Thursday, February 10, 2011

على فكره يفاوض =يتنحى...اه وربنا

Thursday, February 10, 2011
هو مش خلاص أنتهى بس (بشياكه)؟
-بس هو ماقالش أنه هيتنحى
هيقول فين تانى؟؟ ما ده كان الخطاب الأخير
-اه الأخير بس برضه ماقالش أنه هيتنحى
أمال مفهومك لكلمه يتفاوض لعمر سليمان ايه؟ هو خلاص الرئيس الفعلى عمر سليمان هو بقى رمزى يعنى خلصت
بس ماقالش الكلمه يعنى-
طب وبعدين يعنى ب
الصلاه على النبى كده؟
-هنروح على القصر الجمهورى
بس هو مش هناك..وبعدين الحماسه لو خدت اى حد وقال نقتحم وبتاع الحرس الجمهورى هيبقى فى حال( دفاع) عن النفس وهتحصل فوضى
-مش مشكله المهم يتنحى
أنتى عارفه لو الوضع أستمر كده الجيش هيعمل أنقلاب عسكرى
-لا الجيش ده
حبيبنا ومعانا
لا وحياه تنطى أنتى مش فاهمه الليله الجيش لو طلع وعمل بيان وعمل الانقلاب وقتها حظر التجوال هيتنفذ على حق ربنا والى هيخرج ملهوش ديه ووقتها الجيش مش هيسيب الحكم الا لمه الاوضاع من (وجهه نظره) تكون أستقرت والله أعلم امتى كده يعنى ممكن تعدى سنين على الوضع ده
وبعد تفكير منها حسيت أنها
أتأثرت قالت وبثقه
-مش مهم المهم أنه يتنحى
الصراحه أقنعتينى بكلامك والله ربنا معاكم أنا رايحه
-قاطعتنى قبل ما أكمل الجمله
-ايه هتيجى معانا والفرحه مليه عينها
قولتلها لا أنا رايحه أرقع بالصوت على مصر


10 comments:

أع ـقل مـ ج ـنـونــة said...

ربنا يستر ياكيكييييييييييييي
:((((((((

Midoyass said...

ana asef bas lel 2asaf e7na mesh fahmeen ay 7aga.
tana7y != yefawed
leeh b2a mubarak law fedel le 25er modeto mesh hane3raf ne7akmo 3ashan el dostoor beye7my el ro2sa2 el sabekeen (elly kamelo modethom) men el mo7akma.
3ashan keda e7na 3ayzeen mubarak yet7akem we ngeeb floos el balad elly howa nahebha barra deh.

الازهرى said...

شوفى يا بلطجة

شوفتى خلاص ؟

يفوض نائبه معناها يتنحى
جميل ؟
لكن امشكلة الرئيسية هنا إنه لما يفوض يبقى المطالب الأساسية اللى الشباب بيطالب بيها وهى حل البرلمان ومجلش الشورى المزور مش فى إيد النائب
إنما لو تنحى يبقى النائب بتاعه مطلق السلطات

يعنى الوضع الحالى بيقول إن المجلسين موجودين زى ما هم وهم اللى هيناقشوا مواد الدستور الجديدة وكمان هيناقشوا المرشحين للرئاسة قبل عرضهم على الشعب
يعنى روحنا لسه فى إيد المزورين برضه

فهمتى ؟

أشك

kochia said...

والله كلامك مظبوط جدا
انا مش عارفة ليه الناس واقفة عن لفظ ومش شايفة الحاجات الكتير اللي حصلت

مهو خلاص مش هيظهر تاني
ربنا يستر

نبع الغرام said...

الحمدلله على كل حال


:)

ويارب اللى جاى يكون احسن من اللى راح

تحياتى
ايناس

ghada mOhsen said...

مبروووك ياكيكتي الحلوه

وشيلي الحداد ده

عشان صدقين خلاص مالوش لزمه
وبنا يحمي مصر دائما طالما فيها شباب زي الود كده

^_^

sony2000 said...

خلااص يامعلم
شييلي دا بقي ريئئئئئئئئئئئئئس سابق
هيييييييييييييه:)
ةلولولووليييييييييي

Anonymous said...

ثقافة الهزيمة .. أنها حقا عائلة محترمة‏

فى 6 فبراير 2011 نشرت شبكة الأخبار الأمريكية CNN كشفت صحيفة الجارديان البريطانية نقلا عن محللين مختصين بشؤون الشرق الأوسط قولهم أن ثروة الرئيس المصري حسني مبارك بلغت نحو 70 مليار دولار، جزء كبير منها موجود في بنوك سويسرية وبريطانية، أو على شكل عقارات في لندن ونيويورك ولوس أنجلوس، أضافة إلى ممتلكات خاصة على طول شاطئ البحر الأحمر، وقال تقرير أن المصدر الرئيسي لهذه الثروة هو أطلاع الرئيس على صفقات أستثمارية حققت مئات الملايين من الدولارات لمصر، ولهذا تم نقلها إلى حسابات سرية في بنوك أجنبية، أو أستثمارها في البورصات العالمية والعقارات، وأكد التقرير أن علاء وجمال مبارك هم إيضا من أصحاب المليارات، ونقلت الصحيفة عن أماني جمال، أستاذة العلوم السياسية في جامعة برينستون، قولها أن ثروة العائلة تتراوح ما بين 40 و 70 مليار دولار، وهي أرقام تقارب ثروات بعض من زعماء دول الخليج، الغنية بالنفط...

باقى المقال ضمن مقالات ثقافة الهزيمة بالرابط التالى www.ouregypt.us

قمة الدقة said...

شركة تنظيف منازل بالدمام
شركة تنظيف منازل بالخبر
شركة تسليك مجارى بسيهات

Plogs said...

This is such a nice addition thanks!!!
فعاليات الصوتي
دردشه صوتيه
شات صوتي
شات صوتي
غلا الصوتيه
شات صوتي
شات صوتي
شات صوتي
شات صوتي
الشات الصوتي
غلا الصوتيه

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket