(....!!!مش عايزة)

مش عايزة اتفلسف ولا أحلم بالمحال

ولا أكون ورقة منسية من كتاب الحياه

ولاوش باهت فى المرايه عايز حد يدلوا على طوق النجاه

مش عايزة أكون متاهه من غير نهايه

........أنا بس عايزة

تكون تفاصيلى بارزة مليانه قوه ماتكسرهاش لحظة ضعف أو لحظة أنهيار

تكون أحلامى عارفه مصيرها من قبل شمسها ماتشرق

تكون أيامى متشال عنها غمامه كلمة!!فات الوقت

تكون أحزانى زى شيطانى أول ما أقول:أعوذ بالله من الشيطان الرجيم

تختفى من الوجود

(!!!!!!!)

يااااااااااارب

(ربى إنى مسنى الضُر و أنت أرحم الراحمين )

اللهم اشفه شفاء ليس بعده سقما ابدا..اللهم خذ بيده اللهم احرسه بعينيك التى لا تنام . و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار . و ارحمه بقدرتك عليه ّ.أنت ثقته و رجائه يا كاشف الهم . يا مُفرج الكرب يا مُجيب دعوة المُضطرين .اللهم البسه ثوب الصحة والعافية عاجلا غير اجلا ياأرحم الراحمين.. اللهم اشفه اللهم اشفه اللهم اشفه..اللهم امين

ربنا يشفى كل مريض ويشفيكى يامايسة ياااااااارب.

!!!كابتن..هو كلوا ضرب ضرب مفيش شتيمة ولا ايه؟

( شريط حصرى لمباراة مصر والجزائر ومقطع لم يتم عرضه من قبل)

المعلق:ابو تريكه ماشى بالكورة بيحاول يجيب جون فى الوقت بدل الضائع لكن يعترضة الاعيب رقم 3 بمطوة ويغزو فى جنبه!! يصفر الحكم ويعتبرها تسلل يحاول احمد عيد يديها لزيدان اعترضهم خط الدفاع الجزائرى بسلك شائك لكن زيدان بيعافر وبيعدى تحت السلك الشائك لكن تفشل محاولته بسبب وجود اللغام عند خط حارس المرمى يصفر الحكم ويعتبرها ضربه جزاء لحارس المرمى الجزائرى!!! تزداد المباراة سخونة بعد نزول احمد حسن وبيحاول يسدد تسديدة قويه لكن يشتت تركيزه الاعيب رقم6 ويغنيلوه: ينفع فى شتا او صيف هو ايه؟ يرد احمد: العنب العنب العنب ويندمج احمد فى الرقص يجئ عمرو زكى ينقطوة ويندمج باقى الاعيبه فى الرقص يصفر الحكم ويعتبرها اوف سايت!!! المحمدى لسه عنده امل وبيحاول وبقى غير مؤمن بالعب النضيف وبيخرج موس من بقه عشان يعلم على الدفاع الجزائرى بس بيقابلوا ب اف16 تبدا مشحنات فى وسط الملعب يهجم الفريق الجزائرى على كل الاعيبه بيحاول الفريق المصرى بقلع البوكسرات للدفاع عن نفسهم!!..يصفر الحكم وينهئ المباراة بين مصر والجزائر بفوز فريق اسمنت السويس

(!!!!!!!!!!!!!!!)

***************************

وعقب مشاهدة وزير الاعلام هذا المقطع تم الاتفاق على اخذ حقوق الملكية الفكرية للاعلان العراقى..انت سنى ولا شيعى؟ وتحويلوا الى ..انت مصرى ولا جزائرى وبدل رد الاعلان العراقى...بانه عراقى..سوف يتم تحويلوا بانه بنى سويفى!!!!

**************

ومن جانب الشعب المصرى قرر مقاطعه كل ماهو اخضر..ولاعزاء للملوخية والخص والفلفل الاخضر

*******************************

ومازال من يأمنون بوهم الحلم العربى يغنون...اخضر يا اخضرانى من قساك عليه؟؟؟؟

!!!!!!the End????

*******************

كلمتان على جنب: فى فيلم مراتى مدير عام كان شخصية توفيق الدقن هو المحرك الرئيسى للاحداث وصلاح ذو الفقار قالوا جمله انا بقولها للاعلام المصرى والجزائرى..همه سموك ابو الخير ليه؟؟؟؟

والله مانا دى أختى منى

رغم امساك جمال بالحكم فعليا!!! وتبنى حمله اسأل استشير الخاصه بتحجيم عقل الشعب المصرى

لازال الحزب الرطاط الديمقراطى ينفى وبشدة ترشيح جيمى بالنيابه عنه فى الانتخابات القادمه رغم عرض انجازاته على التليفزيون المصرى وهى:فتح كوبرى جديد يمكن للعربيات ان تمشى عليه مزود بحادثه هديه لعربيتان نقل

وضع حجر الاساس لبسين فى امبابه

زيارة مفاجأة لبيت فلاح وشرب الشاى معاه!!!..

غير البومات الصور الى بتتعرض لى وهو شايل عيل عريان وعامل علامه النصر

ولقطات لمباره وديه وتعادل سلبى صفر / صفر وسماع اغنية: والله وعملوها الرجاله ورافعو رأس مصر بلدنا..رغم عدم وجود فريق منافس له!!!!

****وعند مواجهه جيمى بمخاوف الشعب المصرى بانه الوريث القادم**

أنكر بشده وانهار من البكاء وردد بهسترية: والله مانا دى أختى منى

(جارى البحث عن منى)

*************************

وعن حادث قطار العياط ...معنا أخبار حصريا عن الجاموسه المتهمه

بعد القاء القبض على الجاموسه المختله عقليه وحبسها زادت سوء حالتها النفسية وابتعدت عن اصدقها فى السجن الذين دخلوا بنفس التهمه ماس كهربائى الذى كان مقرب منها فى الفتره الاخيرة حيث صرح بأنها زهدت الدنيا وقررت لبس النقاب لكن بعد فتاوى شيخ الازهر أعدلت عن الفكرة وقررت ترك لحيتها لحين ثبوت شيخ الازهر على موقفه!!..وذكر ان اصعب يوم مر عليها عند فسخ الطور خطوبتوا عليها واخذة الدباديب وظل يردد عن سوء سلوكها!!...وكان أخر كلماتها قبل ان تفقد النطق: جعلونى مجرمة... جعلونى مجرمة

تفاصيل مشوشة

يااااه أكتوبر قرب يخلص؟؟ النهارده حاجة وعشرين أكتوبر على ما أظن!!

وأنت عيان فى السرير الوقت بالنسبلك مش بيمر وأنت عيان بتبقى ودنك هى الى بتشوف بيها صوت عقارب الساعه بيكون ليك وقتها زى أمك مش بيفارقك خالص الاول لمة بتسمعوا بتخاف منه لكن بمرور الوقت وانت راقد ع السرير هتحسوا كروان من الى بتسمعوا ونفسك تشوفوا لان وقتها .... هيبقى أقرب حاجة ليك!!!شوية شوية وأنت مغمض عيونك من كتر السخونيه هتلاقى نفسك غصب عنك بتسمع حاجات مكنتش بتسمعها قبل كدة تفاصيل عشوائية بتسمعها بتكونها وترتبها جوة خيالك زى لعبه البازل كدة لانها وقتها هى دى المتعه الوحيدة ليك!!التفاصيل دى بتبقى أشكال وألوان فى تفاصيل كنت بتتمنى انك متعرفهاش وتفاصيل تخوفك وترعبك من الى حواليك وتفاصيل حلوة تبسطك بس دى نادرة اوى وتفاصيل مليانه حزن وكأبه ودى بتوجع اوى بتقتل مش بتوجع!!وفى تفاصيل زى المسلسلات العربى واجب عليك لازم تسمعها زى العيل الصغير وهو صاحى من النوم بالعافية ورايح المدرسة وبنص عين غصب عنه لازم يقول النشيد الوطنى!!!!!زى لمة أبوك يقول لاخوك الكبير..وهتفضل قاعد زى البت البايرة لحد امتى ماتحس ياحيوان وانزل اشتغل ويرمى فى وشه الخمسة جنية وينزل

ولمة أمك لازم كل يوم تفكرك انها مستحملة عيشه ابوكى الهباب عشانكم

ولمة أصحابك يعدو عليك الجمايل الى بيعملوها عشانك رغم ان دة المفروض واجب عليهم

لمة تسمع كل خناقات جيرانك كل كلامهم لان كلامهم دلوقتى بقى شبه الخناقات مبقتش تفرق انك عارف تفاصيل حياتهم وهمه كمان عارفين لانك لمة عينك تيجئ فى عينه الصبح تحسوا بيقولك لاتعيرنى ولا اعيرك....!!

لمة تحاول تعمل حاجة انت بتحبها وتلاقى الكل واقف قصادك لانك لسة صغير ومش فاهم حاجة رغم ان فى مواقف تانية بيقولوا فيها خلاص انت كبرت اعتمد ع نفسك !! والى يضايقك الى بيقول الجمله الاولنيه هو هو الى بيقول التانيه!!

لمة تلاقى حلمك كل يوم فى وشك جريح وبينزف من قله الامل فى تحقيقة بيقولك بصوت مجروح ساعدنى!! وانت زى الجبان زى الحيوان بتدوس عليه وتقوله: اسف مش واخد بالى

لمة تلاقى الى بتحبه بقالك سنين عمره عمره ماهيأخد بالك منه رغم انه عيش فى قلبك وصورته عايشة بنبضك وكل يوم تتمنى انه يحس بيك ونفسك مرة لمة تشوفه تقوله أنا اااااااا بحبك والله العظيم بحبك وعمرى حته ماسمحت لخيالى انه يحب واحد غيرك ريحنى طب مرة قول انك فكرت فيا!!! وتحس انك عايز تحتضنوا أوووووووى والدنيا تقف عند اللحظة دى!! لكن المشكلة انك تصحى من الحلم دة ع جوازة لحد تانى المفروض القصة تنتهى لحد هنا .... بس تعمل اية فى عقلك الباطن الى لحد دلوقتى بيخليك تحلم بى وبيتخيل انه يقولك ايوة فى يوم انا فكرت فيك!! وتصحى من النوم وتعيط انك وصلت للمرحله دى!!! ولمة حد يسألك مالك؟ متقدرش تقول الحقيقة

لمة تحلم بعيد ميلادك العشرين وتفكر هتعمل ايه فى؟ ياترى لمة اوصل للعمر دة هيطلعلى جناحات واطير؟ ياترى ممكن أحط بلاستر لى احلامى ؟ ووسط كل تفكيرك الساذج دة!! تلاقى نفسك عيان فى السرير يوم عيد ميلادك بتصارع الموت من السخونيه وانك مشكوك فيك ياترى دة برد عادى ولا خنازير وتحس بحذر من الى حواليك وممكن يبلغوا عنك فى اى لحظة ؟ تلاقى عيد ميلادك علم ع قفاك وجرى بسرعه قبل ما تسأله اى سؤال؟؟ جرى وهو بيضحك ع هبلنا وعبطنا وخوف كل واحد فينا من تفاصيلوا الى مش بيقدر يوجه حتى نفسه بيها!!

13/10/2009

فلووووووووووووووووووووووس

فلوس ......
تعلي .. توطي
تعري ..... تغطي
تسيبك ..... تجيبك
وتخلي كل الناس حواليك
فلوس ......
تهينك .... تذلك
تزيدك ..... تقلك
تطلع ... تنزل
ع الحال ده يوماتي معاك وعليك
عن واقع معاناتى:من النت لان الواد فرج على ماتفرج الى مشتركين معاه ع النت عزل والنت اتقطع عندنا روحت جبت اصحابى عتره المنطقة وقاعدنا عند غرزة عم حتاته اقصد سيبر عم حتاته وبنتفق ع مين هيشيل الروتر ويشترك مع شركة المنيب . كوم ويدفع مقدم عشرين جنيه ونص وبنحاول نقنع الواد مفتاح تكه انه هو يشيل الليله بدل فرج تربس معانا وعصلج!! حاولت اقنع الواد سلكه مجارى لكنه طفح فى وشنا بمجرد اقتراح الفكرة!! قلت مفيش غير الواد مجانص بفته راح رافعنا ع طول بمطوة !! قلت فى عقل بالى مفيش بقى غير الواد الراسى العاقل بتاع المنطقة لاكى النجار راح مسامرنا بنظرة عتاب وقال باب النجار مخلع!!! الى هنا اكتشفت ان مفيش صاحب يتصاحب وخسارة فيهم اغنية سومه اجدع صحاب!!!

لكن لازلت المفاوضات جارية وجارى اقناع الواد شعر الصدر حسين!!!

كانت معكم من سيبر عم حتاته كيكى البرنس!!!

حوار مع عبده!!!!

(أصعب حاجة لمه يكون عندك أفلاس فكرى ...لكن الاصعب ان يكون عندك افكار بس مش عارفة تنفذها بطريقتك الخاصه)

واالى يوجع اكتر لم تحس الكمبيوتر بتاعك متفق عليك وبيتفنن فى عذابك وبيقهرنى لدرجة يخلينى اروح جايبة الشبشب وع الشاشه وفين يوجعك!!! وانهار واعيط واقوله: ليه كدة ياعبده!!!

بتعمل فيا كدة ليه؟ مين بينضفك اول بأول مين بينفخ فى هاردك لحد نفسه بيتقطع عشان صحتك ماتتعبشى مين بيجيب مساحه الودان وبينضف سامعاتك ؟

مين بيجبلك كولو نيا خمس خماسات ويظبطك وانت خارج مع الحته بتاعتك؟؟

مين بيظرفك عشرين جنيه عشان تجيب كل ويندز جديد فى نفسك عشان الحته بتاعتك متزهقش منك وتروح للواد سيد انيميا؟
مين اول واحد جبلك غيار داخلى..ولمة نزل البوكسر ماسترخستش فيك وجبتهلوك؟
مين أتحدى الكون وواقف جنبك لم قررت تخش صنايع؟
مين جابلك اول عدة اركتل فى مصر ام اريل؟
مين لمه أتقبض عليه نزلت الساعه واحده الضهر وانت عارف ان دة ميعاد مسلسل مهند ونورا بس مهمنيش ونزلت اضمنك وانت كنت عامل فعل فاضح فى الطريق العام؟؟
مين بيغنيلك اول ماتصحى:كعبو كعبو وحبيبى وانا الاعبه!!!
مين نزل اشتغل عشانك عند الواد ميكا بتاع السجاير الفارت عشان يوفرلك مكتب ملك بدل ما تتبهدل انت وسحر فى المكاتب الايجار؟؟؟
مين دلوقتى جابلك الحته الزفرة بتاعت العيد وظرفك العيديه حته بخمسة؟؟
مييييييييييييييييييييييييييييييييييييييييييييييييييين ياعبدو قولى ميييييييييييييييييييييييييييييييييييييييييييييييييين؟؟؟
يبصلى عبدو بأنكسار ويقولى: الست دى امى ويغنيلى ست الحبايب ياحبيبه ونحضن بعض وننهار من العياااااااط

أبو الريش الهجان ...الجزء التانى!!!

بعد النجاح الاول للجزء الاول من مسلسل ابو الريش الشوال قررنا استكمال المسيرة بأنتاج الجزء التانى وهو أبو الريش الهجان!!!!
ساعة الصفر كان252 يعنى بتوقيت العتبه 3 ظهرا كانت نضارات الشمس وبالطو المخبرين والجورنال المخروم مسيطر ع الابطال!! ورغم طريقه اللبس دى الحمد الله لمة كنا مشين بالمفرقعات اى يعنى الوجبات مكنش حد واخد باله مننا خاااااالص ولمة المهمة الى اتكلفنا بيها خلصت وبعتنا للمخابرات المصرية كلمنى شكرا رد و علينا بسلفنى شكرااا!!!
المهمة التانية كانت مكأفاه من المخابرات لينا ع المهمة وهى الفطار فى#تسيباس ليشع# الصهيونى فى تل الهرم!!!!وكل واحد مكأفاه نقدية عشرين جنيه بس بعد الضرايب وصلوا لجنية ونص لكن للاسف مكتب البريد فى اسرائيل راجعوا تانى لمصر لانه كان ناقص دمغة!!! دخلنا المطعم وحاولنا نصرف بطريقة متلفتش الانتباه لينا للجانب الصهيونى فلعبنا لعبة الافلام!!!!
لكن المشكلة ازاى نسمع أذان المغرب فى تسيباس ليشع!!!!
ودى حاجة تعدى ع المخابرات اتفقوا مع القناه التالته المحلية الاسرائليه بأذاعت أغنية **انا بكره اسرائيل واقولها لو اعتقل ايييييييييييييييييييييييييييييه** للمنضال الشعيبى شعبولا الشرقاوى وبعديها ب4 ساعات نفهم ان المغرب هيدن
!!!
لكن كان فى مشكلة اكبر ازاى كنا نكتم مشاعرنا فى وقت الماتش مصر وروند..... ولمة كسبنا بدأت المشكلة لان الاغانى كانت مؤثرة اوى فينا
والله وعملوها الرجاله ورفعوا راس مصر بلدنا ووقفوا وقفة رجاله مبروك لمصر ولولادنا
لوسألتك انت مصرى تقولى ايه؟؟
تقولى مصرى ابن مصرى و ابن مصر الله عليه قولها بأعلى صوت و ارفع راسك لفوق..وانا خلاص الدمعة فرت من عينى وبقول من قلبى مصر مصررررررر عتبة جيزة امبابه مكنتش قادرة كنت هقوم اتحزم وارقص بس جالى جرسون اسرائيل وقالى:صلى ع النبى كدة ومتعمليش فى نفسك كدة ان شاء الله بكرة مركز شباب الاسرائلين الجدد يكسبهم!!!
والاشاره بدات.... وبدأ ينزل الاكل الاول ندعت بالسان العصفور وبعد ساعتان مطرت بالاكل ع فترات وبعد ما خلصنا نزل بقيت الاكل وكان ناقص العصير والحلويات فى الجزء التالت ان شاء الله فى المسلسل القادم ابو الريش الدالى!!!أبطال الجزء التانى حسب الظهور:الجندى المجهول مقدم اول/داليا الشوال/مقدم تانى مجهول خالد برضه الشوال!!!
ظهورخاص/لوليد عارفة مش عارف ليه/الفنانه القديرة الكبيرة العظيمة روح قلبنا فاتيما المليجى+ صاحبة التتر الاصلى اللاسامى ظهور خاص أيضا لا بو جودة الى ساب فيلم اعدام ميت وجاه عادل البلد دى فيها حكومة-مصطفى ريان - شيماء فضفضة اونلى سبوت أ. محمد شوية كلام- عبد الرحمن صيدلى مطحون- أحمد كمال رحايا العمر - أسامة عبدالعال أم بتول تعالوا نحلم ببكرة - شاهى مفيش حاجة و محمود الشنيور - أحمد سكر - ميرا وومن أمراءة بعقل رجل -- محمود الدوح ساجى - مهاميو أحسن تستاهل و ميرو النيرو كراكيب اختها اتحطوا فى القايمة الموف الى عندى وهمة فاهمين- دعاء مواجهات - ضياء بيتوفل مايند - كيارا عالم مولان - نور الدين محمود- عمرو أن نوون - خواطر خاطر - الأستاذ شريف عسقول عسقلانى - دريم فضفضة ع السريع علا صيدلانية طالعة نازلة و جوزها و ولادها سيف و شادن - خيخة و شكشوكة -
صاحبة مدونة هلفطة Am fOpa'D
وخال المخاليل أحمد الصباغ و صاحبة مدونة رنون و اختها
و مدونة كمان و اختها استاذة سهام الصحفية
صاحب مدونة ابو على و عبد الرحمن ونضال من بورسعيدجت إيناس نهر الحب - و اختها نسمة هيا فو ضى ا
صورة الابطال الحقيقين للعمليهصورة الشهيد الوحيد فى العمليه
كانت معكم جوجو من مسلسل جمعه الشوال ونشكر المخابرات المصرية والسيد الرئيس ع توجيهاته الرائده وانتظروووووووووووونا فى المسلسل القادم أبو الريش الدالى

!!!!!!!!!!

we are عدنا مع أبو الريش!!

كنتى فين يا فاطمة كنت بجيب أومو..روحتى فين يافاطمة ياعم كنت بجيب أومو

كنتى فين يافاطمة أستغفر الله العظيم يارب....روحتى فين يافاطمة مبلاش غباوه بقى ع المساء
كنتى فين يافاطمة ياعم انت مش حافظ غير الجملة الهى تولع انت وفاطمة نفسها

!!!we are عدنا
أنا رجعت عشان موضوع مهم جدااا أنى لقيتكم فى ازمة طبعا الكل عارف موضوع فطار ابو الريش الموضوع بختصار ان أحنا هنتبرع بوجبات أفطار للمرافقين للاطفال المرضى والميعاد هيكون يوم 5/9 الساعه 3 وتفاصيل اكتر عند داليا سامعه حد بيقول فين الازمة؟؟؟ أنهم لسه محددوش مكان أحنا نفطر فى !!1
فأنا فكرت وجبتلكم أماكن نفطر فيها كلنا مهما كان العدد وبالصور كمان والى عايز مكان محدد ياريت يصوت ويرقع بالجامد!!!
الاختيار الاول: تحت كوبرى أمبابه نجيب كدة ملايه كبيرة عشان نقعد فى الهواء الطلق بحيث الى عنده امراض الدنيا كلها او زعلان او مهموم يفك على طول والى الابد
غير كدة كمان نشوف أثار كوبرى أمبابه ولو معانا أطفال عشان يتعرفوا ع تاريخنا القديم ويشوفوا السيدة حشيشة راع احدى مؤسيسين كوبرى امبابه العظيم
الاختيار التانى: للى ملوش فى جو الاثار وكدة تيك أواى عبده تلوث ومفيش حاجة اسمها كراسى وكدة كله فى حجره وهنجيب نفس الملايه الى فى الاختيار الاول ونقعد عليها وبعدين
نروح نحبس ع طول عند مرطبات الحاج زباله عشان السم الى فى جسمنا بعد الاكل يموت ع طول!!!
الاختيار التالت:مركز شباب المشابك ودة للناس الرياضيه ومساحته 5 .5 متر بحيث نجرى فوق بعض وفى كمان العاب كتير اوى ممكن نلعبها فى لعبه أذقلنى قبل ما تحولنى ودى اشهر لعبة فى المركز حاصل فيها ع المركز الاول وهى شبه لعبه صلح بالظبط بس فى اختلاف بدل ما بنضرب بالايد بنضرب بالطوب وفى النفوخ عدل ومحدش ينسى ان برضة معانا الملايه غير كدة المركز هيدى لكل واحد فينا مشابك هدية
الاختيار الرابع والاخير: ميدان رمسيس نقعد فى وسط شارع رمسيس
وقت المغربيه والجو جميل ومعانا برضه الملايه نفرشها ع الرصيف و نجيب شماسى ونعيش اللحظه وندلدل رجلين من الرصيف ع الميه الى مغرقة الشارع من ماسورة المعادى يعنى مش اى حته انا بختارها والى عنده هوايه الصيد ياريت يجيب معاه السناره ونجيب العومات وانا هجيب الكتافات والعوامه بتاعتى ملحوظة: ياريت الى مش هيجئ معانا اليوم دة لو اتمسكنا ولا حاجة فى امن الدولة ياريت ياريت اى حد يجئ يضمنا!!
ملحوظة زر: ليدى عشان انا دلوقتى مش عارفة اقفشك واكلمك وافهمك لازم تعرفى انتى لو مكنتيش غاليه عندى مكنتش استلفت التلاته جنيه وبعتلك بيهم رسايل اللهى ربنا يباركلك فى صحتك رجعيلى التلاته جنيه!!!
وربنا يقدرنى ع حل ازماتكم

أظرفنى رغيفين !!!!

بعد ملاحظة الحكومة الرشيدة بكحرتت الشعب المصرى ونظرا لصبره وكفاحه قرارت

استيراد 13 ألف طن ذرة تحتوي على نباتات مخدرة

وبعد ذلك الخبر السعيد قرارو اصحاب المخابز كالاتى:

فتح المخابز بعد الساعه الواحدة بعد نص الليل

وضع صورة د/ رابسو الراعى الرسمى للحشيش الرسمى

فتح عده اقسام:خميرة بودرة**خميرة ماكس**خميرة طوابع**

واصبح للعيش أصناف: بالبلدى كدة خدها واتكل للطبقة الكادحة

فينو الحشيش فينو للطبقة المتوسطة
بودرنى قبل ما تكيزرنى للطبقة الهاى كلاس
وللرجيم اوع السن دة الماكس بيسن

وحذروا فى أشياء عديدة يجب الاخذ بها:

ممنوع منعا باتا اخد العيش على اقفاص بل اخذ ه فى العضل او الوريد لكبار السن

ممنوع لف العيش فى ورق جرنال معارضة وشربه وذلك عرفان بالجميل للحكومة

ممنوع اخذ اكثر من رغيفين واربع عرانيس لتطبيق حمله** الحشيش للجميع

ممنوع الاشتراك مع اى دليفرى لتوصيل العيش الا من خلال الشركة المصرية** حششها صح

شعااااااااارنا هو اظرفها صح... تعيشها صح

*******************

اييييييييييييييييييييييييييييييييييييييييييييه الله يخليكى يا حكومة

حبيبى يابو أشرف!!!!

بعد رحيل جوزية من النادى الاهلى كان معه هذا اللقاء الحصرى للقناه الاخبارية المصرية الجديدة**حود واشجينى ياواد عمى!!

كيكى:بعد رحيلك من النادى الاهلى فى اشاعات كتير طلعت عليك الى بيقول انك كنت عامل مشروع غيرات داخليه وكنت بتستغل فريقك فى الموضوع دة ويبعوها فى سوق التلات باسعار غالية جداا والى بيقول انك هتعمل شريط مع شعبولا وانكم اختلفتوا على مين الى هيقول اييييييييييية والى بيقول ان سبب رحيلك فيفى عبدة لانك طلبت تكتب اسمك قبل اسمها فى مسلسلها الجديد لامؤاخذة مش عايزة اطلق!!! استاذ جوزية الحقيقة فين؟

جوزية: صلى ع الى هيشفع فيكى الاول!!!

كيكى : عليه الصلاه والسلام

جوزيه:العين صبتنى ورب العرش نجانى!!!!

كيكي:ممممم شكل حضرتك بتخاف من الحسد ؟

جوزية: عضة اسد ولا نظرة حسد

كيكى: تفتكر اية سر فوز الاهلى علطول؟

جوزية: ياناس ياشر كفاية قر

كيكى:بعض من مشجعين الزمالك حالفين بالطلاق انك بمجرد ماهتمشى الاهلى هينزل دورى شركات؟

جوزية:الى بيته من ازاز ميحدفش الناس بالطوب

كيكى:فى خبر بيقول ان فى بعض مسئولين فى الزمالك عرضين عليك مبلغ فوق الى خماشر الف جنية عشان تدرب الزمالك؟

جوزية:ياواخد القرد على ماله يروح المال ويفضل القرد على حاله

كيكى:بذمتك ودينك ياشيخ مفكرتش فى الموضوع بسبب المبلغ الرهيب دة دول خماشر الف ياعمونا؟

جوزية:يغور اللبن من وش الجاموسة العكر

كيكى: مش ملاحظ ان كلامك هيزود كرهيتك لمشجعين الزمالك ؟

جوزية: قل لنا يصيبنا الا ماكتب الله لنا

كيكى: ناوى تعمل اية لمة تروح لمة تسافر بلدك؟

جوزية: هدرب مركز شباب البرتغال

كيكى: بعيد عن الجو الكروى انت مرتبط؟

جوزية بخجل: يعنى مكلم على واحدة

كيكى : ومستنى اية؟

جوزية: يعنى فى اختلاف على العفش

كيكى:فى اغنية او كلمة تحب تقولها ليها؟

جوزية:
من خمسة لخمسة ونص وأنا واقف بستناك.. وعينيا عليك بتبص يا حبيبي ومش لاقياك.. تديـني ميعاد في العتبة..وتجيني في باب اللوق "!!ما تطلع مرة معايا واد حلو و خفة وذوق ....يندمج جوزية فى الرقص ويطلع مطوه

كيكى: استاذ جوزية فى سؤال بيلح على الجميع وعلى انا بالذات انت متأكد انك من البرتغال اقصد انت منين بالظبط من

البرتغال؟

جوزية: شبرا البرتغاليه!!!

كيكى: حبيبى يابو أشرف!!!!

أكاد ان اصاب بسكته قلبيه.....!!!نعكشة فى كلام ليكى تحت+تحديث مخصوص لبيكر

أنا

أنااااااااااا

أناااااااااااا

عملتهااااااااا

و..................................

..................................

.........................................

.........................................

ediouiwek4j3tl5itgp0i5prfjkewgcdasehdblwedkasgyxawfhnkehg

jyuyhfytftdfterkeghkergverklvrgklhnkerfdvkfjytrt5seeeserlpoio

عذرا لن نسطتع طلبيه طلبك من فضلك حاول مرة أخرى

!!!!!!!!!!!!

..........................

............................

..............................

ن ج ح ت

*************************

نعكشة:....هقولك حاجة نفسى اقولهلك من زمان هنا عشان مش عارفة اوصلك عمتا مش هقولك متقفليش المدونة وكدة بس اعرفى ان فى ناس كان نفسها تتعرف عليكى وبتحبك عمتا انا هفتقداك جداااااااااا وياريت لو تاخدى ايميل انجى وتسبيلنا اى حاجة نطمن بيها عليكى هيوحشنى كلامك عمتا فى حفظ الله

*****************************

هع التحديث اهوا على فكرة دى حوالى رابع مرة اكتب نفس الكلام ويحصل حاجة وارجع ابتدى من تانى عااااااا المهم بقى عشان انا تعبانة اوى ودايخة لانى من الناس الى بيتعبوا اوى فى الموصلات....عارفين كنت فين من شوية؟؟؟ هااااا فى كتب كتاب احمد وهدير اه والله بجد متخفوش دة مش من اثر الدوخة ولا حاجة المهم الميعاد كان 8.5 روحت انا وماما الساعة 8 والوقت عمال يجرى وبقت الساعة تاسعة اقله ماما كل شوية تقولى يابنتى طب تعالى نسأل على القاعة يمكن يكونوا وصلوا اقولها بكل ثقة انا عاملة ابص على الجاى والى رايح وهمه لسة مجوش الوقت عمال يجرى اكتر وماما قلقت وانا عاملة ابصلها بكل ثقة وفخر متقلقيش انا عارفة انا بعمل اية كويس!!الااذا اتفاجاه انهم فوق وخلاص هيكتبوا ويمشوا روحت بصيت لماما وقولتلها مش قولتلك نروح نسأل على القاعة!!! والله انا كنت اتشيلت لو كنت تحت ومحضرتش المهم اول بقى دخلت اقعدت اصور وهاتك ياصور وفيديو وعاملة بقى اعمل حركات بالموبايل يعنى الى يشوفنى يقول اية البت المحترفة دى الى بتصور!!!! روحت بقى وشوفت الصور لقيتنى مصورة ضهر الناس ودماغتهم والسقف وخصوصا الراجل المصور بتاع الفيديو لدرجة انى شكيت انى كنت فى فرح احمد وهدير وانى فى فرح بتاع الفيديو اظاهر انى كنت معجبة بى وانا مش واخدة بالى!!!!!! قلت مش مشكلة البركة فى الفيديو الى صورته مصورة تلت دقايق وبعمل زوم وبوم واقرب وابعد واجيب فستان ديكا يعنى لدرجة انى كنت ممكن انزلة فيديو كليب من حلوته الا ايييييييييييية بقى بدورملقتش الفيديو اظاهر انى نسيت ادوس تسجيل اصلااا احم احم!!

على فكرة ياديكا انتى كونتى احلى من القمر بجد وماما قالت عليكى انك شبه سعاد حسنى ورانيا محمود يس2*1 يعنى وقولتلها ياماما وانا شبه مين راح ابن خالتى رد علطولللللللللللللل وقال عائشة الكيلانى يااااااااااه بيموتوا فيا ولاد خالتى عموما ياريت ننسى الجزئية دى..بيكر الف مبروك بجد بجد والله مالاقية كلام مبروك عليك هدير ربنا يسعدكم

ونطلع من الموضوع دة بحاجة مهمة جدااا ان اى حد عنده فرح يعزمنى علطول ومن غير تردد عشان اقوم باليله من تصوير فيديو والخ وان شاء الله قريب هنزل كروت عشان مينفعش تكون عندى الموهبه دى واخبيها عليكم وخصوصا انتوا احم احم امشى انا بقى

ومحدش يزعل منى عارفة انى مقصرة جداااااااا بس انتظرونا بعد اسبوع

عووووووووووووووووووووووووو

من البيت للمدونة ومن المدونة للبيت(أتسرررقت ياما+تحديث لسرقات اخرى+تحديث اخر للحرامية ليله

التحديث التالت ليكى تحت عشان عينكى اكيد تعبتك من كتر السرقة

من ساعه ماعرفت ان فى حاجة فى الدنيا اسمها نت كانت علاقتى بيها صباح الخير ياجارى انت فى حالك وانا فى حالى

وكنت ساعات الاقى اللمبه الخضرا الى بتشير فى نت ساعات كتير الاقيها بتغمز لى وبتندهلى!!!!

الى ان عملت مدونة وانا مليش علاقه خالص بالنت الا بالمدونةوجوجل اجيب منه صور فقط!!

وحتى مكنش متعودة دايماااااا فقررت تكون علاقتى بالنت من البيت للمدونة ومن المدونة للبيت فتحت عينى على المدونات مكنتش الاقى غير سوووووووووو ياجرعان الى دايما بيتسرق وكان فى مجنون سووووو برضه!!!

الا أن ربنا استجاب لدعائى والحمد الله صبرت ونلت وأتسررررررررررقت!!!كنت قاعدة فى امان الله لقيت تليفونى بيرررن..زكى يازكى يازكى هو فين الذكى دة..لقيت نونتى على التليفون اى يعنى ليدى بتقولى ياكيكى اعملى سيرش على جوجل واكتبى اى جملة عشوائيه من بوستاتك قالتلها اكتب عنوان البوست قالتلى لاااا بس عشان امى دعيلى كانت البوستات بتتاخد بالعنواين كماااااان يابركة دعائكى ياما ام هند وانا قولت مين اصلااااااا هياخد الى بكتبه دة اصلاااا المهم كنت بكتب اى جملة او عنوان يظهرلى اسم مدونتى هع لا اصبروا الخدعة فين بقى هتلاقى تحت فى صفحة جوجل هناك نتائج مهملة هل تريد ان تراها وماادرك اية الى هيحصل لو ضغطت!!!!!

هتلاقى كلامك بالحرف مع الناس الله يباركلهم بينشروا المواضيع بتاعتك بس يعنى عندهم زهايمر بينسوا وبيكتبوا اسميهم همه !!!!!!!!!1!!!!!!

وانا تسرق منى 6 بس اه والله كان نفسى يكون 5 عشان اقول فى عين العدو وكان فى اكتشافات عديدة أولهم بقى

ده بوست خبر عااااااااجل و التانى برضه هى هى الى سرقته الحمد الله يارب مش حد غريب يعنى وهو البوست االاخير ليه ورقه امتحاااااان وكمان الامورة كتابه الملحوظة بتاعت الكتاب الى كان ضايع منى لااااا والى عرفته دلوقتى كمان ونزلتة فى التحديث فى بوست ورقة امتحان لمة كنت بكلم عن دريم بارك بطريقة معينة وعلى البنلطون فهى سارقة دة برضة اهوا وكمان عاملة مدونة مسميهااااااا قررت اكون زلطه شوف الصدف!!!

القنبله بقى ان مشرف منتدى الحوار العام لمنتدى القصاف واخد بوست ملعون ابوكى غربه وبيستشهد بى على لسان كل مصرى وكاتب قصيدة فى اخر الموضوع وكاتب مننقول فقط على ما اظن على القصيدة وحتى لو هيبرر ويقول كاتب منقول دة بيقول على لسان80 مليون مصرى مش احنا برضة بقينا كدة ولا كام؟؟ يعنى ولاشار ولا جاب انه واخده من حته حطلى يابنى مليون علامة تعجب!!!!!!!!!!!!!!!!1!!!!!!!!!!1!!!!1!1!!1!!!!!1!!!!!!!!!!!!!

واستاذة تانية اقصد تالته واخده اختار مما يأتى؟؟ممممم شكلها اهلاوية صميمة!!!

والاستاذ الاخير المحترم واخد انتفاضه الخرفان و قسم ياعمدة قسم بس من غير صداااع اه ياعمدة اه يانى!!!

وعقب تلك السرقااااااات قررانا نحن المدونين كالاتى: انشاء جمعيه للمدونين اسمها لامؤاخذة البوست دة بتاعى

ثانيا:بعد نشر اى بوست ندلق على المدونه ميه ونكهربها

ثالثا: نجيب كلاب بلدى ونحطها على المدونة

رابعا:اى حد يشوف المدونة حتى لو معلقش يسيب بطاقته الشخصية

خامسا:الاستعانة ب ع حميد اف 16 الانسان الالى المصرى الى يعين امه سرقوه برضة بس مع اضافه خاصية الضرب ع الاقفا لكل من تسول لها نفسه ويلطش حاجة

سادسا: عمل حجاب ووضع حاجه زرقة على المدونة عشان النفس

سابعا: اى حد من اعضاء الجمعيه لى قريب شويش او عسكرى ياريته يخلى ينضم لينا عشان يعلمنا اساليب الاستجواب الصح

ثامنا: لا مفيش حاجة فى دماغى

تاسعا: لابرضه مفيش حاجة فى دماغى

عشره:يكون رئيس الجمعيه اكتر واحد اتنشل انا سته وانتوا كااااااااااااااااااام؟؟؟؟

اخر حاجة: الراعى الرسمى للجمعيه لامؤاخذة هيكون عم حتاته

*******************************

بجد مش هقول غير حسبى الله ونعم الوكيل وعلى رائ نونتى وما خفى كان افظع!!!

موضوع دريم بارك ان شاء الله ناوية اشيل ضياء الموضوع هو ضياء هيساعد اى حد ينظم اليوم اخر حاجة بقول حد ينظم موضوع دريم بارك دة وبجد محدش يطنش وانا رايحه اعمل حاملة عند خالتى سنه كدة سنتان وارجع تكونوا خلصتوا الموضوع عشااااااان عايزة اخرج ايييييية مسروقة ومن حقى اتمرجح

جااااارى سرقة البوست ...من المنتدى للبيت ومن البيت للمنتدى

!!!11!111!!!!!!!

*******************

بصى يانشاله انتى اكتر حرامية فاشلة فى حياتك حتى السرقة مش فالحة فيها طب نعملك اية احنا المدونين؟؟

نوديكى مركز شباب النشالين ولانعملك اية يعنى انا نخربت وراكى فى كذا موضوع ليكى ولقيتك زى ماتوقعتك سارقة الموضوع كالمعتاد ادمنتى الحكاية بتشمى المدونات دة الموضوع ولقيتها سارقة من mimaya

البوست د ة لا لا لا احنا عايزين ندربك بقى من جديد وهنشترك ان شاء الله احنا المدونين وهندويكى مركز شباب النشالين الجدد اتعلموها بقى جتكم القرف مليتوا البلد

ورقة امتحان+ تحديث مهم جدااااااااا الحقونى بسرررعه+تحديث تانى عشان سول

( التحديث تحت مهم جدااااا)

السؤال الاول اجبارى

****************

اولا التعبير المبعبر

**************

فى ظل وفاه حفيد الرئيس مبارك رحمه الله علق الرئيس اوباما قائل الا بذكر الله تطمئن القلوب واوصى بعمل قرص رحمه ونور واطلاق اسم مدرسة بولاية شيكاغو على اسم الفقيد رحمه الله فى ضوء ذللك

اكتب لا يقل عن 555 سطرا فقط عن العلاقات الامريكية المصريه وقوتها وقت المحن

قارن بين قصب السكر ومحسن ا لسكرى وخصائص كل منهم؟

ماهو مفهومك السياسى لفيفى عبده؟

أين يوجد ممدوح اسماعيل؟ ثم اذكر اسم صاحب العقار ورقم الشقة ورقم تليفونه الخاص؟

السؤال الثانى

************

من القائل.............؟

..أبص لروحى فجأة - لقيتنى كبرت فجأة تعبت من المفاجأه ونزلت دمعتى قوليلى ايه يا مرايتى قوليلى ايه حكايتى تكونشى دى نهايتى واخر قصتى (.....)

****

(.......)أيييييييييييييييييييييييييييييييييييييييييييييييييييييييييييييييييه

***

(....)سيد ياسيد سيد جيت احبه وسيد وسيد

ليك الواو بوس الواو خلى الواو تصح(.........)

**********

النثر والنصوص

***************

القصيد ة الشعرية العنب العنب احمر اخضر.. اختلفت عليها مدرستين

المدرسة الاولى باع ورور نسبه لصحابها بعرور

المدرسة الثانيه السعادة صغننه نسبه لصحابها سعد الصغير

وضح اوجة الاختلاف ولاى مدرسة تنتمى ثم اكمل القصيدة

********************

من قصة الكفاح من اجل العيش

**************

ذهب تامر لطابور العيش سنة 1999 فى البداية رفضت امه هذا المبدا ولكنه اغفلها فى الليل وذهب البطل ليقلى مصيره المحتوم...فى ضوء ذللك اجب

متى رجع البطل سنة2005 -2009 ولا مرجعش خالص..ماذا كان يرتدى ما اسم امه؟؟

اكتب قصة لاتقل عن سطرين عن هذا البطل التاريخى

*************

النحو

********

اعرب كلمة شنكوتى وضعها فى جملة

البانجو دة مش بتاعى والله برئ يابيه الذنب ذنب اصحابى همة الى رمونى عليه

استخرج مفعول به /مبتدا/خبر/ توكيد لفظى

********************

***بكرة عندى امتحان وكتاب المادة ضايع ادعولى امتحان زى دة يجئ بكرة**

ومحدش يزعل منى الايام ديه استنونى بس بعد الامتحانات

عااااااااااااااااااااااااااا

يااااااااااااااااااااااااااااااااااارب

*******************

التحديث**:انا عمرى فى حياتى ما طلبت منكم طلب!!بس الطلب لو هينقذ روحين هيبقى ضرورى جداا بالله عليكم يا اخواتى لتنفذوا الطلب دة للروحين دول وروح منهم بتنزف وهى اختنا فى الله همس صاحبة مدونة مصرية لكن متغاظة اند مفروسة والروح تانيه انا حيث لا اقدر ماديه فى شراء والعياذ بالله بنطلون لزوم الجهاد وهى دعوة للارض الطاهرة دريم بارك لكل الناس بس المشكله منعرفش منظم محترف ينظملنا يوم الجهاد دة يعنى اخوانى الى يقدر يتبرع بالمجهود دة له الاجر والثواب عند الله بس يحدد اليوم بعد عشر ايام نظرا لظروف اخواتنا المجاهدين فى سبيل تللك الملعونة الامتحانات اخوانى لاتنسونا من دعائكم

اختكم فى الله طاهرة كيكى شلاطة سابقا

لاتنسوا البنطلون

تحديث تانى عشان سول مفهمتش انا عايزة اية**بأختصار انا وهمس عايزين نروح دريم بارك والدعوة مفتوحة للكل بس مش لاقينا حد ينظملنا اليوم

عاااااااااااااااااااااااااااايزة اخررررررررررررررررررررررررررررررررررج

ارقع بالصوت

سيدى الرئيس

البقاء لله فى حفيد سيادتك

الهمك الله الصبر والسلوان

كما يلهمنا الله الصبر والسلوان

فى موت أبنائنا بالمئات

كل يوم

خبر عاااااااااااااااااااااااجل

فى سبق غير مسبوق أعلنت وزارة الداخليه عن اختراع اول انسان الى مصرى صميم 100%100 ..نظرا لحاله الفزع الى انتابت المواطنين جراء الحوداث الى انتشرت مؤخراحيث كان لقاء مع الاسطى زينهم العجلاتى صانع الريبوت حيث قال ...يسمى عب حميد اف 16!!1
يمكنه المشى بمفرده دون عكاز
يمكنه الرؤيه من على بعد 10 سم والشعور بالمتفجرات من على بعد 2 سم واكثر
يمكنه أخادع المجرمين حيث يستطيع ان يتنكر بينهم بان يمسك جرنال مخروم دونه ان يشعروا
مزود بأحدث الاسلحه الحديثة مطوه قرن غزال "سكينه "موس" شومه من اصل صعيدى
معه احدث صيحه فى عالم الطب أسبرى بيكا فيكا لشل حركه المجرمين يتكون من توم على بصل على ديل فار على بيرسول والعسكرى الاخضر وبعض المواد المحظورة محليا حيث يصبهم فقط بالعمى المؤقت!!1
مزود ايضا باحدث صيحه فى الاتصالات لديه عدة أركتل من نوع ابو اريل يمكنه من خلالها بعث اكثر من سبعه كلمنى شكر ومعه كارت شحن بليه ب3 جنيه منزلى فى حاله سرقه المحمول منه
لديه خبرة بجميع فنون القتال مثل شيكا على العالى وشيكا على الواطى "كهربااااااااااء " استغمايه " صلح والضرب بالنبله
يوجد به خاصية لم توجد من قبل فى اى انسان الى حيث انه يستطيع الاكل وذلك لتوفير ثمن فاتورة الكهرباء
حيث يمكنه اكل الكشرى " والفول لتنشيط ذكائه
متوافر بالاسواق بصوت بوحه وماما نونا
!!!!!!
وعقب ذلك الحدث التاريخى صرح مسئول كبير فى رئاسه الجمهوريه على الخبر وقال
لاصنع اليابااااااان ولا صنع الصين دة صنع بلدنا ومابيكسرش
طراااااااااااااااااااااااااااااااااااااااخ
*********************************
ادعوه للناس كلها ربنا يوفقها فى الامتحانات وادعولى ربنا يستر معايا فى امتحانات الاكاديميه
العاليه للقطن عشان فى كدة كذا مرتبه صعبين معايا و و و و مش عارفة اختم الجملة
!!!!!!!

خلينى كدة شويه يمكن أفك!!!

تااااااااج على ماتفرج

ممممم الواحد بقاله فتره جاله خلل فى ظبط الزوايا الى فى نفوخ..وتحس كدة المخ خلاص ريح والافكار بتطير زى العصافير وحبل الافكار اتقطع ومعيش مشابك مقاضيه!!..فى حاله العطب الفنى دة بقى الواحد يعمل ايه يحل تاج على ماتفرج....وانا حدفونى بتاج مين بقى خبطنى فى نفوخى؟؟

دينا حامد مدونة كلمات الى حد دلوقتى معرفش رقم ايميلها!!!1

!ليدى..الى حاليا مكتئبة ومضايقة ومش عايزة ترد على بعد ما استلفت التلاته الجنيه ونبى يا اخونا ادعيلوها ربنا يفك كربها وترد عليه قبل ما اصرف التلاته جنيه!!!

*********************

أيييييييييييييييييييييييييه دنيا يلا نبتدى

***** واعذرونى لو هجيب اسامى شخصيات فى البوست وهكون صريحه جداااااااااااا***

أسمك؟

عنختببقثسثشصزةنابس

المشهور بيه وسط اصحابك؟

يثقصقثسيبسئثش

سنك؟

574845

اسم مدونتك؟

لقفثقصثشص

مجال دراستك؟

غقففثقصث3سث3

الصورة الرمزية للمدونة بتعبر عن ايه؟

ييققسسشسشجح

هل فكرت في اغلاق المدونة؟ والسبب؟

ييساغفلغابفسقث

ايه رد فعلك في حد قل ادبه عليك في تعليق؟

عف6ث4ضص2هععغاهخ

عغفيفعثغف6قفييسدع73555يتاغسفقصص

لا معلش اصلى مضايقة من الموضوع دة ولازم اكلم

عغفض6قسيقفي5ث4جحخح0خ9

لا لا لا محدش يقولى اسكتى

عهعغيغ7قفص6قيث4خهع9اع9

انا هسكت بش عشانك ياعم سيكا

أسوأ مدونة؟

لا دنا هقول اسامى بقى كماااااااان

متهثغاعصف6

هسيعغاصفيلصف

عهغل7عق

هغ7غقفق5ث

والمدونة بقى دى بالذات

البفثقثصفقسي

هيحصل ايه للايميل بتاعك لما تموت؟

السؤال دة حارق دمى بشكل

تيييييييييييييييييييييييييييييييييييييت

تييييييييييييييييييييييييييييييييييييييييييييت

اديت الباسوورد لحد قبل كدة؟

ال 100 نفر بس

السفر بالنسبة لك؟

زى البتجان المقلى

المود بتاعك؟

احمر مخطط

بتعمل ايه في وقت فراغك؟

بلاش ارد على السؤال دة هتقرفوا

بلعب فى مناخيرى

الاكلة المفضلة؟

بجد مش عارفين

؟؟؟؟؟؟؟؟؟

الصفات التي ورثتها من والدك؟

غير الحول مش فاكرة

الصفات التي ورثتها من والدتك؟

لاااااااااا كتير

قف6قصغخحهت

هعافلغق5

خعهغ7عق

111111111111111

اكتر ست حاجات بتكرههم؟

رقم 6

اكتر ست حاجات بتحبهم؟

بلاش قله ادب

شخصيتك نوعها ايه؟

خائن حى لونى بنفسج

!!!!

لماذا دخلت عالم التدوين؟

والله العظيم هجوب بجد

عشاااااااااان اقرفكم

أجمل كلمة قيلت في وصف مدونتك؟

وش : بيحاول يعمل نفسه مكسوف

أهمية التعليق بالنسبة لك؟

وش: بيستهبل

احسن بوست كتبته وضع لينك ليه؟

وش: مكسل

أفضل بوست قراته وافضل مدونة؟

وش :مش واخد باله وبيستعبط اخر استعباط

الانترنت بالنسبة لك ايه؟

وسيله مواصلات غاليه

!!!!

تمرر التاج لمين؟

لتيته

انكل مسعد

خالتو بوجو

ميدو ابن خالتى

عم حتاته بتاع السيبر عشان فى طتش حصل بينا

وكل الاحباء واحب اسمع اغنيه

حط النقط على الحروف

****واتمنى بجد تكونو عرفتوا شخصيتى اكتر واكتر وانى كنت صريحة فى الاجابة**

مطلوب عروسة فوراااااااااااااا

نظرا لارتفاع نسبه العنوسه بمصر قرارت الحكومة الرشيدة بقياده د/رابسو أنشاء وزارة جديدة وهى وزارة ماتزوقينى ياماما اوام ياماما ده عريسى هيخدنى بالسلامه ياماما...واليكم بعض أعلانات الوزارة

***********************

هو:مزور محترف يخطف الكحل من العين بتاع تلات ورقات: طويل القامه شاحب البشر لدية شالية فى مارينا..يريدهالاتزيد عن 55سنة بيضاء تشارك فى النصب يفضل محاميه كى تساعده فى وقوعة فى اى مشكلة

***************************

هو:وزير لدية قضية فى المحاكم بسرطان الاكل لايزيد عمره عن77 سنة قصير القامة يمتاز بكرش يزن لوحده 25 كيلو هادئ الطباع دثم الخلق لا يدخن..يريدها فكهانيه فى سوق الخضار حتى يثبت للناس حسن نيته

***********************

هو:حرامى لديه 4 قضايا سرقة 5 تحرش6 ابتزار:مشترك فى مركز شباب الحبنية لدية عشه فى شبرا الخيمة على اعلى مستوى يمتاز ببشلة على وجه..يريدها لايتعدى نشاطها الاجرامى 9قضايا يفضل ان تكون مخلصة مراقبة عليها

*************************

هو: شحات اعور كسيح الارجل رئيس نقابة الشحاتين فى مسجد السيدة زينب ملتزم متدين هويته المفضله الدعى للناس..يريدها مطلقة وملتزمة دينيه ومعها اطفال لازوم الشحاته قدام السيده

******************************

هو: رجل اعمال هارب ب 70 مليون فقط..حج بيت الله اكثر من 4 مرات تقى يخشى الله لا يريدها الا بملابسها فقط وان تلحقه فى اقرب فرصة الى مطار قبل ان يلحق به الانتربول

********************

هو:موظف فى الميرى قصير القامة يرتدى نضارة قعر كوباية خلال اعوم سيترقى الى الدرجة الرابعه فى امكانه كل شهر ان يأتى بربع كيلو جبنة اسنطبولى وشقه بطيخة ورغيف عيش..يريدها رقاصه من محمد على ويفضل ان يشاركها بالعمل بعد الضهر..وان يكون لها شقة فى باب اللوق

*********************

ومن تمتلك هذة الصفات برجاء الاتصال على رقم

09000000000

********************

ملحوظة....ملهاش علاقة بالموضع فى فيرس بيعلق بأسم (kiki)

بكلمات غير مفهومه عموما ان سبقت وقلت الفيرس دة مش بتاعى والله برئ يابيه..الذنب ذنب اصحابى همه الى رمونى عليه ايووووووووووووووووة همه الى رمونى عليه

احم احم..الصراحه انا مش عارفه هو فيرس ولا لابس المهم

همه الى رمونىىىىىىىىىىىىىىىىى عليه

the end fokaak meny

مش عارفة ابتدى ازاى...بس لازم اكتب النهاية عارفة ان البوست دة مش متوقع خالص خصوصا انى كنت لسة بكلم اصحابى من شوية ومقلتش لحد خالص حتى القربين منى انى خلاص هبطل تدوين نهائية عشان محدش فيهم يقولى لا..معلش دة قرارى الخااااااااص واهو ادينى عديت سنة معاكم فى البوست الى فات اظن كفاية اوى كدة...واتمنى قبل ما امشى ميكنوش حد زعل منى فى اى يوم والى زعل بجد انا اسفة..ولو كنتوا رسمين لى شخصية فى دماغكم ومطلعتش كدة ..معلش برضة هى دى اناااااااا

وانا مش هقفل المدونة زى الى بيعملوا لا انا هخيلها

***ولكل شئ نهاية...وادى النهااااااااااااااية***

معلش مش قادرة استمر اكتر من كدة

هتوحشونى اوى

the end

أنا وكيكى..وبوست لابد منه

تحذير هام جداا قبل قراء هذا البوست:هذا البوست يحتوى على درجة كبيرة من النحس نظرا لبعض الحوادث الى حالت دون نزوله وقد يحتوى ايضا لبعض الجنوووووون فأذا حدث لك عزيزى المشاهد اى شئ عقب مشاهدته مثل:أنفجار شاشه الكمبيوتر، انقطاع النت لفتره لا يعلمها الا الله،تنزل ولامؤاخذة بالكرسى عند الجيران،تجنن وتغنى أنا مش عارفنى!!1.....فهذة مسؤليتك أاانت
مصمم برضه

مبلااااااااااااااااااااش

أنت الجانى على نفسك

أنا : أحم احم هو مين فين الى هيكتب البوست دة؟؟

كيكى:أنا طبعاااااااااا انتى عبيطة

أنا: بس انا نفسى مرة اكلم بشخصيتى من غير طولة لسان وعووو وبخ والفيلم الرعب ده ومن غير هزاار

كيكى:نحمممممممممممممم ياختى تقصدى اية ان شاء الله

أنا: لا لا حضرتك مقصدش اية حاجة

كيكى:بحسب يا ختى وكمان انتى تكلمى لية اساسا انتى بت كئيبة ورخمة ودمك تقيل وكوبة تصدقى يابت انتى عمرك مانزلتينى من زور

أنا: مانتى طول عمرك مؤدبه وعلى فكرة انتى من غيرى ولا حاجة لانك حرامية وبتسرقى افكارى

كيكى وبترفع مطوه:سرقة مين يابت ماتلمى الدور وتخشى على تتفرجى احسن على مسلسل سنوات الضياع بدلا ما اضيعك انا

انا: احم احم حاضر حاضر طب نقسم البلد نصين وابتدى انتى ويلااااااااا ابتدى رغىىىى عشان احنا شكلنا أفورنا

مش قلتلك من الاول مابلاش لسة برضة مصمم تكمل؟؟؟

1

2

3

عووووووووووووووووووووووووووو

بيب بيب بيب بيب بيب بيب

عدت سنة وشهر وساعتان واربع ثوانى وانا معكم اة والله انا عارفكم انكم مش مصدقين نفسكم من الفرحه البوست دة كنت بحلم بى من زماااااان اوى ولمه جاة وقته فرحته راحت من جوة قلبى لانى وقتها حصل طتش بينى وبين واحدة غالية اوى عندى او ممكن نقول هى أمى أو ممكن نكشف على اول حرف من اسمها ونقول ماما مى

سامعة واحد ذكى بيسأل هى مين؟؟

أنا هجيب من الاخر واقول من فترة لقيت فى مدونة المدونخانة الى لحد دلوقتى بكتب الاسم ومش عارفة اقرء اسم المدونة!!! بتسأل سوال لو لم تكن مدونا لوددت ان تكون؟؟؟ا وكان ردى عليها كالاتى مع أضافت بعض الاجوبة الى جت على بالى دلوقتى:

لو لم اكن مدونا لكنت فى جمعية الوفاءولامل

لو لم اكن مدونا لكنت من الناس المجنونة الى لابسه شوال فى الشارع وبتجرى وراكم

لكنت من المسجلين خطر ومطلوب القبض عليا حيه او ميته

لكنت فى قبرى مع اعمالى السودة

لكنت بشحت قدام محطة مصر

لكنت غنيت اغنية بوس الواو

لكنت ببيع منديل على كوبرى امبابة

لكنت رقاصة باليه!!

لكنت امينة مركز شباب المشابك

لكنت مرات طارق..بتاع كشرى ابو طارق

****كنت هنسى اقول ان اكتر بوست محبب ليا شخصيا ونسيت انى ام ابراهيم رغم ان كتير وقتها فى التعليقات مفهموش انا اقصد اية بس بحببببببببببببه جدااااااااااااااا بس خلاص مفيش حاجة تانى بحبها فى مدونتى

وبيب بيب بيب بيب ورقصنى ياجدع على واحدة ونص

ولولولوولولولىىىىىىىىىىىىىىىىىىى

************************

1

2

3

من غير عوووووووووو

أحم احم..انا انا واحدة عادية خالص ممكن تكون قبلتها فى مرة ومعلقتش فى دماغك خالص واحدة كدة لو شوفتها اول مرة تقول يااااة اية السم دة بت كوبة ومش بتكلم خالص وهادية لدرجة الموت أحيانا... كنت زمان بشوف مصطفى اربعة وعشرين ساعة على النت وعلى حاجة اسمها مدونة!!..مكنتش فاهمة اية دة ويعنى اية مرة لقيت نفسى بقعد وبخش على مدونات كان فكرها عالى اوى وعجبنى الموضوع وكتبت قصة وقتها حسيت محدش جاه فى عصرى ولا زمانى وقولت هيييييييييييييية عملت قصة...وقاعدت فترة طويلة اوى ازن على مصطفى لحد ما عملها ليا ونشرت القصة اليتيمة واتنشرت هاااااااا وبعدين................؟؟ معرفش هكتب الى جاى ايه طب انا هعمل اية بعد كدة؟ نسيت كل دة لمة شوفت اول تعليق مقدرش اقولكم قد اية فرحت اقولكم سر انا يومها منمتش وفكرت انا مصطفى هو الى معلق عشان يبسطنى..وبعد كدة لقيت نفسى بكتب وبكتب ولمة اتعرفت شوية خفت وقلت هقفلها اة والله قلت كدة جالى احساس رهيب بالخوف

كيكى:ياريت نخلص مش لوك لوك...يعنى هايهم الناس انك كنتى هتغورى اخلصى الراجل الوحيد الى بيقراء معانا قرب يرفع الرايا انا غلطان اساسا انى خليتك تكلمى والمصحف مفيش عشاء النهاردة

المهم كنت دايما بشوف فى بريد لاهرام يوم الجمعة ان كل علاقة كان فيها النت كانت دايما تحصل مصيبة ولاناس الى تعرف بعض فيها لازم تكون نهايتهم...على ما اظن انتم عارفين

لكن مكنتش اتخيل فى يوم انى اعرف احسن ناس بجد ناس بجد بقوا اخواتى وحياه ربنا بجد الى منهم بقت امى ولا بقت انتيختى ولا بقت صاحبتى اوى اوى ولا بقى اخويا وصاحبى....ورغم بعد المسافات بينا الا تلاقينا فاهمين بعض..عمرى ما كنت اصدق انى الاقى ناس تشبهنى فى الصفات والملامح كمان بس همه على ارفع طبعا!!!

أقولكم سر مصطفى قالى: انا لو كنت اعرف ان المدونة هتخليكى بالشكل دة كنت عملتهلك من زمااااااااان..يقصد حالتى النفسية

)عارفين انتوا بقيتوا اية بالنسبالى(

!!!!!!

عارفين انا هعيط دلوقتى ....عارفين انا بحبكم قد اية؟؟

أمضاء البت الرخمة الى فى الحقيقة

*********************

كيكى: امسحى دموعك يا امال خدى كلانيكس اهوا الهى يطمر

انا:تعرفى رغم اسلوبك بهت عليه فى الحقيقة طولة لسانك وانا مبحبش كدة خالص بس بحبك اوى

كيكى: تعرفى انتى بعد البوست دة حاسة كل الناس الى تعرفنى هتمسح رقم تليفونى والميل ومدونتى وينسوا انهم يعرفوا واحدة زى تفتكرى انا لية حاسة الاحساس دة وحاسة انهم هيستخدموا دى..تفتكرى لية؟؟

!!1!!!!!!

**fokaak meny**

عوووووووووووووووووووووووووووو

مفيش فااااايدة

ملحوظة تخينة وبتعمل رجيم: على فكرة انتم وحشتونى اوى اوى ولمة ارجعلكم انا مستحلفلكم على فكرة وش ناوى يعمل عملية اجرامية وزعلان ام هند بقى انا كنت ناوية امبارح انزل ببوست عن عيد الام بس لمة قريت الجرنال اول امبارح قلت لااااااااااااا مش ممكن الى بيحصل دة ومش مشكلة ابقى انزله بعدين...خلصت الملحوظة الى عاملة رجيم

*************************************
مفيش فااااااااااااااااايدة
***************************
فى أحدى مستودعات الانابيب كان يقام عزاء المعلم سيكا سلكة الخشن وكان رجالتة مرفعين كل الحاضرين فى العزاء وبيقلبوهم
سكسكة ابن المعلم سيكا سلكة الخشن: اهى اهى اهى كان نفسة قبل ما يموت يشوفنى مجرم لى مستقبل عتيد فى الاجرام اهى اهى اهى
رجالة المعلم:متعملش فى نفسك كدة اومال احنا نعمل اية دة كان معلمناالروحى فى الاجرام هو الى لمنا من مركز شباب الشسيشة وعلمنا ان دة غلط ودخلنا مركز شباب الحشيش وهو اول واحد قال من لايملك حشيشوا لا يستحق ان يملك مطوته..كان هو اول رائد فضاء مصرى يزرع السطح بانجو.. فى عهدة كانت مصر المصدر الاول لسلك الموعين اختاروا فى موسعة الاجرام العالمية انة اكتر حد اثر فى شباب مصر وخد جايزة روبل العالمية اتقبض علية اكتر من الف مرة اتحكم عليه بالاعدام اربع مرات واتنفذ فى الحكم مرتان وهرب برضه قوم دة انت ابن البطل ولازم تعمل عملية كبيرة تخوف بيها ولاد ابو اسماعيل عشان طمعنين فى الحكم
اتفقوا الابطال انهم يسرقوا حاجة تاريخية عشان الكل يكلم عنهم ويعملهم الف حساب خصوصا ولاد ابو اسماعيل
سكسكة: احنا هنسرق متحف محمد على
الرجاله :اشمعنى يارئيس..........
سكسكة:عشان دة اقرب واحد لينا يا بهايم وكمان لو اختارنا حته ابعد شوف اقل ميكروباص هياخد منا كاااام؟ هنعمل العملية فى عز الضهر والى هيحل حلقة كرومبو النهاردة هيبقى دراعى اليمين
**صباح يوم العملية ساعة الصفر بدات**
الرجاله:دة مفيش حد خالص يا معلم هو النهاردة الجمعة ولا اية؟ ميكنوش قفلين نيجئ وقت تانى
سكسكة:لاتانى ولا تالت هو النهاردة اليوم الوحيد الى انا فاضى فى معنديش وقت غير النهاردة لسة ورايا حلقات كتير لكرومبو عايز احلها
سكسكة:هاتوا يلا التسع لوح دول....
الرجاله: اشمعنى رقم تسع يا معلم
سكسة:اصل دة اليوم الى اتولد فى...يلا طلعوا الشنط عشان تحطوا الوح فيها اوعوا تكونوا جبتوا شنط نيلون واسترخصتوا انا عارفكم
*****لموا الوح وقبل ما يمشوا****
يلا يارجاله نصور صورة جماعية قدام اول عملية بعملها معاكوا راح كل واحد عمل قرنين للى جنبه...نسمع موسيقى شمس الزناتى
يلا حطلهم الصورة مكان اللوحات عشان يعرفونة ويقبضوا علينا على طول وبعد كدة نتشهر
**حطوا الصورة وحطوا ورقة كتابين فيها: ايوة احنا الى سرقناالوح دى وامشى مع الاتجاهات عشان تعرفوا توصل علطول لينا ولو معرفتش السكة اتصل على رقم8996666
***بعد مرور اربع شهور اكتشفوا السرقة وتابع سكسة الجرايد عشان يعرف مدى صدى عمليته**
الاهرام:أعلن وزير الثقافة ان لاقيمة للوحات
الجمهورية: امينة متحف محمد على تقول قوة خفية وراء اختفاء اللوحات
المساء:الداخليةتطلب من المواطنين الدعاء لهم فى صلاء الفجر لعل الله ييسر لهم ويقبضون على المجرمين لانهم لم يجدوا اى اثر
الاهرام طبعة ثانية:اعلن الوزير رابسو ان كل هذا ادعاءت على امن الوطن ولا وجود من الصحة لمتحف لمحمد على فى مصر اساسا وبيقول للناس اتقوا ربنا دة انا عندى ولايا
سكسكة:ينهار ويردد بهسترية مفيش فايدة مفيش فايده ويصاب بسكته قلبية واوصى قبل موته برجوع المسروقات الى المتحف ***وتم ذلك**
الاهرام ثانى يوم طبعة اولى****نشكر عين الامن الساهرة لجهودهم الجبارة للقبض على المتهمين وهم يحاولون تهريب اللوحات الى دمياط وتم بحمد الله اعادة اللوحات الى امكانهم ونشكر سيادة الرئيس لتوجيهاته الرائده
كانت معكم من خلف الاحداث كيكى شلاطة من سيبر عم حتاته***