Sunday, July 5, 2009

حبيبى يابو أشرف!!!!

Sunday, July 5, 2009
بعد رحيل جوزية من النادى الاهلى كان معه هذا اللقاء الحصرى للقناه الاخبارية المصرية الجديدة**حود واشجينى ياواد عمى!!
كيكى:بعد رحيلك من النادى الاهلى فى اشاعات كتير طلعت عليك الى بيقول انك كنت عامل مشروع غيرات داخليه وكنت بتستغل فريقك فى الموضوع دة ويبعوها فى سوق التلات باسعار غالية جداا والى بيقول انك هتعمل شريط مع شعبولا وانكم اختلفتوا على مين الى هيقول اييييييييييية والى بيقول ان سبب رحيلك فيفى عبدة لانك طلبت تكتب اسمك قبل اسمها فى مسلسلها الجديد لامؤاخذة مش عايزة اطلق!!! استاذ جوزية الحقيقة فين؟

جوزية: صلى ع الى هيشفع فيكى الاول!!!
كيكى : عليه الصلاه والسلام
جوزيه:العين صبتنى ورب العرش نجانى!!!!
كيكي:ممممم شكل حضرتك بتخاف من الحسد ؟
جوزية: عضة اسد ولا نظرة حسد
كيكى: تفتكر اية سر فوز الاهلى علطول؟
جوزية: ياناس ياشر كفاية قر
كيكى:بعض من مشجعين الزمالك حالفين بالطلاق انك بمجرد ماهتمشى الاهلى هينزل دورى شركات؟
جوزية:الى بيته من ازاز ميحدفش الناس بالطوب
كيكى:فى خبر بيقول ان فى بعض مسئولين فى الزمالك عرضين عليك مبلغ فوق الى خماشر الف جنية عشان تدرب الزمالك؟
جوزية:ياواخد القرد على ماله يروح المال ويفضل القرد على حاله
كيكى:بذمتك ودينك ياشيخ مفكرتش فى الموضوع بسبب المبلغ الرهيب دة دول خماشر الف ياعمونا؟


جوزية:يغور اللبن من وش الجاموسة العكر


كيكى: مش ملاحظ ان كلامك هيزود كرهيتك لمشجعين الزمالك ؟


جوزية: قل لنا يصيبنا الا ماكتب الله لنا
كيكى: ناوى تعمل اية لمة تروح لمة تسافر بلدك؟
جوزية: هدرب مركز شباب البرتغال
كيكى: بعيد عن الجو الكروى انت مرتبط؟
جوزية بخجل: يعنى مكلم على واحدة
كيكى : ومستنى اية؟
جوزية: يعنى فى اختلاف على العفش
كيكى:فى اغنية او كلمة تحب تقولها ليها؟
جوزية:
من خمسة لخمسة ونص وأنا واقف بستناك.. وعينيا عليك بتبص يا حبيبي ومش لاقياك.. تديـني ميعاد في العتبة..وتجيني في باب اللوق "!!ما تطلع مرة معايا واد حلو و خفة وذوق ....يندمج جوزية فى الرقص ويطلع مطوه

كيكى: استاذ جوزية فى سؤال بيلح على الجميع وعلى انا بالذات انت متأكد انك من البرتغال اقصد انت منين بالظبط من

البرتغال؟

جوزية: شبرا البرتغاليه!!!

كيكى: حبيبى يابو أشرف!!!!

56 comments:

أبو العريف said...

عووووووووووووووووووو

معقول اول تعليق
طاب عووووووووووووووووووووو
وجاي تاني

أبو العريف said...

ههههههههههههه
هههههههههههه
يخرب بيت دماغك
ايه الحوار ده يا معلم
انا كنت لسه هقولك هو الراجل ده من شبرا ولا ايه
اتاريكي سبقتيني وقلتيها
حوار صريح يا باشا
انا بقترح انك تقدمي برنامج
حشيش المدينه

الا هو مين ابو اشرف ده
واحد كان معدي وانت بتعملي الحوار ولا ايه

Che said...

بوست جامد جدااااا .... حبيبى يابو اشرف

بسمة انور said...

