة
كلها مش عايشين في رمضان وبس
ربنا يقدرنا ونمسح دمعتهم
ربنا يوفقنا نضمهم في حضننا ونسيهم المهم
ننسيهم الحزن نخلي حياتهم فرح وسعادة
ربنا يقدرنا علي فعل الخير يارب

دعاء مواجهات said...

محمد محمود يوسف

ازيك ياعم

لا مؤاخذة ياكيكى

قولت بقى عاوز تستلم مواجهات ف ايه؟؟

قوول تانى كدة؟؟

متقوول ساكت ليه؟؟

ماشى انا جيالك ع وجه السرعه
بييييس

اة قبل ما انسى كنتى منورة يابت ياكيكى

Anonymous said...

هههههههههههههههه


احنا خونا

الله يسمحك

طب انا مسيحالك تسيح

تعالى بصى عليه

بجد بجد بموت فيكى يا عسل

اشوفك ديما على خير

Abd-Alrahman said...

كيكي انا دورت علي سي بوكس عندك عشان اقولك علي حاجة مش لاقيت
ياريت تبقي تركبيه عشان عايز اقولك علي حاجة هبقي اقولهالك عليه

صحيح ايوة انا لاقيت العربية الحمد لله وروحت بس وصلت البيت الساعة اربعة
لاني بعد الفطار فضلت معاهم لحد الساعة 2 واحنا ع الكافتريا

بجد كان يوم جميل
والتهييس الي كنت فيه راح بعد الفطار
وكنت اتظبت يعني حظك انك مشيتي

مستني تركبي الشات بوكس

سلام

كراكيب said...

كيكي يا كيكي يا كيكي
وحشتيييييييني يا عفريتة

روحتي ابو الريش يا كيكييييي
برافو شاطرة ايوة كدة
عايزة الملاك اللي على كتفك اليمين ايديه تتعب من الكتابة احنا في رمضان
ولو ما اشتغلش في رمضان يعني هيشتغل امتى؟؟؟

كل سنة وانتي عسولة وشقية وكويسة ومبسوطة وبتضحكي ودوشانة بعووووووو بتاعتك

واشوفك في العيد بقى ان شااااااااء الله
عووووووووووو:)

miro el niro kwaniro

عاشقة القمر said...

شكرا لي سلام كيبر اوي داه اتمني ان تزورني في مدونتي

mregypt7 said...

السلام عليكم
بسم الله ماشاء الله عليكم
ربنا يزيد من امثالكم
ولكم كامل الشكر والثواب

صحيح لما جيتى تمسحى الصاله مسحتيها بايه ببريل اللى بالليمون ولا بالبتنجان هههههههههه
اول زياره ليا تقبلى مرورى
واتمنى ان تشرفينى
تحياتى
بيبـــــــــو

Diyaa' said...

يا عسل
جميلة أوي خد بإيدي

أحلي حاجة اتكتب علي فكرة
عسل عسل عسل عسل يعني :)
زعلان جداً إني مش عرفت إنك جاية
المرة الجاية لازم يبقي في آي دي أو أعرف إنك جاية عشان نستناكي علي باب المطار بشربة الماء وبأفخم طعام أهل يثرب :)
ربنا يجمعنا في الخير دايماً
والجايات أكتر من الرايحات ويا رب تكوني استمتعتي بمسح الصالة
:P

Hossam said...

هااااااااااااااااى
يا رتنى كنت معاكو يا رتنى كنت معاكو
بجد كان نفسى اجى
بس اما اشوف احمد الصباغ ده هموتةةةةةةةةةةةةةةةةةةةةةةةةة
بس اما اشوفه بس
المهم
مدونتك جامدة اخر حاجة
اتمنى نكون اصدقاء
سلام

ريمان said...

السلام عليكم يا قمر

كيكى كيكى

وحشانى مووووووووووت

وبجد بجد اما قرات البوست اتمنين انى اكون معاكم فى اليوم الجميل ده

ربنا يقدرك على فعل الخير يا حبيبتى

ويا رب دايما تكونى كده مبسوطه وفرحانه

خلى بالك من نفسك سا قمرررررر

امواااااااااااه

أحساس لسه حى...كلام من جوه روح لكل روح said...

عزيزتى

بصراحة اى شئ نعمله وطريق نسلكه فى الخير بيسعدنا وبيسعد يرنا

بس عارفة فيه كتير مننا بيحبوا الخير ونفسهم يعملوا خير وحاجات كويسه بس مش عارفين ازاى

يا ريت كل انسان يعرف طريق خير يبل بيه القربين منه يمكن منهم حد نفسه يعمل حاجه

انتى بقه كل شويه كان نفسى اكون معاهم كان نفس اكون معاهم

ما كنتى تخليكى معاهم وخلاص

حلو الكلام اللى كتبتيه روحى بقه الدويقه وورينا هتكتبى ايه فيهم ولا تكتبى فى الحكومة احلا

تحياتى

سلااااااام

المرتيلي said...

سلام حار من مدونين مغاربة إلى عمالقة التدون بمصر

just me said...

طمنينى يا كيكى
مسحتى الصاله كويس ولا اى كلام
هسميكى سندريلا بعد كده
---------------------------
بالنسبه للعمل الخيرى يا ستى بجد اجمل حاجه انك تجتمعى مع ناس كويسه فى حاجه خير بجد بيبقى احساس انك ممكن تفيدى ناس وتتسببى فى فرحتهم

احنا فى الجامعه عاملين فريق خيرى بره وجوه الجامعه والحمد لله فى فتره صغيه عملنا شغل كويس

أبو خالد said...

أبنتي الغالية /كيكي
سعيد و قلبي فرح كوني ألتقيتك في أبو الريش تقبل الله مني و منك صالح الأعمال و جمعني و إياك علي حوض نبيه أشرف الخلق سيدنا محمدا صلي الله عليه و سلم
و سقانا بيده الشريفة شربة ماء لا نظمأ بعدها أبدا
أنتي إنسانة رقيقة و تملكين قلب حنون و شعرك يدل علي تأثرك بما شهدتي
و أخيرا أطلت عليك كان نفسي تفطري معنا
دمتي أبنة غالية

romansy said...

الله يبارك فيكى
انتى انسانه حساسه
وكلامك عبر عن اللى انتى حسيته
دى اول زياره ليكى بس مش هتكون الاخيره

Anonymous said...

كيكى

انتى كنتى هناك

هيصى يا ستى هتاخدى كام حسنة ينفعوكى

جميلة قوى الافتكاسة اللى أحر البوست دى

مكنتش عارف انك شاعرة

رمضان كريم

خالد كامل said...

كيكى باشا
:D
عاملة ايه ؟
ان شاء الله المرة اللى جاية أحاول أحضر
و ربنا يجعله فى ميزان حسناتكم
بالمناسبة
ليكى عندى تاج
ابقى تعالى خديه

engy said...

حلوه اوى بجد
وربنا يكرمك ان شاء الله
كل سنه وانت طيبه

حمادة زيدان said...

كيكـــــــــــــــــــــــــــــي

الجزء التانى من العائلة حالياً بالمدونة

رمضان كريم يا بنوتة

Unknown said...

كيكى
انا جيت
انتى لسة بتقولى
عوووووووا
لما تدخلى المدونات ولا بطلتى ؟؟
بجد كان يوم حلو
والاحلى لما روحت وكانت ليلة ما يعلم بيها الا ربنا واخويا فضل مبوز فى وشى 3 ايام على التأخير لحد ما ربنا فتحها عليه المهم انى فعلا سعيدة جداا بالتواجد معكم
فين جديدك يا عووووووووووووووا

حبيبة الروح said...

انتي يا بنت انتي رحتي فين قلقتيني عليكي
والله وحشتيني جدا
وحشني العوووووووووووووووووووو
بتعت كيكي حبيبتي وبعدين العريس قلقان يرضيكي كدا يفضل قلقان هههههههههه
بس لما ترجعي بس هملص ودانك عشان ملقيش معايا وانا محتجالك يا رخمه
بس بردو وحشتيني
مي

rovy said...

وحشانى يا كيكى
ازيك
كل سنه و انتى طيبه حبيبتى
اللهم بلغنا و اياكى ليلة القدر
اطيب امنياتى

ودى و تحياتى

Gannah said...

كيكى يا قمر
كل سنة وانت طيبة
العيد عندنا بكرة وانتم لاااااااااا
عيد سعيد
فانوسك نور حياتى
تحياتى

Unknown said...

اللهم زد هـــــــذا الوجه نورا
واجعله دائـما مأجورا
وبلغه العيد مسرورا
امين يارب العالمين
عيد سعيد

أ / أحمد عبد المنعم said...

بسم الله الرحمن الرحيم
كل عام وأنت بخير
وكل زائرى مدونتك
وتقبل الله الصيام
والقيام
والزكاة
وجعله عيد يمن عليكم جميعا

ريمان said...

كييييييييييكى

انتى نسيتى صاحبتك ولا ايييييييييييه

والله اقطعك لو كنتى نسيتينى

كل سنه وانتى طيبه يا قمر

وكلى كحك وبيتى فوور كتير بقه

سلام يا قمر

Anonymous said...

اللهم يا سامع النداء
ومجيب الدعاء
امنح قارئها راحة البال والخاطر
ونجه من المخاطر
وكن له ساتر
وبلغة الفطر مجبور الخاطر

عيد سعيد عليكم
وكل سنة وانتوا طيبيين
مستنى تهنائتكم بعيد ميلادى على المدونة

اول ايام عيد الفطر

Anonymous said...

اللهم يا سامع النداء
ومجيب الدعاء
امنح قارئها راحة البال والخاطر
ونجه من المخاطر
وكن له ساتر
وبلغة الفطر مجبور الخاطر

عيد سعيد عليكم
وكل سنة وانتوا طيبيين
مستنى تهنائتكم بعيد ميلادى على المدونة

اول ايام عيد الفطر

rovy said...

كيكى الحبيبه وحشاااانى جدا
عيد سعيد عليكى يارب و على كل الامه

كل سنه و انتى طيبه

اطيب امنياتى

kochia said...

كل سنة وانتي طيبة
وربنا يحقق لك كل امانيكي ان شاء الله

تحياتي

قوس قزح said...

رضي الله عنكى وأرضاكى
وهداكى وأغناكى
وعافاكى وشفاكى
ووفقك لخير الدعاء
وأجاب لكى الرجاء
وأحبك بلا ابتلاء
وجعلك ساعية للخير
مؤثرة في الغير
وكل عام وانتى بخير

إشراقة أمل said...

كيكي
كل سنه وانتي طيبة
موضوع جميل ويارب دايما تعملى الخير وتكوني من الاوائل فيه
ربنا يوفقك
تحياتي
اشراقة

ابو العربى said...

ربنا يجعل عملك ده فى ميزان حسناتك
وكل عام وانتم بخير
عيد سعيد
تحياتى
ابوالعربى

نونو said...

كيييييييييييييييييكى
حبيبة قلبى
وحشتينى
امووووووووووووووووووووووووووواة
وحشتينى جداا
كل سنة وانتى طيبة
ليكى وحشة يا بيت
عايزة ميلك عايزين نرغى
اموووووووووووووووووووووواة

Radwa said...


كيييييييييييييييكى
عو
كل سنه وانتى طيبه يا قمر وعيد سعيد
......................

Radwa said...


موضوع الاحساس بالعودة للطفولة دا موضوع عند الجميع
كل سنه وانتى طيبه
.......................

Radwa said...


كيكى
انا اسفه تعليق العودة للطفولة دا مش ليكى خالص دا لقصاقيص حبيبة وكتبته ليك
.................
سندريلا

Anonymous said...

السلام عليكم
جيت اهنى حضرتك بالعيد
كل سنة وحضرتكم طيبة والسنة اللى جايه تكونى يارب فى افضل حال
دمتى لنا بخير وصحيح ياريت حضرتك تبقى تنورينا بالزيارة علشان تشوفى الواد ابنى عمل ايه؟!!!!!!يلا سلام

rovy said...

كيكى انتى فين وحشانى و قلقانى عليكى جدا
من فضلك طمنينى

PrInCeSS BeRy said...

كى كىىىىىىىىى


وحشتينى اوى اوى اوى اوىىىىىىىى ازيك يا قلبى يارب تمام معلش يا حببيى اتاخرت عليكى كتير وعارفة بس بحبك كتيييييييييييير

وربنا يكرمك يا حبيبتى ويجازيكى كل خير ويسعد قلبك

عاشقة القمر said...

ايها الشهر ترفق دمع الحبين تدفق
قلوبهم من الفراق تشقق
عسي توبه تصلح ماتمزق
عسي عسي متقطع عن ركب
المقبولين يلحق
عسي أسير الأوزار يطلق
عسي مستوجب النار
ببركه هذا الشهر يعتقق وعسانا الرضا الله وقبوله نوفق
كل عام انتم بخير

يابنتي انتي فيان ان شاءالله تكوني بخير

Hosam Yahia حسام يحيى said...

ااااااااااشطه

(بدل عو

ازيك

كل سنه وانتى طيبه ان قلت اخش اسال بقا

مادام اللى راعبه المنطقه زعلانه مننا


كل سنه وانتى طيبه

كان نفسى ابقا معاكم المره الجايه بقا ان شاء الله

بس ابقى قولوا

ياسر said...

كيكي
كل سنة وانتي طيبة
يا بنتي طمنينا عليكي
يارب خير
عيد سعيد عليكي يارب

rovy said...

كده انا قلقت بجد
حاولى تطمنينا حتى لو مشغوله و لو تردى على تعليق واحد
يااارب تكونى بخير حبيبتى

يااااااااارب

almasry said...

أولا انتى عسوله


ثانيا مبروك على شويه الحسنات اللى أخدتوها... على فكره انا مش بقر ___انا هنق بس____


ثالثا وده الأهم


بخخخخخخخخخخخخخخخخخخخخخخخخ

عوووووووووووووووووووووووووو

تحيـــــاتى
المصـــــــــــرى

حسن حنفى said...

كل ده تاخير

في انتظار الموضوع القادم

ojg said...

كيكي
فينك يا بنتي؟؟؟؟؟؟؟؟
فين عوووووووووووو
عايزة موضوع يكسر الدنيا
بس من غير رعب
:))
وحشتيني
انا التعليق رقم 100
كفايه كده علي الموضوع ده
:)
وحشتيني

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket