Sunday, June 7, 2009

من البيت للمدونة ومن المدونة للبيت(أتسرررقت ياما+تحديث لسرقات اخرى+تحديث اخر للحرامية ليله

Sunday, June 7, 2009
التحديث التالت ليكى تحت عشان عينكى اكيد تعبتك من كتر السرقة
من ساعه ماعرفت ان فى حاجة فى الدنيا اسمها نت كانت علاقتى بيها صباح الخير ياجارى انت فى حالك وانا فى حالى
وكنت ساعات الاقى اللمبه الخضرا الى بتشير فى نت ساعات كتير الاقيها بتغمز لى وبتندهلى!!!!

الى ان عملت مدونة وانا مليش علاقه خالص بالنت الا بالمدونةوجوجل اجيب منه صور فقط!!

وحتى مكنش متعودة دايماااااا فقررت تكون علاقتى بالنت من البيت للمدونة ومن المدونة للبيت فتحت عينى على المدونات مكنتش الاقى غير سوووووووووو ياجرعان الى دايما بيتسرق وكان فى مجنون سووووو برضه!!!

الا أن ربنا استجاب لدعائى والحمد الله صبرت ونلت وأتسررررررررررقت!!!كنت قاعدة فى امان الله لقيت تليفونى بيرررن..زكى يازكى يازكى هو فين الذكى دة..لقيت نونتى على التليفون اى يعنى ليدى بتقولى ياكيكى اعملى سيرش على جوجل واكتبى اى جملة عشوائيه من بوستاتك قالتلها اكتب عنوان البوست قالتلى لاااا بس عشان امى دعيلى كانت البوستات بتتاخد بالعنواين كماااااان يابركة دعائكى ياما ام هند وانا قولت مين اصلااااااا هياخد الى بكتبه دة اصلاااا المهم كنت بكتب اى جملة او عنوان يظهرلى اسم مدونتى هع لا اصبروا الخدعة فين بقى هتلاقى تحت فى صفحة جوجل هناك نتائج مهملة هل تريد ان تراها وماادرك اية الى هيحصل لو ضغطت!!!!!
هتلاقى كلامك بالحرف مع الناس الله يباركلهم بينشروا المواضيع بتاعتك بس يعنى عندهم زهايمر بينسوا وبيكتبوا اسميهم همه !!!!!!!!!1!!!!!!
وانا تسرق منى 6 بس اه والله كان نفسى يكون 5 عشان اقول فى عين العدو وكان فى اكتشافات عديدة أولهم بقى
ده بوست خبر عااااااااجل و التانى برضه هى هى الى سرقته الحمد الله يارب مش حد غريب يعنى وهو البوست االاخير ليه ورقه امتحاااااان وكمان الامورة كتابه الملحوظة بتاعت الكتاب الى كان ضايع منى لااااا والى عرفته دلوقتى كمان ونزلتة فى التحديث فى بوست ورقة امتحان لمة كنت بكلم عن دريم بارك بطريقة معينة وعلى البنلطون فهى سارقة دة برضة اهوا وكمان عاملة مدونة مسميهااااااا قررت اكون زلطه شوف الصدف!!!
القنبله بقى ان مشرف منتدى الحوار العام لمنتدى القصاف واخد بوست ملعون ابوكى غربه وبيستشهد بى على لسان كل مصرى وكاتب قصيدة فى اخر الموضوع وكاتب مننقول فقط على ما اظن على القصيدة وحتى لو هيبرر ويقول كاتب منقول دة بيقول على لسان80 مليون مصرى مش احنا برضة بقينا كدة ولا كام؟؟ يعنى ولاشار ولا جاب انه واخده من حته حطلى يابنى مليون علامة تعجب!!!!!!!!!!!!!!!!1!!!!!!!!!!1!!!!1!1!!1!!!!!1!!!!!!!!!!!!!
واستاذة تانية اقصد تالته واخده اختار مما يأتى؟؟ممممم شكلها اهلاوية صميمة!!!
والاستاذ الاخير المحترم واخد انتفاضه الخرفان و قسم ياعمدة قسم بس من غير صداااع اه ياعمدة اه يانى!!!
وعقب تلك السرقااااااات قررانا نحن المدونين كالاتى: انشاء جمعيه للمدونين اسمها لامؤاخذة البوست دة بتاعى
ثانيا:بعد نشر اى بوست ندلق على المدونه ميه ونكهربها
ثالثا: نجيب كلاب بلدى ونحطها على المدونة
رابعا:اى حد يشوف المدونة حتى لو معلقش يسيب بطاقته الشخصية
خامسا:الاستعانة ب ع حميد اف 16 الانسان الالى المصرى الى يعين امه سرقوه برضة بس مع اضافه خاصية الضرب ع الاقفا لكل من تسول لها نفسه ويلطش حاجة
سادسا: عمل حجاب ووضع حاجه زرقة على المدونة عشان النفس
سابعا: اى حد من اعضاء الجمعيه لى قريب شويش او عسكرى ياريته يخلى ينضم لينا عشان يعلمنا اساليب الاستجواب الصح
ثامنا: لا مفيش حاجة فى دماغى
تاسعا: لابرضه مفيش حاجة فى دماغى
عشره:يكون رئيس الجمعيه اكتر واحد اتنشل انا سته وانتوا كااااااااااااااااااام؟؟؟؟
اخر حاجة: الراعى الرسمى للجمعيه لامؤاخذة هيكون عم حتاته
*******************************
بجد مش هقول غير حسبى الله ونعم الوكيل وعلى رائ نونتى وما خفى كان افظع!!!
موضوع دريم بارك ان شاء الله ناوية اشيل ضياء الموضوع هو ضياء هيساعد اى حد ينظم اليوم اخر حاجة بقول حد ينظم موضوع دريم بارك دة وبجد محدش يطنش وانا رايحه اعمل حاملة عند خالتى سنه كدة سنتان وارجع تكونوا خلصتوا الموضوع عشااااااان عايزة اخرج ايييييية مسروقة ومن حقى اتمرجح
جااااارى سرقة البوست ...من المنتدى للبيت ومن البيت للمنتدى
!!!11!111!!!!!!!
*******************
بصى يانشاله انتى اكتر حرامية فاشلة فى حياتك حتى السرقة مش فالحة فيها طب نعملك اية احنا المدونين؟؟
نوديكى مركز شباب النشالين ولانعملك اية يعنى انا نخربت وراكى فى كذا موضوع ليكى ولقيتك زى ماتوقعتك سارقة الموضوع كالمعتاد ادمنتى الحكاية بتشمى المدونات دة الموضوع ولقيتها سارقة من mimaya
البوست د ة لا لا لا احنا عايزين ندربك بقى من جديد وهنشترك ان شاء الله احنا المدونين وهندويكى مركز شباب النشالين الجدد اتعلموها بقى جتكم القرف مليتوا البلد

22 comments:

Diyaa' said...

ههههههههههه

وبعدين ضياء كان مرشد سياحي يا بنتي :))
يروح لدريم مثلاً بصفته قريب منها معاكم وبالمرة يتصل يعرف هيعملوا تخفيض كام علي العدد

متفتكريش إني شركة سياحة ..لأ حاسبي وسيبي الباقي كمان

♥نبع الغرام♥♪≈ said...

ههههههههههههه


السلام عليكم


الف مبروك


كاس زداير حبيبتى

متزعليش نفسك

بجد زعلت قوووى عشانك وعشان اللى حصل

ربنا منتقم جبار

وحسبى الله ونعمه الوكيل

تحياتى انوسه

أبو العريف said...

كيكي
عووووووووووووو

ينفع كده تهمليني وانت بتتكلمي عن السرقه
اشحال لو مكنتيش اول واحده اسرقها
ولا نسيتي ( استعنا عالشقا بالله هبدأ بيكي يا كيكي ) طاب دانا عملت المدونه عشان اسرق كيكي
مع انها اكتر مني اجراما
بس والله زعلتيني ينفع كده
شكلي هرجع للاجرام تاني
واجيبلك ضرف المدونه دي


ابو العريف ( الحرامي سابقا ).

احساس طفلة محبة للرومانسية بس واقعية said...

احنا نعمل مدونة للناس اللى بوستتهم اتسرقت ونشوف عشان يكون فى مقر للجمعية
ونعمل سحب اسبوعى على اكتر حد اتأخد منة بوستات ونشوف مين هيحقق الرقم القياسى
:)
واللهى يا كيكى ضحكتينى بجد
اية اللى اخدت تحديثك عن دريم بارك دى
وردودها على الناس مش فاهمة هو فية اية
هو للدرجادى العقل خلاص اتمحى
الناس دى قربت تصعب عليا
من كتر ما بحث ان عقولهم خلاص مش موجودة
ربنا يصبرنا

تقبلى مرورى

The illusionist said...

هو كل الناس كده ولا ايه
دى سابع مدونه مسروقه
انتوا تعملوا بلاغ مجمع فى القسم وربنا كده مش نافع
معلش شدوا حيلكم
واللى عنده موهبه مش هيخس عليه انها تتسرق
بالعكس
اهه اللى سرقها عجبته لدرجه انه نسبها لنفسه
وكفايه انه حرامى
ونسينا نصبح ونقول مساء الخير

MaNoOoSh said...

هو فيه ايه؟؟؟؟؟

دة كاس وداير ع المدونين كلهم

بس الحمد لله ان الواخد موصلش لرقم 6

انا موافقه على فكرة الجمعية.. بس مين عم حتاتة دة؟؟

مامة مازن said...

هو ايه الحكاية دى الحكاية باظت خالص بقى نحارب اللى بيسرقوا نقوم نتسرق احنا كمان
انتى خوفتينى كده طب استنى اما افتش وارجعلك

Lady E said...

اييييييييييه ياريتني ما قولتلك يا كتكوتتي 6 مواضيع ده انتي اخدتي الرقم القياسي

وايه القرارات والحلول الهايلة دي يا افكارك العالية يا كتكوتتي ههههه بجد ضحكتيني وانا راجعه من الامتحان مش عايزة اضحك

معلش بقى كلنا لها يا اوختشي

حسبنا الله ونعم الوكيل

مسدس صغير said...

فعلا الموضوع ده انتشر بطريقة غريبة
مش عارف ايه الحل بصراحة
ربنا يستر علينا ومنتسرقش احنا كمان

د/على خميس said...

السلام عليكم و رحمة الله و بركاته

هو أنا عايز بس أعرف ...
اللى بيسرق بيستفيد ايه ؟؟؟
ان الناس بس تقوله ...برافو انت بتكتب كويس و موضوعاتك جميلة؟؟؟حاجة غريبة!!!

ثانيا:بعد نشر اى بوست ندلق على المدونه ميه ونكهربها
حلوة أوى الفكرة دى ...بس لازم ندى الباس وورد للحبايب و اللى انت عايزة تكهربى الدنيا كلها!!!!

تقبلى تحياتى

أنا حر said...

معلش يا جميل مش تزعلي لو مش بتكتبي كلام كويس مش هيتسرق انت اهم حاجة تكتبي بعد كده ان حقوق النشر محفوظة
:)
تحياتي

كراكيب said...

هع هع هع هع هع
ضحكات متقطعة شريرة

اولا بقى احترمي نفسك وكلميني على البيت تليفونا استقبال ودلوقتي كمان مش معايا موبايل
ولو زعلانة مني اتصلي زعقيلي في التليفون

ثانيا بقى: ايه رأيك لما اعزمك عندي في البيت؟؟؟؟؟؟؟؟ موافقة؟؟ طب يللا حضري قومي اكوي هدومك والبسي وتعالي

ثالثاً انتي حد تحححححححححححفة يا بنت اللذينا ضحكتيني وانا مليش نفس

امممممواااااااه بموت فيكي

miro el niro kwaniro

Anonymous said...

و الله العظيم الموضوع ده ينرفز إيه قلة الضمير و الغباء ده...ياريت لما تقرا البوست ده تحس شوية على دمها هى و الناس اللى شغالين على قفا غيرهم

فتاه حالمه said...

وحشتيني عووووووووووووووو
بحبك اوي
ومنهم للي كلت دراع جوزها
عووووووووووووووووو

Soul.o0o.Whisper said...

عارفة يا كيكى


أنا ريحت أعصابى خاااااااااااااالص
عشان انا عملت سيرش على اول خاطرة كتبتها

لقيتها مسروقة بردوا

قلت والله مانا مدورة
مش ناقصة تعب اعصاب


و بكدا تحطى اعصابك فى تلاجة
نياهاهاهاهاهاها


بس فكرة الجمعية دى حلوة


ياللا سلام

مهرة سالم said...

السلام عليكم....
لا يا بنتي إنتي كده
من الضروري تنظيم رحله
عشان تنسي السرقات دي..
...
على العموم
ربنا يحفظلك تدويناتك يارب
هما مش شايفين المدون بيتعب الزاي فيهم...
....
في أمان الله

rovy said...

السلام عليكم
ازيك يا كيكى و ايه اخبار الامتحانات يارب تكون عدت على خير حبيبتى ..
ربنا يوفقك ياارب
حكاية السرقه دى مستفزه جدااا
لكن وواضح ان ناس معندهاش اى ضمير فى اى حاجه و فى كل حاجه ..
حسبنا الله و نعم الوكيل

وحشااانى جدااا يا قمر عاوزه اكلمك قريب ان شاء الله

خالص مودتى

safa7_karmooz said...

مبرووووووووووووووووووووووك الف الف مبرووووك

بس انا وقت ما اتنقلى الراجل طلع جدع المشرف ومسح المواضيع ...:D

بس انتى احسن من غيرك

مش هنسى وقت ما ابيتاف اتسرقت مدونتها بالكامل فى مدونة تانية بقت نسخة طبق الاصل منها :D

تعيشى ويتسرق منك ^_^

Anonymous said...

يا سلام على الاخلاق العالية بجد
انا رديت بكل صدق وحلفت وبرضه
وتقولى اتقى الله
الله ده لو تفتكرى حديث لنبيه ملخصه ان اما واحد قاله شاف اتنين بيزنو قاله استر عليهم
تصورى بقى لو مش بيزنى ولا سرق من اصله والا كان قال بتاعى ودخل قال تلاقيكى سارقاه وعاملاه بتاعك ولا ...الى اخره
المهم ربنا موجود
اعرفيه وبعدين اتكلمى عنه وربنا يهديكى بجد انا ما اقصدش الاهانة وربنا عالم

mimi said...

اه يا كوكي علي حرقة الدم ... بس هنعمل ايه بقي ... نصيبنا نكتب ونتسرق

انا اتسرقت إذن أنا عندي مدونة


شعار الجمعية يا كوكي يا حبي ..

يلا بقي نصيب

متزعليش يا سكرتي

E73 said...

ههههههههههههه
يا سلام عالسرقة وحلوتها في عين اللصوووووووووووص ياسلام ياسلام على حلوتها يا سلام ياسلااااااااام

بس تعرفي بجد ان السرقة دي سلاح ذو حدين؟!

هتقوليلي ازاي ؟
هقولك الحد الاول كلنا عارفينه وهو اهدار حق المالك
لكن الحد التاني بقى اولا حاجة حلوة قوي لما تلاقي كلامك عجب الناس لدرجة انه يسرقوه ماهو ميتسرقش الا الثمين
وثانيا بقى ودي الاهم انا كنت بقول زيك كدة لا للسرقات واوعى حد ينقل كلامي ومش عارفة ايه
وكنت بكتب سلسلة من المواقف الطريفة اللي بتحصلي في وسائل المواصلات على منتدى

لكن للأسف المنتدى ده بياناته اتمسحت وانا مكنتش واخدة السلسلة دي كوبي في اي مكان وكانت عفوية وتهلك من الضحك

قلت يمكن يكون حد نقلها كدة ولا كدة في الخباثة ادور وادور على النت اني الاقي حد ناشلها واعرف ارجعها تاني للأسف ملقتش

وطااااااارت اليوميات بس بجد كانت جامدة موت ومن يومها بطلت اكتب يوميات

emy said...

كى كى
وحشاااااااااااااااااااااااانى جداااااااااااااااااااااااااااااا جداااااااااااا جدااااااااااااااااااا
بس بجد تدوينة عجبتنى اوى
وانتى ساكته ليه يا كيكى
سايحلهم ياحبيبتى
امووووووووووه
وحشانى يا بنتى وربنا

ولانسيتك فى يوم

ولانسيتك فى يوم
ياااااارب أرحمنى
 
عوووووfokaak meny © 2008. Design by Pocket