هايل جدا الانترفيو ده

من خلاله انكشفت اسرار كانت مستخبيه عليا برافو عليك يا كيكى

ههههههههههههه
إلا قوليلى حضرتك مقدرتيش تعرفى مين دى اللى متكلم عليها يعنى ممكن ينوب حبايبنا من الحب جانب
هههههههههههه

وحشاااااااااااااااااااااااانى
موووووووووووووووووووت يا كيكى

( آلاء)daughter of egypt said...
This comment has been removed by the author.
الازهرى said...

يا جماعة سيبوا البيت فى حاله

طيب اعمل ايه انا مع طقم الاهلاوية دول
وادينى رأيك انا معروض على شغل فى الزمالك اوافق
والا اقول المبادىء؟

Anonymous said...

هههههههههههههههههههههههههههههه

انتى بجد مكليش حل
بجد بجد حوار كروى منعش..هى دى الحوارات و لا بلاش ..و على فكرة البت اللى متكلم عليها دى فى الحارة اللى جنبنا و ده مش خلاف على العفش ولا حاجة..ده خلاف عشان هى عايزة تستحمى كل شهر و هو عايزها تستحمى كل 6 شهور عشان عفشة المية متبوظش

Ahmed said...

هههههههههه

متخيل جوزيه وهوا في الحوار ده ولابس جلبيه وعامل زي العزبي وبيقول مواويل

حوار تحفه
وهتكسبي عليه جايزة المقشه الذهبيه

Unknown said...

بصى انا هروح اموت من الضحك الاول وبعدين اجى اعلق

نياهاهاهاهاها

يخرب عقلك يا بت تحفففففففففففففة والله اعتقد احلى حاجة كتبتيها انا موت من الضحك والله يا بنتى

على فكرة اول مرة اخد بالى من الاغنية اللى انتى حاطاها...حلوة بحبها اوى

ليكوريكا said...

فظييييييييييييييييع

البوست ده

بس كفايه جوزيه بقي

فكك منه :)

كراكيب said...

يا مجنوووووووونة
هو جوزيه كان سواق ميكروباص واللا اييييييه
يا تحفة التحف

وحشتيييييييني

miro el niro kwaniro

فتاه حالمه said...

اموت واعرف بتجيبي الكلام ده منين يا بت انتي
فظيعه بجد
حبيبتي يا ام ابراهيم
امواااااااااااااااااااااااة
مع اني هفجرك
انتي مش بترني عليا ليه عشان اكلمك ميل يا عدلات انتي
بردون هفجرك
بوووووووووووووووووووووووووووووووووون
سلام يا قلب ماما

♥نبع الغرام♥♪≈ said...

السلام عليكم

بجد والله العظيم انى عسليه وجميله قووى

وجامد قووى البوست احيك عليه وعلى اجمل خفة دم شفتها بحياتى

ربنا يسعدك يارب

اختك
انوسه

كيكى عوووووو said...

أبوالعريف
*********
عوووووووووووووووووووووو
عوووووووووووووووووووووووووووووووو
ياه بقالى كتير اوى مردتش عندى فى البلوج عشان كدة وحشتنيى اوى عووووووووووووووو ياعم جوزية والله انا متاكدة اول مايسافر هيتقبض عليه اصلا!!! هيجبه هنا تانى
نورت يابو نسمة
عووووووووووووووووو

Lady E said...

ههههههههههههه في الاخر طلعتي جوزيه من شبرا

وبعدين تعالي هنا ايه الكلام اللي ع الزملكاوية ده طب لما اشوفك بس

وحشتيني جدا بجد ومتزعليش من الكابه اللي مسيطرة عليا من فترة

مدحت محمد said...

جوزيه غنى من خمسة لخمسة ونص
وكمااااااااااااان رقص وطلع مطواة

واسلم كمان وبقى يصلى على النبى


والله انتى تحفة ياكيكى

المفروض ينزلك كتاب كوميدى هيكسب اخر حاجة
وووووووووووووو
من خمسة لخمسة ونص وانانواقف بستناك وعنيا عليك بتبص ياحبيبى ومش شيفاك

*البت المشمشية *حلوة بس شقية * said...

اهو مشى
فى ستين 00000000سلامة

مصطفى محمود said...

بوست رائع

حسن حنفى said...

كيكي

انا الحمد لله اديت في الامتحانات كويس

لسه بقي مستني النتيجه ان شاء الله

دعواتك بقي

يارب

:d

هبقي اطمنك عليها ان شاء الله

دعواتك كتييييير

وطمنيني عليكي

rovy said...

اولا باعتذر جدا و عارفه انى مقصره معاكى جداا بس والله غصب عنى معلش سامحينى يا قمر
المهم الف الف مبرووك لنجاحك انا سألت عليكى و كنت متابعه و عرفت انك نجحتى لكن حصل ظروف بعدتنى عن النت مدة اسبوع و ملحقتش ابارك لك يا قمر بجد الف مبروووووووووك و حقيقى فرحت لك جدااا جداا و يارب عقبال هدير
ياسمين الحمد لله نجحت .. متنسيش تدعى لهدير قوى قوى .. ربنا يفرحنى بيكى و ببناتى و بكل البنات يا جميل
بوست تحفه كالعاده و دمه زى دمك عسسسسسل خالص

ودى و تحياتى

Anonymous said...

هاااااااااااى يا احلى كيكى
والله زى السكر
بصى بقى
انا هانضم للسادة المدونين
وعشان مش عايزة اترقع بوست منك اول ما انزل تنزليلى طقم شنانى
فا انا عايزة استخدم (حود واشجينى يا واد عمى ) دى بس طبعا مش قناة او حاجة
ممكن جايز تبقى قناة
بس المهم ممكن يا قمر ولا ايييييييييييييه!!!
انا دورت على ايميل ليكى او رسالة تنفع بالميل مالقيتش عشان اخد الرد بسرعة
فا يارب تردى بسرعة

كيكى عوووووو said...

للغير معرف
**********
مين هناااااااااااك؟؟!!
أضرررررب
متخفيش دى تحيه بس
طب مش بس اعرف مين الى بيكلمنى!!او كنتى سبتى لينك المدونة الجديد ممممممم بس أظاهر انك عارفنى ومتابعة كمان ده غير انى كنت هرقعك بوست كنت هرقع بالصوت كمان مممممممممم انتى عايزة تقتبسى الجمله بس صح طب مفيش فلوس ولا حاجه معلش بقى حقوق ادبيه اى 2.5 افتكرى اختك بيهم*****بليز انتى بقى عارفنى نفسك ولينك مدونتك
وسلام صعيدى شحط محط
بوووووووووووووم
عوووووووووووو

Anonymous said...

انتى اساسا سرقاها من الاغنية بتاعة..بتاعة...بتاعة...استنى
بكرة افتكر واقولك
ههههههههههههه بهرج يا قمرة
بكرة ان شاء الله اعمل واديكى..اوريكى
يعنى
الفكرة مش انى اخد الجملة
الفكرة انى فعلا عاجبانى فى انها تكون اسم حاجة زى مصدر الاخبار او القناة بتاعى او كده
فا بما انك اول حد حطها على انه اسم قناة بغض النظر على انها من اغنية ومتاحة انا اقصد على فكرة انها مصدر يعنى معلومات او قناة فا قلت الحق حق برضون ولا اييييييييييييه
وزى السكر برضه يا قمر

UncŁē Sam said...

معلم
والنبى معلم
انا بتحسد فى المنطقة الكريمة عندنا علشان مليش فى الكورة مش بحبها يا جدعاان
بس مدونتك جامده يا باشا

كيكى عوووووو said...

سورى ياجماعه انا ماردتش ع التعليقات الى فاتت
***********************كلاكيت تانى مرة غير معرف
**************
انتى مصممة بقى !!! تبقى غير معرف والله يابنتى حاجة حلوة انك تكتبى اسمك طب جربى كدة والله مش هتحسى بحاجه شكه دبوس يعنى
*** بخصوص الجمله انا سبق ووضحت فى تعليقى انك خديها عادى كفايه ذوقك اصلا وكمان هى فعلا على وزن اغنيه انا مش بدعى انى انا الى كاتبها الجمله!! بس انا فكرت لو قناه اخبارية ومصريه لازم يبقى اسمها مسخرة وبالذات عشان انا بكتب ساخر**وضحت**
عارفه لو علقتى ع كلامى من غير اسمك هعضك!!!
سلام ياواد ياذوق انت
عووووووو

حسن حنفى said...

انا الحمد لله جبت 94.5

بس مستني التنسيق

خايف شويه

بس ربنا يسهل

جزاكم الله خيرا علي السؤال

Anonymous said...

طب عندا فيكى بقى
انا Meima
بس لسه مستنية فرج ربنا واخلص البلوج
بعيد عنك بنضفه بشيل واحط واجيب واروح واجى اما اتقطم ضهرى
دا بتاعى

http://ya-leiley.blogspot.com/
بس طبعا عشان البياض وكده مش عايزة حد يدخل يعك فا قافلاه لحد ما الدهان ينشف
يارب تنورينى قريب

محمد مارو said...

ههههههههههههههههههههههههههههههه
ههههههههههههههههههههههههه
هههههههههههه
هههههه
ههه
ه

دمك شربااااااااااااات
خاصه اللى بيته من ازاز ميحدفش الناس بالطوب دى

blue-wave said...

هههههههههههههههههههههههههههههه
يخرب بيت جنانك

!!! عارفة ... مش عارف ليه said...

أوعي وووووشك

كيكي رجعت يا رجالة

أهو بوست زي ده بيقدم

أوراق إعتمادك في الصحافة الرياضية

والله يا كيكي بوست حكاااااااية


وبيب بيب
أهلللللي

mimi said...

يخرب عقلك

اللي يدور عليكي يلاقيكي صاحبة حلقات سرحان ونفيسة

" مش هتديني منديلك يا إنجي ... لأ يا علي أصلي نافة فيه"


عاوووووووووووووووووووو


نياااااااااااااهااااااا


وحشتيني انتي فين؟

هههههههههههههههههههههههه

mimi said...

أبو أشرف ؟

ده الأبن البكري ولا إيه؟

mimi said...

مبروووووووك

لولولي لولولي


جايزة المقشة الذهبية


نياااهااااااااااااااااااااا

mimi said...

إن كان من شبرا البرتغالية


تبقي حبيبي أنا كمان يا أبو أشروفة يا كفاءة

نياااااااااااااهاااااااااا


يخرب عقلك

شبراوية صحيح

ش ش ش ش

وسلملي علي سانت تريزا

mido said...

انا جيت

ده انت دماااااااااااااغ

عايز اعرف الصنف

يا كيكى

:d :p

انت موجوده على الفايسبوك ؟

منى said...

الف مبرووك النجاح يا كيكى
جوزيه لو كان يعرف اللى هيجراله منك كان
كان
اشتغل فى الاهلى من زمان
عشان يتشهر على ايدك
وحشانى

mimi said...

وا
حا
شت
يي
ني

mimi said...

مبروك النجاح

الف الف مبروك يا ميوي

هتيجي اللقاء ؟

تعالي نروح

mimi said...

فتاة حالة معاها كل التفاصيل

RaRa said...

كيكى
وحشتينى اوى اوى اوى
واتمنى تنورينى من تانى فى مدونتى

وبجد البوست جميل اووووووووى

أختك
RaRa

VÖltaa said...

هههههههه

جامدة بجد

ايه الحلاوة دى

ده جوزيه طلع من شبرا على كده ^_^

ولد مصري said...

يا فتاح يا عليم يا رزاق يا كريم

الواحد شكله هيرجع السجن تاني ولا ايه

تفتكري أغنية جوزيه من خمسة لخمسه ونص دي ليها علاقة بدورة ويمبلي؟ :))

بالمناسبة شكرا على سؤالك

تحياتي

micheal said...

ههههههههههههههههههههههههه..ده أنتي شردتي الراجل خالص
:)
والله أنا بحب الراجل ده وبمووت فيه
:)
وبحب مدونتك وأسلوبك الساخر
تحياتي

خالد كامل said...

ازيك يا كيكى ؟
طبعاً وحشتك .. بس هم النجوم اللى زيي كدة لازم يتقلوا على جماهيرهم
:D
نهايته
موضوع جميل
و بجد فعلاً الأهلى اتبقلش من بعد جوزيه
يللا بقى مش عاوز أقلب المواجع
سلام

كراكيب said...

انتي با بت انتي صدفة صدفة
لقينا مها اختشي نازلها حاجة من البلوج بتاعها في جرنان اسمع العربي

ببص في بقيت الصفحة لقيتك انتي كماااااااااااان
كاتبن كدة
بلوج فكك مني
وكاتبين اللينك بتاعك

وآدي لينك الموضوع اهو جيبتهولك من موقع الجرنان
http://www.al-araby.com/docs/article2142181752.html

انتي كنتي عارفة يا كيكي واللا زي مها كدة؟؟؟؟؟؟؟؟

miro el niro kwaniro

اممممممممواااااااااااه

نـــــور said...

ماليش فى الكوره خالص

بس عرفت من عند مى انك نجحتى قلت اجى ابارك واردلك الزغروته :)

الف مبروك ياقمر ويارب كل ايامك فرح
وسلميلى على ابو اشرف

Anonymous said...

فين الجديد

Tadwina said...

مرحبا / كيكي
لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.

قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/1434

يمكنك متابعة باقى مدونات تدوينة دوت كوم على الرابط التالى:
http://www.tadwina.com

لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع ونرجو منك مراسلتنا للأهمية على الايميل
Tadwina@gmail.com.
لوضع البانر الخاص بنا على الصفحة الرئيسية لمدونتك حتي يستطيع قراءنا في مصر والوطن العربي من متابعة تدويناتك المستحدثة

و لكم جزيل الشكر،

فريق عمل تدوينة دوت كوم.
http://www.tadwina.com

Anonymous said...

وحشانى يا كيكى

منى

مصري بالغربة said...

كيكي انا اول مره ادخل مدونتك
مدونة خفيفة الظل جدا جدا
دومتي بخير
قصدي جبنه دمياطي بخير
ههههههههههههههههههههههه

أبو العريف said...

كيكي
فينك من زماااااااااااااااااااان

انت فين يا عم الحج

ايه الناس اللي بتغيب دي

وحشانا العووووووووووووووووووووووو بتاعتك يا عم الحج

الوووووووووووووووو

انت فين يا ابو اشرف

أبو العريف said...

سؤال لولبي يا كيكي

هو انت قبل ما يطلعلك
العووووووووووووووووووووووووو

كان اسمك ايه

كيكي من غير عووووووووووووووووو


طاب وقبل ما تطلعي للكيكي كان اسمك ايه

فشكووول said...

السلام عليكم كيكى

تحياتى

تشرفت بمعرفتك وان شاء الله تتكرر لقاءات المدونين دائما

تحياتى لحضرتك

adel said...

انا دخلت مخصوص عشان فاتيما (روح قلب ماما)
اتكلمت عنها كتير
بجد مسخرة
و صحكني وقي
اللي الامام ياروميل

بس جوزية لو مش مرتبط اوعي يضيع منك ده بيقبض اكتر من 15 الف جندي

mimi said...

كل أما أدخل ألاقي حبيبي يا ابو أشرف
هههههههه

عاوزين بوست جديد

كيكي ... مبسوطه إني شفتك في اللقاء ... رغم إننا مش قعدنا مع بعض كتير لوحدنا


بس إن شاء الله الجايات كتير

تحياتي

فاتيما said...

ادينى جيت أسيب أثار الأقدام أهو
يا كيكى و أسجل الحضور ...
أنا أصلى قريت البوست دا تقريبأ
اول ما نزلتيه و مش عارفة ليه يستهيألى كدا إنى علقت عليه ...
و اتارينى معلقتش و لا حاجة ؟!!
معلش الغلطة دى عندى
و أسلوبك جميل حقيقى
و كل ما أقرى البوست أضحك من قلبى
فرصة سعيدة يا ست كيكى
و متكررة كثيراً إن شاء الله
سلميلنا على الانتيم الحلوة بتاعتك

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket