Friday, October 2, 2009

فلووووووووووووووووووووووس

Friday, October 2, 2009

فلوس ......
تعلي .. توطي
تعري ..... تغطي
تسيبك ..... تجيبك
وتخلي كل الناس حواليك
فلوس ......
تهينك .... تذلك
تزيدك ..... تقلك
تطلع ... تنزل

ع الحال ده يوماتي معاك وعليك
عن واقع معاناتى:من النت لان الواد فرج على ماتفرج الى مشتركين معاه ع النت عزل والنت اتقطع عندنا روحت جبت اصحابى عتره المنطقة وقاعدنا عند غرزة عم حتاته اقصد سيبر عم حتاته وبنتفق ع مين هيشيل الروتر ويشترك مع شركة المنيب . كوم ويدفع مقدم عشرين جنيه ونص وبنحاول نقنع الواد مفتاح تكه انه هو يشيل الليله بدل فرج تربس معانا وعصلج!! حاولت اقنع الواد سلكه مجارى لكنه طفح فى وشنا بمجرد اقتراح الفكرة!! قلت مفيش غير الواد مجانص بفته راح رافعنا ع طول بمطوة !! قلت فى عقل بالى مفيش بقى غير الواد الراسى العاقل بتاع المنطقة لاكى النجار راح مسامرنا بنظرة عتاب وقال باب النجار مخلع!!! الى هنا اكتشفت ان مفيش صاحب يتصاحب وخسارة فيهم اغنية سومه اجدع صحاب!!!
لكن لازلت المفاوضات جارية وجارى اقناع الواد شعر الصدر حسين!!!
كانت معكم من سيبر عم حتاته كيكى البرنس!!!

25 comments:

أبو كريم said...

شعر الصدر حسين..المفروض يشد شعرة شويه.. ويثبت النت بمان لوك..أما بالنسبة للفلوس فبتعلى النفوس الواطية ..وتوطى النفوس العاليه .. وقرشك فجيبك..يشخلل جيبك


سلام

أنا أول تعليق ولا إيه

الحمد لله طلعت لأول فى حاجة

حسن حنفى said...

هههههههه

ربنا معاكي ويوافق يارب :p

adel said...

هههههههههههههه

واحشاني يا استير باب الشعرية

و ربنا يكرمك بصاحب يتصاحب و يشيل الروتر هو
:):)
لك شوقة ياعم بخ و ربنا

بس الواد شعر الصدر ده يبيع امه علي فكرة
عارفة
باعني مرتين
:):)

نسمة و جودة بيبوسوا ايدكي يا حجة
هههههههههههه

طوبه فضه وطوبه دهب said...

walahy fkrtha 7lwa tslam aydak

امل said...

ربنا يهديه ويرضى يشيل الليله كلها ومايدكوش زمبه ويروح يحلق شعر صدره علشان ماتتعشموش فيه
ههههههههههههههههههه
ال حسين شعر صدره ال
دى باروكه ههههههههههههههه

خالد كامل said...

ازيك يا كيكي
ايه يا بنتى جو المفتش كرومبو اللى انتى عايشة فيه ده
هههههههههههههههههه

فعلاً النت لما بيقطع على الواحد بتبقى معاناه رهيبة
و الواحد مش بيآمن يفتح ايميله فى أى سيبر
عامة ربنا يقويكى على اللى انتى فيه ده
تحياتى

المعتصم said...

انتم اللاحقون ونحن السابقون
انا كنت بعانى من الموضوع ده قريب
بس ثبت الواد رفيق وهددته
عقل كده وظبط اموره معايا بالتى هى احسن

معاكى حق مافيش صاحب يتصاحب اليومين دول كلهم يبقوا حلوين وزى الفل واول ماالواحد يتزنق فيهم فى حنتور كده ولا حاجه يبص يلاقيهم زاغو منه
وقروا الفاتحه للنداله وقلة الاصل

بس ياخوفى لشعر الصدر حسين يقلب الترابيزة عليك ياجميل وتشيل انت الليلة ونضطر نعملك جمعية علشان تكمل الفلوس بتاعة الراوتر

ســــــــــــــلام

Ahmed said...

ههههههههههه

دول فريق اشتراك نت ولا دول عصابه اجرام؟

دانتي لو مشتركه معاهم ومدفعتيش شهر, المفروض نسأل عليكي

الميكروباص said...

فرج ربنا قريب

فاتيما said...

بت يا كيكى
اخرجى فورا من المكان دا و متروحيهوووووش تانى
إيه يا ماما العالم البيئة دى اللى عاوزة تشتركى معاهم فى النت دول ؟!!!
لأ لأ دنا كدا اخاف منك لما تيجى تزورينى فى مدونتى و معاكى العالم اللبط دى ...
مش كفاية كمان إنهم شلفطوا الغنوة اللى بحبها جدا و بتفكرينى بأيام شبابى ف الكلية من ييجى سبعين سنة
بتاعت سوما؟؟!!!!!!!!
لأ راجعى نفسك يا حبيبتى
النت مش بعزقة
بوسة و حضونة
بس اما تطلعى من الحتة دى الاول

micheal said...

هههههههههههههههههههههه
حلوة أوي سيبر عم حتاتة ده
:)

♥نبع الغرام♥♪≈ said...

ههههههههههههه

فكرتينى بيا يا اختشى وربنا

كنت مشتركة مع مجموعة اجرام

ايه العالم اللى مش بتيجى غير بالعين الفحلقى دى
هع هع
المهم كانو كل يوم يشيلو الفيشه من عندى فى عز ما انا مندمجه
بتقولى ايه يا انوسه بتقولى عز اه يا بابايا يبقا انت اللى قتلت بابايا
هههههههههههههه
المه فكيت منهم وجبت سلك
لوحد وعملت وصلة مشتركه امال
انا زى الفريك مش بحب الشريك
ههههههههههههههههههه

ربنا معاكى وفرجه قريب
ربنا ما يحرمنيش من زياراتك الغاليه يا مجرمة هههههههههههه
وابقى طمنينى عليكى
امووووووووواة

micheal said...

رديت عليكي هناك
:)

adel said...

لا لا لا كده بتلعبي معايا في عدادا عمرك
يا استير

بت يانسمة نادي امك من علي القهوة و خليها تجيب العيال معاها

المدونة دي هتغرق دم
ومش هتنضف حتي لوو جت مدام نظيفة بقطنتها

الواحد مش اي حد في بلوجر ياجرعااان

صحيح القوالب نامت
عشان عندها مدرسة الصبح

well said...

انا ممكن اشترك معاكوا بس هدفع عشرين جنيه بس يعنى مفهاش انصاص
وتحياتى على فكرة انا هشترك علشان اثبت ان لسه فى صاحب يتصاحب

mimi said...

وأنا أقول كيكي فين كيكي فين؟

حدش شاف كيكي؟
أتاركي علي طاولة المفاوضات ...

وياتري المشاريب كات إيه؟

عناب وسحلب ؟

شفـقــة و إحســــان said...

بقولك ايه يا كيكى والنبى لما تروحى عند عم حتاتة ابقى سلميلى عليه اوى ولو لقيتى وصلة نت متبقيش تنسى اختك شفشوقة
وحشتينى اوى اوى

dr. Ahmed Sakr said...

ههههههههههههههههه

الازهرى said...

.lk
بالعربى
زمن

وكفايه كده

كراكيب said...

ههههههههههههه
يا تحفة التحففففففففففف

انتي يا بت انتي يا بت انتي يا بت
ماكنتيش بتردي على الموبايل ليه يوم التلااااااات
بتنفضيييييييلي
طب انا كنت عندك في الجيزة بقى على فكرة
هه بس
يا شرييييييييييرة
وحشتييييييني

miro el niro kwaniroooo

micheal said...

مختفية فين
:)

مدحت محمد said...

ان شاء الله ترجعيلنا بالسلامة

على فكرة كنت هطلب من حمادة حاجة خاصة بيكى

بس قلت استاذنك الاول

صوت من مصر said...

بص يا برنس
ريح دماغك
والله اه فعلا ريح دماغك والعب اندر جروند

ريحانه said...


شركة نقل عفش بأبها
شركة عزل اسطح بأبها
شركة تركيب طارد الحمام بأبها
شركة تنظيف مسابح بأبها
شركة كشف تسربات المياه بأبها
شركة تسليك مجاري بأبها

ريحانه said...


شركة نقل عفش بأبها
شركة عزل اسطح بأبها
شركة تركيب طارد الحمام بأبها
شركة تنظيف مسابح بأبها
شركة كشف تسربات المياه بأبها
شركة تسليك مجاري بأبها

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket